hósdagur 11. apríl 2002síða 5

8 Nr. 68 - 11. apríl 2002 Nr. 68 - 11. apríl 2002 9 – Prísurin á toski 1 og 2 hevur verið væl betri seinastu dagarn- ar, enn tá ið hann var lægstur herfyri. Men nú er aftur nógvur fiskur á føroyska marknaðinum, sigur Abraham Løkin á Fofish í Saltangará. FISKIVINNA Vilmund Jacobsen Tað er so mangt, sum ávirkar fiskaprísin. Abraham Løkin á sølu- felagnum, Fofish í Saltang- ará, sigur, at prísurin á toski 1 og 2 hevur verið væl bet- ur seinastu dagarnar, enn tá ið hann var lægstur herfyri. Hann heldur, at sølurnar uttanlands í seinastuni hava havt sína ávirkan í so máta við tað, at tær hava lætt nakað um trýstið á markn- aðinum her heima. Har- aftrat kemur, at eingin línu- fiskur er landaður seinastu dagarnar, tí línuskipini, sum komu inn fyri páskir, bíðaðu nakrar dagar eftir betri streymi. Tey fóru út- aftur tíðliga í síðstu viku og koma væntandi innaftur teir næstu dagarnar. – Í morgun er aftur nógv- ur fiskur á marknaðinum í Føroyum, og um middagin fæst at vita, hvussu prísurin verður, sigur Abraham Løkin, sum væntar, at nógvi fiskurin fer at gera, at prísurin á toski lækkar nakað aftur. Sølur uttanlands Síðan Fofish fór undir sítt søluvirksemi, hevur felagið selt fleiri lastir, bæði her heima og í Skotlandi. Skip hava siglt beinleiðis á útlendska marknaðin við fiskinum, og í øðrum før- um er fiskurin landaður í Føroyum og sendur av landinum. – Sølurnar uttanlands hava higartil verið rímiliga góðar. Tað hevur í øllum førum loyst seg at selt fisk- in á útlendska marknaðin- um. Abraham Løkin sigur, at Fofish hyggur seg eisini um eftir prísunum í Íslandi og Danmark, men higartil er fiskurin, sum er farin av landinum, seldur í Skot- landi. Uttanlandssølur lætta um trýstið á fiskamarknaðinum í Føroyum Síðan tvær leiðir vórðu lætnar upp- aftur vestanfyri og norðanfyri, 1. apríl, hevur onkur trol- bátur fingið uppí eftir at hava roynt í eitt gott samdøgur FISKIVINNA Vilmund Jacobsen Teir umleið 20 trolbátarnir, sum hava minni enn 500 hk., hava havt sera góðan fiskiskap, síðan kassi I norður úr Mykinesi og sonevndi geirin norður úr Fugloynni vórðu lætnir uppaftur fyri trolveiði, 1. apríl. Hesi økir hava verið friðað í gýtingartíðini, og nú tey vórðu latin uppaftur, hava trolbátarnir havt rætti- ligan rokfiskiskap. Theodor Poulsen, sum saman við øðrum eigur trolbátin, Búgvan, sigur, at teir, sum hava fingið mest, hava fingið uppí bátarnar eftir 4-5 hálum. Vanliga verður tógað einar 5 tímar, men seinastu dagarnar hava tógini verið stutt, einar 2-3 tímar. – So, onkur bátur hevur fingið uppí eftir at hava roynt í stívliga eitt samdøg- ur, sigur hann. Theodor er lítillátin og heldur fyri, at tað hevur gingið hampiligt hesar fyrstu dagarnar eftir, at gýt- ingarøkini eru latin uppaft- ur, men tað rætta at siga um gongdina hesar dagarnar er, at trolbátarnir hava havt rættiligan rokfiskiskap. Sum skilst, er meginpart- urin av veiðini, sum trolbát- arnir hava fingið, stórur og góður toskur. Á veg til Scrabster