mánadagur 8. november 2010síða 16

Mánadagur 8. november · Nr. 156 16 Sosialurin Hann vil steðga grindadrápi GRINDADRÁP Umhvørvisstríðsmaður, sum í fjør sigldi á eitt hvalaveiðiskip og hevur sitið fýra mánaðir í fongsli í Japan, skal nú til Føroya at stríðast ímóti grindadrápi. Eyðun Klakstein Føroyar fáa nú ein nýggjan umhvørvisstríðsmann at stríð ast við. 45 ára gamli Pete Bethune er ættaður úr New Zealandi, og hann gjørdist víðagitin, tá ið hann í fjør rendi sítt skip á eitt japansk hvalaveiðiskip í Suð urhøvum. Skipið hjá Bethune, Ady Gil, sakk eft­ ir saman stoyt in, meðan ja­ panska hvala veiði skipið slapp við minni skaða. Nakrar vikur seinni fór Pete Bethune umborð á sama japanska hvalaveiðiskip, tí hann vildi handtaka skiparan. Bethune legði japanska skip­ aran undir drápsroynd, og hann vildi krevja 20 milliónir krónur í endurgjaldi frá hon­ um fyri at hava søkt Ady Gil. Men endin var, at Pete Bethune var tikin og send­ ur til Japans, har hann sat 4 mánaðir í fongsli fyri til burð­ in. Ætlar sær til Føroya Nú er Pete Bethune í holt við at skaffa sær fígging til nýtt umhvørvisskip, og hann ætlar sær ikki aftur í suðurhøv at stríðast. Nú skal kósin setast í ein norðan, tí hann vil steðga føroyska grindadrápinum. – Eg ætli mær at gera vart við árliga grindadrápið í Før ­ oy um, og harvið økja um altjóða trýstið at fáa grinda­ drápið steðgað, sigur Pete Bethune við new zealandska heimasíðuna Stuff. Pete Bethune hevur sam­ starvað við Sea Shepherd, men fyri einum mánaði síðani kvetti hann alt samband við felagsskapin. Hann legði leið aran í Sea Shepherd, Paul Wat son, undir at verða óreiði­ ligan og fyri at hava fingið seg at søkkja Ady Gil við vilja fyri at fáa um talu í fjølmiðlunum. Hann vildi tí ikki halda fram at samstarva við Paul Watson, men ætlar sær at fáa sær sítt egna umhvørvisskip. Og tað skipið skal til Føroya at stríðast. eydun@sosialurin.fo Navn: Peter James Bethune Aldur: 45 ár Heimland: New Zealand Útbúgving: Verkfrøðingur Starv: Skipari Fakta STRÍÐSMAÐUR – Eg ætli mær at gera vart við árliga grindadrápið í Føroyum, og harvið økja um altjóða trýstið at fáa grindadrápið steðgað, sigur Pete Bethune ADY GIL Pete Bethune rendi skipið hjá sær, Ady Gil, á eitt japanskt hvalaveiðiskip í fjør. Ady Gill sakk eftir samanstoytin