fríggjadagur 31. mai 2002síða 8

14 Nr. 101 - 31. mai 2002 Stóri spenningurin tykist snúgva seg um, hvør sleppur at fylgja heimsmeistarunum úr Fraklandi til 1/8-parts finalurnar BÓLKUR A Jákup Mørk Frakland hevur sýnt seg sum sterkasta landið sein- astu fýra árini. Eingin ivi um tað. Sum verjandi heims- og europameistarar hava teir vunnið seg ovast á styrkislistanum hjá FIFA, og hóast teir beint fyri HM sera óvæntað máttu lúta fyri Belgia á heimavølli, so er neyvan nakar ivi um, at meistararnir fara at vinna seg víðari í kappingini. Tað er tó eitt bakkast fyri Frakland, at teir í øllum før- um mugu vera Zidane fyri uttan til fyrsta dystin, og møguliga í øllum teimum trimum fyrstu dystunum. Hinvegin kann eisini hugs- ast, at hetta verður ein fyri- munur. HM er ein long og strævin kapping, har stórar byrður verða lagdar á leik- ararnar. Vinnur Frakland seg víðari, og Zidane tá er púrasta frískur, kann tað væl gerast ein fyrimunur, at hava ein feskan leikara í heimsflokki, tá stjørnurnar hjá kappingarneytunum kan- ska fara at møðast. Og so skal heldur ikki gloymast, at sjálvt uttan Zidane hevur Frakland eitt lið í heims- flokki. Vandamiklir outsidarar Kappingin um at gerast tvey’ari í bólkinum, tykist hinvegin sera hørð. Bæði Uruguay og Danmark hava áður sýnt, at tey væl eru før fyri at standa seg í slíkum kappingum, men outsidar- arnir úr Senegal eiga sanni- liga eisini at takast í álvara. Hóast liðið ikki telur tær heilt stóru stjørnurnar, so er talan um leikarar, sum ofta hava roynt seg á altjóða pallinum. Eitt nú við fronskum liðum, har størsti parturin av leikarunum dagliga hava sítt yrki. Minnini úr Mexico Grannar okkara úr Dan- mark hava undir leiðslu av Morten Olsen ment seg heilt nógv. At teir vunnu sín undankappingarbólk fram- man fyri eitt Kekkia má eisini metast sum eitt lítið bragd, og sigur hetta ikki so lítið um styrkina, sum dan- ska liðið hevur í løtuni. Hó- ast fráverur av ymsum slag hava verið undir fyrireik- ingunum, so verður mett, at allir leikarar hjá dønum verða tøkir til HM, og so eigur ikki at gloymast, at tær báðar ferðirnar, sum Danmark hevur tikið lut í HM, hevur liðið spælt seg víðari úr bólkaspælinum. Fyrru ferðina, danir tóku lut í HM var í 1986, tá kappingin fór fram í Mexico. Neyvan er nakar danskur ella føroyskur hyggjari, sum hevur gloymt hetta, og í Uruguay er tað so í øllum førum ikki gloymt. Tað varð nevnliga mett sum landaskomm, tá danir við millum øðrum júst verndi venjaraparinum á odda vundu burtur úr tví- faldu heimsmeistarunum. 6-1 gjørdist úrslitið ta ferð- ina, og umframt stríðið um at koma víðari í kappingini, fer júst dysturin móti døn- um at vera tann kanska týdningarmesti hjá verandi landsliðnum úr Uruguay. Tað kann tó hava avger- andi týdning fyri Uruguay, hvussu væl stjørnurnar á liðnum eru fyri. Hin størsta av hesum er uttan iva Alvaro Recoba, men hann dregist við skaða í knæ- num, og sigst vera sera iva- samur til fyrsta dystin í kappingini. Dystirnir: 31.05 Frakland-Senegal 01.06 Uruguay-Danmark 06.06 Danmark-Senegal 06.06 Frakland-Uruguay 11.06 Danmark-Frakland 11.06 Senegal-Uruguay Spania er favorittur, men teir hava áður kiksað, so møguliga verður tað lítla Slo- venia, sum enn eina- ferð tekur øll á bóli BÓLKUR B Jákup Mørk Undanfarna