fríggjadagur 15. mars 2002síða 7

12 Nr. 52 - 15. mars 2002 Vilmund Jacobsen Enn eru vit ikki komin longur enn út í hálvan mars, og enn kunnu vit vænta okkum bæði kulda, kava og skiftandi veður. Grækarismessudagur var ikki so góður, sum dagurin eftir, ið gjørdist ein rætti- ligur várdagur við nógvari sól. Tá ið Sosialurin í góð- veðrinum fór oman á molan í Saltangará at taka myndir av Akrabergi, sum lá og tók proviant til komandi túr, sóu vit hesar dreingirnar standa beint aftanfyri hekkuna á Lómi og stuttleika sær við sleingitráðu. Nógvur seiður stóð beint undir vatnsskorpuni, og teir siftu, sum teir vildu. Teir høvdu gággu til agn. Á innaru síðu á molanum stóð eisini nógvur seiður. So, her hevði verið gott pláss, um fleiri vildu staðið við tráðuni. Seiðapláss Í fleiri bygdum kring landið eru gomul seiðapláss, og tey hava nøvn, sum røkka langt aftur í tíðina. Men millum yngra ættarliðið munnu hesi staðarnøvn fara at kámast, so hvørt tey ungu hava onnur áhugamál og ganga minni og minni á tey gomlu seiðaplássini. Ert tú úti á bygd, sært tú ofta, at bæði børn, ung og vaksin framvegis ganga á seiðaberg, men nú standa hesi oftast á molanum og ikki á gomlu seiðaplássun- um, har streymaseiður er at fáa. Hví seiðaplássini liggja júst, har tey liggja, er tengt at nátturuviðurskiftunum. Nógvastaðn fram við fjøruni er nógvur tari, og tí ber ikki til at fiska hvar sum helst. So, tey gomul seiða- plássini eru útvald støð - vald út av teimum gomlu, sum kendu fjøruna og taran, sum sín egna lumma. Tað kemur neyvan uppá tal, at danir yvirtaka málsøki aftur, sum føroyingar longu hava yvirtikið, men vilja sleppa av við aftur av fíggjar- ligum ella øðrum ávum. - Tað havi eg ilt við at ímynda mær, sigur Anders Fogh Rasmussen, forsætis- ráðharri UMVENDAR YVIRTØKUR Magnus Dam Keypmannahavn Um onkrir politikarar í Føroyum ganga við einum tanka ella ynski um at hækka blokkstuðulin aftur næsta ár, og lata danir taka aftur yvirtikin málsøki, so kunnu teir helst jarða hendan tankan. Tað kemur neyvan uppá tal, segði danski forsætis- ráðharrin, Anders Fogh Rasmussen, tá hann miku- dagin svaraði einum fyri- spurningi frá Tórbjørn Jacobsen, fólkatingsmanni. Danir hava ongan áhuga í at yvirtaka málsøki, sum longu eru farin á føroyskar hendur. Blokkstuðulin er gjald fyri málsøki, sum eru fe- lags. Tá ið føroyingar yvir- taka hesi málsøki, so yvir- taka føroyingar eisini út- reiðslurnar í sambandi við yvirtiknu málsøkini, og blokkstuðulin verður lækk- aður tilsvarandi, vísti And- ers Fogh Rasmussen á. Tórbjørn Jacobsen vildi hava forsætisráðharran at greiða frá, um tað letur seg gera at hækka blokkstuð- ulin aftur, um eitt tílíkt ynski kemur úr Føroyum, og um ein fortreyt fyri at hækka blokkin aftur er, at danir yvirtaka málsøki, sum longu eru farin á før- oyskar hendur. Ikki hent áður Forsætisráðharrin hevur tó ilt við at ímynda sær, at ein tílík støða fer at taka seg upp. Í øllum førum er tað ikki hent fyrr, at danir hava tikið aftur málsøki, so vítt forsætisráðharrin veit. Og somuleiðis heldur hann tað vera rættiliga óhugsandi, at blokkurin hækkar aftur. Men heilt útiloka tí, vildi forsætisráðharrin tó ikki. Blokkstuðulin verður ásettur í samráðingum mill- um stjórnina og landsstýr- ið, og eingin veit, hvat kann henda í hesum samráðing- unum, sum verða aftur í heyst um blokkstuðulin fyri næsta ár. - Danska stjórnin hevur ikki ta arrogantu støðuna, at hon frammanundan vísir aftur at samráðast við landsstýrið, segði forsætis- ráðharrin. - Men tað hevði verið rættiliga óvanligt at vent aftur og hækka ein blokk- stuðul, sum áður er lækk- aður, tí uppgávur eru fluttar frá at vera felags til at vera føroyskar burturav. Í øllum førum skulu føroyingar koma við rættiliga sannfør- andi sjónarmiðum, um teir ynskja blokkstuðulin hækk- aðan aftur, legði forsætis- ráðharrin aftur. Spurdur, hvørji sjónar- mið kunnu hugsast at vera nóg sannførandi, segði for- sætisráðharrin, at hann av góðum grundum ikki vildi koma við nøkrum boði uppá hetta. Sostatt kann staðfestast, at eitt komandi landsstýrið neyvan fer at koma langt við einum møguligum fyri- spurningi til stjórnina um at hækka blokkin aftur. Heldur ikki, um landsstýrið heitir