fríggjadagur 6. mai 2011síða 16

Fríggjadagur 6. mai 2011 · Nr. 52 16 Sosialurin Kjak Skeri eg teg her, so missi eg teg har Øgiligt hurlumhey, ið stóðst av staðseting av einum fót­ bóltsvølli. Tað stutta av tí langa er, at í býarætlanini er pláss lagt av til ein fót bólts vøll við Skúlan við Løg manna breyt. Enn hava ongar ítøki­ligar ætlanir verið um at gera vøllin, men trýstið á vøllirnar í Gundadali og á Argjum verður alsamt størri, og tað aktualiserar spurningin um fleiri møgu leikar. Her kemur staðsetingin av vøllinum í Hoyvíkshaga til orðaskiftis. Summi halda, at ov vindhart og trongt er har, sum øki er lagt av, og víst verður á annað øki í Dalinum Langa niðan frá Hoyvíkar skúla. Tann staðsetingin er heldur ikki uttan ivamál, tí tað økið er lagt sum ein grønur geiri eystanfyri sein­ astu útstykkingarnar í Hoy­ víkshaga. Grønu og óbygdu geir­ arnir úr Sandá í suðri til Dalin langa og Langadal í eystri eru í býarætlanini mettir umráðandi fyri fólk­ sins trivnað og vælveru. So støðan í hesum mál in­ um kann, hvussu tú vendir tí, leggjast út sum í orða­ takinum: Skeri eg teg her, so missi eg teg har. Kanska hevur málið ikki sama skund, sum bý ráðslimir hava havt at skriva seinastu dagarnar. Um ikki so langa tíð verður graslíki lagt á Tórs­ vøll. Tað merkir, at í Gunda­ dali verða nógv fleiri vallar­ tímar tøkir til feløgini, sum halda til har. Kortini skerst ikki burtur, at bæði býarskipanarliga, trivnaðarliga og ítróttaliga er tað uttan iva skilagott í framtíðini at gera ein fót­ bólts vøll í Hoyvík. Sum er hevur høvuðs­ stað urin nógv minni vall­ ar kapasitet enn flestu bygd ir, ið luttaka í fótbólts­ kapp ingunum. Fylgja vit ikki nøkur lunda við her, kann tað skjótt elva til, at fótbólts menningin í Havnar komm unu steðgar. Tað vil ongin hava sitandi á sær. Jógvan Arge formaður í mentamálanevndini í Havn Flott mynd, men ivasom tíðindir ... ein viðmerking til gomul tíðindir í Sosialinum Út móti midnátt, týskvøldið h. 1. februar, sendi eg fjølmiðlum, portalum o.ø. grein, har eg greiddi frá arbeiðinum í stjórnarskipanarnevndini tey 10 ½ árini, eg var virkin har. M.a. skrivaði eg hetta brotið: ”Eg mynstraði av eftir 10 ½ ára starvstíð. ... eftir innanhýsis stríð var arbeiðssjakkið umskipað og nýggjur formaður valdur í oktobur sama ár. Sama dagin fekk eg loyvi frá feløgum mínum, sum tann, ið longst hevði verið við í arbeiðinum, at leggja amboðini úr hond­ um. Hetta var 21. oktobur 2010, eftir 10 og eitt hálvt ( 10 ½ ) ára starvstíð. ” Fáar dagar áðrenn hesa grein, sum øll høvdu høvið at lesa í ymiskum fjølmiðlum, varð eg av sjónvarpinum spurdur um hetta sama, og har fekk eg høvið at greiða frá, hví eg hevði valt at frávelja fundarvirksemi í stjórnarskipanarnevndini. Síðani tá havi eg møtt mong­ um, sum meta meg hava hava víst ómetaligt tol øll hesi árini, har eitt løgtingsumboð fyri og annað eftir løgdu árar inn og fingu onnur at taka yvir arbeiði sítt í hesari maratonnevnd. Tilvitað gloymska á Sosialinum? Løgið at ongin á Sosialinum hevur varnast fráboðan mína­ hvørki í sjónvarpinum, í bløðum ella á portalum. Man tað verða tilvitað, so høvið nú býðst at bera hálvan sannleika um, at ” Jenis skulkar hvønn fund ”. Fundir, sum eg greitt og í góðari tíð boðaði frá, at eg ikki komi at luttaka á? Tey, sum verða boðsend at møta í rættinum vita, at tey mugu siga sannleikan, allan sannleikan og bara sannleikan. Kanska kundi sosialurin umhugsa hesa meginreglu næstu ferð trongd kemur á ” at sparka mannin ”. Jenis av Rana, Løgtingslimur