fríggjadagur 31. mai 2002síða 13

Nr. 101 - 31. mai 2002 25 Italia tykist vera greiður favorittur, og so mugu Kroatia og Mexico dystast um, hvør annar skal koma víðari úr bólkinum BÓLKUR G Jákup Mørk Italskur landsliðsfótbóltur fekk eina sanna uppreisn, tá liðið kom í finaluna í EM fyri tveimum árum síðani. Talan var kanska ikki um so ógvuliga framsøkið spæl, sum nøkur av hinum lond- unum sýntu, men destrukt- ivi verjufótbólturin, sum liðið áður hevur staðið fyri, var í øllum førum ruddaður burtur. Hetta gav pláss í finaludystinum, og í veru- leikanum var liðið bert góðan minutt frá at vinna EM, men tað er so ein onn- ur søga. Trap hevur vunnið alt Grundað á góða avrikið í EM, og á spælið í undan- kappingardystunum, eru italiumenn nú veruliga farnir at trúgva uppá, at Azzurri, sum liðið verður rópt, kann gera seg gald- andi í HM-kappingini. Ikki tí. Liðið stendur seg aloft- ast væl, men tað so smátt við at vera nakað langt síðani, tá tað nú eru liðin 20 ár, síðani liðið seinast vann HM. Vanliga hevur liðið ein sera sterkan hóp, og í summar verður talan so av- gjørt ikki um nakað undan- tak. Leikarar sum Vieri, Del Piero, Totti og Inzaghi borga allir fyri góðsku í framrættaða spælinum, og í verjupartinum hevur liðið eisini fleiri av heimsins bestu verjuleikarum, so leikara fyri leikara tykist Italia hava sterkasta hópin í bólkinum. At teir so eisini hava Trappatoni á beinkinum, ger avgjørt møguleikarnar hjá liðnum enn betri. Trap hevur sum venjari vunnið alt tað, sum vinnast kann við italskum liðum. Hann er taktiskur snillingur av aðrari verð, og seinastu árini hevur hann enntá um- stillað sína fótbóltsáskoð- an, soleiðis at lið hansara nú eisini hava leikt álops- fótbólt. So tað kann væl vera, at Italia bæði kann vinna og undirhalda hesa- ferð. Neyvan bronsa hesaferð Av hinum liðunum í bólk- inum munnu Mexico og Kroatia verða tey, sum stríðast um næsta sessin. Kroatia vann bronsu við HM í Fraklandi. Enntá í fyrstu royndini hjá landin- um í HM, og tað var einki minni enn eitt bragd. Bronsan tá var tó grundað á eitt óvanliga gávuríkt ættar- lið av fótbóltsleikarum, og hóast nógvir av hesum framhaldandi eru við á liðnum, so eru árini farin at seta síni spor. Bóltsnillingurin, Boban, er ikki við longur, og hóast leikarar sum Boksic og Suker framhaldandi eru vandamiklar fyri mótstøðu- verjurnar, so kann ikki roknast við, at teir røkka eins langt, sum teir gjørdu seinast, men teir hava av- gjørt møguleika at koma víðari í kappingini. Tað hevur Mexico eisini, og yvirhøvur hevur sterka tjóðin í Miðamerika eisini til siðvenju at teir í øllum førum koma víðari úr bólkaspælinum. Sjáldan er tað vorðið til meira enn tað sama, og heiðursmerki er talan ikki blivin um. Hesa ferð hevði liðið stórar trup- ulleikar í annars veika undankappingarbólkinum, men eitt venjaraskifti í evstu løtu vendi gongdini, og tá vandamikli Blanco so varð klárur at spæla, eftir at hann hevði verið skaddur, kom verulig ferð á. Spurn- ingurin tykist bert vera, um hendan er nóg stór til HM. Nýggja liðið Ecuador hevur sjáldan havt eitt stórt orð at siga í altjóða høpi. Seinnu árini hevur liðið tó fingið ein alt størri leiklut í Suðuramerika, og hesa ferð vóru tað bert Brasilia og Argentina, sum stóðu seg