mikudagur 22. mai 2002síða 13

Nr. 94 - 22. mai 2002 25 Púra óvæntað vann HB dystin móti FS Vágum, tó at tað var um reppið, at vágamenn við 10 monnum vunnu seg upp á javnt 2. DEILD Jákup Mørk Vágamenn vóru longu undan kappingini mettir sum stórfavorittar at vinna aðru deild, og tað var eisini soleiðis, at teir fóru inn á vøllin leygar- dagin, tá útidysturin móti HB var á skránni. Tíggju móti ellivu Tað var tó so hampuliga skjótt greitt, at her skuldi talan ikki gerast um nakran avgreiðslu- spurning hjá vágamonn- um. HB var alla tíðina væl við í spælinum, og tá vágamenn í fyrra hálvleiki fingu leikara riknan av vøllinum, tí hann hevði bjargað við hondini, lá væl fyri hjá HB. Rani Debes Christ- iansen, sum nú aftur spælir eftir at hava verið skaddur í nærum hálvt annað ár, setti eftir- fylgjandi brotssparkið í netið, og hetta varð so eisini hálvleiksstøðan. Í seinna hálvleiki gjørdi HB skjótt av. Fyrst skoraði Pætur við langskotið. Síðani økti Rani Debes Christian- sen aftur, og tá Rókur av Fløtum Jespersen síðani økti til 4-0, eftir at hann var fyrstur á returbólti, var líkt til, at HB skuldi vinna ein óvæntaðan stórsigur. Hesin varð tó av ong- um. Fyrst og fremst tí venjingarstøðan hjá gestunum var nakað væl betri enn hon hjá heima- liðnum. Tjúgu minuttir fyri leiklok minkaði John Johannesen um munin, og tá Clayton tíggju minuttir seinni minkaði um munin, sóu teir tíggju vágamenninir brádliga møguleikan at fáa stig við sær aftur, og tað var eisini um reppið, at hetta eydnaðist. Stutt fyri leiklok var Clayton aftur á blettinum, og seinastu løtuna tveittu gestirnir alt fram í royndunum at javna, og tað mundi eisini eydn- ast. Men nærri enn eini roynd, sum varð bjagað á málstrikuni, komu teir tó ikki. Yvir høvur var talan sostatt um eitt flott úrslit hjá HB, og tað skal einki takast frá teimum í so máta. Men tað skerst tó ikki burtur, at skal ætlaða uppflytingin hjá FS Vágum gerast veru- leiki, so eru neyvan ráð til alt ov nógv mistøk av hesum slagnum. HB-FS Vágar 4-3(1-0) 1-0: Rani Debes Christiansen 2-0: Pætur Dahl 3-0: Rani Debes Christiansen 4-0: Rókur av Fløtum Jespersen 4-1: John Johansen 4-2: Clayton Soares 4-3: Clayton Soares Talvolympiadan verður í ár í Slovenia, og hjá føroyingum eru vónirnar betri enn nakrantíð. TALV Carl Eli Nolsøe Samuelsen Fyrst í august verður før- oyska olympiaduliðið út- tikið, og enn er kampur um plássini. Kappingin verður leikt um mánaðarskifti oktober/november. Seks telvarar fara at umboða Føroyar, og fýra av hesum hava nærum longu við vissu tryggjað sær pláss, og teir eru: John Arni Nilssen, 27 ár, 2384 ratingstig Skopuningurin, sum er búsitandi á flatlondum, hevur telvað væl seinasta árið. Síðani eina skuffandi FM-kapping í Vestmanna í fjør - har ratingtalið endaði niðri á 2315 - hevur hann veruliga ment seg við góðum úrslitum á flatlond- um. John Arni er rímiliga aktivur nú á døgum, hevur valt sínar kappingar gjølla og er tískil væl fyrireik- aður. Í dag er hann uttan iva føroya sterkasti telvari. Nærum 100 ratingstig eru niður til næsta mannin á føroyska ratinglistanum. John Arni hevur enn før- oyameistaratittulin til góðar John Arni umboðaði Føroyar á fyrsta borði í OL 2000, og tá var hann nær við sín fyrsta IM-norm eftir einastandandi úrslit. Vón- andi vísur hann minst