hósdagur 28. mars 2002síða 5

8 Nr. 61 - 28. mars 2002 Nr. 61 - 28. mars 2002 9 Skipari og manning fylgja við skipinum, og tað er reiðarin, Jóhannus Olsen, væl nøgdur við. FISKIVINNA Vilmund Jacobsen Besti línubáturin í føroyska fiskiskipaflotanum, Sig- mundur, er nú heimahoyr- andi á Toftum. Í vikuni undirskrivaðu P/F Eysturoy á Toftum og P/F Jómar á Norðskála sátt- mála um sølu av skipinum. P/F Eysturoy eigur og rekur frammanundan línu- skipið, Eysturoying, og reiðari er Jóhannus Olsen, sum eisini er stjóri hjá P/F Snodd, sum júst hevur bygt nýtt fiskavirki á havnalagn- um á Toftum. Manningin fylgir skipinum Jóhannus sigur, at skipari og manning fylgja við Sig- mundi, og tað er hann stak væl nøgdur við, tí línu- skipið hevur roynst framúr seinastu árini. - Tað er ikki av ongum, at tað hevur gingið so væl. Skipari og manning hava virkuliga verið ófør, sigur reiðarin. Sigmundur verður rikin á sama hátt sum framman- undan, og veiðan verður seld, har mest fæst fyri hana. Reiðarin vísir á, at tað lutfalsliga er bíligari at reka tvey skip enn bara tað eina. Spurdur, um P/F Eyst- uroy hyggur seg um eftir fleiri skipum, sigur hann, at tað er ikki óhugsandi, at okkurt skip kemur aftrat sum frá líður. - Men tað fer tíðin at vísa, leggur Jóhannus Ol- sen aftrat. Keypsprísin vil reiðarin ikki upplýsa. Sigmundur er nú skrásettur á Toftum FISKIVINNA Vilmund Jacobsen Mánadagin landaðu djúp- vatnstrolararnir, Niels Pauli og Phoenix, tilsamans 460.000 pund av blálongu og kongafiski á Tvøroyri. Niels Pauli hevði 200.000 pund, meginparturin blá- longa og kongafiskur, og Phoenix hevði 260.000 pund av blálongu. Bjarni Hansen, virkis- leiðari á Fiskavirking á Tvøroyri, sigur, at onnur virkir kring landið keyptu blálonguna, sum verður saltað. Á Tvøroyri hava tey kortini úr at gera og hava arbeitt yvir hvørt kvøld hesa vikuna. - Vit hava keypt fisk frá eitt nú Váðasteini, Jaspis og Ametyst, og her er serliga talan um hýsu og tosk, sigur Bjarni. Yvirtíð Á Fiskavirking á Tvøroyri keyptu tey eisini nakað av veiðini hjá Niels Paula og Phoenix. - Vit hava arbeitt hvørt kvøld hesa vikuna til kl. 19 og 20 fyri at fáa fiskin und- an fyri páskahøgtíðina. Spurdur, hvussu hann væntar, at dagarnir beint eftir páskir verða, sigur Bjarni Hansen, at hann væntar onkra landing longu týsdagin eftir páskir. - Vit arbeiða hvønn dag, og vit vænta eisini, at boð verða eftir arbeiðsfólkinum longu 3. páskadag, sigur virkisleiðarin. Niels Pauli og Phoenix við nógvari blálongu FISKIVINNA Vilmund Jacobsen Á Fiskavirking í Saltangará verður páskafrítíðin ikki longur, enn hon eigur at verða. Jason Johannesen, virkis- leiðari, sigur, at týsdagin eftir páskir fara teir at landa partrolararnar, Jaspis og Ametyst. Helst koma teir inn beint fyri páskir. Trolararnir byrjaðu at fiska fyrst í hesi vikuni, og mikudagin høvdu teir 1500 kassar tilsamans. Á Fiskavirking í Salt- angará landaðu teir Vest- menning mánadagin. Teir høvdu stívliga 200.000 pund, harav 140.000 var upsi. Virkisleiðarin sigur, at tey byrjaðu at arbeiða kl. 7 týsdagin og mikudagin fyri at verða eitt sindur fyrr liðug mikudagin. - Tað eru bara tríggir arbeiðsdagar í hesi vikuni, og eg vil siga, at vit hava havt so passaligt at gera. Væntandi fingu arbeiðs- fólkini páskafrí tíðliga seinnapartin mikudagin. Smáur upsi Jason sigur, at upsin hevur verið smærri enn vanligt í februar og mars. - Vit plaga altíð at fáa nakað av stórum upsa hesa tíðina, men soleiðis hevur ikki verið í vár. Upsin hev- ur alla tíðina verið smáur, eisini í gýtingartíðini. Hann sigur, at vanligt plagdi at vera, at ein partur av upsanum var ov stórur hesa