leygardagur 11. mai 2002síða 4

6 Nr. 88 - 11. mai 2002 Nr. 88 - 11. mai 2002 7 – Tá ið Lisbeth og Jóannes eru farin til samráðingar við Fólkaflokkin uttan at siga okkum frá, so er avtalan millum okkum liðug, sigur Jenis av Rana, sum eisini hevur boðað løgmanni frá hesum POLITIKKUR Heri á Rógvi Jenis av Rana er ikki nøgd- ur við, at Jóannes Eides- gaard og Lisbeth L. Peter- sen og teirra flokkar halda fundir við Fólkaflokkin. – Tá ið Lisbeth og Jóann- es eru farin til samráðingar við Fólkaflokkin uttan at siga okkum frá, so er av- talan millum okkum liðug. Vit meta ikki, at vit kunnu kalla okkum bólk longur, sigur Jenis av Rana. Jenis av Rana hevur boðað løgmanni frá hesari støðuni hjá flokkinum. Hann hevur gjørt hetta, tí løgmaður, Anfinn Kalls- berg, áður hevur sagt, at teir ikki vistu seg vissar í, hvørt Miðflokkurin enn var partur av andstøðuavtaluni. Jenis av Rana heldur, at hinar báðir partarnir í av- taluni, Javnaðarflokkurin og Sambandsflokkurin, hava gjørt avtaluna til eina vittigheit. – Vit vilja nýta sama frælsið, sum hinir báðir flokkarnir hava gjørt, sigur Jenis av Rana. Hann sigur tó, at fer løgmaður niðan í tingið við 16-16, so stendur andstøð- an enn saman. Í skrivandi stund verður dúgliga ferðast millum høl- ini á Gamla Apoteki. Fund- irnir verða framvegis kall- aðir óformellir. Anfinn Kallsberg hevur ikki boðað frá øðrum enn, at hann heldur fram við sekstan tingmonnum í sínum parti. Enn galdandi Jóannes Eidesgaard, for- maður Javnaðarfloksins, sigur við Sosialin, at hann ikki heldur nakra avtalu vera brotna fyri tí, at teir hava hildið nakrar ófor- mellar fundir við Fólka- flokkin. Hann sigur seg bara kunna staðfesta, at støðan er fastlæst sum er. Hann sigur, at andstøðan hevur eina avtalu, ið tryggj- ar, at teir tríggir flokkarnir, Javnaðarflokkurin, Sam- bandsflokkurin og Mið- flokkurin, standa saman, um samgongan fer niðan í tingið við støðuni 16-16. Hetta kann so væl enda við, at lutakast verður um ting- formanssessin og kanska eisini formanssessir í løg- tingsnevndunum. – Vit kravdu eina for- mansrundu, men løgmaður stendur við sítt. Hetta kunnu vit bara staðfesta. Avtalan er framvegis gald- andi, sigur Jóannes Eides- gaard. Hann sigur, at hann ætlar at fara at tosa við Lisbeth L. Petersen, forkvinnu í Sambandsflokkinum, um hvat hendir við avtaluni teirra millum. Elin Lindenskov er koyrd úr øllum nevndum hjá Tórs- havnar býráð. Hon er nú “bara” van- ligur býráðslimur, men tað er ikki við hennara góða vilja TÓRSHAVNAR BÝRÁÐ Heri á Rógvi Sum úrslit av avgerðini hjá Tórfinn Smith, so er Elin Lindenskov sett uttan fyri allar býráðsnevndir. Støðan í Tórshavnar bý- ráð er broytt nakað, síðani Tórfinn Smith gjørdi av at siga minnilutanum farvæl og fara upp í meirilutan við Sambandsflokkinum og Fólkaflokkinum. Ein fylgja av hesum er, at Elin Lindenskov ikki er nevndarlimur í nakrari av nevndum býráðsins. Undan eykabýráðs- fundinum mikukvøldið var hon limur í sosialu nevnd, heilsu- og um- hvørvisnevndini og Fíggj- arnevndini. Hesar nevndarsessir hevur tó mist nú. – Tað er úrslitið av tí, ið Tórfinn Smith hevur gjørt. Býtið verður soleið- is, at eg ongar nevndar- sessir fái, men hetta er so avgjørt ikki nakað, ið eg eri glað fyri, sigur Elin Lindenskov. Minnilutin misti sjey nevndarsessir við nýggju støðuni. Tórfinn Smith vann sær tveir nevndar- sessir, og hetta ger, at Elin Lindenskov ongan nevnd- arsess