fríggjadagur 15. apríl 2011síða 17

nr. 45 · 15. apríl 2011 17 VIKUSKIFTI ... ella hoyr alt á rás2! kom á Hvonn og lurta Beinta poulsen Hon er búsitandi í Malmø og hevur klædnamerkið soul Made. Beinta poulsen greiðir frá, hvørjum hon arbeiðir við í sínari sniðgeving í løtuni, og hvat skal til fyri at vinna fram millum tey mongu merkini, sum bjóða seg fram á marknaðinum. elin og Tóra Tær fylgja við í mótaheiminum – bæði heima og burturi – og á bloggum og heimasíðum siga tær sína hugsan. elin Christiansen, sum hevur rikið heimasíðuna plagg.fo, og Tóra Højgaard joensen, sum bloggar á kvinnu, siga sína hugsan um føroyska sniðgeving og føroyskan móta. Vit spyrja, hvat tær halda, at føroyskir sniðgevarar duga væl, og hvat teir kundu gjørt øðrvísi. Óluva á Lofti Handilin sirri selir bert klæði hjá føroyskum sniðgevum. Vit tosa við Óluvu á Lofti, sum rekur handilin, um áhugan fyri føroysku klædna­ merkjunum, um hvørji fólk keypi hesi klæði, og um hvussu føroysk klædnaframleiðsla hevur tað í løtuni. anders Breinholt Hann er vertur í satiru­sendingini Natholdet á TV2, og nú er hann komin til Føroya at taka sending upp. anders Breinholt leggur leiðina fram við á Hvonn, og vit spyrja hann, hvør er størsta klichéin um Føroyar, sum hann hevur fingið váttað á ferðini til Føroya – og hvørja kliché hann hevur fingið avsannað. Lena live Lena anderssen er kent navn bæði her heima og í útlandinum. Hon hevur seinnu árini givið nógvan tónleik út, hevur havt konsertir úti í heimi, og her heima hevur hon vunnið fleiri heiðurslønir. Leygar kvøldið práta vit Lenu anderssen um tónleikin, og hon fer at spæla live fyri okkum. juanita og Óluva Tær hava gingið catwalk úti í heimi, eru avmynd­ aðar til bløð og heimasíður, og teljast millum fremstu føroysku modellirnar. juanita schrøter Holm úr Hvalba og Óluva johannesen úr Havn greiða frá, hvussu tað er at verða modell, hvørjar stóru avbjóðingarnar eru, og hvussu tað er skula liva upp til krøvini frá mótavinnuni. Frida poulsen Filmurin »The Devil Wears prada« er eitt undirdrívilsi av, hvussu veruleikin er í mótaheiminum – í øllum førum innan sniðgevaraheimin í Italia. Tú arbeiðir hart, fært lítla løn og nógvir høvuðs sniðgevar eru sera órimiligir í krøvunum til starvs fólkið. Tað sigur Frida poulsen, sum hevur lært til sniðgeva í Milano, og sum nú arbeiðir sum free lancesniðgevi har. Herfyri var Frida í Føroyum, og tá fingu vit eitt prát við hana um lívið í italska móta heiminum. Mini mótashow Leygarkvøldið bjóða vit eisini eitt lítið mótashow, har vit vísa nýggj klædnasett hjá føroyskum sniðgevum. Modellir vísa fram klæði hjá Guðrun & Guðrun, Malan á Lofti, steinum fyri sirri, Barbara í Gongini og soul Made.