mikudagur 17. apríl 2002síða 12

Tað kann kosta AB sigurin í Vejle, at teir sunnudagin høvdu fýra spælarar í senn á vøllinum, sum ikki eru ES borgarar SUPERLIGAN Jóannes Hansen Í gjár varð staðfest her í blaðnum, at Vejle var nærri niðurflytingarplássinum, enn teir høvdu verið undan vikuskiftinum. AGF hevði við 2–2 javnleikinum á heimavølli ímóti AaB lyft seg nærri upp ímóti Vejle, sum tapti 4–0 ímóti AB. Men nú er komið fram, at AB hevur gjørt ein brølara, sum tað er sannlíkt fer at kosta teimum øll stigini. AB hevði síðstu níggju minuttirnar fýra spælarar á vøllinum, sum ikki eru ES borgarar. Reglurnar siga, at tað er ikki loyvt at hava fleiri enn tríggjar spælarar á vøllinum í senn, sum ikki eru ES borgarar. Teir í AB vístu DBU á, at teir høvdu gjørt eitt mistak. Í donsku fjølmiðlunm verður víst á, at um tað fer at ganga, sum tað áður hev- ur gingið í sovornum støð- um, so fer AB at missa stig- ini, og Vejle fer at fáa stig- ini. Í hesum sambandi verður víst á skriviborðs- mistakið hjá Herfølge fyri knøppum seks árum síðani. Í august 1996 spældu teir ímóti AGF. Aftaná vísti tað seg, at Herfølge ikki hevði syrgt fyri, at spæliloyvið hjá Jákupi Mikkelsen varð flutt frá KÍ og til Herfølge. Tað hevði við sær, at AGF vann stigini. Á vøllinum hevði Her- følge vunnið dystin, men teir mistu stigini. Tað kost- aði teimum silvurkrónurnar og harvið Europa Cup lut- tøku. Nú verður mett í don- sku fjølmiðlunum, at tað eigur at ganga á sama hátt hjá AB, sum tað fyri seks árum síðani gjørdi hjá Her- følge. Avgerðin verður tikin í hesi vikuni, og í Vejle fjala teir ikki, at stigini høvdu komið væl við hjá teimum. Í Vejle høvdu teir annars longu frammanundan heitt á DBU um at fáa dystin ímóti AB spældan umaftur. Teir vísa á, at sjónvarps- upptøkurnar greitt vísa, at dómarin ikki dømdi mál, tá Vejle longu eftir tíggju minuttir skoraði til 1–0. Bólturin støkk út aftur í spæl, eftir at hann hevði tikið jarnstólpa inn í máli- num. Øll í felagnum siga seg harmast um, at norski venjarin hevur lagt frá sær, men fyrr- verandi málverjin sigur, at hann er vísur í, at venjarin hevur fingið sekkin SUPERLIGAN Jóannes Hansen Sjógvarnir ganga høgir í Brøndby í hesum døgum. Eftir at munurin frá odda- liðnum og aftur til FCK sunnudagin var svunnin niður í tvey stig – í vetrar- steðginum var hann tíggju stig – boðaði norski venjar- in, Åge Hareide, mánadag- in frá, at hann ikki helt seg til framvegis at hava ábyrgdina av Brøndby lið- num í superliguni. Hann vildi sleppa burturúr venj- arastarvinum, tí hann kendi seg ikki hava tað yvirskot- ið, sum skal til, um venjarin skal megna at geva spælar- unum rætta íblásturin. Hóast soltnu úrslitini í vár, so kom uppsøgnin sum ein bumba. Tað eru bara nakrir dagar síðani, at Åge Hareide og Brøndby samd- ust um, at samstarvið skuldi halda fram til nýggj- árs. Sáttmálaskeiðið varð annars liðugt í summar. Vit harmast avgerðina hjá venjaranum. Tað søgdu stjórin í Brøndby, Per Bjerregaard, og liðfor- maðurin og málverjin, Mogens Krogh. Samstundis sum teir næstu – so at siga – søgdu seg harmast um nýggju støðuna. So var fyrrverandi Brøndby málverjin av ein- ari heilt aðrari áskoðan. Peter Schmeichel legði ikki fingrarnar ímillum, tá hann seinnapartin mánadagin kom úr Onglandi og til Keypmannahavnar at taka lut í sjónvarpssending um fótbólt. Hann segði seg vera fullvísan í, at stjórin í Brøndby við teknum, sum ikki kundu misskiljast, hev- ði