mikudagur 24. november 2010síða 22

Mikudagur 24. november 2010 · Nr. 163 22 Sosialurin Oyggjablaðið Vilmund Jacobsen Borgarstjórin í Eiðis kommunu, Rólant Poulsen, dugir at taka til, og tá vit hittu hann í telefonini seint týskvøldið, helt hann fyri, at størstu arbeiðsplássini á Eiði eru at ansa børnum og gomlum. – Tíverri, legði hann aftrat. Men borgarstjórin kann sam­ stundis fegnast um, at karmarnir um vinnulív í kommununi eru góð­ ir, eins og umstøðurnar hjá børn­ um við nýggjum barnagarði, eldra­ sambýli og góðum umstøðum við skúla og ítróttarhøll eru teir bestu, ið hugsast kunnu. Lítið fiskaarbeiði Rólant Poulsen harmast um, at meiri virksemi ikki er á Norðís Sea­ food, sum gjøgnum mong ár hevur verið tað stóra arbeiðsplássið í bygdini. – Her hevur rættiliga lítið arbeiði verið í longri tíð, men vit kunnu bara vóna, at lív fer at koma í aftur. Borgarstjóranum kunnugt eru arbeiðsfólkini á Norðís Seafood framvegis í starvi og so leingi, tey ikki eru uppsøgd, er vón um, at meiri virksemi aftur verður á virk­ inum. – Vit hava eisini Bátafisk, har ungir menn arbeiða akkord. Tað er serliga útróðrarfiskur, sum verður keyptur, men tá lítil útróðrarfiskur er, verður viðhvørt annar fiskur keyptur á uppboðssølu. Sum skilst á borgarstjóranum, verður útróðrarfiskur pakkaður á Bátafisk, sum síðan verður út­ fluttur feskur. – Bátafisk virkar soleiðis sum ein ventilur, ið kann verða við til at uppihalda einum marknaðarprísi á fiski í Føroyum. Annað virksemi Rólant Poulsen sigur, at á havna­ lagnum er eisini virkið, sum tekur ímóti fráfalli hjá laksa­ kryvjivirkinum. – Hetta er eitt virkið, sum laksa­ framleiðarar eiga, og sum virkar fráfall og deyðan alifisk til lýsi. Hann sigur, at í minsta lagi eina­ ferð um mánaðin kemur farmaskip eftir lýsi, sum verður pumpað av virkinum og í tangar umborð á skipinum. – Vanliga eru tað norsk skip, sum koma eftir lýsinum, men onkuntíð hevur onkur russari eisini verið á Eiði. Hetta eru skip, sum liggja um einar 100 metrar og taka eini 1000­ 1200 tons, leggur hann aftrat. Rólant sigur, at slík aftur vend­ andi vitjan gevur kommununi nak­ að av inntøkum í vøru­ og havna­ gjaldi. Á havnalagnum á Eiði er eis­ ini virkið, ið eitt nú virkar úr skræðu, sum verður brúkt í heili­ vágsídnaðinum. – Vit vita ikki nógv um hetta virksemi, men sum vit hava skilt, er her talan um dýra framleiðslu, sigur borgarstjórin. Rólant Poulsen sigur, at eitt annað virkið á Eiði, er virkið Tonito sum ger brævbjálvar, og her eru eini 3­4 fólk til arbeiðis. – Vit hava eisini nakrar hand­ verks meistarar í kommununi, sum arbeiða her í økinum, tá okkurt er at gera, men sum annars arbeiða aðrastaðni kring landið, tá virksemi í økinum er minni. Borgarstjórin heldur ikki, at talan er um nakað serligt arbeiðs­ loysi í Eiðis kommunu. Øktar inntøkur – Við hækkaða skattaprosentinum á nýggjárinum í fjør eru skatta­ inntøkurnar í ár øktar nakað. Í løtuni er skuldin hjá kommununi einar tvær miljónir krónur omanfyri eina álíkning, men vit vóna, at hesi viðurskifti koma upp á pláss aftur, tá komandi ár er hálvrunnið. Rólant Poulsen vísir á, at ein álíkn ing liggur um slakar 19 miljónir krónur, og skuldin í dag liggur beint undir 21 miljónir krónur, harav lang freistaða skuldin liggur um 12 miljónir krónur. Borgarstjórin sigur, at tá Fe­ Góðir karmar um Eiðis kommunu – Við hækkaða skattaprosentinum á nýggjárinum í fjør eru skattainntøkurnar í ár øktar nakað. Í løtuni er skuldin hjá kommununi einar tvær miljónir krónur omanfyri eina álíkning, men vit vóna, at hesi viðurskifti koma upp á pláss aftur, tá komandi ár er hálvrunnið, sigur borgarstjórin í Eiðis kommunu, Rólant Poulsen, sum harmast um, at útbyggingar, ið kommunan er partur av, eru vorðnar nógv dýrari enn ætlað – Vit hava góðar vónir um, at fíggjarliga rásarúmið hjá Eiðis kommunu skjótt verður nakað størri, sigur Rólant Poulsen, borgarstjóri í Eiðis kommunu Mynd: Vilmund Jacobsen