fríggjadagur 25. februar 2011síða 8

Fríggjadagur 25. februar 2011 · Nr. 24 8 Sosialurin Vilmund Jacobsen Poul Hansen, advokatur og vinnulívsmaður, er sera spentur upp á stóru avbjóð­ ingina sum nevndarformaður í nýggja og stóra samtakinum, sum nú hevur lagt til brots í føroyskari fiskivinnu, bæði á sjógvi og landi. ­ Tað er gleðiligt, at tey seks skipini, sum eru í sam­ takinum, nú hava loyst, og tað næsta verður at lata nøkur av virkjunum uppaftur. Poul Hansen sigur seg hava góðar vónir um rakst­ urin, men hann ásannar, at tað mangan hevur verið trup­ ult hjá heimaflotanum, eins tað eisini hevur verið trupult at fáa góðan raksturin í fiska­ virkini á landi. ­ Men vit trúgva upp á, at hetta fer at lata seg gera, leggur hann aftrat. Spark í beinið Nevndarformaðurin ásann ar, at tað er eitt spark í skinna­ beinið fyri skipa raksturin, at bunkringarprísirnir á olju eru so høgir í løtuni, men hetta er nakað, sum fiskifloti noyðist at liva við. – Seinnu árini hava vit sæð rættiliga høgar oljuprísir, og síðan eru teir lækkaðir aftur. Beint í løtuni er ivaleyst rætti liga trupult at spáa um, hvør gongdin verður, men vit vóna sjálvandi, at prísirnir ikki gerast hægri enn, at teir verða at liva við. Poul Hansen ásannar, at nýggju sáttmálarnir, sum gjørdir eru millum mann­ ingarfeløg og reiðarar hála í rætta endan, soleiðis at nakrar krónur minni skulu gjaldast út, nú hýrurnar eru lækkaðar eitt vet, sam­ stundis sum manningin luttekur í oljuútreiðslum, tá bunkringarliturin á olju fer upp um eitt ávíst krónutal. ­ Jú, alt ger mun, og tað ger hetta eisini, leggur hann aftrat. Nevndarformaðurin fegn ast tó um, at upsaveiðan tykist vera góð í løtuni, og hetta er eisini besta tíð. ­ Eg fegnist eisini um góðu upsaprísirnar, sum vit helst ongantíð hava sæð betri áður. So, vit kunnu siga, at her eru bæði døpur skýggj, men eisini glottar. Ein trúgv Spurdur, um nýggja samtakið væntar, at alt virksemið fer at geva avlop longu hetta fyrsta árið, sigur Poul Hansen, at tað sjálvsagt er torført at meta um, men sjálvandi verður stílað fram ímóti hesum. ­ Um eingin fór í holt við nakað í Føroyum, sum hevur við fiskivinnu at gera uttan so, at vissa frammanundan var fyri, at raksturin í somu løtu fekst at hanga saman, høvdu vit onga fiskivinnu havt í Føroyum í dag. So einfalt er tað, sigur hann. Hann vísir á, at føroysk skipavinna í heimasjógvi og føroysk fiskaframleiðsla mangan hevur hingið tungt í sjónum. ­ Hinvegin eigur eingin at ivast í, at hóast hesa gongd, skapar henda vinna nógvar ringvirkningar og leggur soleiðis nógv eftir seg í kring um í landinum. Avleiddu vinnurnar av fiskivinnuni skriva sínar rokningar fyri sína tænastu, um vit kunnu siga, meðan bæði skip og virkir mugu fyrihalda seg til marknaðin, sigur Poul Hansen. Í blóðinum Tá pápin er Aksel Hansen, sum í mong ár fekst við vinnulív, hevur tað upp gjøgnum árini eisini verið luturin hjá nýggja formanninum í stóra samtakinum, at ferðast eftir bryggjukantinum. ­ Mær hevur altíð dámað hetta umhvørvið væl, og haldi, at tað er ein serligur hugni at ferðast eftir bryggju kantinum og síggja menn stákast umborð og á bryggjuni við sítt virksemi. Poul Hansen ásannar, at hesin parturin av føroyskum vinnulívi meiri og minni er komin inn við móðurmjólkini – ella liggur í blóðinum, sum vit eisini plaga at siga. ­ Fiskivinnan er okkara høvuðsvinna, og vit ætla okkum í nýggja felagnum at trimma alt so væl, sum til ber, og so vóna vit eisini, at tíðin verður við okkum, soleiðis at vit fáa eina góða og sunna fyritøku, sigur hann. Runavík og Toftir Nú tey seks skipini hava loyst, fer nýggja samtakið at hyggja upp á virkini, sum felagið hevur í Runavík, Toftum og Vestmanna. Sambært Poul Hansen bendir alt á, at felagið í fyrsta lagi fer at lata fiskavirkið í Runavík og fiskavirkið á Toftum uppaftur, og tað ganga ikki nógvar virkur, áðrenn hesi virkir eru komin upp at koyra aftur. ­ Eg vænti, at hesi bæði virkini eru opin aftur, áðrenn ein mánaði er umliðin, sigur nevndarformaðurin. vilmund@sosialurin.fo Oljuprísirnir eru eitt spark í skinnabeinið - Um eingin fór í holt við nakað í Føroyum, sum hevur við fiskivinnu at gera uttan so, at vissa frammanundan var fyri, at raksturin í somu løtu fekst at hanga saman, høvdu vit onga fiskivinnu havt í Føroyum í dag. So einfalt er tað, sigur Poul Hansen, nevndarformaður í nýggja samtakinum - Tað er gleðiligt, at tey seks skipini, sum eru í samtakinum, nú hava loyst, og tað næsta verður at lata nøkur av virkjunum uppaftur, sigur Poul Hansen