leygardagur 15. juni 2002síða 8

Nr. 112 - 15. juni 2002 15 Sigurin á Svanga- skarði hevur fyrsta finaluplássið nakran- tíð til NSÍ við sær, og nú eru fyrstu atgongumerkini út í Europa nógv nærri, enn tey nakrantíð hava verið áður HÁLVFINALA B68–NSÍ Jóannes Hansen Tað er Skálafjarðarstevna í Runavík í hesum vikuskift- inum. Og tað vil so væl til, at fótbóltsfepurin er hægri í stevnukommununi, enn hann nakrantíð hevur verið áður. NSÍ er næstfremst í landskappingini, og hós- kvøldið spældu teir seg í steypafinaluna – tað fyrstu síðani farið varð undir kappinginga um løgmans- steypið. Harvið kunnu vit staðfesta, at samstundis sum teir halda stevnu í Runavík, so er fótbólts- spenningurin næstu sjey vikurnar varðveittur. Finaluplássið ger, at NSÍ hevur tikið eitt risafet ímóti fyrstu Europa Cup luttøk- uni. Hon gerst veruleiki, um NSÍ vinnur steypa- finaluna, og hon kann gerast veruleiki, sjálvt um NSÍ tapir steypafinaluna. Borð um borð Kappróðurin hevur stóran áhuga í Runavík. Og um vit brúka kappróðrarmyndina upp á seinnu hálvfinaluna á grasinum í dýrdarveðrinum hóskvøldið, so róðu liðini borð um borð fyrstu smáu fimmti minuttirnar. So kom hol á, og so var tað sera hendingarríkt og undirhald- andi. Tíverri, kunnu vit siga, kom einki mál í 1. hálv- leiki. Hevði fyrsta málið komið beinanvegin, so hevði fyrra umfarið iva- leyst eisini verið undirhald- andi. Men einki mál kom, og so var spælið keðiligt, sjálvt um tað var stórur spenningur í. Báðir partar løgdu størstan dentin á at verja og at ansa eftir, at mótparturin ikki fekk fyri- munin av at koma á odda, og persónligu mistøkini vóru nógv. Uppløgdu málmøguleik- arnir vóru fáir og smáir. Jens Martin Knudsen og Michal Kokoszanek tóku sær av nógv teimum flestu innleggunum, sum ikki vóru so ógvuliga mong. Arnold Joensen hjá B68 kom leysur í høgru nakrar ferðir. Hann legði oftast til nærra stólpan, men álops- menninir hjá B68 vóru ikki á rætta staðnum røttu løtuna. Størsta møguleikan fekk Øssur Jacobsen, tá hann eftir álop í høgru og innlegg frá Marlon Jorge kom leysur í vinstru, men royndin úr spískum fór dygst omanfyri. Hjá NSÍ sendi Gert Langgaard eftir hornaspark uppum, og Brynjolvur Nielsen sendi fríspark omanfyri. NSÍ setti treytirnar Bara tríggir minuttir vóru farnir av seinna umfarin- um, tá NSÍ fekk hol á. So skuldi B68 skora tvær ferðir, um teir skuldu røkka finaluplássinum. Tí var neyðugt hjá teimum at sleppa alt meiri í verjupart- inum, og tað hevði við sær, at spentar støður stóðust í báðum endum, og tá er stuttligt at vera áskoðari. Eftir at NSÍ var komið framum, skifti B68 frá 4–4–2 og til 4–2–4, og tá NSÍ var komið upp á 2–0, var verjuparturin hjá B68 heilt tunnur (Hans Fróði Hansen var fremsti maður), og fimm og viðhvørt seks spælarar vóru í fremstu røðini. B68 minkaði um munin til 2–1, tá tað restaðu seytjan minuttir, og hóast tað var neyðugt hjá teimum at skora tvey mál afturat, um teir skuldu vinna finaluplássið, so var tað heilt spennandi. Fimm minuttir undan leikloki økti NSÍ til 3–1. Tá