givið norska venjaranum tað hugskotið, at hann átti at taka seg aftur sum venj- ari. Brøndby setti mánadagin Tom Køhlert í venjarastarv- ið. Hann hevur áður verið høvuðsvenjari í Brøndby. Hesa seinastu tíðina hevur hann havt ábyrgdina av at menna ungar spælarar. Tom Køhlert er ein fyribils loysn, meðan Brøndby leitar eftir nýggjum venjara. Åge Hareide sigur, at nú fer hann at halda frí og hvíla seg. Men tíðindini eru longu farin at ganga um, hvat næsta starvið hjá hon- um verður. Venjarin hjá Rosenborg hevur boðað frá, at hann ætlar sær úr starvi- num, tá norska kapping- arárið verður liðugt í heyst. Rune Braseth, sum fyri ikki so nógvum árum síðani var miðverji í Werder Bremen og á norska landsliðnum, er nú stjóri í Rosenborg. Hann sigur, at Åge Hareide avgjørt er eitt evni til venjarastarvið í Trónd- heimi. BILJARD Jan Müller Trúgvur hevur hann ver- ið, stuðulin hjá odda- spælarunum í billard í Klaksvíkar Klubba. Tummas Johannessen hevur trúðliga øll árini ferðast kring Føroya land fyri at stuðla sínum monnum, tá avgerandi kappingar hava verið. Hann var við á Tvøroyri, tá Sonhard Johannessen sum fyrsti klaksvíkingur nakrantíð vann FM-heit- ið fyri einstaklingar, og hann var aftur við í Havn, nú Kristian Suni Høgne- sen vann sítt fyrsta FM- heiti. Í billardkappingum eru dómarar alfa og omega. Og man Tummas eiga tað, ið mest líkist einum Føroyameti í døming eis- ini. Tá fremmand lið vitja í Klaksvík eru altíð boð eftir Tummasi at reisa keylur og telja saman nógvu eyguni hjá lið- feløgum sínum. Hann er vorðin ein fastur táttur í billardmyndini, serstak- liga kring eitt av landsins elstu og bestu billard- borðum, tað í Klaksvíkar Klubba. Á myndini síggja vit FM-meistaran saman við stuðli sínum eftir lokna kapping – í góðum hýri. Kristian Suni vísir okkum tríggjar sigursfingrar, ein fyri Haldor Holm- kappingina, ein fyri FM fyri lið og ein fyri FM fyri einstaklingar. (Av tí at henda myndin kom skeivt fyri í blaðnum í gjár seta vit hana í av nýggjum) Mynd: Jan Trúgvur stuðul hjá billardítróttini Brøndby venjarin hevur lagt kongin Vejle vil vinna á skriviborðinum Nr. 72 • mikudagur • 17. apríl 2002 • 76. árgangur • www.sosialurin.fo 23 22 Nr. 72 - 17. apríl 2002 VALGREINAR Rækjuflotin Rættindi skulu vinnast og verjast ! Sigfríður Dam Olsen valevni Javnaðar- floksins í Vágum Mangan hevur leikað hart á, tá føroyingar skulu hava vunnið og vart rættindi. Øll minn- ast vit stríðið um fiski- mørk okkara og mót- støðuna móti innliman í EEC ella ES, sum tað nú eitur. Onnur mál eru rætt- indi til oljuna í undir- grundini, og rættin til fiskiríkidømi. Í øllum hesum málum og mong- um øðrum við, hava vit føroyingar staðið saman sum ein maður. Við stríð og strev hava vit nú vunnið ræðið á tilfeinginum innanfyri okkara búskaparmørk, men harafturat hevur ein partur av okkara fiskimonnum og reið- arum, við tógvið stríð megnað at vunnið okkum tjóðarrættindi á fjarskotnum fiskileið- um. Her verður sjálv- andi hugsað um rættindi okkara at fiska rækjur á Flemish Cap, Eystur- grønlandi og við Sval- bard. Hesi tjóðarrættindi eru einastu rættindi, vit eiga, uttanfyri okkara sjómark, og hesi rættindi kunna vit bert verja við at fremja okkara nýtslu- rætt. Úti í stóru verð verður kríggjast fyri slík rætt- indi, og tjóðir sum Japan og USA brúka milli- ardir av krónum fyri at verja líknandi rættindi. Fyrimyndarliga stríðast eisini grannar okkara Ísland og Noreg