sama støði í Slovenia. Heini Olsen, 32 ár, 2299 ratingstig Fimmfaldaði føroyameist- arin úr Klaksvík, sum somuleiðis er búsitandi á flatlondum, hevur verið sera aktivur eftir FM í fjør. Tá endaði talvliga niður- gongd hansara, tí síðani hevur gingist væl hjá Heina. Spakuliga nærkast hann aftur 2300-markinum, og tað gevur góðar ábend- ingar til OL, sum hann mangan hevur luttikið í. Í seinastu olympiadu mannaði Heini triðja borð við ivasomum úrsliti. Í ár tekur hann møguliga pláss- ið á øðrum borði frá IM John Rødgaard, og tað fer ivaleyst at geva honum eyka stimbur at stríðast fyri góðum úrsliti. Heini hevur mangan verið álitið hjá føroyingum í farnum olympiadum. IM John Rødgaard, 47 ár, 2272 ratingstig Nevnir tú Talvolympiadu, mást tú eisini nevna IM John Rødgaard. Síðani 1984 hevur tvøramaðurin verið fastur fúsur á før- oyska liðnum, og hvørja ferð hevur hann verið álitið sjálvt við frálíkum úrslit- um. John hevur rutinu sum fáur, og er ein sannur fong- ur á olympiaduliðnum. Síðani OL-2000, har hann hevði gott úrslit, hevur tó ikki hilnast væl hjá John á heimliga talvøkin- um, undantikið FM-2001, sum hann ognaði sær. Tvær ivasamar liðkappingar og eitt fjórða pláss í árligu FM-kappingini er úrtøka hansara seinastu árini, sum somuleiðis sæst á rating- listanum. Men sum sagt, John hevur frálík OL-úrslit at vísa á, og í OL-høpi er rutinu eisini alneyðug. Hans Kristian Simonsen, 18 ár, 2196 ratingstig Føroyameistarin úr Kolla- fjørði fær eftir ætlan pláss á OL-liðnum, vegna hansara FM-heitið og sum besti unglingur. Hans Kristian er okkara nýggja stjørnuskot, ikki minst eftir simultan- sigurin á Garry Kasparov fyri góðum ári síðani, men eisini fyri síni frálíku úrslit síðani nevnda sigurin, undantikið Atlantic Week- end kappingina í Keyp- mannahavn herfyri, har hann telvaði væl undir miðal. Spennandi verður at fylgja Hans Kristiani í olympiaduni, har hann helst verður eykaleikari, sum sætti maðurin á lið- num. Kampur um tvey pláss Eingin hevur enn játtað sína OL-luttøku. Vit eiga tí ikki at taka luttøkuna hjá nevndu telvarum fyri givið. Talvsambandið hevur boðað frá, at umframt fýra fastir telvarar, verða somu- leiðis tveir eyka-leikarar úttiknir. John Arni, Heini og John verða fyrstvaldir, meðan Hans Kristian er eykamaður. Síðani verða tveir mans valdir aftrat, og í skrivandi løtu eru tríggir um boðið til hesi tvey pláss, tá rating viðvíkur. Talan er um Flóvin Tór Næs, 2251 ratingstig, Eyð- un Nolsøe, 2232 ratingstig, og Ólavur Simonsen, 2208 ratingstig. Allir hava fyrr umboðað Føroyar í OL, og eru hesir tríggir eisini sera javnir telvarar. Eftir Atlantic Weekend- kappingina herfyri, vísur tað seg at Ólavur í løtuni hevur togað seg framum Eyðun í rating. Nógv kann enn broytast á listanum, tí í juli-mánaða fara fleiri av nevdu telvarum at royna seg í kappingum, og hjá summum er tað eisini neyðugt um OL-pláss skal náast. Spennandi verður tí at fylgja gongdini. Tá OL-liðið loksins skal úttakast, vigar føroyska ratingtalið mest, men eisini altjóða ratingtalið og onnur ávíkavís krøv verður hugt nærri at. HB-FSV 4-3 (1-0) Favorittarnir koppaðu Vágamenn og Jens Erik Rasmussen fingu sær ein ordans skelk, tá teir vóru í Gundadali. Eitt skifti var HB á odda 4-0, men tað var tó um reppið, at vágamenn kortini fingu stig við sær