mánadagur 24. januar 2011síða 12

Mánadagur 24. januar 2011 · Nr. 10 12 Sosialurin Orð og myndir: Dávur Winther Veðrið var av tí besta, og flestu hús í Fugafirði, sum høvdu eina flaggstong, høvdu vundið flaggið á stong. Hópin av fólki úr grannabygdunum vóru eisini komin í kirkju í Fuglafirði sunnudagin. Kirkjan var meir enn full­ sett og eisini síðuskipið var fullsett – við urguna sat í dag Ragnhard Petersen, sum legði fyri við preludium. Síð­ ani var ein blásitrio, kór og solosangur. Vinkona Anne Mette, Eyðbjørg Hansen, ið eisini hevur sungið saman við henni í Mpiri, sang solu uppi við orglið. Undangongumaður Anne Mette, dómprósturin, Uni Næs, skipaði nýggja prest­ in í embætið við at lesa upp skriv frá bispi og lands stýris­ kvinnuni í menta málum, Helenu Dam á Neystabø. Anne Mette er dani, men hon las prædikutekstin ræð­ ið á føroyskum – sjálva præd­ ik una helt hon á donskum. Anne Metta hevur gingið á Før oya Fólkaháskúla fyri árum síðan og hevur eisini sungið við kenda útiseta­ kórin um Mpiri, sum setur stór krøv til kórlimirnar. Helst tí dugdi Anne Metta so sera væl at tosa – ella sum hon segði aftaná, at lesa og úttala føroyskt. Hetta vegna føroysku tekstirnar, sum hon hevði sungið við Mpiri. Maðurin man ivaleyst eisini hava lagt lag á. Nýggi presturin í Fugla­ fjarðar prestagjaldi hevur før oyskan mann, Leif Han­ sen, ið er ættaður úr Nólsoy. Leif er kendur urguleikari í høvuðsstaðnum, har hann mangan hevur ver ­ ið feriuavloysari. Í Keyp­ manna havn hevur hann lisið tónleik, og var urguleikari við Samuels kirkjuna, har før oyingar savnast til guðs­ tæn astu. Saman við børnunum Beintu, fødd í 2004 og Helga, føddur í 2006, fara tey at búgva í prestagarðinum á Mørkini 10 í Fuglafirði. Eftir innsetanina og prædikuna beyð kirkjuráðið øllum, sum vóru komin til hátíðarligu innsetanina til ein døgurða í krikjukjallaranum. Her var orðið eisini frítt, har m.o. Marin Thomsen vegna kirkjuráðið, Dánjal Vang vegna Fuglafjarðar Býráð, Ingi bjørn Eldevig vegna Missi ónshúsið Tabor og Magnus Brahe Jørgensen vegna Christ ians­ kirkjuna buðu Anne Metta vælkom nari. Síðani tók Uni Næs, dóm­ próstur orðið og vissaði Anne Mette, nýggja prestin, um, at her í Fuglafirði og granna­ økinum annars er gott at vera – Tað kundi hann eisini siga av royndum sum prestur í Fuglafjarðar Prestagjaldi í 10 ár. Ein tignarlig løta í Fugla­ firði, har tú millum manna eisini skilti, at útyvir presta­ gerningin, mundi eisini fara at spretta eitt spennandi sang­ og tónleikalív við hes­ um nýggja prestaparinum – hesum, sum Fuglafjørður er so kendur fyri. Anne Mette fekk tignarliga móttøku PRESTAINNSETAN Við gudstænastuna í Fuglafirði sunnumorgunin varð Anne Mette Greve Klemmesen innsett í kallið sum sóknarprestur í Fuglafjarðar prestagjaldi. Fuglafjarðar kirkja var fullsett, tá ið Anne Mette Greve Klemmesen varð innsett