HM-undan- kapping gjørdist fyrstu ferðina, at Føroyar tóku stig frá einum landi, sum seinni leikti seg til endaspælið í kappingini. Bragdið hjá Øssi Hansen og hinum landsliðsleikaru- num kann eisini gerast enn størri, um so er, at Slovenia eisini megnar at spæla seg víðari úr bólkaspælinum, og sannlíkindini fyri hesum eru kanska ikki heilt eingi. Stóri favoritturin í bólki- num er Spania, men tað merkir tó ikki, at teir uttan víðari kunnu spáka sær víð- ari í kappingini. Fyri fýra árum síðani var støðan júst lík henni í dag, men tá end- aðu spaniólarnir aftan fyri bæði Nigeria og Paraguay. Yvir høvur hevur tað eis- ini verið galdandi fyri Spania, at liðið ikki hevur staðið seg væl í endaspæli- num, hóast liðið mangan hevur talt hópin av altjóða stjørnuleikarum. Hesa ferð er einki undan- tak í so máta. Leikarar sum Hierro, Raul og Morientes teljast millum stjørnurnar í Real Madrid, og fyri flestu av viðleikarum teirra er eis- ini galdandi, at teir teljast millum álitini í nøkrum av mætastu europeisku fót- bóltsfeløgunum. Venjarin, Camacho, hev- ur eisini havt hepni til at smíða eina sterka eind burt- ur úr øllum stjørnunum, og so er spurningurin, um Spania hesa ferð megnar at vinna seg longur enn »bara« til fjórðingsfinalur- nar, sum tað so ofta er bliv- ið til. Tilfarið er til staðar. Spurningurin er bara, um endaliga avrikið eisini er nóg gott. Fríspørkini tekur málverjin Sum nevnt, so var júst Paraguya eitt av mótstøðu- liðunum hjá Spania seinast, og at liðið ta ferðina skuldi vinna seg víðari, varð mett sum stórhending í landi- num. Sjálvandi var tað keðiligt, tá Frakland í sein- astu minuttunum av longdu leiktíðini sendi Paraguay úr teirri kappingini, men fram til gylta málið hjá Blanc hevði liðið hildið fast um liðið, sum seinni varð kosið heimsins besta. Tað er eisini fyrst og fremst í verjupartinum, at Paraguay hevur sína styrki. Væl stýrd av einum at bestu málverjunum í heiminum, Chilavert, í málinum, er verjan bulurin á liðnum, og so verður bara bíða eftir kontramøguleikum. Aloft- ast hava hesir kós móti Roque santa Cruz, ella verður dyrgt eftir frísparki, sum málverjin so kann koma fram at skjóta. Verða neyvan undirmettir Hvørki Slovenia og Suður Afrika kunnu sostatt rokn- ast millum favorittarnar í bólkinum, men tey eiga tó á ongan hátt at avskrivast. Slovenia hevur tvær undankappingar á rað mót- sagt øllum serfrøðingum, tá teir hava leikt seg til enda- spælið, og hesa ferð verður tað neyvan nakar, sum uttan víðari undirmetir Zahovic & co., tá teir traðka inn á grasið. Fótbólturin er hin so typiski fyri balkanlondini, har bólturin verður førdur spakuliga kring vøllin, fyri síðani at eksplodera í ógvu- sligum temposkiftum, og júst hetta slagið av fótbólti kann vísa seg at gerast sera heppið, tá spælast skal í nógva hitanum. Hitini verður heldur ikki nakar trupulleiki hjá Suður Afrika, men tað kann tó vísa seg at gerast meira enn torført hjá liðnum at vinna seg úr bólkaspælinum. Við allari virðing fyri FCK og Toda, so ræðir tað neyvan mótstøðuliðini, at ein hin besti leikarin á liðnum hev- ur sína dagligu gongd í danska høvuðsstaðnum. Aðrir kendir leikarar eru Quinton Fortuna og Benny McCarthy, men yvirhøvur tykist Suður Afrika at vera veikasta liðið í bólki B. Dystirnir: 02.06 Paraguay-Suður Afrika 