heimaftur Mynd: Álvur Haraldsen OL-liðið 2002 Hans Kristian Simonsen sleppur fyri fyrstu ferð við til talv-OL, men í fyrsta umfari verður hetta helst sum eykaleikari 25 24 Nr. 94 - 22. mai 2002 Eftir vónbrotið leygardagin reistust vágamenn annan hvítusunnudag, tá VB var á vitjan 2. DEILD Jákup Mørk Ofta verður tikið til, at munurin millum deildirnar í føroyskum fótbólti er stór- ur, og hetta varð so dyggi- liga undirstrikað, tá VB annan hvítusunnudag vitj- aði í Vágunum. Ikki tí. Bæði liðini halda til í næst bestu deildini, men meðan VB er uppflyt- ari og fyrst og fremst stríð- ist fyri at halda sætið í deildini, eru vágamenn júst fluttir niður og hava ætlanir um eina skjóta afturvendan til bestu deildina. Eingin ivi Tað var heldur ikki so leingi, so hevði heimaliðið líka sum gjørt greitt, at tap- ið í Gundadali leygardagin ikki var annað enn ein kiks- ari. Bjarni Prior legði fyri við málskjótingini, og tá Clay- ton so nakað seinni sendi bóltin í kassan, so var dyst- urin meira ella minni av- gjørdur, tí vágamenn høvdu alla tíðina avgerandi orðið at siga í dystinum. Undan steðginum gjørdu vágbingarnir sjálvmál, og so fór at rapa. Fimm ferðir eftir steðgin eydnaðist vágamonnum at skora, og trivaligi sigurin kann ikki annað enn styrkja teir í trúnni um, at liðið er nóg sterkt til at vera við í oddi- num. Stórar uppgávur Sum nevnt, so er málsetn- ingurin hjá liðunum heldur ymiskur, men fyri báðar partar verður talan um sera týdningarmiklar dystir kom- andi vikuskifti. Tá skal FS Vágar til Sands, har hin niðurflytarin úr 1. deild, B71, tekur ímóti. Eftir stigamissirnar um vikuskiftið er hetta ein dystur, har hvørgin parturin hevur ráð at tapa, og iva- leyst fer hetta at geva eina greiða ábending um, hvus- su støðan í oddinum fer at laga seg. Vágbingar fara tá til Leirvíkar, har heimaliðið eisini telist millum teirra, sum berjast fyri tilveruni í deildini. Sjálvandi fellur ikki nøk- ur avgerð í hesum dysti- num, men fyri restina av kappingini og í øllum før- um fyri aktuellu støðuna á stigatalvuni verður helst talan um ein dyst, sum hev- ur stóran týdning í botn- stríðnum. Dysturin í tølum: FS Vágar-VB 8-0(3-0) 1-0: Bjarni Prior 2-0: Clayton Soares 3-0: Sjálvmál 4-0: Elfinn Ørvarodd 5-0: Bjarni Prior 6-0: Birgir Joensen 7-0: Clayton Soares 8-0: Jákup Joensen FSV-VB 8-0 (3-0): Stórsigur í Vágunum Vagbingar runnu fyri tað mesta aftan á teimum á heimaliðnum, tá FS Vágar í útsetta dystinum vunnu stórsigur á uppflytarunum Mynd: Edvard Joensen Annað vikuskiftið á rað vann KÍ tryggan sigur, og liðið hevur longu nú lagt hampu- liga fjarstøðu til nið- aru sessirnar 2. DEILD Jákup Mørk Hóast tað í skjótt nógv ár hevur verið fastur táttur hjá KÍ, at teir eisini eiga lið í 2. deild, so hevur tað oftani staðið nógv á í so máta. Vanliga hevur liðið talst millum teirra, sum berjast fyri at sleppa undan niður- flytingini, og onkun tíð hevur talan verið um upp- og niðurflytingardystir, áðr- enn framhaldandi tilveran í deildini er tryggjað. Lítil mótstøða Í so máta man tað vera hugaligur lesnaður, nú klaksvíkingar líta at stiga- talvuni fyri aðru deild. Eftir at teir í fyrsta umfarinum vórðu smurdir av í Fugla- firði, hevur liðið nú vunnið tveir dystir á rað, og hóast kappingin er long, so er tað hugaligt at fjarstøðan niður til botnin