tóktist sum um alt var avgjørt, men B68 svaraði enn eina ferð aftur, og seinni hálvleikur gjørdist sum heild rættuliga undirhaldandi og einum steypadysti verdugur. Málini Óli Hansen skoraði til 1–0. NSÍ hevði horna í vinstru, B68 málverjin boksaði út frá, bólturin varð sendur aftur í vinstra borð og hagani til handara stólpan, har miðframherjin, sum ikki hevði verið serliga sjónskur, var púra leysur, tá hann sendi framvið nærra stsólpanum og upp undir nettakið, og harvið hevði Óli útinnt tað, sum tað verður roknað við, at hann skal gera. Sonni L. Petersen skoraði til 2–0 úr 20 metrum. Hann fekk tak á eftir langa sending, sneiddi framvið einum og fangaði málverj- an á skeiva beininum. Royndin var ikki serliga sannførandi, men bólturin smoygdi sær inn við stólparótini. Marcello Marcellino er ein snillingur við bóltinum. Trupulleikin hjá B68 er, at hann so at siga ongantíð er tøkur. Hesa ferð spældi hann 35 minuttir, og hann minkaði um munin við fínum langskoti úr 18 metra fjarstøðu. So trýsti B68, men tá teir vóru ósketnir og spældu Sonna L. Petersen púra leysan, endaði tað við, at dómarin bríkslaði fyri brotssparki. Brynjolvur Nielsen, sum annars hevði til uppgávu at taka sær av Øssuri Hansen í vinstru, sendi flatt í netið. Tá B68 tveir minuttir seinni fekk brotsspark, tók Øssur Hansen uppgávuna úr ellivu metrum á seg. Jens Martin Knudsen tveitti seg til høgru fyri seg sjálvan og hálvbjargaði, men Øssur Hansen var fyrstur á retur- inum. Í evstu løtu hálv- bjargaði Jens Martin Kndusen frísparksroynd frá Øssuri Hansen. John Heri Dam sendi returin úr spísk- um í høgru og á saman- komingina, men B68 kom kortini ikki nærri enn 3–2, og so fegnaðust innan menninir, sum longu eru farnir at gleða seg til ólavsøkudag. Tá fara teir fyrst at hyggja at, meðan Torbjørn, Bill og allir hinir fara at ganga í skrúðgongu, og so fara teir á Tórsvøll at taka á við NSÍ. Vónandi verður veðrið eins blítt, og tað var hóskvøldið. B68–NSÍ 2–3 (0–0) 2. hálvfinala í kappingini um løgmanssteypið 0–1: Óli Hansen 48. 0–2: Sonni L. Petersen 66. 1–2: Marcello Marcellino 73. 1–3: Brynjolvur Nielsen br 85 2–3: Øssur Hansen 87. Dómari: Lassin Isaksen B68: Michal Kokoszanek – Jan Petersen (Oleif Joen- sen, 32.), Hans Fróði Han- sen, Messias Perreira, John Heri Dam – Arnold Joen- sen, Jann Ingi Petersen (Fríðin Ziskason, 66.), Marlon Jorge, Øssur Han- sen – Fróði Benjaminsen, Øssur Jacobsen (Marcello Marcellino, 54.) NSÍ: Jens Martin Knudsen – Brynjolvur Nielsen (Ken Nónklett, 89.), Arnfinn Langgaard, Pól Thor- steinsson, Christian Høgni Jacobsen – Gert Langgaard, Kári Hansen, Helgi L. Pet- ersen, Ian Højgaard (Berg- ur Djurhuus, 79.) – Óli Hansen, Sonni L. Petersen Ólavsøkuspenningurin komin til Runavíkar Í Kappróðrar- felagnum NSÍ vóna tey, at inntøkurnar fara at liggja um hálvt hundrað túsund krónur KAPPRÓÐUR Jóannes Hansen Eingin ivast í, at kapp- ingin verður spennandi á Skálafjørðinum í dag. Og tað átti at sæst aftur í áskoðarafjøldini, at Eysturoyingur á norð- oyarstevnuni kom aftur