fríggjadagur 22. mars 2002síða 5

8 Nr. 57 - 22. mars 2002 Nr. 57 - 22. mars 2002 9 Smyril Line risa yvirskot Samstundis við at nýggja Norrøna byrjar at taka skap niðri í Týsklandi, økist vetrarsiglingin hjá Smyril Line. Norrøna fór niður í gjárkvøldið við 600 fólkum FERÐING Ingrid Bjarnastein Nýggja Norrøna, sum í løtuni verður bygd niðri í Týsklandi, byrjar at taka skap. Tíðarætlanin held- ur, og eftir ætlanini skal hon sjósetast 24. august í ár. Nýggja Norrøna kemur so til Føroya um mánaðarskiftið februar- mars 2003. Fleiri fólk hava longu skrivað seg upp til "jomfrúferðina" við nýggju Norrønu. Ikki er vist enn nær hon verður, men nógv vilja standa uppskrivað fyri at tryggja sær eitt pláss. Men samstundis sum Norrøna byrjar at taka skap, so økist vetrar siglingin hjá Smyril Line munandi. – Ja, Norrøna fór avstað við umleið 600 fólkum í gjárkvøldið, og vetrarsiglingin í ár er væl betri enn vetrarsiglingin í fjør, sigur Áki Jespersen, deildarleiðari á Smyril Line. – Tað vísir seg, at føroyingar hava uppdaga, at tað eisini ber til at sigla til Danmarkar, og tá siglt verður, tá hevur tú jú eisin møguleika at taka bil við. Soleiðis sleppur tú eisini frá at hugsa um víðari flutning, tí tú hevur jú bilin hjá tær alla tíðina. Áki Jespersen heldur, at tað kann væl henda seg, at vetrarsiglingin kann gerast til eina sokallaða "up-season", tí ein øking hevur verið øll árini, og heldur han, at hon fer at halda fram. Tann 19. mars hevði Smyril Line ársaðalfund. Nevndarval, og var nevndin øll afturvald við Tormóði Djurhuus sum formanni. Ársúrslitið hjá Smyril Line fyri 2001 var yvir 21 milliónir krónur, og við árslok hevði felagið eina samlaða bókførda eginogn á 210.326.603 krónur. Nevnd og stjórn meta úrslitið nøktandi, og siga, at hetta er besta rokni- skaparliga ársúrslit hjá felagnum higartil. -ib Norrøna tekur skap Nýggja Norrøna verður sjósett longu 24. august í ár. Hon kemur eftir ætlan til Føroya mánaðarskifti februar/mars komandi ár Milan Orlowski og Jindrich Pansky, sum koma til Føroya í dag, endaðu á øðrum plássi í tvímansleiki í heimsmeistarakappin gini í borðtennis í Svøríki í 1985, og Orlowski gjørdist evropameistari í 1974 Vilmund Jacobsen Til tess at menna áhugan fyri borðtennisítróttini í Føroyum, skipar Borð- tennissamband Føroya fyri sera áhugaverdum undir- haldi í Havn leygardagin. Tveir heimskendir borð- tennisleikarar koma higar í dag; teir eru kekkarnir, Milan Orlowski og Jindrich Pansky. Hesir eru ikki bara heimskendir sum pro- fessionellir leikarar, men í fleiri ár eisini sum undir- haldarar. Teir hava ferðast um stóran part av heim- inum við einum sonevnd- um "showi", sum teir framføra saman við dómara og áskoðarum. Hetta er einki minni enn ítróttarligt undirhald í heimsklassa. Á Nabb og SMS Um vikuskiftið verður eis- ini føroyameistarakapping fyri einstaklingar og í tví- mansleiki fyri tey til- komnu, og undirhalds- tiltakið verður skipað sum ein partur av hesum. Fyrstu ferð, høvið verður at síggja Orlowski og Pansky vísa síni kynstur, verður í SMS leygardagin kl. 14.00. Seinnu ferð verður í ítróttarhøllini á Nabb leygarkvøldið kl. 19.00, beint eftir finalurnar í før- oyameistarakappingini í borðtennis. Flestu av okkum munnu onkuntíð hava sæð borð- tennissnillingar í