02.06 Spania-Slovenia 07.06 Spania-Paraguay 08.06 Suður Afrika-Slovenia 12.06 Slovenia-Paraguay 12.06 Suður Afrika-Spania Brasilia hevur sterk- astu siðvenjuna av øllum í HM-høpi, og bólkaspælið líkist ikki nakrari forðing hjá samba-landinum BÓLKUR C Jákup Mørk Teir hava verið við hvørja ferð. Fýra ferðir hava teir verið heimsmeistarar. Legg hartil tvey silvur- og tvey bronsumerki. Jú. Einki er at ivast í, at Brasilia er eitt stórveldi innan fótbóltin, og tí verða teir aloftast mettir millum favorittarnar, tá mett verður um kapping- ina. Hesa ferð er støðan tó eitt sindur øðrvísi. Í samba- landinum halda tey ivaleyst enn, at landið er hitt besta í heiminum, men úrslitini seinnu árini siga nakað annað. Tað var nevnliga um reppið, at Brasilia als ikki kom við til HM. Í undan- kappingini gekk tað av skriðjuni til í útidystunum, men sterki heimavøllurin slóðaði tó í seinasta enda fyri ferðini til Japan og Korea. Við nøvnum sum Rival- do, Carlos, Lucio, Ronal- dinho og Denilson skal tó vera løgið, um Brasilia ikki vinnur seg víðari úr bólka- spælinum, har lagnan hevur verið teimum blíð, men tað verður tó neyvan hesaferð, at Brasilia vinnur sítt fimta HM-heiti. Heldur ikki hó- ast teir nú aftur kunnu gera nýtslu av bóltsnillinginum, Ronaldo, sum eftir drúgvan skaðasteðg nú tykist vera komin fyri seg. Royndirnar koma Tá sagt verður, at lagnan hevur verið Brasilia blíð, so er hetta grundað á mót- støðuna, sum teir fáa í bólkaspælinum. Costa Rica og Kina verða á ongar roknaðir sum stórar fót- bóltstjóðir, og hóast Turka- land hevur ment seg nógv seinnu árini, so er enn nak- að eftir, áðrenn teir røkka upp móti hægstu tindunum. Turkarar fara tó uttan iva at leggja seg eftir at arga brasilumenn, tá dystirnir verða leiktir. Síðani liðið fyri góðum tíggju árum síð- ani spældi javnt móti Før- oyum í Gundadali eru stór framstig hend. Millum annað hevur Galatasary sum fyrsta turkiska felagið vunnið europeiska kapping, og í dag eru fleiri av leikar- unum at finna í stórum europeiskum feløgum. Hóast teir soleiðis hava vunnið seg til nbæði EM og HM, so tykist tað enn so, at teir ikki hava tað, sum krevst fyri at gera seg gald- andi í endaspælinum, men royndirnar gerast alsamt fleiri, og í møguleikin at koma til næsta umfarið hevur neyvan verið betri, enn hann er hesaferð. Sensatión krevst Fyri bæði Costa Rica og Kina er galdandi, at tað er mest sum ein sensatión, um hesi megna at vinna seg víðari í kappingini. Gaman í megnaði Costa Rica hetta fyri tólv árum síðani, tá kappast varð í Italia, men at rokna við hesum enn einaferð, er helst ov nógv kravt. Møgu- leikin er tó altíð til staðar, og er tað í stóran mun Paolo Wanchope, sum umboðar hendan. Megnar málslúkur- in á liðnum at spæla upp til sítt, samstundis sum van- liga sterki verjuparturin kann gera sítt, so kann sensatiónin ikki útilokast. Tað kann hon heldur ikki, tá tað ræður um Kina. Landið við fleiri enn einari milliard íbúgvum hevur ongan tíð áður tikið lut í HM, men hesaferð hava teir so vunnið seg fram. Fræg- astu leikararnir á liðnum eru í europeiskum høpi rættiliga ókend nøvn, men onkur kennist kanska við Sun Jihai frá Manchester City, ella Yang Chen úr Ein- tracht Frankfurt. Megnar liðið at vinna seg víðari, er hetta at meta sum ein risa-sigur, men