fyri at varveita rættin til hvalaveiðu. Her heima hava vit ENN nakrar fiskimenn og reiðarar, sum eru til reiðar at verja hesi rættindi okkara, men sera vánaligur markn- aður fyri rækjum, høgur oljuprísur, stórar eykaút- reiðslur í mun til flotan annars og vánaligar arbeiðsumstøður, hava gjørt hesa vinnu sárbara. Og um ikki hetta var nógmikið, so hevur sannur politiskur ágang- ur tikið seg upp ímóti rækjutrolarunum. Tað skal als ikki vera nøkur loyna, at Javnað- arflokkurin vil verja hesi tjóðarrættindi okkara. Á sunnum búskaparligum grundarlagi vil Javn- aðarflokkurin virka fyri, at t.d. Framtaksgrunn- urin og Realkreditstovn- urin fáa møguleika og fortreytir fyri, saman við vinnuni at menna fíggj- arstøðuna hjá hesum týdningarmikla parti av flota okkara. Nú, eins og fyrr, vilja vit verja vunnin rættindi og finna loysnirnar til trupulleikarnar í samfe- lagnum. Hinir flokkarnir kunna so stríðast um prinsippis og háfloygdar útsagnir. Marjus Dam Sambandsflokkurin Nú undan valið verður óført brúkt av plastic- máling, so modellið vinnur kappingina. Teir vita, at neyðugt er, at verja papírsmodellið ímóti regni, vindi og stormi. Um tað regnar, rennur málingin av, húsið blotnar og fellur saman. Um vindur kemur, fýkur alt um koll. Hetta modellið er bygt upp av teori, tí kann tað standa á borðinum, væl vart av vindi og regni. Men modellið kann ikki byggjast í fullari stødd. Tað heldur ikki. Tí mangt ber til á pappíri, sum ikki ber til í veruleikan- um.... Sambandsflokkurin Vit hava onki modell av pappíri. Vit kunnu bert vísa føroyingum á okkara sam- felag Føroyar. Vit eru ein tjóð, har fólk hava møgu- leika at arbeiða, vinna sær til dagsins føði og seta førur undir egið borð. Í okkara veruliga landi datt onkur bygningur niður, tí loysingarfólk fóru at taka stúttur niður, uttan at hugsa um avleiðingarnar, hóast ávaringar. Men við felags- stríði og hjálp av stórum krana úr Christiansborg, var bygningurin fingin uppá pláss aftur. Tað hendi seinast fyri 10 árum síðani. Nú vilja vit í Sam- bandsflokkinum styrkja hús okkara. Vit vilja tjøra tað vit gamlari tjøru, ið verjir væl ímóti roti. Flagtak liggur á og grundin er kálka. Eitt gott føroyskt hús, í heldur ímóti regni og stormi. Vit vilja bøta um húsi, so tað gerst betur hjá okkum, ið her búgva. Tað er nakað vit eiga at gera alla tíðina. Vit ætla eisini at útbyggja, so pláss verður fyri fleiri. Pappírsborgin undir glas: Vit halda, at pappírsborgin hjá Anfinni og Høgna, serliga eftir at plastic- máling er komin á, er vøkur á at líta. Hon hevur tí best uppiborið at verða sett undir glas, og givin forn- minnissavninum. Tí um nøkur ár er sera týdningar- mikið, at føroyingar kunnu síggja hvussu ørir nakrir føroyingar vóru í ár 1998 - 2002. Teir ætlaðu nevniliga at gamla føroyska húsið skuldi brótast niður -og pappírsborg skuldi koma ístaðin. Men Sambandsflokkurin vildi heldur bøta um før- oyska húsið. Vit vilja hava nakað trygt - nakað í verjir ímóti stormi og ódn. Onki eksperiment av pappíri við tjóð okkara. X fyri Sambandsflokkin Páll á Reynatúgvu Valevni fyri Tjóðveldisflokkin Tjóðveldisflokkurin er flokkur verka- og fiski- manna og verjan av viður- skiftunum hjá fiskimonn- um og verkafólki kemur tí altíð at vera ein av súlunum í tjóðveldispolitikki. Grundarlagið er fólksins rættur til at skipa seg í øllum samfelags viðurskift- um. Vit meta henda sjálv- sagda avgerðarrætt at verða bulin undir øllum fólksins