á trónuna, eftir at hann hevur verið longri niðri á stiganum í tvey ár. – Áhugin er stórur her hjá okkum, og tað vita vit, at hann eisini er aðra staðni. Um tað fer at síggjast aftur í fjøldini, sum fer at møta upp, valdast fyrst og fremst og í nógv størstan mun um veðrið. Royndirnar siga okkum, at um tað er turt og gott summar- veður fyrrapartin leyg- ardagin, so kemur nógv fólk til kappróður. Vit vóna tað besta, tí veðrið hevur verið so framúr gott í hesi vikuni. Hetta sigur Sofus T. Hansen, sum er formað- ur í Kappróðrarfelag- num NSÍ. Hann sigur eisini, at teir hava fyri- reikað seg so væl, sum tað ber til. – Bátarnir verða settir omanfyri Lynfrost ella Fiskavirking, sum tað nú eitur, og róðrarfólkið fær eina máltíð í kantinuni á flakavirkinum. Róðrarfelagið NSÍ hevur seinastu árini bygt neyst. Nú er tað liðugt, og har er alt tað, sum roknast kann við í hølum hjá ítróttarfelagi. – Umstøðurnar í hús- inum eru góðar. Eisini hjá róðrarfólkinum at fáa sær bað eftir lokna kapping. Tað eru tey hjartaliga væl komin til, sigur formaðurin. Tá tað veit væl við, so kunnu inntøkurnar frá kappróðrinum á Skála- fjørðinum koma upp í meiri enn hálvt hundrað túsund krónur. Hesa ferð eigur áhugin at vera stórur, tí tað hilnaðist so væl hjá Eysturoying- inum í Klaksvík. – Sum eg segði, so hevur veðrið alt at siga, so vit vóna tað besta, sigur formaðurin í Kappróðrarfelagnum NSÍ. Umframt at hava ábyrgdina av fyrireik- ingunum, so er nevndar- formaðurin aftur farin at rógva. Hann er millum teir, sum nú manna Nevið Reyða. – Tá tú hevur róð, er tað torført at halda seg burtur. Í so góðum róðrarlíkindum, sum vit hava havt seinastu dag- arnar, skal lítið til at lokka fyrrverandi róð- rarfólk at fara aftur at venja, sigur Sofus T. Hansen, sum áður hevur verið við til at manna Eysturoyingin. Veðrið hevur alt at siga 15 14 Nr. 112 - 15. juni 2002 Bæði í NSÍ róðrarfel- agnum og í Róðrar- sambandinum stað- festa tey, at tað er ivi um, hvør hevur ábyrgdina av at fáa óviðkomandi bátar- nar at halda seg burt- ur, so teir ikki órógva kappróðurin á Skála- fjørðinum KAPPRÓÐUR Jóannes Hansen Meðan róð verður kapp á Skálafjørðinum verða óvið- komandi skip og bátar bið- in um at halda seg burtur frá róðrarøkinum, sum er avmerkt, og sum vaktarhald er rundanum. Nakað so- leiðis plagar lýsingin at ljóða í útvarpinum frá sýslumanninum og havnar- meistaranum í økinum, har tað verður róð kapp. Men tað verður aftur og aftur staðfest, at henda áheitanin ella rættari hesi boðini verða ikki tikin í tí álvara, sum tey eiga at verða tikin í. Ikki minst ger hetta seg galdandi á Skála- fjørðinum, har riðilin, sum fylgir við róðrinum, plagar at vera so stórur, sum hann kanska onga aðra staðni er. – Vit harmast nógv um hetta. Á Skálafjørðinum taka teir fyrireikingarnar til róðurin í sera stórum álv- ara. Tað plaga teir at gera, og tað hava vit fyri langari tíð síðani fingið fatan av, at teir eisini gera hesa ferð. Men tað ber hvørki teimum ella okkum í Róðrarsam- bandinum til at halda óvið- komandi