hósdagur 28. februar 2002síða 9

16 Nr. 41 - 28. februar 2002 - Hetta kann fara at gerast rættiliga stórt fyri meg, sigur vestmenningurin Róin Siggertson, ið er ein av luttakaranum í sjónvarpssendingini "Rockidoler" á TV3, har tónleikarar kappast um at gerast partur av einum rockbólki TÓNLEIKUR Rúnar Reistrup Nýggi trendurin í donskum sjónvarpi er at geva fólki møguleikan at gerast stjørna upp á fimm minuttir. TV2 valdi í sendirøðini "Popstars" fýra út av tveytúsund vónríkum gentum, og gjørdi tær til vælumtókta gentubólkin eyeQ. Í sendirøðini "Mo- deljagten" á TV3 royna hundraðtals fólk av gøtuni at gerast topmodellir, og í "Stjerne for en aften" á DR fáa sangarar møguleika at senda sína tónleikakarrieru ímóti stjørnunum. Nýggjasta skotið á stammuni er sendingin "Rockidoler" á TV3, har eitt plátufelag, ein produs- ari og ein royndur tón- leikari skulu samanseta ein rocbólk útav teimum 550 tónleikarunum, ið hava sent ein demofløgu inn til send- ingina. Burturúr teimum mongu, ið sendu fløgur inn, eru tredivu teir dugnaligastu tónlkeikarar valdir út at luttaka í sendirøðini. Gongur skjótt Ein av hesum tredivu tón- eikarunum er vestmenn- ingurin Róin Siggertson, ið seinastu árini hevur verið búsitandi í Danmark. Fyrsti partur av "Rockidoler" varð send á TV3 týskvøldið, og har sást at Róin Siggertson var væl dámdur millum dómararnar. Sjálvur er Róin eisini rættiliga væl nøgdur við luttøkuna. - Tað líkist als ikki mær at melda meg til eitt sovorðið reality-show. Men genta mín og vinmaður min James Olsen fingu yvir- talað meg í síðstu løtu. Tá eg hoyrdi frá TV3 aftur hevði eg longu avgjørt, at eg ikki hevði hug at luttaka kortini, men tá fólkini aftanfyri sendingina høvdu ringt til mín í fimm dagar, høvdu tey fingið yvirtalað meg, og so gekk leiðin til kasernuna í Vordingborg, har sendingarnar blivu tikn- ar upp, greiðir Róin Siggertson frá. Síðan tá hevur tað gingið skjótt, og hann er nú stadd- ur á tí mest spennandi stað- num í sínum tónleikalívi higartil. Meira sleppur hann ikki siga um, hvussu luttøkan í "Rockidoler" hilnaðist. Sigur hann meir, kann hann vænta sær endurgjaldskrav frá fram- leiðaranum av sendingini. - Hetta kann fara at gerast rættiliga stórt fyri meg. Tað kann eg so siga uttan at avdúka nakað, heldur Róin fyri. Sjónvarpið hevur maktina Tey sonenvdu "reality showini", sum Big Brother, Baren og Popstars, eru annars ikki tað, sum fær Róin Siggertson at leggja seg framman fyri sjón- varpinum. - Eg eri snøgt sagt troyttur av hesum reality showunum, har fólk eru við fyri at blíva kend og annars leggja líka í um tey gerast poppstjørnur ella sjón- varpsvertir. Úrslitið er, at standardurin í tónleikavinn- uni lækkar. Tað er langt úti at miðlarnir hava so stóra makt, men tað vísir seg at vera torført at sleppa und- an, sigur Róin Siggertson. Spurdur um hann ikki hevur eitt sindur ringan smakk í munninum, nú hann sjálvur trínir fram á danskar sjónvarpsskíggjar í einari líknandi sending, er hann skjótur at svara: - Nei. Eg geri hetta fyri at koma fram við mínum tónleiki. Vit kunnu væl brokka okkum um, at tað í størri og størri mun eru talentleys fólk, borin fram av miðlunum, ið mynda tónleikavinnuna. Men tá tað vísir seg, at sjónvarpið hevur