virksemi, bæði tá ið tað snýr seg um arbeiðsmark- naðarviðurskifti, ið mun til hvat og hvønn vit starvast við, men líkaso sjálvsagdan tá ið tað snýr seg um tjóðarfrælsi føroyinga. Trivnaður á arbeiðsmarknaðinum Arbeiðsmarknaðarpolitikk ur tjóðveldisflokksins snýr seg fyrst og fremst um at fáa trivnað á arbeiðsmark- naðinum. Tjóðveldisflokk- urin virkar fyri at arbeiðs- marknaðurin átekur sær størri sosialar skyldur, meðan almennu skipanir- nar veita grundleggjandi sosiala trygd. Partarnir á arbeiðsmark- naðinum eiga við sátt- málasamráðingum at tryggja: * Rættindi til ávirkan á egið arbeiðspláss * Rættvísa løn fyri førleika og royndir * At arbeiðsmarknaðurin átekur sær skyldur mót- vegis umhvørvi, arbeiðs- umhvørvi, trivnaði og eftirútbúgving hjá ar- beiðsfólkinum * At arbeiðsmarknaðurin skapar møguleikar fyri parttíðarstørvum og niðursettari arbeiðstíð * At arbeiðsmarknaðurin skapar møguleikar fyri vardum størvum til fólk við breki * At vinnan eisini átekur sær skyldur til tessat lívið eftir arbeiðstíð og eftir pensiónsaldur er nøkt- andi og trygt * Javnstøðu millum menn og kvinnur á arbeiðs- marknaðinum Við tá ið væl gongur, ímóti tá... Vit meta samstundis at tað er altavgerandi at ar- beiðsmarknaðurin, verka- fólk og arbeiðsgevarar, í størst møguligan mun loysa síni viðurskiftir í sam- ráðingum. Netupp tí skal politiska skipanin í minst møguligan mun avgera viðurskiftir á arbeiðs- marknaðinum, og í besta føri við staðfestandi lóg- gávu sum fylgja av semju á arbeiðsmarknaðinum. Tí vit hava óteljandi dømi um at politiska skipanin, ikki bara arbeiðir við arbeiðs- marknaðinum um sam- felagsliga rákið vendir. Hjálpandi hondin, kann lættliga gerast beinspenni ið tekur aftur vunnin rætt- indi. Vit ynskja ikki skifti- vís at vera við, og ímóti verkafjøldini. Tjóðveldisflokkurin ynskir sterk føroysk fak- feløg sum eru før fyri at taka dystin upp við mót- partin á arbeiðsmarkn- aðinum. Vit ynskja gott samstarv við fakfeløgini, men vit ynskja ikki fak- feløg ið skylda nøkrum flokki nakað. Skottið millum politikk og fakfelagsvirksemi skal vera púra tætt. Júst á sama hátt sum skottið millum politikk og vinnulív skal vera tætt. Barsilsskipan, dagpeningaskipan og arbeiðsumhvørvi Rætt skal vera rætt. Vit hava avrikað nógv á ar- beiðsmarknaðarøkinum seinastu 4 árini. Viðurskifti sum hava verið vanrøkt í áravís og hava ligið á láni. Bestu dømini eru barsils- grunnurin, dagpeninga- skipanin, tað at karens- dagarnir hjá tímaløntum vóru avtiknir, og arbeiðs- umhvørvislógin. Trý stór mál sum øll eru loyst í hesari samgonguni, og sum eru góð dømi um frambrot á arbeiðsmarknaðinum, samstundis sum politiska skipanin virðir samlaðu støðuna hjá arbeiðsmark- naðinum. Eingin nýtist at vera í iva um tað vit siga, og at vit virka út frá tí. Vit ynskja framhaldandi styrki hjá fakfeløgunum og geva ikki lyftir upp undir val ið vit møguliga ikki klára at halda tá ið vit koma til valdið aftur. Vit fara í kom- andi samgongu at arbeiða fyri eini rættvísari arbeiðs- marknaðareftirløn, har samhaldsfesti er bulurin, og vit fara at arbeiða fyri at leingja barnsburðarfar- loyvið uppí 12 mánaðir. So mikið kunnu vit lova. Politisku fingrarnar burtur! Pappírsborg hjá loysingini: Modellið stendur á borðinum. Og er av pappír. Høgni (Kjartan@), Anfinn K og S.P í Grund, skoða verkið C M Y K 22 Sosialurin Tíðindi Ítróttur Viðmerkingar Nøvn Skráir Tiltøk Sosialurin Lýsingar Bilar Veðrið