týsdagur 19. mars 2002síða 13

Nr. 54 - 19. mars 2002 25 Á heimavølli megnaði Sóljan ikki at taka av seinasta møguleikan- um fyri at bjarga sessinum í bestu deildini, og so kundi Kyndil draga andan heldur lættari HONDBÓLTUR – KVINNUR Jákup Mørk Tað var lagnudystur á Giljanesi fríggjadagin. Sóljan skuldi í seinasta dystinum taka ímóti Kyndli, og tað var undan dystinum greitt, at taparin noyddist tungu leiðina niður í aðru deild. Roknast kundi tí við, at talan fór at gerast um ein bæði spennandi og dra- matiskan dyst, men hetta varð tó av ongum. Tølini siga sítt týðiliga mál um, at munurin var stórur, og eftir dystin var helst eingin av fjølmentu heimaáskoðar- unum, sum siga nakað sum helst ímóti, at Kyndil hevði sigurin uppibornan. Eftir eina hampuliga javna byrjan, tók Kyndil at draga frá um miðjan hálv- leikin, og so gekk tað fyri tað mesta ein veg. Kanska var spælið hjá teimum grønu ikki so ógvuliga sannførandi. Til hetta var týdningurin av dystinum helst ov stórur. Men tað vóru tó einastakar orsøkir, sum gjørdu sítt til, at sigurin gjørdist somikið sannførandi. Fyrstu løtuna, tá munurin kom í, var tað kanska ser- liga Fríða Petersen í málinum, sum stóð seg væl. Einar tríggjar ferðir á rað hevði hon fínar bjargingar móti mest sum leysum sóljuleikarum, og tá Kyndil so fekk fulla nyttu úr mótálopunum, gjørdist tað beinan vegin tungt hjá Sóljuni. Hin orsøkin til stóra munin, var, at hvørgin av útlendsku leikarunum hjá Sóljuni fingu nakran serliga stóran leiklut hesa- ferð. Asta Petrauskiene, sum ivaleyst verður besti málskjúttin hetta kapping- arárið, var hálvskadd. Hon megnaði ikki at stríðast við verjuna, og tá Kyndil so eisini um miðjan fyrra hálvleik valdi at mansverja, var hennara leiklutur mest sum liðugur. Eymu lær- vøddarnir loyvdu henni ongan tíð at gera nakra roynd at skræða seg leysa, og uttan størstu hóttanina, var talan um eitt ógvuliga skert vágalið. Hartil skal leggjast, at hóast Kristina í málinum hevði nakrar bjargingar, so megnaði hon ikki at einsamøll at halda Sóljuni inni í dystinum, og so hvørt sum bóltarnir fuku inn aftan fyri hana, gjørdist vónloysi á liðnum alsamt sjónligari. Sum dysturin leið, so gjørdist talan um ein tryggan sigur til Kyndil, og tá alt var liðugt, kom til sjóndar, undir hvørjum trýsti kyndilsliðið hevur verið seinastu vikurnar. Gleðisrópini harðnaðu fyri hvønn bólt, sum varð sendur í málið, og tá sein- asta bríkslið hevði ljóðað, tustu leikarar og onnur av væl mannaða beinkinum inn á vøllin, har øll kundu hálsfevnast og fegnast um, at liðið hevði byrgt fyri vanlagnuni at flyta eina deild niður. Tað megnaði Sóljan so ikki, men hóast hetta, so tóktust tær meira avklár- aðar í niðurflytingarspurn- inginum enn Kyndil. Tað er tó líti at ivast í, at talan bert verður um eitt fyribils farvæl til vágaliðið. Í stóran mun er hópurin mannaður við ungum leik- arum, og verður hildið fast við hesar, soleiðis at tær kunnu búnast eitt ár í oddinum av aðru deild, heldur enn í botninum av fyrstu deild, so er lítið at ivast í, at talan verður um eina sterkaru Sólju, sum um eitt ár aftur verður at síggja millum bestu liðini í landinum. Dysturin í tølum Sóljan-Kyndil 15-26 (5-10) Sóljan: Asta Petrauskiene 5 (1), Hertha Jónsdóttir Sim- onsen 4, Marjun Johansen 3 (1), Sólja Jóanisdóttir 2, Heidi Maria Akselsen 1. Kyndil: Palma Petersen 5, Marjun Tróndarson 5, Lotte Sørensen 5 (3), Ann Han- sen 3, Annika Ljósstein 3, Rakul Napoleonsdóttir Joensen 2, Linda Weihe 1. Útvísingar: Sóljan 3, Kyndil 1 Brotskøst: Sóljan 2, Kyndil Dómarar úr Neistanum: Kristian Johansen og Jacob Jónsson. Lága leikferðin gav teimum litlar og ongar trupulleikar. Eftir eina tíð við hampu- liga lítlum aktiviteti, eru ungir føroyskir leikarar nú aftur við at gera