maktina og í stóran mun kann stýra, hvør kem- ur fram her í verðini, so noyðist man at fara har, sum sjónvarpið er, sigur Róin Siggertson. Kendur aftur Róin Siggertson upplivdi longu áðrenn fyrsta send- ingin varð varpað út á TV3 at verða kendur aftur á gøtuni, tí fólk høvdu sæð hann í einari lýsing fyri sendingina. - Tað er heilt løgið, tí eg eri bara eg, og tað fari eg eisini at vera, um hetta førir til nakað stórt, sigur Róin. Hann upplivir hóvastákið kring seg bæði sum nakað eitt sindur ræðandi og sam- stundis sum eina viður- kenning av hansara tón- listarligu dygdum. - Eg havi havt mítt egna studio her í Keypmanna- havn og eg havi arbeitt intensivt við tónleiki nú í tvey ár, og havi ofta hugsað nær í verðini eg fór at fáa nakað aftur. Tað er í ferð við at henda nú, haldi eg, sigur Róin Siggertson, ið verður at síggja aftur kom- andi týskvøld á TV3. Róin Siggertson sum rockidol Róin Siggertson var væl umtóktur av dómarunum í sendingini Rockidoler Nr. 41 • hósdagur • 28. februar 2002 • 76. árg. Ford Focus og Mondeo fáast nú við nýggjum TDCi dieselmotorum, sum nýta commomrail tøknina til at gera motorarnar sera orkusparandi og ljóðleysar. Mondeo fæst við 2.0 litur TDCi við 130 hk og Focus við 1.8 litur TDCi við 115 hk BILAR Magnus Gunnarsson Minni larmur er ein av fyrimununum við nýggju commomrail skipanini. TDCi motorarnir hava eina tøkni, sum minkar møgu- ligan larm mest møguligt. Hetta er við til at gera hesar motorarnar til teir minst dálkandi dieselmotorarnar í sínum klassa. Hesir Dura- torq TDCi motorarnir hjá Ford eru nágreiniliga kann- aðir fyri at økja um kvali- tetin. Minni larmur innan Tað, at brennievnið verður sprænt inn í motorin í smærri nøgdum undir høg- um trýsti, gevur javnari oljunýtslu, og motorurin larmar minni. Fyri at minka um úlátið frá útstoytinum er katalysatorin settur tætt uppat motorinum. Úrslitið er, at hesir TDCi motorarnir larma so lítið, at bilførarin og tey ferðandi í bilinum lættliga kunnu tosa saman, hóast motorurin hevur nógv at gera. Í ár bleiv tað Ford Focus, ið er heimsins mest seldi persón- bilur, sum bleiv nummar eitt, fyri bilar í aldrinum frá 1 til 3 ár, í árliga týsku TÜV kanningini. Hetta er fyrstu ferð í 14 ár at ein týskur bilur hevur lagt seg á odda í hesi kanning BILAR Magnus Gunnarsson Í nógv ár á rað hava ja- pansku bilarnir við Toyota á odda verði nummar eitt í hesum kanningum. Í ár bleiv tað so ein týskur bilur, Ford Focus, sum fór við sigrinum fyri bilar frá 1 til 3 ár. Nummar 2 bleiv Toy- ota Avensis og nummar 3 blivu Toyota Starlet og Corolla. TÜV kanningarnar eru frágreiðingar um hvussu bilarnir klára seg eftir nøkr- um árum. Teir bilarnir sum hava minst brek fáa best karakter. Fyri bilar millum 4 og 5 ár bleiv Toyota Star- let nummar eitt. Ford Focus og Mondeo við TDCi dieselmotorum Focus best í týsku TÜV kanningini Jógvan Højgaard, sølumaður hjá P/F Wenzel, sýnir her farm við nýggjasta Ford Mondeo við TDCi dieselmotorinum Ford Focus, ið er heimsins mest seldi bilur, bleiv nummar eitt í týsku TÜV kanningini. Umframt at Focus nú fæst við TDCi dielselmotorinum við 115 hk, hevur bilurin eisini fingið eina lættari "facelift". Jógvan Højgaard er her við nýggjastu útgávuni av Focus C M Y K 17 16