alt í alt líkist hetta einum fjórða plássið í bólkinum. Dystirnir: 03.06 Brasilia-Turkaland 04.06 Kina-Costa Rica 08.06 Brasilia-Kina 09.06 Costa Rica-Turkaland 13.06 Costa Rica-Brasilia 13.06 Turkaland-Kina Frakland, Senegal, Uruguay og Danmark: Hvør verður tvey’arin Spania, Slovenia, Paraguay og Suður Afrika: Slovenia hevur møguleikan Brasilia, Turkaland, Kina og Costa Rica: Lætt samba-spæl C M Y K 14 Frá fríggjadegi 31. mai til hósdagin 6. juni HM-skráin í fótbólti Føroyar í dag Roxanne – næsen er i vejen Bubber er vertur í einari sending sum er hvønn sunnudag í tveir tímar á TV2. Sendingin er fyri børn og blaðung og ofta er pláss fyri ungum stjørnu- skotum og hesa- ferð er Brandur Enni við Brandur vitjar Bubber Leygarkvøldið kl. 19.00 Borð um borð umborð Farna mánaðin og farnu vik- una hevur framhaldssøgan av Gamla Apotekinum verið fastur táttur í loftmiðlunum. Framhaldssøgu hava miðl- arnir so hegnisliga doypt hesa politisku oyðimarkargongd. Tað kemst næstan ikki undan at hugsa um, at vónandi verð- ur hetta ikki sum hjá høv- undanum J. P Heinesen, sum fór á ferð inn í eina óendiliga søgu. Henda er annars júst týdd til týskt, so her er tilfar til mentanardeildirnar hjá loft- miðlunum. Verkir Í skrivandi stund tykist tað tó, sum er ein samgonga við at síggja dagsins ljós. Tungur burður, má sigast. Veit ikki, um tingmenn hava verkir. Tað hava í hvussu er tey, sum liva undir avleið- ingunum av tiknu avgerðu- num teirra. T.d. tey, ið nýta farleiðirnar millum oyggjar- nar. Har slepst ikki undan sjó- verki. Hóast eitt landsstýri, sum røkkur fullum aldri, fýra ferð- ir í liviskeiðnum fær sama trupulleika, so endar á sama hátt hvørt ár. Har læra fólk ikki av mistøkum. Eingi hósk- andi avloysaraskip eru at seta inn, tá gamli strandfaraflotin skal sminkast og bøtast. Her er tilfar til miðlarnar at grava í. Og tað hava teir eisini gjørt. Men saknur er í eini sending, sum veruliga tekur og endavendur samfelagstrup- ulleikum, sum eru frammi í dagsljósi at kalla alla tíðina. Vit kunnu her sammeta við DR-Dokumentar ella líknandi sendingar, sum veruliga ganga fólkunum við ábyrgdini upp á nervarnar. Nú skal tað sigast, at eg vil ikki kalla føroyskt fjølmiðla- arbeiði fyri mikrofonhaldarí, sum tað í ov stóran mun var fyri nøkrum árum síðani. Nei, her eru framstig hend. Men rættuligar endavendingar síggja vit sjáldan. Her kundu vit havt gott av at fingið okkurt munabetri. Áðrenn vit fara heilt burtur frá evninum viðvíkjandi poli- tikki og ferjum, so var eg í tí løgnu støðu at síggja Borð um borð umborð. Nevniliga umborð á nýggj- asta farinum í ferðamanna- flotanum. Dangan nevnist Scania. Vit sigldu í logn. Tó bóltaði nógv til síðis í løtum, so leysu stólarnir høvdu hug at skifta pláss. Skilligt er, at her er ein ferja leigað til føroysku havalduna, sum er von at sigla á deyða- vatni. (Í Føroyum hevur Sca- nia eisini bert loyvi at sigla við umleið helvtini av tí, sum hon siglir við har hon kemur frá). Tá hatta vóru rembingarnar í logn, so kanska vit fara at hoyra onkra avlýsing, um veðurguðarnir ikki skikka sær heilt væl næstu vikurnar. Men tað var sendingin um- borð, nevniliga Borð um borð, sum eg skuldi nevna. Á Botni og umborð Ein fín mótvekt til Botnin er henda sendingin í hvussu er. Tað tykist greitt, at