fær. Minnilutin hevur sjey nevndarsessir at ráða yvir, og hesir eru allir mannað- ir av tjóðveldisumboðum, sum ikki vilja ganga við til, at Elin Lindenskov fær ein nevndarsess, tí Tór- finn Smith eigur fleiri nevndarsessir. – Hetta ger støðuna ógvuliga trupla, og eg verði so noydd til at halda meg fram at sum bý- ráðslimur, men tað verður strævið, sigur Elin Lindenskov. Hon undirstrikar, at minnilutin kennir seg sviknan av Tórfinni Smith. – Tað undrar meg, at Tórfinn Smith er farin upp í eina borgarliga sam- gongu, uttan at broyta samgonguskjalið, sigur Elin Lindenskov. Elin Lindenskov sigur seg sakna floksdisiplin, ið hon sjálv leggur stóran dent á. Málið viðvíkjandi Tór- finn Smith er ikki liðugt avgreitt í Suðurstreym- oyar Javnaðarfelag, har málið liggur í løtuni. Elsba Olsen, forkvinna, sigur, at tey hava boðað Elini Lindenskov og Tórfinni Smith frá, at tað er Elin, ið umboðar Javn- aðarflokkin í býráðnum. Elsba Olsen sigur seg ikki kunna siga meira um málið sum støðan er. Tórshavnar býráð hevur nú mannað tær sjey nevndirnar av nýggjum við býtinum fýra til meirilutan og ein til minnilutan. Elin Lindenskov hevur nú ongan nevndarsess TÓRSHAVNAR BÝRÁÐ Heri á Rógvi Tórshavn: Tórshavnar bý- ráð hevði mikukvøldið eyka býráðsfund. Bert eitt punkt var á skránni: At velja umboðini til tær sjey nevndirnar av nýggjum. Støðan gjørdist tann, at Tórfinn Smith úr Javn- aðarflokkinum tók seg burturúr minnilutanum og fór upp í meirilutan við Fólkaflokkinum og Sam- bandsflokkinum. Hann segði í samrøðu við Sosialin, at orsøkin til hetta stigið var, at hann kendi tað sum um, at hann lítla og onga ávirkan hevði sum andstøðulimur, og hann vildi, at veljararnir skuldu kunnu fáa ávirkan gjøgnum sítt umboð. Hetta riggaði best í meirilutanum, ið hann uttan stórvegis hóva- sták kundi fara undir at samstarva við. Fundurin gekk stillisliga fyri seg og endaði eftir at nýggju nevndirnar vóru mannaðar. Borgarstjórin, Jan Christiansen, gjørdi vart við, at hetta var fyrstu ferð, ið hann mintist, at ein býráðslimur ongan nevnd- arsess hevði. Hann tosaði tá um Elina Lindenskov, ið ikki fekk tillutaðan nakran nevndarsess. Harmast um tapið Minnilutin í Tórshavnar bý- ráð harmaðist á býráðs- fundinum mikukvøldið um, at Tórfinn Smith var farin í part við meirilutanum Leivur Hansen tók vegna minnilutan, t.e. Tjóðveldis- flokkurin og Javnaðar- flokkurin, orðið á býráðs- fundinum. Hann segði, at teir í minnilutanum harmaðust um, at Tórfinn Smith var farin úr minnilutanum og upp í meirilutan. — Vit harmast um, at Tórfinn Smith hevur valt at sagt okkum farvæl. Tað er eisini soleiðis tað skal skiljast, at hann hevur sagt okkum farvæl. Vit meta, at minnilutin hevur megnað at fingið gjørt okkara ávirkan galdandi – serliga í sam- bandi við fíggjarætlanini, segði Leivur Hansen á býráðsfundinum miku- kvøldið. Hann segði seg vera ser- liga harman um, at minni- lutin misti nevndarsessir. Við nýggju støðuni eigur meirilutin fýra av fimm teimum fimm nevndarlim- unum í teimum sjey nevnd- unum. Arbeiðið hjá Tórshavnar býráð heldur nú fram við nýggja býtinum í nevnd- unum. Yvirlitið yvir nevndirnar kann síggja á www.torshavn.fo Miðflokkurin: Avtalan liðug —Tá ið Lisbeth og Jóannes eru farin til samráðingar við Fólkaflokkin uttan at siga okkum frá, so er avtalan millum okkum liðug. Vit meta ikki, at vit kunnu kalla okkum bólk longur, sigur Jenis av Rana Elin koyrd