á stjórnina um at taka aftur málsøki, sum eru farin á føroyskar hendur. Blokkurin er í ár 615,5 milliónir krónur, og tær 366,4 milliónirnar, sum hann minkaði við í mun til í fjør, fáast neyvan aftur. Danmark tekur ikki málsøki aftur – Blokkstuðulin er gjald fyri málsøki, sum eru felags. Tá ið føroyingar yvirtaka hesi málsøki, so yvirtaka føroyingar eisini útreiðslurnar í sambandi við yvirtiknu málsøkini, og blokkstuðulin verður lækkaður tilsvarandi, vísti Anders Fogh Rasmussen á í svarinum til Tórbjørn Jacobsen, fólkatingsmann Á seiðabergi í góðveðrinum Í góðveðrinum, 13. mars, stóðu hesir á seiðabergi beint aftanfyri hekkuna á Lómi Frá fríggjadegi 15. mars til hósdagin 21. mars Fres – Veðurstøðin Sammenhold UEFA Champions League Gerandisdagurin hjá Charles Gade er sum hjá fólkum flest, hóast nólsoyingurin er sjónveikur. Hann ferðast ofta við Rituni til Havnar at røkja sítt arbeiðið sum klaverstemmari. Hann fæst eisini við at skriva tónleik, og tónleikur eftir hann er javnan at hoyra í útvarpinum. Ein kann siga, at brekið hevur ikki darvað Charles Gade, og hevur heldur ikki frátikið honum hugin at royna nýggjar avbjóðingar. Herfyri luttók hann í eini skjótikapping í Danmark, har hann fekk góð úrslit. »Eg noyðist at lurta« Lat nú føstuklokku ringja Fríggjakvøldið kl. 18.30 Mikukvøldið kl. 19.00 Leygarkvøldið kl. 19.00 Tað ljósa várið Jú, so fór grækarismess- an, og dagarnir eru vorðnir longri, og eg havi hoyrt onkran sagt seg hava hoyrt okkurt klipp, uttan tó at hava sæð nakað tjaldur. Vár? Tað er í hvussu so er á veg! Sjónvarpið hevur tikið ein nýggjan tátt upp. Tvey tey seinastu mána- kvøldini hevur Okkara millum við Katrini Pet- ersen verið á skránni eft- ir Dag og viku. Tann fyrra sendingin snúði seg um fólkaskúlan og dúgliga var kjakast um hesa sendingina aftaná. Fólk vóru ósamd um dygdina, men øll vóru samd um, at evnið var viðkomandi, hóast send- ingin var alt ov stutt (og tí eisini ov grunn!) til eitt so umfatandi evni. Hví ikki gera eitt temakvøld um føroyska skúlan, har øll eru umboðað, sum hava við fólkaskúlan at gera? Næmingar, foreld- ur, lærarar, stjórar, av- varðandi myndugleikar og politikkarar? Tað hevði verið áhugavert!! Seinna sendingin um rætta aldurin at fáa sær børn hepnaðist betur! Sendingin var væl sett saman við brotum úr teldubrøvum, telefon- práti og samrøðum í sjónvarpsstovuni. Eisini var tað ein sending, sum livdi longri enn teir minuttirnar, hon vardi! Og eitt annað, sum gevur júst hesi sending- ini eitt pluss! Hyggjarin fær at vita frammanund- an, hvat sendingin fer at snúgva seg um! Tað hendir ikki á hvørjum degi, tíverri! Og so hevur útvarpið gjørt tað bragd at fara undir at senda nýggja føroyska skaldsøgu eftir Oddvør Johansen. Tað rokni eg við, at fleiri fegnast um saman við mær. Útvarpið tykist at hava ein serligan tokka til eldri tilfar – tað tykist, sum teir siga: Jú eldri, jú betri! Gud viti hví?! So kanska várið eisini er á veg niðan í Sortudíki! Tað er so ikki bara grækarismessan, sum er farin aftur um bak í hes- um umfarinum – tað er sanniliga eisini 8. mars – altjóða kvinnudagurin, um onkur er, sum ikki kennist við dagin! Og fyri fyrstu ferð vórðu fløggini vundin í húnar hátt henda dagin! Og ikki bara tað! Í Norður- landahúsinum var serlig- ur fundur hildin, har tey kvinnuligu umboðini fyri teir ymisku politisku flokkarnar løgdu síni sjónarmið fram. Fitt av fólki var samankomið at lýða á, teirra millum eis- ini nakrir menn. Einki sjónvarp var á fundinum, men útvarpið tók tráðin upp frá fundi- num í sending týskvøld- ið, sum Bjørt Samuelsen stóð fyri. Sera áhugaverd sending skal sigast! Hes- ar kvinnurnar hava síni hjartamál, sum tær vilja hava framd! Eftir er bara at vóna, at tær, tá ið val- stríðið byrjar av álvara, vera annað enn pyntu- dukkur á listunum. Tað er so hugstoytandi og flokkunum til lítlan sóma, at einans menninir síggjast og hoyrast í loft- miðlunum, tá ið flokkar- nir spíla seg út fyri at tekkjast veljarunum í endabrestinum – tað av- dúkar eina ódámliga rað- festing! Kanska tað verður øðr- vísi hesuferð, nú lýggir várvindar nærkast oyggjunum! Lydia Didriksen ummælir: Sunnukvøldið kl. 20.00 Týskvøldið kl. 20.30 C M Y K 13 12