fríggjadagur 29. oktober 2010síða 8

Fríggjadagur 29. oktober 2010 · Nr. 152 8 Sosialurin Leo Poulsen Fitt av fólki høvdu leitað sær inn í hølini hjá Skyn fríggjadagin, har móttøka var fyri Jón Simonsen í sambandi við, at hann tók við sum stjóri í meklarafyri­ tøkuni hjá BankNordik 1. oktober. Jón Simonsen kom frá kappingarneytanum hjá Skyn, og hevur starvast inn­ an vinnuna í eini tíggju ár. Nýggi stjórin er eisini kendur frá ítróttaheiminum og hevur millum annað staðið á odda fyri besta liðnum hjá ÍF í Vod a fone deild ini. Jón Simonsen er fugl­ fir ðingur og koyrir ímill um heimbygdina og arbeiðs­ plássið. Á móttøkuni nýtti stjórin í BankNordik, Suni Schwartz Jacobsen, høvi at siga nøkur orð. Leo Poulsen Árið í ár er lívfrøðiligt marg­ feldis ár, og í tí sambandi eru allir borgarstjórar í Før oy­ um útróptir til verjar hjá ymiskum fugla­ og fiska­ sløg um. Og sum rímiligt er fall tað Heðin Mortensen í lut at gerast verji hjá drunn­ hvítanum. Nólsoy er í Havnar komm­ unu, og í oynni finst heimsins størsta koloni av drunnhvíta, og nú borgarstjórin í Havn er vorðin verji hjá drunn­ hvít anum, ætlar hann sær at gera nakað við málið. ­ Vit hava nú sett skelti upp á Klivum, har fólk koma í land av Ternuni, har greitt verður frá um drunnhvítan, sigur Heðin Mortensen. Hann heldur tað hava stóran týdning, at fólk vanda sær um, tá tey fara í hagan, og ikki tveita líkt og ólíkt eftir sær. Eitt annað, sum borgar­ stjórin tekur í allarstørsta álvara er, at rottur ikki sleppa út í oynna. ­ Tað ringasta, sum kann henda fyri drunnhvítan og fyri fuglin í síni heild, er um rotta kemur í oynna. Og teir, sum kenna til rottu siga, at er hon fyrst komin í oynna, slepst ikki av við hana aftur, sigur Heðin Mortensen. Borgarstjórin heitir tí á fyrst og fremst heilsølur og aðrar veitarar av vøru av ymsum slag til Nólsoyar um at ansa stak væl eftir, so rotta ikki sníkir seg millum vøruna, og so sjálvandi eis­ ini á Strandferðsluna um somu leiðis at halda eyga við flutninginum, so rotta ikki kemur í oynna. Staðfestast Fyrr í ár ljóðaði annars, at far vegur eftir ráttu var stað­ festur, men hóast nógvar fell ur og drúgvar kanningar fekst ongantíð heilt greiða á, um rotta veruliga var komin í oynna. Ongantíð sást hon og ong­ antíð fekst við vissu staðfest um talan var um rottu ella ikki. Men nú skal so finnast út av hesum. ­ Vit hava fingið eitt elek­ tron iskt tól, sum við hita­ søkjan og rystingum skal stað festa, um rotta er í oynni ella ikki, sigur Heðin Morten­ sen. Hann sigur, at nú Tern an er farin at sigla um Nóls­ oyarfjørð, er vandin fyri at rotta ótilvitað kemur út í oynna munandi størri, enn tá Ritan sigldi. ­ Nú tað ber til at koyra í land í Nólsoy er neyðugt, at fólk eru sera varin, so tey ikki flyta rottu til Nólsoyar av óvart, sigur Heðin Morten­ sen. Nólsoy er annars ein av fáu oyggjunum, har rotta ikki livir. Skjót sigling Nólsoy er ein av trimum økjum, sum er í uppskoti at gerast eitt sonevnt Ramsa­ øki. Hetta eru økir, sum verða friðað í einum altjóða høpi. Fundur hevur fyri stuttum verið í Føroyum, sum í ár er komið upp í Ramsa sam­ starvið. ­ Hetta hevur sjálvandi eisini týdning, men tað er