sjónvarp- inum, og tað er slíkt undir- hald, áskoðararnir kunnu vænta sær í SMS og áNabbi leygarkvøldið. Orlowski og Pansky fara eitt nú at spæla við smáum bøttum, teir fara at leypa upp á borðið, og teir fara at gera tað mest óhugsandi, ið gerast kann frammanfyri og uppi á einum borðtennis- borði. Ein partur av undirhald- inum hjá teimum báðum plagar at vera, at annar leikarin setir ein krakk uppá borðið, sum hin síðan spælir á, aftur og aftur, meðan mótstøðumaðurin, sum skuldi staðið við endan, tekur eitt prát við dómaran! Hesir menninir eru førir fyri at gera alt, sum gerast kann frammanfyri einum borðtennisborði. Kappingin Føroyameistarakappingin byrjar annars fríggjakvøld- ið kl. 18.00 í ítróttarhøllini á Nabbi. Hetta kvøldið kappast gentur, dreingir, meðal- deildin og kvinnuunglingar. Leygarmorgunin kl. 8 verður 1/4 finalan í ein mansleiki og 1/2 finalan í tvímansleiki hjá dreingjum, og tá byrjar eisini kapp- ingin hjá mansunglingum. Kvinnurnar byrja kl. 9 og meistaradeildin kl. 9.30. Leygardagin kl. 12.30 verður blandaður tvímans- leikur fyri leikarar, sum eru eldri enn 16 ár. Kl. 18 leygarkvøldið verða so finalurnar, og kl. 19 byrjar so umrødda undirhaldi hjá heimskendu kekkunum báðum, Or- lowski og Pansky. Tiltakið endar leygar- kvøldið kl. 21.30. Kostnaðurin fyri er 40 kr. fyri vaksin og 20 kr. fyri børn. Heimskendir borðtennis- leikarar undirhalda í Havn leygardagin Milan Orlowski og Jindrich Pansky eru heimskendir, bæði sum profesionellir borðtennisleikarar og sum undirhaldarar TÍÐINDASKRIV Føroya landshornorkestur hevur konsert í kringluni í norðurlandahúsinum, sunnudagin 24.mars kl.16.00. Á skránni verður ymiskur filmstónleikur. Føroya Landshornorkest- ur (FLH) er eitt horn- orkestur við leikarum úr øllum Føroyum. Endamálið hjá orkestrinum er at veita bestu møguleikar til allar hornorkesturtónleikarar og slagverkstónleikarar, og at menna og hevja fatanina av hornorkesturtónleiki í Før- oyum. Fyrstu ferð eitt FLH spældi saman, var á horn- orkesturstevnuni í Sørvági í 1999. Á hesi stevnu var eitt orkestur savnað, og spældið til konsert undir leiðslu av navnframa Geoff Richards. Hetta væleydnaða tiltak bleiv endurtikið á eini konsert í Norðurlandahús- inum undir leiðslu av Peter Parks. Tann størstan avbjóð- ingin hjá FLH var luttøkan í evropeisku kappingini fyri hornorkestur ár 2000. Kappingin hetta árið var í Birmingham í Englandi. Luttøkan í hesi kapping eydnaðist sera væl, og avgjørt varð, at hetta skuldi endurtakast. Tað er síðani avgjørt at FLH skal luttaka aftur í EM-kappingini í 2003, ið verður hildin í Bergen. Í orkestrinum eru, 24 leik- arar og leiðarin er bretin, Steve Foggin. Kostnaðurin fyri konsertina er 100 kr. Landshornorkestrin heldur filmskonsert – Vit kunna byrja við eini felags framhalds- deild fyri teir fimm skúlarnar, sum í dag bert hava barnaskúla- flokkar. Tá fáa vit nakrar royndir, sum kunnu brúkast í kom- andi útbygging av skúlunum í kommun- uni, sigur Elin Lindenskov, býráðs- limur í Havn FÓLKASKÚLIN Turið Kjølbro Ein felags framhaldsdeild í Tórshavnar kommunu hev- ði loyst nógvar trupulleikar. Fyri tað fyrsta hevði hon bøtt um trongu hølisviður- skiftini á flestum skúlum og so hevði hon gjørt, at næmingar fingu fleiri val- lærugreinir í boði. Tað heldur Elin