um seg í venjingum hjá út- lendskum feløgum. Jón Rói Jacobsen úr HB er júst afturkomin av eini ferð til Onglands, har hann hevur vant undir fyrrverandi enska landsliðsvenjaranum, Glenn Hoddle, í Totten- ham, og nú slepur Hjal- grím Elltør at royna seg undir einum øðrum fyrr- verandi landsliðsvenj- ara. Hesa ferð er tað Gra- ham Taylor, sum fyri stuttum tók við venjara- sessinum í Aston Villa, sum er venjarin. Graham Taylor var annars venjari hjá Watford, tá tveir føroyskir leikarar fyri nøkrum árum síðani royndarvandi við felag- num, so heilt ókunnugur við føroyskar leikarar er hann ikki, og hvør veit. Kanska fer okkurt at spyrjast burtur úr vitjan- ini hesaferð. -jm Hjalgrím til Onglands Jón Rói Jacobsen er júst afturkomin úr Onglandi, og nú fer Hjalgrím Elttør at royna seg hjá Aston Villa Mynd: Álvur Haraldsen Sóljan-Kyndil 15-26 (5-10): Sóljan misti sessin Eftir eina javna byrjan, var tað Kyndil, sum dróg frá, og so hvørt sum málini skolaðu inn, gjørdist stórsigurin alt meira vísur Mynd: Álvur Haraldsen Sjáldan hevur gleðin á kyndilsliðnum verið so stór, sum hon var fríggjadagin, tá liðið tryggjaði sær enn eitt ár í bestu hondbóltsdeildini Mynd: Álvur Haraldsen 25 24 Nr. 54 - 19. mars 2002 FS Vágar og Sumba skulu spæla saman við teimum tíggju feløgunum í bestu deildini LØGMANSSTEYPIÐ Jóannes Hansen Í gjár var aftur eitt kavafølv. Tað eru venjarar og fót- bóltsspælarar kring landið ivaleyst eins harmir um, sum eitt nú bóndur og bil- førarar. Kavin hevur verið fótbóltsvenjingunum og venjingardystunum til stór- an ampa. Sunnudagin eyd- naðist tað at fáa teir báðar síðstu dystirnar frá hondini, sum skuldu spælast, fyri at tað kundi farast undir bólkaumfarið. Í bólkaumfarinum eru fyrstu dystirnir á skránni komandi sunnudag. Seks dystir á skránni hvønn dyst- ardagin. Tað vil við øðrum orðum siga, at tað kann skjótt koma stórur brøkur í, um kavin fer at arga. Upp- runaliga var ætlanin at 2. páskadagur skuldi vera frí- dagur. Tá tað var neyðugt at flyta kappingina ein leik- dag, varð 2. páskadagur tik- in afturat. Páskaaftan er framvegis leysur. Skráin Sumba og FS Vágar spældu seg leygardagin í bólkaum- farið. Tað fer at verða spælt í trimum bólkum, sum eru mannaðir soleiðis: Bólkur 1: Sumba, B36, VB og NSÍ. Bólkur 2: FS Vágar, GÍ, TB og EB/Streymur Bólkur 3: HB, B68, KÍ og Skála. Í bólki trý verður bara spælt norðanfjørðs. Í bólki eitt verður talan um lokal- uppgerðir millum VB og Sumba, og B36 og NSÍ skulu tvær ferðir um Suður- oyarfjørð. Átta av teimum tólv lið- unum koma í fjórðingsfin- aluna. Síðsta umfarið í bólkaspælinum verður sambært skránni leygar- dagin 20. apríl. Fjórðings- finalurnar verða spældar dýrabiðjhudag, sum er fríggjadagin 26. apríl. Fyrru hálvfinalurnar eru settar at vera spældar sunnudagin 28. apríl, og tað verður ikki fyrrenn eftir løgtingsvalið týsdagin 30. apríl, at tað fer at vera greitt, hvørji lið skulu í fin- aluna. Seinnu hálvfinalurn- ar eru settar at verða spæld- ar sunnudagin 12. mai. Komandi sunnudag verð- ur spælt soleiðis: Sumba–B36, VB–NSÍ, FS Vágar–GÍ, TB–EB/Streym- ur, HB–B68 og KÍ–Skála. Ivaleysur sigur og sera tætt Vágamenn spæla í ár á Valloyruni í Sandavági. AB kom vestur hagar at verja javnleikin og so dúva uppá eitt mál upp á kontra, tá heimaliðið fór at leggja ov nógv fyri í álopsroyndun- um. Hetta órógvaði heima- liðið, sum hevði bóltin nógv tann størsta partin av tíðini, men sum hevði stór- ar trupulleikar at spæla seg ígjøgnum trunkan av AB monnum í egnum brots- teigi. Tá tað restaðu átta minuttir av 1. hálvleiki glapp, og so var tað bara ein spurningur um, hvussu stórur sigurin skuldi verða. Úr Vágum frætta vit, at AB hevði eitt skot uppá mál, og tað hevði málverjin ongar trupulleikar at taka sær av. Í