mánadagur 27. desember 2010síða 15

15 Mánadagur 27. desember · Nr. 176 Sosialurin Hóast hann nú fer um áttati ára aldur, ber hann høvur hægri enn flest aðrir bygdarmenn. Stillførur og fattur. Hvør skuldi trúð, at árini vóru so mong hjá hesum manni, sum enn er við í so mongum leiki í bygd og av bygd. Jógvan Elias Joensen f. 28. desembur 1930 var næsti sonurin hjá Thildu og Hjalmari við Neyst, sum barnaár hansara var keyp­ maður, reiðari og næst for­ maður í kommununi. Jógvan Elias var uppkallaður eftir beiggjanum, sum doyði í sama mánaði árið fyri bert eitt ára gamal. Mamman var úr Miðvági, f. Thomsen 1892. Ungur fór Jógvan Elias í realskúla í Klaksvík og víðari á keypmansskúla í Keypmannahavn og tók at enda hægri handilsprógv á Niels Brocks Handelsskole í 1956. Jógvan Elias hevði tí holla teoretiska barlast til skrivstovuarbeiði í heilsølum, handli og virkjum, sum hann næstu mongu árini røkti, og sum aðrir duga at siga frá. Fyrst og fremst hev ur Jógvan Elias verið bygdar­ maðurin, sum á ymsan hátt hevur havt vælferð hennara í huga. Hann hevur við ídni verið við til at bøtt um ella slóðað fyri nýggjum tiltøkum bygdini til frama t.d tók hann saman við øðrum stig til svimjihyl í fimmtiárunum, bygdarhús í sjeytiárunum og Lugarið í nítiárunum. Hann hevur m.a. verið formaður í vatnfelagnum Áargarður, formaður í Ognarhaganum, grannskoðari í kommununi og stevningarmaður, var í Frost, er í Tavuni, er fíggjar ­ ligur ráðgevi í Bygdar húsin­ um, hevur verið ella er enn í stýrinum fyri Norðoya Spari kassa og í nevndini hjá Lyons Club Eysturoy og so fram vegis. Nú er hetta so beskeðið sagt, so sum Jógvan Elias sjálvur vildi sagt tað. Beskeðin er hann, ger ikki hóvasták burtur úr sær sjálv um, er opin og heldur tó kortini nær bróstinum. ­ Men Tavumenninir hava tikið til, at stóð á í onkrum máli, hevði Jógvan Elias vektina. Jógvan Elias er hegnis­ maður og hartil fróðarmaður. Hann treður dansin, telgir tættir bæði um fólk, um kór og kommunuval, hann kvøðir bygdini hásong og savnar siðsøguligt tilfar. Serstakliga er nógv myndatilfar savnað, sum hevur verið at sæð á sólarkaffi í Bygdarhúsinum, onkabarninum hjá Kristi­ onnu, konuni, og honum. Eitt framúr væleydnað til­ tak ­ bæði Bygdarhúsið og sólar kaffið. Eitt av tøk­ unum síðstu árini hevur verið saman við øðrum at fáa Leirvíkar bygdarsøgu skrivaða. Og vesturskinið litar fjøll og skørð, alfagrir geislar farga líð og fjørð. Í favni tínum kenni eg mær trygd tú fagra, fríða, forna Leirvíksbygd. Um stutta tíð sær sólin aft­ ur á hugans Kráartanga, vesturskinið litar aftur fjøll og skørð, og vestanskuggin svalir tær sólbrenda ennið. Væl veri tær bygdarmaður, hjartaliga til lukku og mong góð ár í vesturskininum ynsk ist tær og tykkum báð­ um. Martin Nøvn Maður verður áttati Jólamorgun andaðist Dánj­ al Pauli Danielsen á Velba­ stað, fyrrverandi bóndi og landsstýrismaður, 91 ára gam al. Dánjal Pauli búði á Velbastað alt lívið, har hann festi garðin í Búðini. Hann var virkin í politikki, kom tíðilga upp í Fólkaflokkin, og hann gjørdist landsformaður hjá Fólkaflokkinum, tá val­ feløg ini skipaðu landsfelag. Hetta var ein strævin tíð hjá flokkinum, sum hevði dal­ andi undirtøku, eftir at flokk­ urin hevði havt sera stóra undirtøku í fýratiárunum. Dánjal Pauli Daneilsen kom í landsstýrið, tá Javnaðar­ flokkurin, Fólkaflokkurin og Tjóðveldisflokkurin skipaðu landsstýrið eftir valið í 1974, og hann sat í hesi samgongu, til hon legði frá sær eftir valið í 1980. Har umsat hann eitt nú samferðslu, landbúnaðin og mentanina. Hann var eisini kendur fyri píkamálið, tá hann mælti til at banna píka dekkum. Dánjal Pauli hevur eis ini sett síni spor innan jarðar­ brúkið, ikki bara sum bóndi, men eisini sum formaður og nevndarlimur í Jarðarráðnum í mong ár. Hann var eis ini umboðsráðslimur hjá SEV í 12 ár. Eitt av hjarta mál um hansara var Norður landa­ húsið í Havn, og har sat hann sum stýrislimur í 14 ár í tíðar­ skeiðnum 1980 til 1998. Seinastu árini hevur Dánj­ al Pauli Danielsen verið á Lágargarði í Havn. Dánjal Pauli var giftur við Helene Marie fødd Jacob sen úr Havn, og tey áttu dóttrina Súsannu Danielsen, sum er stjóri í Umsiting Løg ting­ sins. Dánjal Pauli í Búðini farin 2011