Tá ið Sosialurin tosaði við Theodor týskvøldið, var Búgvin á veg niður til Scrabster at selja. Skipið var fult undir lúkurnar, eini 40.000 pund av toski. Aðrir trolbátar hava eis- ini selt í Scrabster. Sigling- in tekur einar 28-30 tímar hvønn vegin, og nettoprís- urin hevur verið væl betur enn í Føroyum. Búgvin seldi í Scrabster herfyri, og tá fingu teir ein nettoprís, sum lá um góðar 14 krónur í miðal fyri kilo. – Seldu vit lastina í Før- oyum, fingu vit einar 11 krónur í miðal fyri kilo, sum prísurin var tá. So, hendan sølan loysti seg, sigur Theodor. Tað eru tó ikki allir trol- bátarnir, sum hava selt veiðina í Skotlandi. Sum skilst, hava teir flestu selt á marknaðinum í Føroyum. Landa bæði dag og nátt Onkur hevur fýlst á, at Fiskamarknaður Føroya ikki landar skip og bátar allar dagar í vikuni og allar tíðir á døgninum, tí tað hevði passað betur hjá teimum, sum koma inn í vikuskiftinum og ætla sær útaftur sum skjótast. – Í Skotlandi er líkamik- ið, hvør dagurin er, og tað er eisini líka mikið, um tað er dagur ella nátt. Teir standa klárir, tá ið skipini koma. Theodor vísir á, at skotar gera alt fyri at fáa hendur á fiskinum. – Men líkt er ikki til, at hetta er neyðugt í Føroyum, tí her er so nógvur fiskur á marknaðinum kortini. Virk- ini fáa tann fisk, tey vilja hava. Teimum nýtist ikki at gera nakran serligan inn- sats í so máta. Í vár er tað enntá hent, at virkir hava sagt fisk frá sær, sigur Theodor Poulsen at enda. – Eingin toskur gýtir á 200 favnum. Kortini verður norðasti part- urin av holinum, sum er millum Skeiva- banka og Mykines- tunguna friðaður sum gýtingarøki hjá toski, sigur Theodor Poulsen FISKIVINNA Vilmund Jacobsen Tað er ikki altíð so lætt at skilja politiska viljan og politisku avgerðirnar. Theodor Poulsen, sum saman við øðrum eigur trolbátin, Búgvan, skilir ikki, hví landsstýrismaður- in í fiskivinnumálum, Jør- gen Niclasen, friðaði norð- asta partin av sonevnda holinum millum Skeiva- banka og Mykinestunguna í gýtingartíðini – Hetta er eitt øki, sum í støðum er heilar 200 favnar djúpt og er avgjørt ikki gýt- ingarleið hjá toski. Gýting- arfiskur fer nevniliga uppá grunt vatn at gýta og ikki niður á 200 favna dýpi. Theodor vísir á, at holið er góð havtaskuleið hjá trolbátunum, men við tað, at norðasti parturin av økinum hevur verið friðað- ur, hava bátarnir mist tað mesta av einum triðingi av hesi havtaskuleiðini, og tað hevur órógvað fiskiskapin eftir havtasku í gýtingartíð- ini. Hetta økið, sum hevur verið friðað í gýtingartíðini í nøkur ár, er latið uppaftur, 1. apríl. Á skriviborðinum – Tað er ikki skilagott bara at sita á eini skrivstovu og seta nakrar tilvildarligar strikur »her frá og har til« uttan at vita, hvat tað er, tú gert. Theodor sigur, at norð- asti partur av holinum er tikin við uppí friðingina í nøkur ár og teir, sum eiga trolbátarnar, hava fleiri ferðir roynt at fáa lands- stýrismannin at skilja, at einki endamál er við at friða hendan partin. – Men tað vísir seg at gera tað