fríggjadagur 18. februar 2011síða 6

Fríggjadagur 18. februar 2011 · Nr. 21 6 Sosialurin Áki Bertholdsen Ósemjan í samgonguni um heilt grundleggjandi spurn­ ingar, varð enn einaferð stað­ fest á kvøldsetuni, sum Fólka­ flokkurin helt í Øravík fyrr í vikuni. Í samgonguni hevur nógv verið um nýskipanir á nógv­ um økjum. Eisini í fiskivinnuni hevur samgongan tosað um eina nýskipan og í hesum sam­ bandi hevur serliga Jóannes Eidesgaard, landsstýrismað­ ur í fíggjarmálum, tosað um at samgongan skal áseta til­ feingisgjald á fiskivinnuna og hann hevur nevnt, at vit skulu hava tilfeingisgjald frá 2012. Eisini løgmaður hevur fleiri ferðir tikið orðið til­ feingisgjald í sín munn. Siga nei Men á kvøldsetuni staðfestu bæði Jacob Vestergaard, landsstýrismaður í fiskivinnu­ málum, og Jørgen Niclasen, floksformaður, at tilfeingis­ gjald er nakað, Fólkaflokkur­ in ikki vil vita av. Teir kalla báðir hetta fyri eina ótamda trongd eftir at leggja avgjøld á vinnuna, sum fer at forkoma fiskivinnuni. – Verður tilfeingisgjald og tilfeingisbúð sett á stovn, fer tað fullkomiliga at sláa botnin undan fiskivinnuni, tí tað verður ómøguligt at tryggja sær atgongd til rá­ vørutilfeingi í fleiri ár fram í tíðina, sum er fortreytin fyri at rinda íløguna aftur, sigur Jacob Vestergaard. – Vit halda, at vinnan skal hava tryggar karmar at virka undir og so skal hon fáa frið at arbeiða, so at hon kann kasta nakað av sær til samfelagið. – Og so skal skipini rinda skatt av einum staðfestum avlopi, heldur enn at rinda skatt frammanundan, áðrenn tey yvirhøvur eru sloppin til verka. Tað nýggjasta er, at nú vil Javnaðarflokkurin, at tey, sum sleppa at fiska makrelin í ár, skulu rinda til­ feingisgjald, sum skal koma landskassanum, og sostatt øllum skattaborgarum, til góðar. Eisini løgmaður hevur sagt, at hetta er eitt, vit eiga at umhugsa. Fáa frið Jacob Vestergaard staðfesti eisini, at tað tað var skeivt at áleggja eitt gjald á summar vinnur nú í 2011, men tað var ein neyðsemja, sum flokkurin hevði góðtikið og tað var so hóast alt eitt gjald av einum staðfestum avlopi. Jørgen Niclasen segði, at tað var neyðugt, at fiski­ vinnan í friði og náðum sleppur at tillaga seg til fiski­ ríkidømi, so at hon fær betri møguleika at vinna meiri pen­ ing, so at hon støðugt kann útvega sær betri vinnutólk. Men gloym alt um at áleggja fiskivinnuni eitt tilfeingisgjald, tí tað tekur møguleikan at tillaga seg frá vinnuni. aki@sosialurin.fo Torpedera ætlan um tilfeingisgjald TILFEINGISGJALD Ósemjan í samgonguni um grundleggjandi viðurskifti varð staðfest á kvøldsetu hjá Fólkaflokkinum í Øravík Í 1998 brúkti ein før­ oyskur lemmatrolari 49% av inntøkunum til olju og hýrur. Men síð­ ani eru útreiðslurnar hækkaðar so nógv, at í fjør brúkti hann heili 85% av inntøkunum til hýrur og olju. Hetta nevndi Vi­ berg Sørensen, for­ maður í Reiðarafelagn­ um, sum eitt dømi um, hvussu hart kroyst fiskivinann er. – So kann ein og hvør gera sær sínar metingar um, hvussu útlitini eru, legði hann afturat. Hann staðfestir, at í løtuni eru bara tveir lemmatrolarar eftir í flotanum, teir eru Suðringur og Brestir. Allir hinir eru farnir at partrola, tí oljan er blivin so dýr. Tað stóð nógv á, tá ið Jacob Vestergaard, lands­ stýrismaður í fiskivinnumálum, gjørdi av at áseta føroyingum eina makrelkvotu upp á 15% í fjør. Tað avdúkaði Viberg Sørensen, formaður í Reiðara­ felagnum, á kvøldsetuni hjá Fólkaflokkinum í Øravík. Hann ásannaði, at stóra ósemja var í vinnuni um hetta og hann minnist serliga frá tí eina fundinum, at ágang­ urin frá vinnuni á landsstýrismannin, var øguligur. Viberg Sørensen fortaldi, at tá var landsstýrismaðurin púra einsamallur í parti, tí vinnan vildi ikki bakka hann upp, tí hon helt, at føroyingar skuldu góðtaka eina kvotu upp á 5% av makrelinum. Annars heldur hann, at tað er so nógvur makrelur undir Føroyum, at vit eiga at áseta okkum eina kvotu upp á 30% av makrelkvotuni í ár. – Tað er sjónarmiðið hjá Reiðarafelagnum og tað tvíhalda vit um, at vit kunnu forsvara. – Feilurin er, at vit hava altíð sligið okkum til tols við at fáa 4% ­ 5% av makrelinum, tí vit hava ikki dugað at fáa nóg nógv burturúr, segði formaðurin í Reiðarafelagnum. Ongin helt við Jacobi Gloym alt um tilfeingisgjald, tí fiskivinnan skal fáa frið at arbeiða, sigur Fólkaflokkurin, sum enn einaferð staðfestir, at hann vil ikki vita av ætlanini hjá øðrum pørtum í samgonguni um tilfeingisgjald og tilfeingisbúð 85% Tað slær botnin undan fiskivinnuni