burtur frá róðrar- økinum, og tað er spell, at bátarnir eru so nærgang- andi, sum vit aftur og aftur hava sæð, at teir hava verið. Vit vóna sanniliga, at hetta verður betur hesa ferð, enn tað plagar at vera, men vit halda ikki, at tað er okkara uppgáva ella ábyrgd at halda teimum burtur. Hetta sigur Hannis Joen- sen, sum er formaður í Róðrarsambandinum. Ov lítil virðing Sofus T. Hansen er formað- ur í Kappróðrarfelagnum NSÍ. Hann sigur, at bátar- nir, sum fylgja við kapp- róðrinum eru ein trupul- leiki: – Tá teir fylgja sjálvum róðrinum gongur tað ikki so ógvuliga skjótt fyri seg, men tað er ein trupulleiki, at teir eru so mikið nær, at teir trýsta vaktarbátin ella bátarnar og bátin við út- varpsmanninum nærri róðr- arbátunum. Størsti trupul- leikin eru aldurnar. Ímillum róðrarnar stima skjótt gangandi bátarnir við full- ari ferð aftur og fram. Tá koma nógvar aldur frá teimum. Tað er so mikið stutt millum róðrarnar, at aldurnar hava ikki lagt seg, tá næstu kappróðrarbátarnir koma skúmandi, og tað er til ampa fyri róðrarmann- ingarnar. Og Sofus T. Hansen held- ur fram: – Aldurnar eru heilt víst við til at avgera úrslitið av róðrinum. Tað vil við øðr- um orðum siga, at mann- ingarnar, sum hava vant í fleiri mánaðir, fáa ikki loyvi til í innanhýsis og javnari kappingar uttan uppíblanding at gera av ímillum sín, hvør er stinn- astur. Tað halda vit vera sera spell, og vit halda, at manningarnar á óviðkom- andi bátunum harvið ikki vísa kappróðrarmanning- unum ta virðing, sum tær hava uppiborið. Tað er dup- ult spell, tá veruleikin helst er tann, at tey, sum sigla á fjørðinum skulu eitast at hava stóran áhuga í kapp- róðri. Ivi um ábyrgdina Hannis Joensen sigur, at tað hevur verið tosað aftur og fram um, hvør tað er, sum hevur ábyrgdina av, at kunngerðin um at óvið- komandi bátar skulu halda seg burtur, verður hildin, men eingin niðurstøða er gjørd um hetta. – Vit halda, at tað er so líka til, at teir, sum hava kunngerðina í útvarpinum, syrgja fyri, at hon verður hondhevað. Tað eru havnar- meistarin og sýslumaðurin. Havnarmeistarin hevur ikki politi myndugleika, og sýslumenninir siga, at myndugleikin hjá teimum í flestu førunum ikki fer út um kajkantin. Á fjørðinum halda teir, at ábyrgdin er hjá Vaktar– og Bjargingartæn- astuni. Men higartil hava teir ikki tikið sær av hesum. Verður vaktarbáturin ikki virdur? – Ikki so nógv, sum vit fegnir høvdu viljað, at hann varð virdur. At vit nú undan kappróðrinum í kanska besta økinum í landinum hava hetta frammi í press- uni fer vónandi at hava við sær, at virðingin verður størri og ampin av óvið- komandi bátum harvið minni, enn hann hevur ver- ið. Um talan ikki verður um nakra broyting, so mugu vit taka málið upp til nýggja viðgerð, heldur Hannis Joensen. Virðingin fyri róðrarfólkunum skal verða størri Tað verður roknað við, at munurin ikki fer at verða so stórur, sum hann var í Klaks- vík, og at har, sum tað var tætt í Klaksvík, verður møguleiki fyri nýggjum vinnarum KAPPRÓÐUR Jóannes Hansen Undanfarnu sumrini