sama, hvør situr í Tinganesi, tí teir lurta ikki eftir okkum kortini. Hin- vegin eydnaðist útróðrar- monnum at fáa Jørgen Niclasen at økja um frið- ingarnar vestanfyri, soleið- is at línubátarnir vórðu nógv skerdir. Men lands- stýrismaðurin hevur ongar sømdir veitt okkum, hóast vit hava vent okkum til hansara í samband við um- rødda part av holinum mill- um Skeivabanka og Myki- nestunguna, sigur Theodor Poulsen. Trolbátarnir hava rokfiskiskap Týskvøldið var trolbáturin, Búgvin av Toftum, á veg niður til Scrabster at selja. Skipið var fult undir lúkurnar av góðum toski. Hetta er aðru ferð í stutta tíð, at Búgvin fer til Skotlands við veiðini Teir friða á einum skriviborði – Tað er ikki skilagott bara at sita á eini skrivstovu og seta nakrar tilvildarligar strikur »her frá og har til« uttan at vita, hvat tað er, tú gert, sigur Theodor Poulsen – Higartil hava sølurnar uttanlands verið rímiliga góðar, sigur Abraham Løkin RÚSEVNI Stefan í Skorini Mikumorgunin var ein 30 ára gamal dani í Føroya Rætti, ákærdur fyri brot á revsilógina viðvíkjandi rús- evnum. Maðurin, sum hevur bústað í Keypmanna- havn, hevur sitið avbyrgdur í varðhaldinum síðan 16. januar, tá hann varð tikin í danska høvuðsstaðnum. Ákærin hevði fýra punkt í ákæruritinum, og tey snúðu seg øll um at selja rúsevni og skipa fyri rús- evnasmugling. Hann er ákærdur fyri at hava staðið fyri smugling av tilsamans 50 grammum av kokaini til Føroyar, har hann hevði eina úrtøku á 12.500 krónur. Eisini er hann ákærdur fyri at hava staðið fyri smugling av einum kilo av hassji til Føroyar á vári ella sumri í 2001, tá hann hevði eina úrtøku á 10.000 krónur. Harumframt er hann ákærdur fyri at hava selt og keypt kokain og hassj í Keypmannahavn. Ákærin kravdi, at rættar- fundurin fer fram fyri aftur- latnum hurðum, tí kanning- ararbeiðið í øðrum máli ikki er liðugt enn. Hesum tók dómarin undir við. Hann vísti á, at í Danmark hava fjølmiðlar rætt at kæra eina slíka avgerð um aftur- lating av hurðum, men so er ikki í Føroyum. Ein partur av próvførsl- uni hjá ákæruvaldinum var avlurting av telefonsamrøð- um, tí í rættinum var útgerð at lurta eftir bandaðum samrøðum. Dómur fellur skjótt í málinum, og hann hava vit vónandi við í blaðnum í morgin. Avlurting avgerandi Klaksvík: Strandfaraskip- ið Barsskor fer nú aftur at sigla eftir at hava verið á beding í tríggjar vikur. Barsskor hevur fingið nýggjan motor. Súni Andreassen frá Teknisku Deild á Strand- ferðsluni, sigur, at hann vónar, at Barsskor fer aftur at sigla í kvøld. Hesa tíðina Barsskor hevur ligið á beding, hevur Súlan røkt siglingina um Kalsoyarfjørð. -sae- Tíðindaskriv Fólkaflokkurin, Sambands- flokkurin, Javnaðarflokk- urin og Tjóðveldisflokkurin í Suðurstreymi skipa í felag fyri trimum almennum val- fundum í sambandi við komandi løgtingsval. Sjálv- stýrisflokkurin og Mið- flokkurin eru eisini boðnir við til fundirnar. Fundirnir verða skipaðir við trimum umførum. Í hvørjum umfari hava val- evni hjá øllum flokkunum fyrst eina