tíðina av árinum. - Tað er ivaleyst gott, at nógvur smáur upsi er til, men tað undrar, at so lítið er av stórum gýtingarfiski, sigur Jason Johannesen. Jaspis og Ametyst landa í Saltangará 3. páskadag Hesa vikuna hevur Smyril Line og Shetland Island Tourism, sum er ferðaráðið í Hetlandi, stóra sølu- framsýning á Torginum í SMS. Eftir – enn ein – myrkan og kaldan vetur nærkast tíðin, har dagarnir leingjast, og veðrið gerst betur. Og tað er somuleiðis tíðin, tá mong av okkum leggja ætl- anir fyri summari sum nærkast. Summi velja at verða verandi heima í Før- oyum, meðan onnur velja at fara til uttanlands at halda summarfrí. Eru møguleik- arnir nógvir at halda summarfrí í Føroyum, so eru teir ikki færri í útland- inum. Og her er Smyril Line helst tann ferða- mannastovan, sum kann bjóða flest møguleikar. -Í Føroyum hava teir Norðlýsi, sum kann sigla teg og onnur runt ímillum okkara vøkru oyggjar. Teir hava Hotel Føroyar og Vallarheimið við Oyggjar- vegin, og afturat hesum kunnu teir hjálpa tær við at finna gistingarmøguleikar aðrastaðni í Føroyum. Um- framt gistingarmøguleik- um, skipa teir fyri alskyns gongutúrum ymsastaðni í Føroyum við staðkendum ferðaleiðarum. -At flyta teg til útlandið hava teir Norrønu, sum komandi ár verður skift út við eina nýggja og sera stásiliga Norrønu. Men sum ferðamannastova kann Smyril Line eisini syrgja fyri, at tú kemur loftvegis til útlandið, tí teir selja eisini flogferðaseðlar. Á Torginum í SMS fer Smyril Line at leggja dent á allar hesar ferðamøguleik- arnar, og nógv afturat. Tó verður serligur dentur lagdur á útlandið. –Danland, Euro Disney, Miðjarahavið og annars hópin av øðrum ferðastøð- um. Til tey ungu eru ferðir- nar hjá ”ung rejs” serliga vælumtóktar. Tá gongur leiðin serliga til Miðjarahavið, eitt nú Ibisa og annars ferðastøð á sponsku sóloyggjunum. Eisini verður dentur lagdur á ferðamøguleikar í Hetlandi. Í hesum samband er eitt umboð frá het- lendska ferðaráðnum, Shet- land Islands Tourism, á Torginum. Í samband við sølufram- sýningina hevur Smyril Line nøkur tilboð dagarnar søluframsýningin er opin í SMS. Vitjað Torgið í SMS, og avgerð tína summarfrí- tíð! Vit síggjast í SMS! Smyril Line sýnir fram í SMS Strandferðslan hevur gjørt avtalu við Est- lendska Reiðaríið Saaremaa Shipping Company Ldt. um leigu av ferjuni Scaniu í knappar tveir mánaðir. Ferjan skal avloysa Dúgvuna og Smyril, sum skulu til árligt eftirlit STRANDFERÐSLAN Ragnhild & Solby Klaksvík: Ætlanin er, at Scania skal sigla um Leirvíksfjørð frá 3. apríl og umleið fýra vik- ur fram. Og síðani fer hon at røkja siglingina um Suð- uroyarfjørð í umleið tvær vikur. Scania verður væntandi í Føroyum leygardagin 30. mars. Poul Jákup Thomsen, ferðafólkaflutningsleiðari á Strandferðsluni, sigur, at tað er sera torført at finna skip at leiga til styttri tíðar- skeið. Eisini er tað torført at finna skip, sum hóska til atløguviðurskiftini her á landi. Scania fer at sigla millum Klaksvík og Fuglafjørð. - Ferjan er vælegnað til Leirvískfjarðarleiðina, sig- ur Poul Jákup Thomsen, sum samstundis vísir á, at Strandferðslan veit, at hon ikki er so vælegnað til Suð- uroyarsiglingina. - Vit valdu kortini at taka Scaniu til hesu rutuna eisini, tí hin møguleikin er stutt sagt ongin sigling, og tað kann ikki bera til. Strandferðslan hevur bið- ið um loyvi at keypa eitt av- loysaraskip, men Lands- stýrið hevur ikki heimilda hesum enn, sigur Poul Ják- up Thomsen. Tað er nú umleið eitt ár, síðani Scania var her sein- ast. Poul Jákup sigur, at norðoyingar eru væl nøgdir við Scaniu, tí hon tekur fleiri bilar og ferðafólk enn Dúgvan. Harvið slepst so gott sum undan