mikudagur 9. mars 2011síða 8

Mikudagur 9. mars 2011 · Nr. 29 8 Sosialurin Vilmund Jacobsen Í gjár byrjaðu tey aftur at virka fisk á fiskavirkinum í Saltangará, sum hevur ligið stilt, síðan Faroe Seafood fór av knóranum hin 4. desember í fjør. Tað er partafelagið frá 16. februar 2011, sum Varðin, Bacalao, Framherji og Sam­ herji eiga, ið nú hevur latið virkið uppaftur. Hesin nýggi risin í før­ oysk um vinnulívi keypti seks trolarar og fýra virkir, og týs morgunin læt so fyrsta virkið uppaftur. Felagið hevur áður sagt, at ætlanin er í fyrsta lagi at lata upsavirkið í Saltangará og saltfiskavirkið á Toftum uppaftur. Júst, nær virkið á Toftum kemur í gongd aftur, er ikki heilt greitt enn, men sum skilst gongur neyvan long tíð, áðrenn gongd kemur á aftur virksemið á Toftum eisini. Arbeiða upsa Tað eru nakrir dagar, síð an tey seks skipini hjá sam­ takinum, Bakur, Stelkur, Heyk ur, Falkur, Rókur og Lerk ur, fóru til fiskiskap aftur. Jens Pauli Petersen, sum býr í Hoyvík, er settur virkis­ leiðari á virkinum í Sal tang­ ará, og sum skilst kemur hann eisini at hava um hendi dagligu leiðsluna av salt fiskavirkinum á Toftum. Hann hevur áður starvast á virk inum hjá Faroe Seafood í Havn. Hann sigur, at fyrsta lastin, sum tey fóru undir at arbeiða á virkinum í Saltangará í gjár, er komin frá partrolarunum, Róki og Lerki, sum landaðu sunnudagin. – Skipini høvdu umleið 150 tons av upsa og nakað av øðrum fiski, sum onnur virki keyptu. Upsin, sum nú verður arbeiddur á virkinum hjá okkum, verður í stóran mun skorin til flak, pakkaður og frystur. Eisini verða nakkar skornir, sum verða pakkaðir og frystir. Jens Pauli sigur, at ætl­ an in er, at ein partur av veiðini, sum tey seks skipini koma við, verður virkaður og útfluttur sum fesk upsafløk, men tá er sjálvandi neyðugt, at leveringin av ráfiskinum og framleiðslan á virkinum verður tilpassað teimum út­ flutningsmøguleikum, sum eru við feskum fiski. Bjartur dagur Virkisleiðarin sigur, at nógv av teimum, sum eru byrj aði aftur á virkinum í Saltangará, hava arbeitt á virkinum áður, men onkur, sum arbeiddi á virkinum hjá Faroe Seafood í Havn, arbeiðir nú í Saltangará. Jens Pauli sigur, at í gjár vóru eini 50 fólk til arbeiðis á fiskavirkinum í Saltangará, men talið verður størri, tá alt er komið upp at koyra við fullari megi. Spurdur, hvussu lagið var á fólki í gjár, nú fyrstu arbeiðsdagur var aftur eftir tríggjar mánaðar langa steðgin, heldur virkisleiðarin fyri, at líka so dapur, sum hin 4. desember var í fjør – líka bjartur var dagurin í gjár – hin 8. mars. – Jú, lagið á fólki er gott, og tey eru fegin um at vera komin aftur til arbeiðis, sigur Jens Pauli Petersen. BJARTSKYGNI – Líka so dapur, sum fríggjadagurin hin 4. desember var í fjør – líka bjartur var týsdagurin í gjár – hin 8. mars. Jú, lagið á fólki er gott, og tey eru fegin um at vera komin aftur til arbeiðis, sigur Jens Pauli Petersen, sum er settur virkisleiðari á fiskavirkinum í Saltangará Svartskygni er nú vent til bjartskygni Skipini høvdu umleið 150 tons av upsa og nakað av øðrum fiski, sum onnur virki keyptu JENS PAULI PETERSEN Í gjár læt fiskavirkið í Saltangará uppaftur