stutta framløgu, síðan verður høvið hjá áhoyrarunum at seta teim- um spurningar áðrenn fari verður til næsta umfar. At enda fáa flokkarnir helt stutt møguleika at draga saman um. Fundirnir verða á Argjum, í Hoyvík og í Havn hesar dagar: Hósdagin 11. apríl, kl. 20.00 í skúlanum á Argjum, Týsdagin 16. apríl, kl. 20.00 í skúlanum í Hoyvík og Flagdagin, 25. apríl, kl. 20.30 á Læraraskúlanum í Havn. Harumframt er ætlanin at hava ein valfund í Nólsoy, nærri verður at frætta um hendan fundin seinri. Barsskor fer aftur at sigla nú Felags valfundir VAL Jústinus Leivsson Eidesgaard Striltið hevur gingið hjá Sjálvstýrisflokkinum í Suðurstreym at gera upp- stillingina lidna til komandi løgtingsval, nú flokkurin hevur verið so skerdur, tí atkvøðuslúkurin Helena Dam á Neystabø hevur tik- ið seg úr flokkinum. Í seinastu løtu eydnaðist tað at seta ein lista saman og her eru so tey, sum skulu lyfta arvin eftir Helenu. Eilif Brimheim, kavari Tjarnardeild 19 FO- 100 Tórshavn John Eysturoy, skriv- stovumaður Mýrisnípuveg- ur 26 FO- 100 Tórshavn Hans J. Hermansen, koyrilærari Tórsbyrgi 16 FO- 100 Tórshavn Noomi Sigmundsdóttir Júliusson, handilskvinna Dalagøta 22 FO- 100 Tórshavn Ása Olsen, fakfelagsleið- ari Berjabrekka 193 FO- 100 Tórshavn Roar Heini Olsen, góðskuleiðari Skúlagøta 5 FO- 100 Tórshavn Ronald Poulsen, byggi- frøðingur Turiðargøta 27 FO- 100 Tórshavn Johan M. Stenberg, lær- ari Viðargøta 12 FO- 160 Argir Thordur Thorsteinsson, sølumaður Sverrisgøta 19 FO- 100 Tórshavn. Hesi skulu avloysa Helenu Savnsmynd C M Y K 9 8 Bilarnir finnast eisini á: www.nissan.fo v/ oyggjarvegin • Postsmoga 3171 110 Tórshavn • Tel. 31 61 61 Sosialurin Nissan Almera 2,0 Diesel GX gráur, 4 hurðar, árg. 1997, 151.000 km. 94.000 Nissan Primera 1,6 LX gráur, 4 hurðar, árg. 1995, 126.000 km. 69.000 Nissan Primera 2,0 reyður, 4 hurðar, árg. 1991, 121.000 km. 47.000 Nissan King Cab 4x4 Diesel gráur, 2 hurðar, árg. 1996. 78.000 Peugeot 306 Diesel Aircon bláur, 4 hurðar, árg. 1999, 47.000 km. 125.000 Opel Astra 1,8 Club Wagon grønur, 5 hurðar, árg. 1995, 104.000 km. 70.000 Opel Astra 1,6 Club Wagon reyður, 5 hurðar, árg. 1995, 110.000 km. 55.000 Opel Astra 1,6 Club Wagon brúnur, 5 hurðar, árg. 1997, 40.000 km. 85.000 Opel Vectra 2,0 Di beige, 4 hurðar, árg. 1997, 80.000 km. 117.000 Opel Vectra 2,0 Sport Svartur, 4 hurðar, árg. 1999, 39.000 km. 157.000 Mazda 323 1,5 gráur, 4 hurðar, árg. 1998, 66.000 km. 95.000 Mazda 323 F 1,6i GLX vínreyður, 5 hurðar, árg. 1996, 116.000 km. 77.000 Seat Cordoba Vario 1,4 bláur, 5 hurðar, árg. 1999, 25.000 km. 89.000 Toyota Starlet bláur, 3 hurðar, árg. 1997, 60.000 km. 65.000 Ford Fiesta bláur, 5 hurðar, 130.000 km. 22.000 Opel Astra 1,6 bláur, 5 hurðar, árg. 1995, 109.000 km. 67.000 Opel Astra 1,6 reyður, 5 hurðar, árg. 1999, 52.000 km. 119.000 Opel Astra 1,6 Club grønur, 4 hurðar, árg. 2000. 119.000 Opel Astra 1,7Dtl grønur, 4 hurðar, árg. 1997, 108.000 km. 99.000 Opel Astra 1,7d Wagon bláur, 5 hurðar, árg. 1995, 142.000 km. 55.000