bíðitíðini, sum altíð er. Scania tekur 180 ferða- fólk og 80 persónsakfør. - Ár 2002 skal verða árið, har tænastan verður sett í hásætið. Hetta sigur Poul Jákup Thomsen, ferðafólkaflutnings- leiðari hjá Strandfaraskipum Landsins STRANDFERÐSLAN Ragnhild & Solby Um hálvan apríl mánaða bjóða Strandfaraskip Landsins eina nýggja heimasíðu út til við- skiftafólkini at nýta. Á hesu heimasíðu kann ein millum annað verða kunnaður um broytingar á farleiðum hjá Strandferðsl- uni umvegis sms-boð á far- telefonini. Tú fert inn á heimasíðuna og teknar teg til tær far- leiðir, tú dagliga nýtir. Um so eitt nú Dúgvan ikki sigl- ur, ella siglur á Fuglafjørð, so fært tú eini sms-boð, sum gera vart við hesa broyting. Hendan tænastan verður ókeypis hjá við- skiftafólkunum at nýta. Á henda hátt sleppur brúkarin undan óvissuni. Tað er ikki altíð, at tað er gjørligt at lýsa so væl, at broytingar eru í ferðaætl- anini. - Men boðtænastan skuldi bøtt munandi um hendan trupulleika, sigur Poul Jákup Thomsen. Eisini fært tú betri upp- lýsningar um, hvussu tú á lættasta hátt kanst koma til tey ymsu støðini í land- inum. Um tú til dømis ynskir at sleppa til Fugloyar, so sært tú inni á heimasíðuni, hvussu allir bussar og bátar ferðast, sum tú hevur fyri neyðini til tess at koma til Fugloyar. Óansæð hvar í landinum, tú ert staddur. Poul Jákup Thomsen sig- ur, at 2002 er árið, har við- skiftafólki merkir, at Strandfaraskip Landsins er til fyri tey. Eisini er hetta árið, har tænastan verður lyft upp á eitt hægri støði. Afturat hesum hevur Strandfaraskip Landsins eisini ætlanir um at betra viðurskiftini umborð á skipunum, sum dagliga verða nýtt. Millum annað skulu allar gardinur og øll teppini skiftast út í nærm- astu framtíð. Scania aftur loysa Dúgvuna av Strandfaraskip Landsins: Bjóðar nýggjar tænastur Vit hava hitt nøkur fólk á gøtuni fyri at fregnast um, hvat tey halda um nýggju boðtænastuna hjá Strandferðsluni FÓLK Á GØTUNI Ragnhild & Solby Jan Gardar, deildar- leiðari Hetta er ein super tæn- asta, um hon vælsagtans kemur at virka. Sum er, hevur ein onga hóming av, nær Dúgvan er seink- að ella avlýst, ella um hon møguliga siglur á Fuglafjørð. Avlýsingar verða lýstar alt ov illa, og tí er torført at fylgja við. Men eg fari avgjørt at melda meg til hesa nýggju tænastuna. Anna Múller Jacobsen, Sparikassakvinna Eitt smart og gott hug- skot, sum eg sjálv uttan iva fari at brúka. Broytingar í ferðaætl- anini verða í løtuni alt ov illa lýstar. Onkuntíð havi eg koyrt úr Havnini til Leirvíkar, men tá eg so eri komin vegin fram, so fái eg at vita, at Dúgvan siglur av Fulgjafirði. Tað er alvorliga ræst. Annars eri eg eisini glað fyri, at Scania kemur aftur at sigla. Hon tekur nógv fleiri bilar, og av tí sama sleppa øll sum oft- ast við. Men hon kundi gott gjørt nakrar seinni túrar eisini, tað hava vit brúk fyri her norðuri. Hákun Dam, tryggingarráðgevi Hetta ljóðar alletiders. Sum er fara alt ov nógvar broytingar fram, uttan ein veit av nøkrum, og tað er ov vánaligt. Onkuntíð havi eg bíða í hálvannan tíma eftir Dúgvuni á Fuglafirði, og tað er gyseligt. Sjálvur komi eg vænt- andi at gera nógv brúk av Strandferðsluni móti vár- inum, so eg fari helst at melda meg til hesa tæn- astu. Anna Maria Joensen, bókhaldari Boðtænastan ljóðar sum eitt sera gott hugskot, men átti í veruleikanum at verið komin fyri lang- ari tíð síðan. Sum er, verða broyting- ar lýstar alt ov illa í fjøl- miðlunum, og torført er at fylgja við. Annars haldi eg, at um- støðurnar hjá illa gongd- um fólki eru ræðuligar umborð á Dúgvuni, so hetta skuldu teir avgjørt eisini gjørt okkurt við. Hvat halda tit C M Y K 9 8