fríggjadagur 25. februar 2011síða 18

Fríggjadagur 25. februar 2011 · Nr. 24 18 Sosialurin Føroyskur AWI-bátur til grønlendska sjálvstýrið Bygginummar 300 hjá bátaverksmiðjuni AWI Føroyar í Runavík var ein 38 fót AWI Star til vaktartænastuna hjá Grønlands Fiskerilicenskontrol í Grønlandi. Báturin er sergjørdur til at sigla í arktiskum sjógvi, sigur Eyðun Anthoniussen, stjóri í AWI Føroyar Magnus Gunnarsson Tá Grønlands Fiskerilicenskontrol (GFLK) skuldi hava nýggjan vaktar­ bát, sendu teir útbjóðingartilfar til 20 ymiskar framleiðarar um at byggja bátin. Tað bleiv AWi Føroyar í Runa vík, sum fekk ordran, og bát­ ur in er nú liðugur og sjósettur. AWI Boats hevur selt millum 65 og 70 bátar bátar til Grønlands, so teir eru kendir og royndir í farvatninum har. Báturin er upprunaliga ein AWI Star 35, sum er uppbygdur eftir ynsk inum hjá grønlendsku myndug leikunum við t.d. størri kabinu og arbeiðsplattformi aftan fyri húsið. Eyðun Anthoniussen sigur, at tað eru serlig krøv til bátar, sum skulu sigla í arktiskum um­ hvørvi. Skrokkurin verður gjørd ur úr serligum glastrevjatilfari, sum t.d. tolir at sigla gjøgnum ís. Báturin er ann ars sera væl bjálvaður við termo rútum og hitablásarunm til for rútarnar. Báturin er bygdur og liðugt­ gjørdur á verksmiðjuni hjá AWI­ Før oyar í Runavík, sum eisini hevur gjørt alt timburarbeiðið umborð. KJ Hydraulik á Kambsdali hevur gjørt hydrauliska arbeiðið og leverað og monterað krana og spæl, BS Tøkni í Saltangará hevur gjørt alt el­arbeiði og monterað eldsløkkianleggi, Andersens Beding á Strondum hev ur installerað motorin, HGV í Runa vík hevur leverað og monter­ að oljufýr, ketil, radiatorar og installerað nógv ymiskt annað, maskin verkstaðurin UniVice í Runa vík hevur gjørt alt tað rustfría ar beiðið, Radiobúðin í Runavík hevur leverað og intstallerað og alla nautisku útgerðina og onnur tól, Sjótek á Strondum hevur arbeitt við øllum góðkenningum og sam­ bandinum við danska skipaeftirlitið, Arni Carlsen á Toftum hevur gjørt tekningar til bátin og annað sølu­ tilfar, Reklamuvirkið SKELTIÐ í Runavík hevur gjørt prentlutir og navna­ og nummarskeltir. Tað var Aðalstein Antoniussen, sum byrjaði at byggja glas trevja­ bátar í 1973 í Danmark. Í 1981 flutti hann framleiðsluna til Føroya, og fyri tøkan hevur síðan hildið til í Runavík. Fyritøkan hevur hesi árini framleitt 300 AWI­bátar í ymiskum støddum. AWI Føroyar, sum heldur til í eini 800 fermetra stórari høll í Runavík, er góðkend av Det Norske Veritas og Skipaeftirlitinum til framleiðslu og umvæling av glas­ trevja bátum. Stjóri í AWI Føroyar er Eyðun Anthoniussen. maggi@sosialurin.fo Hans Mølgaard skipari á bátinum og Amalie Jessen frá Grønlands Fiskerilicenskontrol Bátaframleiðsla Lýsingartilfar AWI STAR 38 Navn: Tuukkaq Heimstaður: Sisimiut Stødd: Longd: 11,60 m Breidd: 3,45 m Dýpd: 0,90 m Motorur: Iveco 500 hk Nautisk tól: Furuno Krani: Palfinger Marine Crane Ketil: HGV Eigari: Grønlands Fiskerilicenskontrol Grønlands Selvstyre Imaneq 4 GR 3900 Nuuk