longu tykist at vaksa. Leirvíkingar høvdu sum heild lítið at bjóða uppá, tá teir komu um fjørðin leyg- ardagin. Klaksvíkingar vóru grammari eftir øllum bóltum. Teir royndu at trýsta, og við Olgar Daniel- sen í álopinum er vandin fyri einum máli altíð til staðar. Tað var tó Gunnleivur Biskopstøð, sum fekk ein- asta málið í fyrra hálvleiki, og eftir steðgin kom so veruliga ferð á. Leon Bjartalíð økti, áðrenn altíð vandamikli Olgar fekk sær eitt mál, og móti dystar- enda kundi Johan N. Han- sen steingja og sløkkja, tá hann var seinasti maðurin á enn einum KÍ álopi. KÍ er sum nevnt longu nú í ferð við at sleppa sær undan niðurflytingarvanda- num, men tað stendur ikki eins væl til hjá leirvíking- unum. Higartil hava teir bert tey trý stigini, sum teir vunnu frá grannunum úr ÍF, og skal talan ikki gerast um alt ov hart niðurflytingar- stríð, so skulu helst nøkur stig koma á kontina nakað skjótt. Fyrsti møguleikin fyri hesum verður komandi vikuskifti. Tá koma upp- flytararnir úr VB á vitjan, og tann dysturin fer kanska at geva eina ábending um, hvussu botnstríðið fer at laga seg hetta kappingarár- ið. Dysturin í tølum KÍ-LÍF 4-0(1-0) 1-0: Gunleiv Biskupstøð 2-0: Leon Bjartalíð 3-0: Olgar Danielsen 4-0: Johan Nystrøm Hansen 2. DEILD Jákup Mørk Sum niðurflytarar skuldu sandoyingar ivaleyst roknast sum favorittar, tá teir leygardagin vitjaðu á Krossinum í Sumba. Gaman í er ikki so langt síðani, at Sumba var í bestu deildini, men árið í fjør bendi tó tann vegin, at Sumba ikki er búgvið til uppflytingarstríðið í aðru deild. Tað mundu sandoying- ar hinvegin halda seg vera, men teir máttu to ásanna, at tað framvegis er alt annað enn lætt at vinna sær stig á Krossi- num. Skoraði móti gamla liðnum Sumbingarnir stríddust nevnliga frá fyrsta bríks- li. Teir vóru grammari á flestu bóltunum, og tó at sandoyingar royndu at svara aftur, so eydnaðist teimum ikki at skapa teir heilt stóru málmøguleik- arnar. Hinvegin vóru tað sumbingar, sum løgdu seg á odda, tá Bjørjn Thorsteinsson um miðjan fyrra hálvleik sendi bólt- in í netið. Bjørn spældi annars við júst B71 í far- na kappingarári, men hann hevur so í ár valt at skifta til Sumba, og í øll- um førum munnu sumb- ingar fegnast um hetta. Seinastu trý korterini royndu sandoyingar at trýsta, til tess at fáa í øll- um førum annað stigið við sær, men heimaliðið helt alla tíðina ímóti, og syrgdu teir við hesum fyri, at teir undan dystu- num annan hvítusunnu- dag vóru einasta liðið í deildini við fullum stiga- tali. Sum nevnt aðrastaðni í blaðnum, so helt hendan støðan sær eisini eftir halguna, og eru sumbing- ar soleiðis oddalið, tá teir komandi vikuskifti fáa vitjan av ÍF, sum snøgt sagt skal vinna, um fjar- støðan til oddin ikki skal gerast alt ov stór, næstan áðrenn kappingin er by- rja. Tá fáa sandoyingar vitjan av FS Vágum, og tann dysturin fer helst at geva eina ábending um, hvussu teir báðir niður- flytararnir fara at skikka sær í oddastríðnum í næstbestu deildini í summar. Dysturin í tølum Sumba-B71 1-0 (1-0) 1-0: Bjørn Thorsteinsson KÍ-LÍF 4-0 (1-0): KÍ stimar uppeftir Sumba-B71 1-0 (1-0): Sumba hevur framvegis fult Sumba vann týdningarmikla heima- dystin móti B71, og syrgdu sostatt fyri, at teir eru einasta liðið við fullum stigatali í deildini Lesið -tað loysir seg C M Y K 24