mál- bólkurin hjá Leivi Hansen og Marius Rein er tey ungu, sum eru farin um tey hálvt- hundrað. Og tað mundi eisini treingja til. Tí neyvan er Botnurin fyri øll. Á Botni- num er helst ov grunt og tunt, so tey eldru og tey meira »at sær komnu« falla frá. Ov langt er ímillum, at tær meira djúpu glósurnar falla. Hóast orðið »djúpt« verður nevnt nakrar ferðir, so er heldur grunt og tunt. Men tað er jú júst ætlanin, so tað er í ordan!! Hetta er lætt, um enn tað ikki er djúpt. Har eru tó løtur, sum eru áhugaverdar hjá teim flestu, t.d. húsarannsóknin. Hini, t.d. tey eldru, hava nú Borð um borð at hyggja at. Tey kunnu fara av Botni og upp til vatnskorpuna og um- borð. Annað gleðiligt, sum sjón- varpshyggjarar hava at gleð- ast um er, at í summar verður kanska ikki tíðindaloysi í SvF. Herfyri varð lýst eftir av- loysarum til summarfrítíðina, so her verður kanska ikki slit í tíðindafloyminum. Og summarið er vanliga eisini á góðari leið í ÚF, so vit hava eitt gott summar í væntu. Hetta, um vit ikki leggja okkum alt ov langt í annað borðið og fara at spæla okk- um við orðini; borð um borð, umborð, djúpt og botnurin… Nei, kanska vit fáa eina sam- gonguskútu, sum vil nakað meira á samferðsluøkinum. Um ikki, so eiga miðlakanónirnar at rættast mótvegis teim skeivleikum, sum hvørt ár skapa yvirskriftir. Á so mongum økjum. Og skotið eigur nú at verða við skørpum. Tí hetta er í roynd og veru ein týðandi uppgáva hjá fjølmiðlunum, sum jú sum kunnugt eru fjórða statsmaktin. Og hetta tykjast føroyskir miðlar nú eisini at hava tikið at sær. Alt er ikki bert undirhald, hóast tað síðstu vikurnar mangan hevur sæð soleiðis út. Men undirhald skal til, og tað kann so mangan eisini nýtast til at seta álvarsama veruleikan í sterkari ljós. Vónandi fáa vit eitt summar, har ljósið verður varpað lættliga á gaman og álvara. Tí tað eru ikki dugnalig fjølmiðlafólk, sum okkum vantar. Tey hava vit. Kanska eru tað heldur fólk á hægri rókum, sum duga at taka í egnan barm, ið okkum vantar, tá ljósvarparin verður settur á røkur, har tað tykist hava verið heldur illgongt og trupult at fóta sær. Dagfinn Olsen ummælir: Fríggjadagur 31. mai 12.00 HM í fótbólti: Frakland- Senegal 20.25 HM-fótbóltur Leygardagur 1. juni 9.50 HM í fótbólti: Uruguai- Danmark 12.20 HM í fótbólti: Týskland- Saudiarabia 20.50 HM-fótbóltur 23.25 HM2002 - dysturin í dag Sunnudagur 2. juni 8.20 HM í fótbólti: Paraguai- Suðurafrika 10.20 HM í fótbólti: Ongland- Svøríki 12.20 HM í fótbólti: Spania- Slovenia 20.40 HM-fótbóltur 23.00 HM2002 - dysturin í dag Mánadagur 3. juni 7.20 HM í fótbólti: Kroatia- Meksiko 9.50 HM í fótbólti: Brasil- Turkaland 12.00 HM í fótbólti: Argentina- Nigeria 20.25 HM-fótbóltur 23.05 HM2002 - dysturin í dag Týsdagur 4. juni 9.50 HM í fótbólti: Japan- Belgia 12.20 HM í fótbólti: Korea- Pólland 14.20 HM í fótbólti: Italia- Ekvador 20.25 HM-fótbóltur 23.35 HM2002 - dysturin í dag Mikudagur 5. juni 07.20 HM í fótbólti: Russland- Tunesia 9.50 HM í fótbólti: USA- Portugal 12.00 HM í fótbólti: Kina-Kosta Rika 20.25 HM-fótbóltur 23.30 HM2002 - dysturin í dag Hósdagur 6. juni 7.20 HM í fótbólti: Danmark- Senegal 9.50 HM í fótbólti: Kamerun- Saudiarabia 12.00 HM í fótbólti: Týskland- Írland 20.25 HM-fótbóltur 23.40 HM2002 - dysturin í dag Týskvøldið kl. 19.00 15