betri í undan- kappingini. Trupult verður tað undir øllum umstøðum hjá nýggja landinum í HM- høpi, og ein kopiering av avrikinum hjá Kroatia sein- ast verður talan neyvan um. Megna teir at vinna seg víðari úr bólkinum, er nógv vunnið, men hetta í sjálvum sær verður helst ein iva- leysa stórur biti. Dystirnir: 03.06 Kroatia-Mexico 03.06 Italia-Ecuador 08.06 Italia-Kroatia 09.06 Mexico-Ecuador 13.06 Ecuador-Kroatia 13.06 Mexico-Italia Japanarar vóna, at teir fyri fyrstu ferð kunnu vinna seg úr bólkaspælinum, og lutakastið hevur í øllum førum givið teimum ein møgu- leika fyri hesum BÓLKUR G Jákup Mørk Japan var fyri fyrstu ferð við til HM fyri fýra árum síðani. Tá tapti liðið allar tríggjar dystirnar, men royndirnar frá teirri ferðini hava teir so í skjáttuni nú. Og japanskur fótbóltur hevur ment seg við rúkandi ferð seinnu árini. Tað eru ikki meira enn eini tjúgu ár síðani, at eitt veruligt menningararbeiði innan fótbóltin varð sett ígongd, men japanum so líkt, so hevur gingið skjótt. Hópur av ungum, evnaríkum leik- arum verða nú fostraðir, og spakuliga eru hesir eisini farnir at síggjast í europe- iskum feløgum. Stóra stjørnan er uttan iva Hidetoshi Nakata, men sjálvt ikki hann skal kenna seg vísan í einum plássi á liðnum. Seinastu dystirnar hevur liðið nevnliga spælt bæði kvikan og ágangandi álopsfótbólt, og ikki minst hevur stuðulin frá heima- áskoðarunum gjørt sítt. Tað er eisini við áliti á heimavallarfyrimunin, at japanar nú vóna, at land teirra hesa ferð kann koma longur enn til bólkaspælið. Russiska maskinan Og tað er kanska ikki heilt óhugsandi, at so verður. Sum vertstjóð verður styrk- ismetingin til lutakastið aloftast lagalig, og tó at Japan skal royna seg móti trimum hampuliga sterkum tjóðum, so kundi tað væl verið munandi truplari, enn tað nú sær út til at gerast. Russarar eru kanska fav- orittar at vinna bólkin, og tað er helst eisini tað, sum teir sjálvir ætla. Liðið vann seg hampuliga trygt úr okkara undankappingar- bólki, og fótbólturin, sum teir standa fyri, er altíð hin sami. Kontrollerandi, ferð- mikið og effektivt plagar tað at vera, og tó at tað ong- an tíð hevur borið heilt á mál í HM-høpi, so hevur liðið ofta verið partur av teimum mest undirhaldandi dystunum í HM-søguni. Verandi liðið telir eisini nakrar leikarar, fyri hvørs viðkomandi hetta helst verður seinasta stóra av- bjóðingin, og tað er heilt víst, at hesir meira enn nak- að ynskja at geva heiminum eitt minniligt farvæl á al- tjóða pallinum. Avbjóðararnir Hóast Russland soleiðis er favorittur, so slepst ikki undan, at bæði teir og vertstjóðin fáa harða mót- støðu frá Tunis og Belgia. Reyðu devlarnir úr Bel- gia eru fyri sættu ferð á rað partur av endaspælinum, og tað í sjálvum sær er eitt bragd, tá hugsað verður um støddina á landinum. Aloftast standa teir seg eisini væl ,tá teir koma til endaspælið, og í nógvar mátar líkjast teir eitt nú Týsklandi, sum bara hevur hetta við at gerast betri, so hvørt sum kappingin líður. Liðið í dag telir tó ikki tær heilt stóru stjørnurnar, sum tað gjørdi í 80’unum. Talan er heldur um eitt sera sterkt kollektiv, har tað kanska bert er Mark Wil- mots, sum veruliga skarar burturúr, men júst kollek- tivið hevur eisini áður verið styrkin hjá Belgia. Tunis