Lindenskov, bý- ráðslimur fyri Javnaðar- flokkin, sum skjýtir upp at kanna møguleikan fyri eini felags framhaldsdeild fyri skúlarnar í Tórshavnar kommunu. – Skúlaskiftið er eisini ein orsøk til, at tað er skila- gott at hava ein felagsskúla. Sum skúlastýrislimur í Sankta Frans og Kollafjað- rar skúla, eri eg kunnað um teir trupulleikar, sum næm- ingar hava av skúlaskifti- num frá 7. til 8. flokk. Næmingarnir, sum flyta skúla, koma í flokk saman við nærmingum, sum hava gingið øll sjey barnaskúla- árini á skúlanum. Tey kenna skúlan og ta mentan sum er har, meðan teir nýggju næmingarnir mugu venja seg við broyttu um- støðurnar. Ofta er tað sera trupult fyri einstakar næm- ingar, sigur Elin Linden- skov. Grundarlag Í Tórshavnar kommunu eru fimm barnaskúlar, sum ikki hava framhaldsdeild. Hoy- víkar skúli, Sankta Frans skúli, Kalbaks skúli, Kolla- fjarðar skúli og Adventista- skúlin. Í verandi skúlaári ganga tilsamans 128 næm- ingar í 7. flokki á hesum skúlum. 137 í 6. flokki, og 149 ganga í 5. flokki. Til- samans 414 næmingar, sum næstu 3 árini, skula skifta skúla. Umframt næmingarnar í barnaskúlunum, eru tilsam- ans 542 næmingar við fimta, sætta og sjeynda flokkunum á Argjum, á Venjingarskúlanum, í Kom- munuskúlanum og í Eystur- skúlanum. Tilsamans 956 næmingar sum komandi 3 árini skulu í framhalds- deildina. – Sambært næmingatali- num á teimum fimm barna- skúlunum í kommununi er grundarlag fyri einum ella tveimum felags framhalds- skúlum fyri hesar skúlar. Tilsamans ganga 416 børn í 5. – 7. flokki í ár. – Vit kunna byrja við eini felags framhaldsdeild fyri teir fimm skúlarnar, sum í dag bert hava barnaskúla- flokkar. Tá fáa vit nakrar royndir, sum kunnu brúkast í komandi útbygging av skúlunum í Kommununi. Samstundis, sum vit loysa trupulleikarnar hjá næm- ingunum við skúlaskifti- num og vallærugreinunum, verður meira pláss á nøkr- um av hinum skúlum, sigur Elin Lindenskov. Hon legg- ur afturat, at tørvur er eisini á einum eftirskúla fyri teir næmingar, sum ikki trívast. Vallærugreinir Mangan er tað trupult hjá næmingum at fáa ta læru- greinina, viðkomandi ynsk- ir, tí ov fáir næmingar velja somu lærugrein. Ein størri framhaldsskúli hevði gjørt, at næmingagrundarlagið varð størri og tískil møgu- leikin betri til, at næmingar fáa ta lærugreinina, teir ynskja. – Um vit høvdu ein felags framhaldsskúla í kommununi, var trupulleik- in við skúlaskiftinum burt- ur. Tá vóru allir næmingar- nir, sum byrja í 8. flokki nýggir. Øll byrja í nýggjum umhvørvi, sigur Elin Lindenskov. Í uppskotinum vísir hon á, at kommunurnar í Sundalagnum hava drúgvar og positivar royndir við felagsframhaldsdeild á Felagsskúlanum á Oyrar- bakka. Elin Lindenskov mælir til, at uppskotið um felags framhaldsdeild verður sent skúlastýrunum og skúla- leiðslunum í kommununi til ummælis. Í løtuni fyrireikar umsitingin í býráðnum uppskotið til at leggja fyri mentamálanevndina. Føroya Skúlabókagrunn- ur hevur givið bókina “Døgverðabókin – hin grøna” út av nýggjum. Hon hevur verið uppseld í nøkur ár, og er nú upp- afturprentað í óbroyttur líki. Maria Vilhelm hevur lagt bókina til rættis, og Jan Jacobsen hevur tekn- að myndir til. Bókin er ætlað undir- vísingini í heimkunn- leika í fólkaskúlanum, men uppskriftirnar hóska eisini væl í dagliga