mikudagur 6. apríl 2011síða 27

27 Mikudagur 6. apríl 2011 · Nr. 41 Sosialurin 7. apríl fyllir ein unglingi í Havn 65 ár. At maðurin nærk­ ast pensjónsaldri hugsar ong in, ið sær hann hvønn morg un kl. 06 rennandi á Tórs vølli, áðrenn hann fer til arbeiðis sum borgarstjóri. Á arbeiðsplássinum rennur hann víðari, og starvsfólkini mugu renna við, men hetta er tó høvuðsorsøkin til, at so nógv kemur av skafti. Hann megnar kortini at vera bæði sosialur og vinaligur í gerandisdegnum og hevur altíð stundir til eitt prát. Heðin á Brekkunum, Heðin hjá Eli og Ethel, varð føddur 7. apríl 1946 í Trongisvági. Reiðiliga farin í skúla flutti familjan til Havnar. Heimurin hjá Heðini gjørdist økið millum Kongabrúnna, Abbatrøð og Glaðsheygg, sum tá var eitt sera aktivt øki við kolasølu og sandsølu, har sum parkeringsplássið er nú. Í hesum økinum vóru øll B36'arar, so tað sindrið av TB'ara, sum kanska hevði verið í dronginum, varð skjótt pilkað úr honum. Hevði diagnosan ADHD ella DAMP verið uppfunnin tá, so var hann helst settur í viðgerð. Drongurin hevði eld í reyvini og var sera aktivur. Abbin, gamli Palle á Brekkunum í Trongisvági, var umframt at vera gamal skipari eisini bóndi, so Heðin vaks upp við djórahaldi. Í Havn rann hann tí aftaná øllum, sum høvdu seyð, gæs, høsn og hest, og sum heilt ungur skrivaði hann umsókn til kommununa um leigutrøð. Hana fekk hann kortini ikki, fyrrenn umsóknin var so gomul, at hon nærmast var ógildug. Har suðuri hevði Heðin gingið á universitetinum í Trongisvági – í fyrsta flokki hjá Elspu Vestergaard. Kom­ in til Havnar fór hann at ganga í skúla á Vaglinum, í sama húsi, har hann nú situr sum borgarstjóri. Flutt varð seinni niðan í gula skúla. Eftir skúlatíð var hann sera aktivur, rokaðist og loss aði á keiini, bar cement og hjálpti til hjá Balslev. Súkkl aði dýnur inn og út fyri Fjøður­ reinsaríið. Hann var skóti, fyrst úlvaungi, seinni skóti í Másanum í somu patrulju sum Poul Michelsen, gjørdist korporálur og so førari, sum tað kallaðist tá. Hann slapp eisini við Tjaldr i num og fekk sjófarts­ bók. Men hann valdi ikki sjó lívið, tí her kom totalur sperð il í. Stóri smádrongurin við Tommy Steele & James Dean­frisýruni koblaði sam an við eini elegantari eitt sindur meira vaksnari gentu, Hjørdis hjá Eriku og Alfred Egholm. Hon gav honum nakað at liva upp til, helt honum nøkurlunda á tí beina og smala vegnum, so hesin óvitin úr Trongisvági útviklaði seg rímiliga nor­ malt. Og hann snuppaði hana beint fyri næsunum á hundraðtals donskum marin­ ar um, sum floymdu oman úr Mjørkadali um kvøldarnar. Hóast torført var at fáa lærupláss, so fekk Heðin læru pláss sum maskin­ og bil smiður hjá Wenzel. Hann bleiv mekanikari og bleiv Ford­maður burturav, um framt serkønur Alpha Diesel­maður. Tey høvdu eitt fantastiskt ungdómslív í Havn, har møtiplássini vóru Kondittaríið, Sjónleikarhúsið og Tórshøll. Hann giftist við Hjørdis og tey fluttu aftur niðan á Glaðsheygg, næstan á sama stað, hann byrjaði lívið í Havnini. Og so livdu tey annars lukkuliga fram til dagin í dag, fingu 4 børn sum hava givið teim um so nógv abba­ og ommu børn, at skjótt passa tey ikki uppá eina mynd. Tey hava klárað seg væl. Heðin hevur havt bát og hevur róð nógv út. Seyð hevur hann á trøðni í Havnardali saman við brøðrunum Hans og Erhardi­ suðuroyarsperðilin er tiltikin ­ og gæsnar hava frælsi í Norðradali. Og so er hann grindamaður. Spesialistur í turrum tvøsti. Innløgumaður sum fáur. Søgan kundi endað har. Men við til søguna hoyrir fyri ein ordans skuld eisini, at hann eisini bleiv útbúgvin bilsýnismaður og trygg ingar­ maður, at hann arbeiddi sum mekanikari í 17 ár og á Tryggingini í nærum 30, at hann hevur sitið í býráðnum í Havn í 40 ár, at hann hevur sitið 6 ár á løgtingi, at hann var formaður í Havnar Sjón­ leikarfelag í 6 ár og Havnar Róðrarfelag í 6 ár, Tórshavnar Ítróttarráð í 3 ár og hevur verið forseti ÍSF's í 28 ár. Og hann hevur eisini fingið nógv herðaklapp. Hann gjørdist Riddari av Danne brog í 1991, fekk ís­ lendska ISI heiðurskrossin í 1996, ÍSF­heiðurskrossin í 1999, gjørdist Riddari av Dannebrog af Første Grad í 2003 og fekk innivist í Kraks Blå Bog í fjør. Og í fjør fekk hann eisini hægsta heiðursmerki frá danska ítróttarsambandinum, DIF. Og herfyri varð hann valdur ársins leiðari. Hann er eisini havnar­ maður um ein háls, og tað er ikki lukkuligt fyri tann, sum av órøttum niðurger Havnina. Hann er ein góður vinmaður, sera trúgvur og hjálpsamur – rættir altíð eina hond, har tað kann lata seg gera. Og tað er nakað, vit starvsfelagar eisini merkja. Hjartaliga tillukku við degnum. Starvsfelagar Nøvn Heðin Mortensen sekstifimm Ein heilsan til vinu mína, Jenny Petersen, kollfjarðarkonuna, úr Fuglafirði á 90 ára føðingardegnum 7. apríl Situr tú framman fyri gluggakarm ´ og lítur yvir blágráan fjørð, meðan hvítmyljur kara hvítt og veittra til tín á stálkyndum firði, har níti ár liva við eygnahvarm og tín mjúka barm. Heilsa verði tú, vina mín, og øll tín barnafjøld, nú tú situr í hásæti í lívsins spunatráði ­ ið nemur við tín huga um Kollafjørð og Bakkalið, koma framvið og heilsa tær í tign og frið´ lið um lið. So vøkur tú ert, vina mín, so skaldakend og snøgg ­ í skart og skrúð, frá høvur til fót, ið nemur við dúnlættu náttardøgg. Nú várkyldin fer um Bakkan og heimligu jørð, so var tað eins og í gjár, at tú livdi tíni bestu ár. Tú festi búgv við stálgyrdan fjørð og untist væl við mann og børn og bakkafjøld. Her var tín lívsdagur, vina mín, og tøkk fái tú fyri ár so mong á hesi grønu ong ­ fyri prát og vinsæl orð ­ í skemti í suður og norð ­ í trúfesti og dygd ­ úr tíni vinsælu hjartatrygd. Frits