hevur tað ofta verið soleiðis, at somu manningar hava vunnið aftur og aftur. Tað kann væl vera, at vinnarar- nir fara at verða teir somu á Skálafjørðinum, sum vunnu á norðoyarstevnu. Men fleiri, sum fylgja væl við í kappróðri, halda, at talan verður um heilt øðr- vísi kapping í dag, enn tað var fyri fjúrtan døgum síð- ani. Fleiri veruleikar gera, at tað er sannlíkt við heilt øðr- um kappingum hesa ferð. Fyri tað fyrst verður tað so- leiðis hesa ferð, at bestu bátarnir fara at liggja í miðjuni. Á norðoyarstevnu varð í lutakasti gjørt av, hvussu raðfylgjan skuldi vera. Fyri tað næsta má roknast við, at róðrarlíkind- ini verða betri, enn tey vóru í Klaksvík (síðani leygar- dagin fyri fjúrtan døgum síðani hevur verið av fín- asta veðri kring landið), og so er tað ein veruleiki, at 10–mannaførini hesa ferð skulu rógva tvey túsund metrar og ikki fimtan hund- rað, sum tey róðu í Klaks- vík. 5–mannafør dreingir Á norðoyarstevnuni vann Fípan Fagra fyri fyrstu ferð í nógv ár. At klaksvíks- dreingir vunnu hevur sjálv- andi havt við sær, at áhugin fyri at venja og fyrireika seg er vorðin uppaftur størri, enn hann var (um tað ber til!). Men Fípudreingirnir eru fyrireikaðir uppá, at mót- støðan verður stór. Ikki minst verður roknað við, at FM vinnararnir tvey tey seinastu árini, Tjaldrið, kann gera um seg í heima- sjógvi. Tjaldrið hevði vána- ligan start í Klaksvík. Teir søgdu seg missa nøkur tøk, tí tað gekst teimum so illa at koma leysir av fasta startinum. Tí lógu teir aftar- laga eftir fyrsta spurtin, men teir stríddu seg kortini fram á næstfyrsta plássið, og tað kundi bent á, at teir fara at bjóða Fípuni Føgru av hesa ferð. 6–mannafør kvinnur Nýggi Jarnbardur vann í stórum stíli á norðoyar- stevnu. Tær vunnu FM í 1999 og í 2000. Í fjør vórðu tær steðgaðar av nýggja Páll Fanga, sum vant burt- urúr øllum hinum. Páll Fanga kvinnurnar vóru ikki nøgdar við sítt av- rik á norðoyarstevnu. Tær søgdu seg kenna tað, sum um tær róðu í siropi, og síð- ani tá hevur talan verið um sjálvrannsakan. Tað hevur undanfarnu ár- ini vísti seg, at tær mann- ingarnar, sum nakrar fáar vikur undan norðoyarstevn- uni hava verið á Scilly oyggjunum, hava havt ilt við at finna rætta stevið. Venjingin við serliga Scilly bátinum, ferðingini og so nógv annað hava gjørt, at tað hevur tikið sína tíð at finna áralagið og alt annað aftur umborð á føroyska kappróðrarbátinum. Tað hava tær umborð á Páll Fanga havt fjúrtan dagar til síðani norðoyarstevnuna, og so fæst at síggja, um tær og aðrar manningar verða førar fyri at bjóða Jarnbardi av hesa ferð. Á triðja plássinum í Klaksvík var Riddarin úr Miðvági. Tær vóru væl við í kappingini um næst- fremsta plássið, og tí má eisini roknast við teimum hesa ferð. Sølmundur var ikki við í Klaksvík, men nú er hann mannaður aftur. 