leygardagur 11. mai 2002síða 10

Nr. 88 - 11. mai 2002 19 18 Nr. 88 - 11. mai 2002 Todi Jónsson fekk bara seinasta fjórð- ingin av dystinum, men hóast hann hesa løtuna legði upp til einsamalla málið hjá FCK, so var hetta ikki nóg mikið til forða OB í vinna ein fult uppibornan finalu- sigur DONG CUP Jákup Mørk - Parkin Tað var av sonnum lagt upp til hátíðarhald, tá FCK og Todi Jónsson Kristi himm- alferðardag skuldu royna seg ímóti OB í finaluni í donsku steypakappingini. Ein steypafinala verður kanska í prinsippinum leikt á uttanveltaðum vølli, men har var so eingin, sum ivaðist í, at Parkin er heimavøllurin hjá FCK. Av teimum knappliga 30.000 áskoðarunum var megin- parturin hvíttklæddur, og ikki minst var hetta sjón- ligt, tá Fredgaard-tribunan við dystarbyrjan fekk hvít- an ham av pappíri og ballónum. Til sammetingar fyltu OB-áskoðararnir ikki meira enn gott og væl helmingin av endatribun- uni, men teir royndu tó kortini at geva ljóð frá sær í summarveðrinum, sum nú hevur rakt Danmark. Skelkandi byrjan Frá einum føroyskum sjón- arhorni, so fekk finaludyst- urin ein heldur keðiligan farra longu undan dystar- byrjan, tá tað var greitt, at Todi Jónsson ikki skuldi verða millum teir fyrstu 11 á vøllinum. Av taktiskum ávum, men eisini fyri at spara føroyingin, hevði Hans Backe til dagin valt at byrja við Peter Møller í álopinum. Todi mátti ístað- in taka til takkar við leik- lutinum sum jokari. Sum nevnt, so var tað FCK, sum mest av øllum var á heimavølli, men fyrstu løtuna av dystinum sást hetta ikki aftur í av- rikinum á vøllinum. Uttan at sýna nakað ovurhonds virðing fyri mótstøðuni royndu OB-leikararnir at trýsta FCK langt uppi á vøllinum, og tað spurdust eisini einstakir møguleikar burturúr, uttan at mál tó komu av teirri orsøk. Tað vardi tó bert eina lítla løtu. So byrjaði tú spaku- liga at síggja, hví miðvøll- urin hjá FCK verður mettur sum ein hin besti í land- inum. Christian Poulsen og Erik Mykland, sum høvdu sentralu leiklutirnar, byrj- aðu spakuliga at fáa fatur á spælinum, og høvuðsstað- arfelagið var eisini um at skapa sær eitt yvirtak, tá eitt stórt mistak í verjuni brádliga gav OB leiðsluna. Eingin vandi tóktist ann- ars at vera á ferð, tá Martin Albrechtsen stóð einsa- mallur við einum longum bólti av OB-miðvøllinum. Helst ætlaði verjuleikarin, at Magnus Kihlstedt skuldi koma úr málinum eftir bólt- inum, men hvussu var og ikki, so kundu teir onkurs- vegna ikki semjast um, hvør teirra skuldi taka sær av bóltinum. Endin av øll- um var, at Søren Berg, ið hevði sæð møguleikan, fekk sett tánna á bóltin, soleiðis at hann róliga legði seg til rættis í manntóma málinum, og so var OB á odda. Fagnaðurin um heldur óvæntaða leiðslumálið var sjálvandi stórur, men bert lítla løtu seinni, fingu odensianararnir enn meira at fegnast um. Hesa ferð fingu teir í FCK ikki ruddað nóg væl burtur, tá bóltur varð sendir innfyri. Ein bleytur stútari beindi bóltin úr málteiginum út á brotsteigarmarkið, men har kom Denni Siim við fullari ferð og hálvfluktaði, so Magnus Kihlstedt í málin- um ikki hevði nakran liv- andi kjans at bjarga bóltin- um, ið sum eitt projektil helt beina kós upp í nærmastu samankoming- ina. Eyðmýkingin hótti Tað var ikki sørt, at hetta Steypið fór til Odense skelkaði teir á heimalið- num. Eina løtu var líkt til, at teir ikki somikið kundu raka bóltin, tá teir royndu at sparka, og tó at tað batnaði nakað, so var framvegis lagt upp til tað spælið, sum hevur ført liðið til steypa- finaluna, og samstundis vunnið teir inn aftur í dyst- in um DM-gullið. Sambandið millum ket- urnar var als ikki nóg gott, og heldur enn at trýsta sum lið, varð hetta meira ella minni gjørt í sjálvdrátti, soleiðis at OB altíð kundi koma úr trýstinum við at flyta bóltin til meira rúmlig øki, og tí høvdu hvítu leyvurnar ilt við at trýsta OB. Tá teir so endiliga høvdu fingið fatur á bóltinum, so gekk spælið í allar mátar ov seint og stirvið fyri seg. OB fekk alla tíðina tíð til at skipa verjuna, og aloftast varð bólturin eisini sendir ov seint frameftir, soleiðis at Peter Møller hesa løtuna mundi vera meira off- enn on-side, tá hann skuldi royna at herja á. OB vísti hinvegin, at tað helst er nakað um tosið, at liðið nú loksins er farið at nærkast donsku hondbólts- tindunum aftur. Hóast teir vóru á odda við tveimum málum, so ætlaðu teir á ongan hátt at grava seg niður. Heldur royndu teir at punkterað