fær kanska eina ógvuliga trupla uppgávu í sín lut, men avskrivast eiga norðurafrikanararnir á ong- an hátt. Teir vunnu seg hampuliga lætt ígjøgnum undankappinga, og tradit- ionelt hava lið úr norðara partinum av Afrika ofta staðið seg sera væl í HM- høpi. Her hevur Tunis tó bert verið tvær ferðir. Báðu ferðirnar hevur bólkaspælið verið endastøðin hjá liðn- um, men royndin verður so í øllum førum at gera tað betri hesaferð. Dystirnir: 04.06 Japan-Belgia 05.06 Russland-Tunis 09.06 Japan-Russland 10.06 Runis-Belgia 14.06 Belgia-Russland 14.06 Japan-Tunis Italia, Ecuador, Kroatia og Mexico: Himmalin er aftur bláur Japan, Belgia, Russland og Tunis: Heimavøllurin gevur vónir Tríggir av leikarunum, sum aftur hava italsku tjóðini vón um hópin av málum á altjóða pallinum. Inzaghi, Vieri og Totti teljast allir millum vandamestu framherjarnar í heiminum Mynd: Reuters 25 24 Nr. 101 - 31. mai 2002 Argentina eru millum størstu favorittarnar at vinna HM, men sjálvt ikki teir skulu taka tað sum nakra sjálvfylgju at vinna seg víðari úr bólkaspælinum BÓLKUR F Jákup Mørk Deyðsbólkurin. Dópurin fór fram, so skjótt lutakast- ið til bólkaspælið í HM var avgreitt, og nakað var eisini um heitið. Við somikið sterkum luttakarum, sum talan er um í bólki F, er bert ein lutur greiður undan HM. 1/8-parts finalunum. Nevnliga at tvey av liðun- um, sum annars hava styrki til at gera seg galdandi, ikki koma longur enn til bólka- spælið. Seinasti møguleiki hjá Batigol Argentina hevur síðani HM í Fraklandi sýnt eina mest sum óhugnaliga styrki, tá teir hava verið á vøllinum. Í framrættaðu 3-3-1-3 skip- anini hjá Marcelo Bielsa vann liðið seg sera sannfør- andi fram til endaspælið. Einasti av teimum 18 undankappingardystunum, sum endaði við tapi, var útidysturin móti Brasilia. Og tað eru ikki bert úr- slitini, sum hava verið góð. Aloftast hevur spælið verið av slíkum slag, at mót- støðuliðini snøgt ikki hava kunna gjørt nakað. Arg- entinska blandingin av suðuramerikanskum show- bólti samantvinna við styrkini í verjupartinum, sum liðið vanliga hevur, er tykist sera effektiv. Og so eru tað sjálvandi teir leikar- ar, sum Bielsa hevur til taks. Chamot, Walter Samuel og Ayala í verju- partinum. Gallardo, Zanetti, Simeone, Veron, Kiko Gonzales, Aimar við fleiri á miðvøllinum og ikki at gloyma álopspartin. Ein álopspartur, sum er somik- ið sterkur, at sjálvt ikki Gabriel Batistuta kann kenna seg tryggan, og har tað ikki so mikið sum var pláss fyri unga stórtalentin- um, Javier Saviola. Júst hjá Batistuta er hetta eisini seinasti møguleikin at vinna HM gull. Áleyp- arin, sum í 75 landsdystum hevur skotið 55 mál, og sum endiliga gjørdist italskur meistari eftir skift- ið til Roma, hevur gjørt av, at hann gevst á landsliðnum eftir HM. Í sínari tíð var Bielsa maðurin, sum fann stórtalentið, og sendi hann á vøllin í bestu argentinsku deildini, og tí kundi tað verið hóskandi, um hann saman við Bielsa endaði landsliðstíðina við HM- steypinum í hondini. Beckham-skaðin Í Onglandi er støðan sera spent, nú HM nærkast. Mest sum hvørt mansbarn fylgir við, hvussu heilsu- støðan hjá landsliðsskipar- anum, David Beckham, er. Hann breyt eitt bein í fót- inum, tá argentiski Aldo Duscher framdi eina ljóta takling í