fríggjadagur 6. mai 2011síða 10

nr. 52 · 6. mai 2011 10 VIKUSKIFTI tIl arbeIðIs Brandur er hoyvíkingur, og hann lesur stjórn­ málafrøði á Fróðskaparsetri Føroya. Hann gjørdist málsligur studentur í Hoydølum í 2009 og byrjaði at lesa á Setrinum síðsta heyst. Seinnu árini hevur hann arbeitt fyri Hotel Føroyar í frítíðini, og her hevur hann eitt nú staðið í barrini, eins og hann hevur tikið sær av ymiskum urtagarðs­og viðlíkahaldsarbeiði. Hann hevur ikki fast starv hjá Hotel Føroyum, men er til reiðar, tá ringt verður eftir honum. Hetta hevur serliga verið eftir skúlatíð, í vikuskiftunum, og tá jólafrokostir og onnur størri tiltøk hava verið. Nú verður tað í Kafe Vágs­ botn fram til heystar. Kafe Vágsbotn Í fjør summar arbeiddi Brandur eisini í Kafe Vágsbotn, og hetta dámdi honum ógvuliga væl. Nú kafe’in læt uppaftur seinna­ partin mikudagin, er hann enn einaferð til reiðar at taka sær av viðskiftafólkum, sum detta inn á »gólvið« í útikafeini – til ein bita ella til okkurt leskandi. – Vanliga hava vit opið frá klokkan 11 fyrrapart til klokkan 22 á kvøldi. Er veðrið gott, og nógv fólk er í Vágsbotni, kunnu vit hava longri opið. Vit hava eitt nú sandwick, høsnarunga, sushi og vaflur, og vit hava eisini sodavatn, smooties, milkshake, øl og sommersby, sigur hann. Væl vitjað Brandur Leivsson Hansen sigur, at Kafe Vágsbotn verður væl vitjað, tá veðrið er gott. – Tað hevur eisini víst seg, at rættiliga nógv fólk savnast í Vágsbotni, tá ferða­ mannaskip eru á Havnini. Hinvegin eru flestu gestirnir hjá okkum føroyingar, og sum heild hava fólk tikið væl ímóti útikafe’ini í Vágsbotni, leggur hann aftrat. Hann vísir á, at í fjør høvdu tey eisini stór­ skíggja, har fólk, sum vitjaðu, eitt nú høvdu høvi at síggja HM­fótbólti úr Suðurafrika. – Eg vænti, at vit fara at seta sjónvarp uppaftur í ár, har fólk kunnu síggja sendingar frá eitt nú Oyggjaleikum og ymiskum øðrum kappingum úti í heimi – og kanska verður eisini víst frá onkrum av føroysku summarstevnunum, leggur Brandur aftrat. Men er tað ikki kalt at arbeiða í eini útikafe? – Nei, tað er eingin trupulleiki við kulda. Vit hava jú rúmið her aftanfyri, og vit hava eisini røttu búnarnar, tá sólin ikki skínur. Brandur Leivsson Hansen heldur, at tað er sera hugnaligt at arbeiða í Vágsbotni um summarið, tá sólin skínur, og øll eru í góðum hýri. Hevur fjakkað Ungi hoyvíkingurin sigur, at stjórnmálafrøði kann lesast fram til endan av útbúgvingini í Føroyum, men hann væntar, at hann fer at taka okkurt semestur í onkrum øðrum landi. – Hetta verður neyvan í Danmark, men helst í onkrum enskt talandi landi, leggur hann aftrat. Brandur sigur, at um hesa tíðina í fjør vóru hann og ein vinmaður og fjakkaðu í fjareystri. – Vit vóru burtur í tríggjar mánaðir, og hetta var ein fantastisk tíð, har vit upplivdu onnur lond, onnur fólk og aðrar mentanir. Vit sóu, hvussu fólk liva, og hvussu tey hava tað í gerandisdegnum, har tey búgva og liva sítt lív, sigur 22 ára gamli hoyvíkingurin, Brandur Leivsson Hansen. lagt tIl rættIs: Vilmund Jacobsen, vilmund@sosialurin.fo Lesur stjórnmálafrøði og selir sushi í Vágsbotni Seinnapartin mikudagin læt Kafe Vágbotn uppaftur og fer nú at hava opið til endan av august. Í gjár, tá SoSialurin vitjaði, stóð 22 ára gamli, brandur leiVSSon HanSen, Í útikafe’ini Mynd: ViLMUND JacOBSEN Síðan hann var 18-19 ára gamal hevur Brandur Leivsson Hansen hjálpt til í frítíðini á Hotel Føroyum, og hetta er annað árið, at hann arbeiðir í Kafe Vágsbotn Fakta: Navn: Brandur Leivsson Hansen Aldur: 22 ár Besta við starvinum: At møta ymiskum fólki Ringasta við starvinum: Mær dámar tað bara... Staður: Vágsbotnur Stjóri: Jóhannes Jensen