úr øllum nevndum Nýggj støða í Tórshavnar býráð Jan Christiansen hevur fingið ein afturat í sín part í Tórshavnar býráð. Tórfinn Smith fær við sínum nýggja leikluti tveir nevndarsessir afturat. Harav ein formanssess. Mynd: Finnur Justinussen Mánadagin fyllir elsta bóltfelag í landinum runt og tað verður hátíðarhildið við ymsum tiltøkum FØÐINGARDAGUR Áki Bertholdsen Mánadagin verður elsta bóltfelag í landinum 110 ár. Tað er sjálvsagt TB, Tvøroyrar Bóltfelag, sum talan er um. Aldursforsetin í føroyskum bóltleiki varð settur á stovn 13. mai í 1892 og føðingardagurin mánadagin verður hátíðar- hildin við ymsum tiltøkum, men tey verða øll í dag og i morgin. Jens Johannesen, sum er ein av fyrireikarunum, sig- ur, at tað eru TB, og ein annar, gamal stovnur í bygdarmyndini á Tvøroyri, Klubbin, sum skipa fyri ymsum tiltøkum í felag. Klokkan átta í kvøld verður kvøldseta í Klubb- anum. Har verður okkurt til matna, sungið verður úr TB sangbókini og ymiskt ann- að, lokalt verðurá skránni. Eitt nú fara gamlir spælar- ar at fortelja frá ymsum hendingum í fótbóltslívi teirra. Teir, sum siga frá, verða Hans Pauli Holm, Delmar Joensen, Petur Hammer, Dan Nielsen og Arne Petersen. Aftaná verður dansur í Klubbanum, har íð plátu- vendarar frá tí gamla Tvør- oyrar Disklubba, sum var fastur táttur í náttarlívinum á Tvøroyri fyrst í sjeyti- árunum, verða við og teir fara at spæla plátur frá seksti- og sjeytiárumum. Hesin dansurin verður fyri tey meiri tilkomnu og prísurin fyri alt tiltakið í klubbanum er 80 krónur Men tey ungu eru ikki gloymd, tí í TB húsimum verður dansur fyri tey ungu, har ið “Ein blanding” fer at spæla. Men tað verður eisini fótbóltur á skránni. Klokkan eitt sunnudagin fara dreingjaliðini hjá TB og VB at sparka og aftaná hittast piltaliðini hjá somu feløgum. Og klokkan trý tørna 1. deildarliðið hjá TB og 2. deildarliðið hjá Sumba, saman. Allir dystirnir eru steypa- dystir. Í hálvleikinum fáa áskoð- ararnir kaku og kaffi, og børnini Sun Kist í TB- hús- inum. Seks meistaraheiti Spælararnir, sum fara at minnast gamlar dagar í klubbanum leygarkvøldið, hava óivað nógv at siga frá, tí hesi árini hevur tað bæði gingið upp og niður hjá TB. Gyltu árini hjá TB voru í sjeytiárunum og áttatiárun- um, tá ið liðið var Føroya- meistari og steypavinnari fleiri ferðir. Tilsamans hevur TB verið føroyameistari seks ferðir, í 1943, 1951, 1976, 1977, 1980 og í 1987. Fimm ferðir hevur liðið vunnið føroyska steypa- kappingina, í 1956, 1958, 1960, 1961 og í 1977, tá ið teir sostatt vunnu greipuna. Men hesi seinastu árini hava verið meiri soltin, tí í fleiri tíðarskeið hevur liðið verið í 2. deild, men í fjør vunnu teir sær aftur rættin at spæla í bestu deildini. Halda 110 ára føðingardag Hetta vikuskiftið verður kvøldseta, dansur og fótbóltur fyri at hátíðarhalda 110 ára føðingardagin hjá elsta bóltfelagi í landinum Seinastu vikuna hava øll børnini í kommu- nalu ansingarskip- anini í Klaksvík arbeitt saman um eitt evni. Evnið hesu ferð var Fjøra, og í sama sambandi varð eisini skipað fyri fyrilestri, felags tónleikaløtu og framsýning ANSINGARSKIPAN Ragnhild Ellingsgaard Klaksvík: Endamálið við felagstiltakinum var mill- um annað at menna og virðismeta skapandi evnini hjá børnunum, at arbeiða við einum felags evni á ymiskan hátt og at onnur fáa innlit í, hvat arbeitt verður við í kommunalu ansingarskipanini. Ein arbeiðsbólkur fyri dagrøktina