fríggjadagur 29. oktober 2010síða 5

nr. 152 · 29. oktober 2010 5 VIKUSKIFTI BodyBuilding Óli Jákup Jacobsen post@sosialurin.fo Tórstein Madsen er 22 ára gamal og gongur á handilsskúla, har hann nú farin í 2. HH. Hóast so at siga eingin siðvenja hevur verið í Føroyum við­ víkjandi bodybuilding, hevur Tórstein meira ella minni tey síðstu fýra árini lagt fulkomiliga um upp á sítt lív fyri at liva dreymin hjá sær út: At verða bodybuildari. Og hann hevur framvegis langan tein fyri framman fyri at náa málinum, sum hann hevur sett sær. – Uttan bodybuilding hevði lívið hjá mær verið ótrúliga tómt. Body­ buildingin ávirkar alt – og eg meini alt – sum eg eri og geri, og eg hugsi so at siga alla tíðina um tað, sigur Tórstein Madsen. – Hetta er ikki ein ítróttur, har man trenar ein tíma um dagin og so fer heim at slappa av. Nei, hetta er ein totalur lívsstílur, sum krevur alt av tær, um tú ætlar tær langt. – Hjá nógvum bodybuildarum tekur tað yvir tíggju ár við strangari disiplin at náa sínum fulla potentiali, sigur Tórstein, ið er uppsettur at brúka tey næstu 10­15 árini upp á at venja kroppin hjá sær. Bodybuilding er ikki vektlyfting Nógv blanda millum bodybuilding og vektlyfting. Hóast tey líkjast, so er tað als ikki tað sama. – Veklyfting snýr seg snøgt sagt um at verða sterkur: Lyfta mest, lyfta oftast, renna skjótast og líkn­ andi. Bodybuilding snýr seg »bara« um at hava ein flottan kropp, har ein sjálvsagt nýtir vektir fyri at upp­ byggja vøddarnar. Við øðrum orðum er bodybuilding, tá menn standa í undir buksum á einum palli og vísa seg fyri einum dómara, sigur Tórstein flennandi. – Fyri nógv er eingin munur á monn unum uppi á pallinum, men tað er tað í bæði mínum og dómarans eygum. Eitt kriterii er til dømis, hvussu markeraðir menninir eru, sum merkir, hvussu væl man sær vøddastrukturin í kroppinum. Støddin á kroppinum er eitt annað kriterii, har tað sjálvsagt snýr seg um at vera so stórur sum gjørligt. – Men tað nyttar ikki nakað at bara vera stórur, um man ikki er pro­ portio nalur. Tí er tað týdn ingar mikið, at man er javnt stórur. Sum tað síðsta so skal man duga at vísa seg fram. Ná ja, so er tað eisini ein fyrimunur at hava eina lítla miðu, so man sær herða breiðari út, men tað kann man ikki gera nakað við, so tað hugsi eg ikki nakað serligt um, sigur Tórstein. Drekka eitt glas av vatni um dagin Bodybuildarar býta venjingina upp í tvey: Off­season og on­season. Í off­ season tekur man nógva vekt uppá fyri at blíva stórur, meðan í on­season roynir man at tapa seg, so vøddarnir blíva sjónligari. – Fyri at fáa vøddarnar ordiliga sjón ligar, er man somuleiðis noydd­ ur til at dehydrera kroppin. Dehy­ dreringin tekur eina viku, og tað verður gjørt beint áðrenn eina kapp­ ing. Hóast eg ikki skal til eina kapping í fyrsta lagi fyrr enn í 2011, so fari eg at royna at dehydrera meg skjótt. Í stuttum fari eg tá at drekka eina rúgvu av vatni teir tríggjar fyrstu dagar nar fyri at fáa kroppin til at pissa nógv. Teir síðstu fýra skal eg so drekka minimalt. Tann síðsta dagin skal eg ikki drekka meira enn eitt glas av vatni allan dagin. Tað verður ófati­ liga hart, men soleiðis má tað bara vera, sigur Tórstein. Hann hevur altíð havt áhuga fyri at venja og brúka kroppin hjá sær. Sum 11 ára gamal byrjaði hann at venja karate, og tað dámdi honum sera væl. – Men eina ferð eg var til eina karate kapping í Danmark sum 16­17 ára gamal, føldi eg knappliga eina pínu í knø unum. Tað var so ræðuligt, at eg næstan ikki fekk gingið. Onkuntíð var tað so ræðuligt, at eg ikki fekk sovið. – Eg var heilt ótrúliga keddur av hesum, tí hetta gjørdi, at eg mátti gevast við mínum karate, sum mær 22 ára gamli TÓrsTein Madsen av argjum byggir kroppin hjá sær og hevur sett sær nÓgvu næstu árini av til at liva sum bodybuildari. TÓrsTein greiðir í hesi saMrøðu frá, hvussu tað er at blenda høsnarunga og tunfisk til MálTíðir, um at hava so ilT, at mamman mátti skera breyð fyri hann, og um at leggja alT sítt lív um fyri at røkka sínum Máli TórsTein livir fyri kroppin Bodybuilding er tá menn standa í undir buksum á einum palli og vísa seg fyri einum dómara Mynd: Álvur HaraldSen