mánadagur 27. desember 2010síða 14

Mánadagur 27. desember 2010 · Nr. 176 14 Sosialurin Sum nakað nýtt, hevur Rás2 gjørt av at heiðra føroyingi, sum hevur gjørt sær ómak á netinum við føroyskum innslagið. Vit kenna helst øll Sonhard Mariuhønina, Effo-dreingin í Sørvági og fleiri við teimum, og føroyingar eru seinnu árini blivnir sjónligir í videoheiminum á internetinum. Fleiri av teimum sjónbondunum, sum í ár eru løgd á internetið, hava eisini sett síni spor í føroyska samfelagið. Summi eru undirhaldandi, onnur listarlig og fyrireikararnir handan Planet Awards halda, at tíðin er komin til at heiðra tey, sum ganga á odda í hesum nýggja rákinum. Tað er ein serlig dómsnevnd hjá Miðlahúsinum, sum finnur tað sjónbandið, sum hevur gjørt størsta ávirkan á føroyska samfelagið í 2010. Á sjálvum Planet Awards, sum verður 29. Desember, verða tey tilnevndu sjónbondini víst, og síðani verður vinnarin avdúkaður. Seinnu árini hevur Føroyar av álvara ment seg sum tónleikaland. Vit hava fleiri festivalar á hvørjum ári og konsertirnar gerast alsamt størri og fleiri í tali. Tí hava fleiri føroyingar eisini nógvar góðar myndir frá føroyska tónleikalívinum, sum vísa hvussu nógv tónleikurin í Føroyum hevur at siga – serstakliga fyri ungdómin. Tí hevur Rás2 eisini gjørt av, at heiðra tann persónin, sum hevur tikið tað bestu tónleikamyndina i Føroyum í ár. Allar myndir eru vælkomnar, og vit seta bert sum krav, at myndirnar hava okkurt við tónleik at gera. Allar myndir, sum verða sendar inn til planet@ras2.fo, verða seinni lagdar út á planet.fo, og vinnarin fær eina peningagávu áljóðandi 5000 krónur. Ársins føroyska YouTube innslag skal heiðrast Ársins besta tónleikamynd 2010