í kapasitetinum sum verji hjá drunnhvítanum, at eg fyrst og fremst taki hesi stigini, til tess at verja fuglalívið í Nólsoy, sigur Heðin Morten­ sen. Og eitt, sum er til stóran bága fyri alt fuglalív í oynni, er bátarnir, sum við 30­40 míla ferð fresa tætt framvið landi, ofta heilt inn í klettin. ­ Har ætla vit fyrst og fremst at tosa við fólkini, sum hava við ferðavinnu at gera, og eg ivist onga løtu í, at vit finna eina loysn, sum báðir partar kunnu liva við, sigur Heðin Mortensen. Hann sigur, at skulu bátarnir sigla so skjótt, má tað verða við einari ávísari fjarðstøðu úr landi, og skulu teir inn í ymsar holur, má tað gerast við hampiligari ferð, so hetta ikki órógvar fuglin. ­ Ber ikki til at tosa seg til rættis, so má lands stýris­ kvinnan upp í leikin og lóg­ geva á økinum, sigur Heðin Mortesen. SEV sóknast eftir einum dugnaligum maskinmeistara at byrja skjótast til ber á elverkinum á Strond í Klaksvík. Elverkið á Strond hevur um hendi rakstur og hald av sjálvum elverkinum á Strond, viðlíkahald av mobilaggregatum eins og viðlíkahald av teimum fimm smáverkunum á Fugloynni, í Mykinesi, á Skúvoynni, í Koltri og á Stóru Dímun, ið til- samans hava 14 framleiðslueindir. Hartil eru 3 eykaverk, sum eisini hoyra til starvsøkið. Á elverkinum á Strond starvast í løtuni 2 fólk umframt verkmeistaran. Starvið Tann, ið settur verður, verður settur í fast starv hjá SEV og fer fyrst og fremt at arbeiða á elverkinum við Strond, og út frá hesum arbeiðisstaði til hini elverkini eftir tørvi. Talan er fyrst og fremst um dagarbeiði, men talan kann blíva um nakað av vaktararbeiði uttanfyri vanliga arbeiðstíð. Førleikakrøv Tú hevur fulla maskinmeistaraútbúgving, t.e. víðkað maskinmeistaraprógv ella 3 ára maskinmeistaraskúlaprógv. Tað er ein fyrimunur, at tú hevur royndir á økinum ella á líknandi øki. Løn Starvið er lønt sambært sáttmála millum SEV og Maskin- meistarafelagið. Starvið er flokkað í lønarflokki 12. Byrjunar- og endalønin í 12. lønarflokki er í løtuni netto ávikavíst kr. 28.686,33 og kr. 29.898,81 um mánaðin. Harafturat verður goldið í eftirlønargjaldi tilsamans ávikavíst kr. 3.872,65 og kr. 4.036,34 um mánaðin. Lønin verður ásett eftir starvsaldri frammanundan, sum verður roknaður frá próvtøkudegnum, men er treytaður av fakliga viðkomandi arbeiði síðani tá. Umsóknir Vinaliga send umsókn saman við prógvum og møguligum ummælum til Elfelagið SEV, Postrúm 319, 110 Tórshavn. Umsóknarfreistin er mikudagin 10. november 2010. Meiri fæst at vita um starvið við at venda sær til Hans Jákup Petersen, verksmeistara ella til Anders Nedergaard-Hansen, leiðara á Framleiðsludeildini, báðir á telefon nr. 346800. Vil verja drunnhvítan Tórshavnar kommuna tekur nú stig til at verja um drunn hvítan í Nólsoy og um fuglalívið í oynni sum heild. Eisini skal endaliga stað­ festast, um rotta er komin í oynna Hesum skelti møta øll ferðafólk, sum koma í land av Ternuni í Nólsoy Mynd: Leo Poulsen Móttøka fyri Jón Seinasta fríggjadag var mót­ tøka í sambandi við, at Jón Simon sen tók við starv inum sum stjóri á Skyn 1. oktober Suni Schwartz Jacobsen segði nøkur orð á móttøkuni, vend móti Jón Simonsen Mynd: Jens Kristian Vang