mikudagur 22. desember 2010síða 2

nr. 175 · jólini 2010 2 blaðið Jólini hava fleiri andlit. Fittastu andlitini eru strálandi andlit barnanna. Tá gleðin og spentleikin gera, at tey eru um at fara úr sínum góða skinni. Andlitið broytist tó mangan, tá tey seinni, útkoyrd av alt ov nógvum søtmeti og uppbygdum spenningi til forloysandi løtuna, tá pappírið endiliga kann skræðast av, koppa yvir í møði. Eitt annað andlit á jólum er tað á mammuni, sum so fegin vil náa alt. Tíðin strekkir ikki bæði til at arbeiða fulla tíð, baka, vaska, klippa, vitja jólatiltøk, keypa gávur og lesa søgur, hvussu fegin man enn vil. Men alt verður sett í eitt hægri gear í ein mánað, og mammurnar bíta tennirnar saman, fyri at fáa tann rætta hugnan heima. Tí eru mammuandlitini mangan móð á jólum. Jólini koma eisini til teirra, sum bera sorg, og sum eru í iva um, hvussu tann stóra jólagleðin skal taklast mitt í sorgini. Kann man tilláta sær at syrgja og oyðileggja jólagleðina hjá hinum? Ella øvugt, um jólagleðin vísir seg mitt í sorgini, eigur man so at hava ringa samvitsku, tí man heldur átti at syrgt? Jólini hava eisini eitt sorgarbundið andlit. Óansæð hvat andlit jólini vísa okkum í ár, so fevna tey á onkran hátt um okkum øll. Tey, ið hava mist arbeiðið óforvarandi og tey, ið klíva høgt á karrierutindinum. Tey gomlu og tey nýføddu. Tey, ið hava nógv og tey, ið hava lítið. Øll verða vit á onkran hátt drigin við í stóru mylluna, sum jólini eru. – Jólini eru ein illusjón um tað perfekta, og eru í veruleikanum merkt av strongd, skeldi og grátandi børnum, verður onkuntíð sagt. Men vónandi geva vit okkum tó eisini far um, at jólini, umframt øll hini ymsu andlitini, eisini eiga eitt friðsælt andlit. Vónandi minnast vit, at tað onkuntíð er upp til okkum sjálvi at finna friðsæluna. At tann vakrasti parturin av jólunum ikki vísir seg, um vit ikki geva okkum sjálvum stundir, umstøður og loyvi at varnast hann. 4 Sorgin nívir á jólum Samrøða við fimm ungfólk, Sum hava miSt 8 Hugna Sær í geglinum 11 Jólagávur í SeinaStu løtu - tipS 12 gJørdiSt bilSin av at verða Settur frá Samrøða við allan Skaalum 16 Jólini undir krígnum Samrøða við Poul SørenSen og hannufíu næSS 18 oddvør er PiParkøkukona á Jólum vøkur PiParkøkuhúS 20 HalgiSøgan um eiturkoPPin og jeSuSbarnið 22 SukurSJokk og SJóðHeitur grátur um børn, jól og Sukur 23 Jólayrking og Stuttlig Sitat um jólini 24 tereSa á kontórinum hjá jólamanninum 26 vakrar og Stuttligar gávur 28 tey fara at kenna meg aftur - Samrøða við jóan Símum edmundSSon í newcaStle 30 kendir føroyingar í jólahýri 31 mín jólaSangur jólavikuskifti 22. desember 2010 útgevari: Sp/f Sosialurin post@sosialurin.fo redaktørur: eydna Skaale eydna@sosialurin.fo blaðfólk: inna tørnroos Jan müller randi Jacobsen Snorri brend tróndur arge uni arge eydna Skaale myndamenn: álvur Haraldsen Jens kristian vang lýsingar: marknaðardeildin umbróting: grafikska deild, Sosialurin Prent: prentmiðstøðin Permumynd: álvur Haraldsen mongu andlitini á jólum Innihaldsyvirlit Eydna Skaale redaktørur