hús- arhaldinum. Rættirnir eru ódýrir og skjótir at gera. Í bókini eru 90 upp- skriftir, sum fevna um døgverðar, súpanir og omaná, umframt baking og kóking. Maria Vil- helm hevur nýtt upp- skriftirnar í undirvísing- ini og hevur gjørt upp- skot til samanseting av rættum, ið eru við í bók- ini. Eisini er stutt frá- greiðing um amboðini, køksreglur, fitievni, ger og sukur. Allar síður í bókini eru plastaðar og tí væl egn- aðar og haldgóðar til nýt- slu í køkinum. “Døg- verðabókin – hin grøna” er fyrra bókin av tveim- um ætlað undirvísingini í heimkunnleika í fólka- skúlanum. “Døgverða- bókin – hin grøna” er framhald av hesari bók- ini. Per á Hædd hevur gjørt kápumyndina og Hest- prent hevur prentað. Hon er 130 blaðsíður og kost- ar 160 kr. í bókabúðu- num. Felags framhaldsdeild loyst nógvar trupulleikar – Um vit høvdu ein felags framhaldsskúla í kommun- uni, var trupulleikin við skúlaskiftinum burtur, sigur Elin Lindenskov Útgávur: Døgverðabókin – hin grøna Heidi er eitt stórt talent SVIMJING Elsa Johannessen, praktikantur Tá ið Heidi bert var 9 ár, byrjaði hon svimjingina á Oyrabakka. Seinni fór hon til Havnar at svimja í størri hyli. – Vit sóu beinanvegin at hon var eitt stórt talent við stórum svimjigávum. Hon var skjót og so lá hon heilt ótrúliga væl á vatninum. Hon bleiv betri og betri fyri hvørja ferð, sigur Katrin Johansen, venjari. Í gjár var tíðindafundur á Hotel Haf- nia, har Heidi Andreasen og venjarin hjá henni, Kat- rin Johansen, vóru at hitta. Heidi heldur at stórt var at vinna silvur og bronsu- merki í OL-leikinum og at vinna gull og bronsumerki í EM-kappingini í Stokk- holm í fjør. Og aftaná ikki at kunna svomið síðani au- gust, kom tað sum eitt stórt og yviraskandi herðaklapp. Men Heidi verður vónandi før fyri at leypa í hylin aftur í apríl, har hon má byrja frá grunduni av, og trena upp til VM-kappingina sum verður í Agentina í desemb- ur. – Sjálvt um eg ikki havi svomið í seinastuni havi eg styrkivant, sum eg eisini geri tá ið eg svimji. Skjótt fari eg at fáa eina svimji- maskinu heima, ið er ein styrkivenjingarbonkur. Tað fái eg fra Eiði kommunu sum ein hjálp, so kann eg trena heima í staðin fyrí al- tíð at fara til Havnar. Har er jú eingin svimjihylur á Eiði. Eisini er Heidi sera popu- ler niðri. Hon hevur fingið áheitanir um at koma niður at svimja, men pápi henn- ara heldur fast við at hon skal verða verandi í Føroy- um. Heidi er í uppskoti til ár- sins ítrottarfólk við breki til Laureus sports awards 2002, ið bara er eitt trý ára gamalt tiltak. Fýra onnur eru eisini í uppskoti til tað sama, tað eru, Earle Con- ners, atletik úr Kanada, Gerd Schonfelder, skíing úr Týsklandi, Beat Schwarz- enbach, súkkling úr S., Esther Vergeer, rullistóla tennis úr Hollandi. Aðrar nominatiónir eru millum annað ársins ítrott- armaður, ársins ítrottar- kvinna og ársins lið. Har eru fólk sum Ian Thorpe, Tiger Woods, Jennifer Capriati og Inge de Bruijn nomineraði. Og tvey sera kend lið eru Bayern München og Los Angeles Lakers. Laureus world sport awards verður 14. mai í Monaco, og verður víst beinleiðis í sjónvarpinum, vónandi eisini í Føroyum. – Vit sóu beinanvegin at Heidi var eitt stórt talent við stórum svimjigávum, segði Katrin Johannesen á tíðindafundi á Hotel Hafnia í gjár. C M Y K 9 8