Sumba var tað væl tætt- ari, tá B71 vitjaði. Í 1. hálv- leiki var heimaliðið kanska eitt sindur grammari, men tað eydnaðist teimum ikki at fáa mál. Í 2. hálvleiki var sera javnt, og tá komu øll trý málini. Nebosja legði heimaliðið framum, tá seinna umfarið var trettan minuttir gamalt minuttir. Bergur Winther rakk akku- rát bóltinum, sum tóktist vera á veg út av baklinjuni. Hann lyfti høgt afturum seg, og ein hálvan metur frá málstrikuni stýrdi Nebosja í málið. Støðan helt sær inntil tað restaðu tíggju minuttir. Tá javnaði Eli Hentze við brotssparki. So var aftur heilt spennandi, men bara í eina lítla løtu. Sumbingar fingu brotsspark, og Eirik- ur Joensen skoraði sigurs- málið. Í báðum førunum, tá hann bríkslaði fyri brots- sparki, metti Jens Petur Brattalíð, at verjan í brots- teiginum hevði felt álops- spælara. Løgmanssteypið 2. umfar Sumba–B71 2–1 (0–0) 1–0: Nebosja Velkjovic 58. 1–1: Eli Hentze br 80. 2–1: Eirikur Joensen br 82. FS Vágar–AB 3–0 (1–0) 1–0: Hannus Olsen 37. 2–0: Kim Poulsen 65. 3–0: Birgir Joensen 74. Gøtumenn vunnu sunnudagin steypið í Klaksvíkskappingini til ognar, tá teir eftir brotssparkskapping sigraðu á KÍ í finaluni FÓTBÓLTUR Jákup Mørk Eina viku seinni enn ætlað varð árliga klaksvíkskapp- ingin avgreidd um viku- skiftið. Lutakastið lagaði tað so- leiðis, at tey bæði fremstu liðini frá í fjør, B36 og GÍ, hittust í aðrarir hálvfinal- uni, meðan gomlu arva- fíggindarnir, KÍ og HB spældu hina hálvfinaluna. Úrslitið gjørdist, at bæði høvuðssðarfeløgini taptu sínar dystir. B36 var annars á odda 1-0 ímóti GÍ í hálv- leikinum við einum máli frá Bárði Mortansson, men í seinna hálvleiki avgjørdu Súni Fríði Johannesen og Henning dystin til fyrimuns fyri GÍ. KÍ vann í sínari hálv- finalu ein sannførandi 3-0 sigur á HB. Hjalgrím Elttør legði vertirnar á odda fyri hálvleik, og í seinna hálv- leiki kundu Mørkøre- beiggjarnir staðfesta sigur- in við einum máli í part. Sunnudagin skuldu so teir báðir seinastu dystirnir spælast. Í kappingini um triðja plássið mátti B36 enn einaferð taka til takkar við 2-1 tapi. Aftur hesa ferð legði Bárður Mortansson B36 á odda, men Uni Arge javnaði fyri steðgin og í seinna hálvleiki skeyt Rókur Jespersen sigursmál- ið hjá HB. Í finaluni spældu so GÍ og KÍ. Sum skilst úr Klaks- vík var talan um ein ham- puliga góðan dyst, har bæði liðini royndu at leggja trýst á mótstøðuna. GÍ legði seg á odda, tá Henning Jarns- kor slapp púra leysur móti KÍ-málinum, men stutt eftir javnaði Heðin á Lakjuni fyri KÍ. Beint fyri steðgin legði GÍ seg aftur á odda, tá Sámal Joensen setti brots- spark í netið, men klaksvík- ingar góvust ikki á hond- um. Nýggi leikarin, Grímur Vang, sum áður hevur spælt við HB, javnaði eftir steðg- in, og tá tað ikki komu fleiri mál, gjørdist neyðugt við brotssparkskapping. Her var GÍ stinnari parturin, og gjørdust teir sostatt vinnar- ar av kappingini fyri fimtu ferð, og vunnu teir sostatt steypið til ognar. Longu áðrenn hann hevur havt fyrstu venj- ingarnar, hevur Jónleif Sólsker boðað frá, at hann kortini ikki fær verið venjari hjá kvinnu- landsliðnum í hondbólti. Jónleif varð annars settur sum venjari í des- ember mánaði, men broyttar arbeiðsum- støuður í gerandisdegn- um hava ført við sær, at hann ikki hevur møgu- leika at taka sær av hes- um. Enn er ikki greitt, hvønn Hondbóltssam- bandið ætlar sær at seta sum nýggjan venjara hjá kvinnulandsliðnum. -jm Nýggjur venjari má setast Nú er klárt til bólkaumfarið Vágamenn spældu seg leygardagin fram til bólkaspælið, tá teir vunnu 3-0 á heimavølli móti AB Mynd: Edvard Joensen GÍ vann í Klaksvík GÍ vann um vikuskiftið árligu klaksvíkskappingina, meðan greipuvinnararnir úr B36 máttu taka til takkar við aftasta sessinum Mynd: Álvur Haraldsen C M Y K 24