dysin við at herja á illa skipaða FCK-liðið, og við bara eitt lítið sindur av hepni, so kundu málini verið væl fleiri undan steðginum. Einar tvær ferðir noyddist Kihlstedt at prógva, hví hann er úttikin til svenska HM-hópin, og fleiri aðrar ferðir fóru bóltar strúkandi beint framvið málinum, ella hoppaðu runt í FCK-brots- teiginum, áðrenn onkur hvítur fótur at enda fekk beint vandan burtur. Tvørtræið fyri Í seinna hálvleiki var støð- an kortini nakað broytt. Fyrst og fremst tóktist FCK nú at hava skipað seg betri, og hóast fólkið, ið kom á vøllin, var hitt sama, so var hugburðurin í øllum førum ein heilt annar. Tá so OB samstundis hevði tikið sítt fólk longur aftur á vøllin, var lagt upp til eitt langt trýst, og so- leiðis gjørdist eisini. Longu fyrstu minuttirnar var talan um fleiri hornaspørk, men einki spurdist burturúr. Tað gjørdi tað heldur ikki løtu seinni, tá Peter Møller ann- ars var so nær við at skora, sum man kann vera, uttan tó at skora. Við rygginum móti málinum snaraði hann verjuleikara av sær, fyri síðani at lata kanónina av. Skotið fór inn um OB- málverjan, men brast í tvørtræið og beint niður í svørin. FCK helt tó á at rýma, men hóast Zuma skoraði í rangstøðu, so tóktist eitt kveikjandi mál ikki at koma. Heldur ikki tá Zuma varð feldur á brotsteigar- markinum, uttan at dómar- in tó helt hetta vera nakað at floyta fyri. Todi á vøllin Tvey og tjúgu minuttir vóru lidnir av seinna hálvleiki, tá Hans Backe loksins gav boð um at senda Toda á vøllin. Peter Møller, sum ikki hevði verið serliga heppin, varð tikin av vøllin- um. Bert tveir minuttir seinni gav Todi fyrsta sprellið, tá hann sendi Zuma avstað móti OB mál- inum, men mál spurdist framvegis ikki burturúr. Heldur ikki tá Lønstrup stutt eftir hamraði eitt frí- spark úr 25 metra fjarstøðu á tvørtræið. OB kundi og skuldi kanska avgjørt alt, tá Dalgas slapp leysur í einum kontra-álopið, men eftir at hava drigið framvið mál- verjanum, heilkiksaði hann seinasta skotið, og ístaðin gjørdist tað FCK, sum seinastu løtuna fekk skapt nakað av spenningi í. Carsten Fredgaard sendi Toda avstað í vinstru. Før- oyski álopsmaðurin fór við fullari ferð oman móti baklinjuni, higani hann sendi eina flata sending inn fyri málið, og við handaru stong kundi Christian Lønstrup senda í kassan. FCK sendi nú alt fólkið fram í eini seinasu roynd at venda dystinum. Todi kundi kanska fingið ein góðan møguleika, tá hann og Fredgaard royndu at spæla saman, men seinasta send- ingin varð send upp í lofti, heldur enn í føturnar á føroyska álopsmanninum, sum hevði runnið seg leysan. Hóast nógv trýst og nógvar sendingar innfyri, so kom FCK ikki nærri enn tað sama. Teir máttu bara ásanna, at teir gjørdust ov stuttir. Samanumtikið, so var sigurin hjá OB eisini fult uppiborin. Serstakliga fyrstu trý korterini megn- aðu teir at stressa favoritt- arnar úr høvuðsstaðnum, og tó at trýstið vendi hin- vegin eftir steðgin, so hevði tú alla tíðina varhugan av, at teir fóru at hóra undan. Teir stríddust ein fyri allar og allir fyri ein, soleiðis sum roknast kann við, at lið gera í slíkum dystum. Tað gjørdu teir í FCK bert í ein hálvleik, og tað var ov lítið. Og so vóru 23 minuttir eisini ov lítið hjá Toda Jónsson, til at hann kundi broyta støðuna, tó at hann við upplegginum til málið gjørdi eina ítøkiliga roynd. Dysturin í tølum: Finala í DONG-cup Parkin, keypmannahavn FCK-OB 1-2 (0-2) 0-1: Søren Berg, 10. 0-2: Dennis Siim, 12. 1-2: Christian Lønstrup, 82. Áskoðarar: 28.481 FCK: Magnus Kihlstedt – Peter Christiansen, Martin Albrechtsen, Bo Svensson, Tomas Antonelius – Thom- as Røll Larsen, Erik Myk- land, Christian Poulsen, Christian Lønstrup – Sibu- siso Zuma, Peter Møller OB: Karim Zaza – Fernan- do Derveld, Lars Jacobsen, Michael Hemningsen, Dennis Siim – Morten Ras- mussen, Carsten Hemn- ingsen, Andrew Tembo, Kasper Dalgas – Søren Berg, Mwape Miti Alt skuldi verða so gott, men kortini kiksaðu favorittarnir í summarhitanum. Vónbrotið var eisini sjónligt, tá teir eftir dystin máttu hyggja at, tá gullmerkini og steypið vóru handað OB-leikarunum Umstøðunum bilti einki. Fredgaard tribunan var hvítklødd, tá dysturin byrjaði, og leingi royndu trúføstu áskoðararnir at díkja liðið longur fram á vøllin Sibusiso Zuma, sum her verður steðgaður av OB verjuni, tóktist als ikki at trívast eins væl í álopinum, nú vanligi liðfelagin var á beinkinum Todi fær silvur C M Y K 18