fríggjadagur 25. mars 2011síða 26

Fríggjadagur 25. mars 2011 · Nr. 36 26 Sosialurin Ítróttur Hilmar Jan Hansen Á pappírinum er ikki yvir at dylja, at fuglfirðingar eru favo­ rittar undan FM­finalunum ímóti Mjølni, tí ÍF hevur verið langt framman fyri øll hini mans liðini alt kappingarárið. Og hóast Mjølnir fekk trýst ÍF í steypa finaluni, sum mátti upp í fimm sett, er tað altso ÍF, ið kann vinna greipuna um viku skiftið. – Hjá okkum hevur venj ing­ ing verið meira taktiskt síðstu dagarnar, tí vit vita, at Mjølnir kann spæla væl. Nú er so langt síðani, at vit vistu, at vit komu í finaluna, men nú tað nærk­ ast, eru vit ordiliga klárir og sjálvandi eisini spentir. Eg trúgvi, at tað verður okkara fyri munur, at vit hava fleiri streingir at spæla uppá enn Mjølnir, sigur Rúni Weihe í ÍF. Sigast má, at ÍF hevur í vetur gjørt slætt borð í øllum dystunum ímóti Mjølni, tí ÍF hevur vunnið allar fimm lands­ kappingardystirnar, umframt steypafinaluna. Kortini hava mong jøvn sett verið, og av teim um tilsamans 24, liðini hava spælt, er eitt endað 31­29, eitt 30­28, tvey 29­27 – enntá í sama dysti! – og eitt 26­24. – Vit vita væl av, at ÍF er favo rittur, men eg haldi slett ikki, at munurin er so stórur á okk um og teimum, sum mong gera tað til. Tá vit spæla upp til okkara besta, eru vit betri enn teir. Vit mugu bara fáa alt at koyra, tí tað krevst, skal tað eydn ast at vinna á ÍF, sum hevur havt munin á okkum í all an vetur, sigur Thorvald Danielsen í Mjølni. Tummas Óli Mortensen verð ur fyrsti dómari í báð um mansfinalunum, har hann í morgin hevur Óla G. Samuelsen sum annan dómara og sunnu­ dagin Rúni Hentze. hilmarjan@sosialurin.fo Hilmar Jan Hansen Fólkini í Flogbóltssambandinum fingu næstan kaldasveitta, tá ser­ liga Teraflex­gólvið fekk stóran skaða í Trongisvági fyri viku síðani, tá tað varð brúkt til FM­finalurnar hjá teimum yngru leygardagin, um­ framt at kvinnurnar TB og Fleyr spældu á tí sunnudagin. – Skaðin hendi, tá gólvið skuldi takast av aftur, tí tað vísti seg, at klistrið, vit høvdu brúkt til at hefta gólvið við, hevði brent seg fast, so tað partvíst ikki vildi loysna frá gólvinum í sjálvari høllini, umframt at tað í støðum gjørdi, at Teraflex­ gólvið skrædnaði, sigur Magnus Tausen, formaður í Flog bólts sam­ bandinum. – Hetta er sjálvandi ikki gott, og einar tvær av rullunum hava fingið stóran skaða, sum enntá er komin á næstan teimum ringastu støðunum, har hann kann koma. Men vit fara at gera alt fyri at umvæla og lappa tað, so tað verður væl spælandi á tí á Eiði um vikuskiftið. Vit skulu nokk klára tað. At valið aftur í ár fall á Eiði, nú FM­finalurnar skulu spælast í morgin og sunnudagin, var ikki nøkur torfør avgerð hjá Flogbólts­ sambandinum at taka: – Skipanin er tann, at vit skulu hava uttanveltaðan vøll í einari góðari høll, og í fjør gekst so mikið væl á Eiði, har tey gjørdu eitt gott arbeiði, at vit gjørdu av at royna tað aftur har. Tað síggja vit eisini fram til, sigur Magnus Tausen. hilmarjan@sosialurin.fo Hilmar Jan Hansen Kvinnurnar hjá Mjølni hava um vikuskiftið møguleikan at vinna greipuna, um tær vinna á Fleyr í FM­finalunum, tí longu framman­ undan hevur Mjølnir jú vunnið steypakappingina. Hinvegin hevur Fleyr møguleikan at vinna fyrsta meistaraheitið hjá kvinnunum síðani 1997! – Vit eru spentar og hava roynt at vant, sum spældu vit ímóti Fleyr. Nú hava vit kjansin at fara við greip uni, og tað ætla vit eisini. Hetta eru tvey rættiliga jøvn lið, so eg vænti tveir dystir við nógvum og góðum álopsspæli, har tað liðið vinn ur, ið torir betur, sigur Eina Kalsø í Mjølni. Fleyr hevur havt munin á Mjølni í vetur við einum 3­2 og einum 3­1 sigur, meðan Mjølnir hevur vunnið eina ferð 3­1. Men serliga í síðsta dyst inum tóktust liðini jøvn, og har end aði eitt sett 26­24 og eitt 27­25. – Sjálvandi eru allar øgiliga spentar, nú vit eru í einari FM­ finalu, men tað hevur ikki ávirkað venj ingina nakað serligt hesa vik­ una. Vit kunnu ikki byrja upp á nakað nýtt nú, men fara at gera tað, sum hevur verið nóg mikið til at fáa okkum í finaluna. Eg trúgvi, at tað liðið, sum kemur betur frá byrjan, fer at vinna, sigur Rakul Dalsgaard Jakobsen í Fleyr. Báðar kvinnufinalurnar er Sveinur Tróndarson fyrsti dómari, og sum annan dómara hevur hann Randi Larsen aftur at sær í morgin og Óla G. Samuelsen sunnudagin. hilmarjan@sosialurin.fo ÍF hevur havt munin Mansflogbóltur Fuglfirðingar hava vunnið allar dystirnar ímóti Mjølni í vetur, men í steypa­ finaluni vístu teir í Mjølni, at teir saktans kunnu spæla við Íf faVorIttur Higartil í vetur hava menninir hjá ÍF vunnið allar seks ferðirnar, teir hava spælt ímóti Mjølni, so tí má ÍF liva við leiklutinum sum favorittur undan mansfinalunum Mynd: Álvur Haraldsen Eikligan, FM-Finalur á Eiði 26/03 15.00 Fleyr-Mjølnir (kvinnur) 26/03 17.00 ÍF-Mjølnir (menn) 27/03 15.00 Mjølnir-Fleyr (kvinnur) 27/03 15.00 Mjølnir-ÍF (menn) StórStEypadyStur í gundadali 27/03 16.00 HB-EB/Streymur SunSEt-kappingin 26/03 17.00 StÍF-Neistin 27/03 14.30 Kyndil-VB 27/03 15.00 Tjaldur-Stjørnan Dystir um vikuskiftið: JØVn lIÐ Fleyr og Mjølnir eru tvey sera jøvn lið, so tí kunnu helst væntast tvær spennandi og tættar FM-finalur teirra millum um vikuskiftið Mynd: Álvur Haraldsen KVInnuflogbóltur Væntast kunnu tvær spennandi finalur millum kvinnurnar hjá Fleyr og Mjølni um vikuskiftið, tí liðini eru sera jøvn og passa væl saman í spælistíli Tvey jøvn kvinnulið Gólvið skrædnaði flogbóltur Teraflex­gólvið fekk stóran skaða í Trongisvági fyri einari viku síðani, men í dag verður tað umvælt, so tað verður klárt til FM­finalurnar í morgin og sunnudagin