5–mannafør gentur Sílið vann so sannførandi sigur á norðoyarstevnu, sum tað neyvan er sætt áð- ur. Tær vóru tjúgu sekund fyrri á mál enn næstu bátar- nir. Genturnar umborð á Fípuni Føgru vóru meistar- ar í fjør, tá tær vunnu allar róðrarnar uttan á ólavsøku. Tær vóru næstfremst í síðsta róðrinum. Munurin verður kanska ikki so stórur hesa ferð, sum hann var fyri tveimum vikum síðani, men út frá úrslitunum seinast kann ikki roknast við øðrum, enn at tær umborð í Sílinum eru størstu favorittarnir av øll- um, sum fara at rógva á Skálafjørðinum. 6–mannafør menn Í fjør vóru tað kvinnurnar í Klaksvík, sum vunnu nógv við Fípuni Føgru og Páll Fanga. Á norðoyarstevnu vóru tað menninir, sum vunnu. Smyril úr Vági var næsti kappingarneytin hjá monnunum umborð á Pálli Fanga, og Gongurólvur var væl við. Síðsta sunnudag róðu nakrir bátar kapp á Strond- um. Tá var mest spennandi kappingin millum 6–mannaførini. Páll Fangi luttók ikki. Í staðin vóru tað FM vinnararnir í Stráluni, sum vunnu. Á norðoyar- stevnu vóru teir ikki mill- um teir fremstu. Strálan var leingi meiri enn eina báts- longd frammanfyri Gongu- rólv, men í endaspurtinum vóru havnarmenninir teir raskaru, og á málinum var munurin bara rongin. 8–mannafør Nýggi Argjabáturin vant burturúr øllum hinum. Nýggi Kvívíkingurin royn- di at bjóða av. Men teir vóru ikki nog drúgvir. Í fjør var Nevið Reyða FM vinnari. Klaksvíksbát- urin luttók ikki á norðoyar- stevnu. Hann verður við í dag. Tað eru róðrarfólk í Kappróðrarfelagnum NSÍ, sum hava mannað bátin. Manningin er fyri tað mesta teir, sum í 1998 og í 1999 vóru við til at manna Eysturoyingin, sum tá var nýggjur og vann allar róðr- arnar. Nevið Reyða er tilmeldað fyri róðrarfelagið í Klaks- vík, so tað verður ein Klaksvíks sangur, sum verður at hoyra, um Nevið vinnur. Men sannlíkið man ikki vera so stórt fyri, at Nevið Reyða fer at vinna á Skálafjørðinum. Teir hava bara verið seks ferðir í báti- num, síðani hann fór úr Klaksvík og út á Glyvrar. 10–mannafør Eysturoyingurin kom so at siga afturíaftur í Klaksvík. Eftir sigrarnar í 1998 og í 1999 gekk tað illa hjá FM manningini í 2000. Í fjør varð báturin mannaður av nýggjum, og nú tykjast teir vera væl fyri. Næstu avbjóðararnir hjá Eysturoyinginum í Klaks- vík vóru Havnarbáturin og Klaksvíkingurin. Altso vóru bátarnir úr trimum teimum størstu kommun- unum í landinum fremstir. Á Strondum luttóku bara tvey 10–mannafør. Eystur- oyingurin var eins nógv frammanfyri Nólsoyingin, sum hann var í Klaksvík. Ikki minst tá 10–mannafør- ini kappaðust á norðoyar- stevnu varð tosað um, at umstøðurnar kanska spældu eitt puss. Ta ferðina var Eysturoyingurin vest- astur, og Havnarbáturin var eystastur. Tí var tað eitt sindur torført at taka bes- tikk av støðuni. Tað verður hópin lættari hesa ferð. Eysturoyingurin fer at hava Havnarbátin í øðrum borði- num og Klaksvíkingin í hinum borðinum, og so skal Vestmenningurin ikki gloymast. Hann var fremst- ur, tá tað vikuskiftið undan norðoyarstevnu varð kapp- ast á Skála, og eingin rokn- ar við, at hann eina ferð afturat fer at fáa eitt so vánaligt úrslit, sum hann hevði í Klaksvík. Alt er púra opið Bátarnir ið fylgja við kappóðrinum, eru ein trupulleiki, sigur Sofus T. Hansen, formaður í Kappróðrarfelagnum NSÍ C M Y K 14