fjórðingsfinaluni í Champions League, og síð- ani hevur bert verið bíðað eftir, hvørt hann verður tøk- ur til HM. At miðvallar- motorurin, Steven Gerrard úr Liverpool, eisini varð skaddur, var mest sum bert ein smálutur við síðuna av, um ensku bløðini skulu nýtast sum mátistokkur. Tað tykist hann nú at ger- ast, og tað er sjálvandi ein styrkur fyri Ongland, men tað eigur tó ikki at gloym- ast, at liðið eisini er meira enn Beckham. Rætt og slætt, so tykist Ongland í løtuni at hava í øllum førum sterkasta liðið síðani 1990, og lági miðalaldurin ger, at talan helst er um eitt lið, sum hevur eina stóra fram- tíð fyri sær. Við Sol Camp- bell og Rio Ferdinand at stýra verjuni, Dyer, Har- greaves, Beckham og Scho- les á miðvøllinum og sjálv- andi Owen í álopinum, er liðið ein hóttan móti øllum. Væntandi royndirnar kunnu tó gerast truplasta mótstøð- an hjá liðnum, men hinveg- in spæla leikararnir dagliga í einum av sterkastu deild- unum í Europa, so teir eru helst menn at liva við trýst- inum. Og so eiga vit ikki at gloyma, at dystirnir millum Ongland og Argentina van- liga eru nakað serligt. Hvør minnist ikki »Guds hond« hjá Maradona í ’86 ella reyða kortið hjá Beckham í ’98. Jú – Dramatikkur er í øllum førum væntandi í uppgerðini. Ov tunt frameftir Svensku grannar okkara fáa tað trupult í so máta, nú talan verður um somikið sterk mótstøðulið, men teir standa seg kortini aloftast væl, tá stóru kappingarnar eru á skránni. Í mun til undanfarnar HM-kappingar, so kann tó hesa ferð tykjast, at liðnum væntar tí heilt stóru stjørn- una, sum kann gera munin í avgerandi løtunum í stóru dystunum. Í verjupartinum er sjáld- an nakað at finnast at, og tað er einki at ivast í, at lið- ið ikki fer at lata fleiri óneyðug mál fara inn, men spurningurin er bara, um teir megna at skapa nóg nógv hinvegin. Er tað nóg mikið við stórspælinum, sum Ljungberg og Larsson hava víst í seinastuni, ella verða Ongland og Argen- tina ov stórir bitar hjá svi- unum? Tað tykist vera størsti spurningurin hjá grannum okkara. Ørnirnar flúgva lágt Nigeria hevur vanliga verið mett sum eitt hitt sterkasta afrikanska landið, men hesa ferð tykist innanhýsis ófriður at hava oyðilagt stóran part av fyrireiking- unum hjá liðnum, og eitt nú eru nøkur av kendu nøvn- unum útihýst frá landsliðs- leguni. Grundað á hetta kann tað tykjast ósannlíkt, at Nigeria vinnur seg úr bólkaspælin- um, men liðið telir fram- vegis leikarar, sum megna at skapa ein góðan dyst. Spurningurin er bara, um samskipanin bæði á og uttanfyri vøllin er somikið góð, at liðið megnar at standa ímóti trýstinum, tá sterku mótstøðuliðini í bólkinum koma herjandi. Dystirnir: 02.06 Argentina-Nigeria 02.06 England-Svøríki 07.06 Svøríki-Nigeria 07.06 Argentina- England 12.06 Nigeria-England 12.06 Svøríki-Argentina Argentina, Nigeria, Ongland og Svøríki: Deyðsbólkurin Gabriel Omar Batistuta hevur í mong ár talst millum avgjørt bestu álopsleikarar í heiminum, og við 55 málum í 75 landsdystum eigur hann metið á landsliðnum. HM-kappingin verður seinasta altjóða uppgáva hansara, og hóast hann fær harða kapping um álopssessin frá Hernan Crespo, vil hann helst gera alt, til tess at ogna sær HM-gullið sum eitt virðiligt farvæl til altjoða pallin Mynd: Reuters C M Y K 24