og ymsu barna- garðarnir í Klaksvík hevur samskipað tiltakið, og vóru eini 500 børn við í felags verkætlanini. Fjøra Øll ansingarplássini skuldu arbeiða út frá evninum Fjøra. Arbeiðið skuldi verða gjørt útfrá, hvat hvørt einstakt ansingarpláss hevði hug til. Verkætlanin bar nógvar fjøruvitjanir við sær, og børnini fingið kunning um fuglar, fiskar og alt tað, ið ein annars kemur fram á í fjøruni. Síðan hava tey arbeitt víðari við hesum, tá tey eru komin heimaftur, og úrslit- ið av hesum arbeiðið vístu tey fram á eini framsýning í Lognbrá. Inni í Lognbrá hevði hvørt ansingarpláss sítt stað, har fólk kundu síggja, hvat júst hesi børnini høvdu fingið burturúr. Og mangt var at síggja. Allastaðni í hølinum var fiskanet hongt upp, og á hesum neti hingu fiskar, krabbar, sjóstjørnur, gággur og annað. Eisini høvdu børnini framleitt ymiskt afturat, sum síðan varð stillað fram á borðum runt í hølinum. Tónleikur og fyrilestur Fyrst í vikuni varð eisini skipað fyri eini felags sang- og tónleikaløtu fyri børn- unum í Mentunnarhúsinum Atlantis. Navnframi Karl Martin Samuelsensang fyri, og væl gekst at fáa børnini við í sangin. Umframt sangir, sum tey øll kenna, vóru eisini ymsir sangir um fjøruna og havið. Eftir sangløtuna varð ein fyrilestur á skránni fyri øll tey, ið hava børn í ansing. Felagstiltak hjá Kommunualu Ansingarskipanini í Klaksvík Í Norðlýsinum fríggjadagin heitur borgarstjórin í Klaksvík, Stein- bjørn Jacobsen, staðiliga á partar- nar í verkfallstrætu- ni um at fara aftur til samráðingar- borðið við tí neyð- uga viljanum til at finna eina semju VERKFALL Ragnhild Ellingsgaard Klaksvík: Í Norðlýsi- num fyri fríggjadagin hevur borgarstjórin í Klaksvík skrivað eitt bræv til avvarðandi part- arnar av verkfallinum, sum herjar alt landið hes- ar dagarnar. Í brævinum heitir hann staðiliga á teir um aftur at setast við samráðing- arborðið og finna eina loysn. Rakar útjaðaran Í brævinum sigur Stein- bjørn Jacobsen millum annað, at sum borgar- stjóri í næststørstu kom- munu í landinum, er tað hansara skylda at gera vart við, at Klaksvíkin og Norðoyggjar saman við hinum útjaðaraøkjunum í Føroyum enn einaferð eru í eini vanlukkuligari støðu, orsakað av verk- fallinum, sum hevur lagt farleiðina um Leirvíks- fjørð lamna. Hendan leiðin er ein- asta farleiðin úr Norð- oyggjum, og tí eisini ein lívsæðr hjá økinum her norðuri. Umframt at verkfallið er en dyggur smeitur hjá familjum og ungdómi í Norðoyggjum, so rakar tað eisini vinnulívið sera meint. Umhvørvisliga er tað eisini ein hóttan, tí ruskið verður heldur ikk tikið, og Steinbjørn sigur, at longu nú kann staðfest- ast, at verkfallið hevur havt umhvørvisligar av- leiðingar við sær. Tikin sum gíslar Steinbjørn Jacobsen sig- ur víðari, at hendan støð- an als ikki er til at liva við. – Vegna Klaksvíkar Býráð vil eg harðliga mótmæla, at ein ósemja á arbeiðsmarknaðinum enn einaferð tekur okkum í útjaðarinum til gíslar – hetta kann undir ongum umstøðum góðtakast, sigur Steinbjørn við Norðlýsið. Víðari sigur hann, at ein skipan má og skal finnast, sum tryggjar, at henda gíslatøka av einum minniluta í samfelagnum verður steðgað og ongan- tíð aftur endurtikin. Steinbjørn Jacobsen: – Útjaðarin avskorin frá landinum Millum alt hitt á framsýningini funnu vit eisini eina útgávu av viðarlundini úti í Grøv. Hesa høvdu børnini sjálv framleitt, tó í minni útgávu enn tann upprunaliga C M Y K 7 6