mikudagur 3. november 2010síða 30

Mikudagur 3. november 2010 · Nr. 154 30 Sosialurin Oyggjablaðið Vilmund Jacobsen Tá vinnustevnan FaroExpo var í Runavík, hevði Fiskaaling, sum hevði bás á stevnuni, vitjan av norðmanninum, Thoralf Solberg, sum starvast á marknaðardeildini hjá stóra norska kynbótafelagnum, SalmoBreed. Fiskaaling og SalmoBreed hava fyrr í heyst skrivað undir sam­ arbeiðsavtalu, har norska kyn bóta­ felagið skal veita Fiskaaling útvald rogn, ið eru kynbøtt eftir teimum ynskjum, sum føroyska alivinnan hevur. Avtalan, sum fyribils verður gald andi í fýra ár, merkir, at Fiska­ aling fer at klekja rognini við Áir, og síðan verður yngulin aldur til lív fisk á lívfiskastøðini í Skopun, til hesin verður strokin, og rognini seld – fyrst og fremst til føroysku alivinnuna. Føroyskir alarar kunnu soleiðis vænta sær fyrstu rognini úr hesum samstarvi á heysti í 2014. Trygg heilsustøða Bæði Fiskaaling og SalmoBreed eru spent upp á hetta samstarv, sum feløgini meta fer at geva báðum pørtum – og føroysku alivinnuni ­ nakað. Kristian Petersen, stjóri í Fiska­ aling og Thoralf Solberg á markn­ aðardeildini hjá SalmoBreed, siga, at samarbeiðsavtalan fer at tryggja føroyskum alarum tilgongd til fremsta kynbótaarbeiði í heiminum, samstundis sum øll framleiðslan frá eygarogni fram til strúking fer fram á landi í Føroyum. – Hetta skal verða við til at tryggja góðu heilsustøðuna, sum føroyska alivinnan hevur í dag, siga teir báðir. Á vitjanini í Føroyum var Thoralf Solberg ein túr í Skopun og vitjaði á Lívfiskastøðina har, og hann var eisini á Fiskaaling. – Eg haldi, at hann var væl nøgdur við tað, sum hann sá, sigur Kristian Petersen. Hyggja frameftir Leingi hevur verið ógreitt, hvør lagnan hjá Lívfiskastøðini í Skopun fór at verða. Á støðini gongur lívfiskur, men seinnu árini hevur einki verið gjørt við veruligt kynbótaarbeiði, sum er rættiliga kostnaðarmikið virksemi, ið stór kynbótafeløg uttanlands brúka nógvar miljónir upp á um árið. Føroyskir alarar hava tó verið óførir at keypt føroysk rogn, og enn í dag hevur Fiskaaling ein markn­ aðarpart í Føroyum, sum liggur oman fyri 50%. Eitt av málunum við sam­ arbeiðs avtaluni millum Fiska aling og SalmoBreed er, at markn aðar­ parturin í Føroyum skal styrkjast enn meiri, eins og feløgini upp á longri sikt hugsa um útflutning av rognum til onnur lond. Geva inntøkur Kristian Petersen, stjóri í Fiskaaling, sigur, at rognini, sum føroysku alararnir fáa um eini trý ár, verða rogn, sum tá hava verið undir eftir­ liti alla tíðina. Fiskaaling sær inn­ tøkur í laksarognum ALING – Vit á Fiskaaling eru nøgd, um framleiðslan av rognum kann fáast at hvíla í sær sjálvari. Tað er í fyrsta lagi føroyska alivinnan, sum er í okkara huga, men vit hugsa eisini um at selja rogn av landinum til útlendskar laksaframleiðarar, og tá kann talan gerast um eina veruliga forrætning, sigur stjórin í Fiskaaling, Kristian Petersen Thoralf Solberg, sum starvast á marknaðardeildini hjá SalmoBreed og stjórin í Fiskaaling, Kristian Petersen Mynd: Vilmund Jacobsen ... Fiskaaling og Salmo­ Breed eru spent upp á nýggja sam starvið, sum fe­ løg ini meta fer at geva báð­ um pørtum – og føroysku alivinnuni ­ nakað...