leygardagur 6. juli 2002síða 3

4 Nr. 127 - 6. juli 2002 Nr. 127 - 6. juli 2002 5 – Verður uppskotið fylgt, sum nevndin hjá Landsstýrinum hevur gjørt, man tað skjótt fara at vísa seg, at ongin orsøk er til at hava eina fólka- kirkju, sum í roynd og veru er at kalla er ein fríkirkja, sigur Hans Jacob Joensen, biskupur FÓLKAKIRKJAN Áki Bertholdsen – Sigur Annlis Bjarkhamar, at talan ikki er um stórar broytingar í álitinum, er tað spell. – Tí so hevur hon ikki lisið tað nóg nágreiniliga. Hans Jacob Joensen, biskupur hevur enn sum áður eina púra avgjørda hugsan um, hvussu farast skal fram, nú ætlanin er at yvirtaka kirkjuna. Nýggja samgongan hevði ikki sitið í nógvar dagar, áðrenn fyrsti fundurin var við ímillum føroysk og donsk embætisfólk um yvirtøku av fólkakirkjuni. Í samrøðu við Trúboðar- an sigur Annlis Bjark- hamar, landsstýriskvinna, at grundarlagið undir sam- ráðingunum er uppskotið, sum ein nevnd hevur gjørt um samráðingarnar og yvirtøkuna. Og í samrøð- uni sigur hon eisini, at eftir uppskotinum, sum er grundarlagið undir sam- ráðingunum, verður dentur lagdur á, at stórvegis broyt- ingar ikki verða gjørdar. Størsta broytingin er, at uppskotið mælir til tveir biskupar, sigur hon. Hans Jacob Joensen, biskupur, sigur, at tað er talan um rættiliga stórar broytingar við álvarsomum avleiðingum. – Til hvørt bispaembæti - hvørt stift- í donsku fólka- kirkjuni - og føroyska kirkj- an verður verandi ein partur av donsku fólkakirkjuni eisini eftir yvirtøkuna - hoyrir ein stiftsstjórn, sum er mannað við biskupinum og amtmanninum. – Hetta er aldargamalt og hevur tann fyrimun, at hvørki verðsligi ella kirkju- ligi myndugleikin kunnu koma í minniluta. Kunnu teir ikki semjast um eitt mál, kemst ikki longur við tí, og støðan verður óbroytt. Í løtuni er ein biskupur í Føroyum og ein stifststjórn. Men stiftsstjórnin í Føroy- um hevur tríggjar limir, biskupin, ríkisumboðs- mannin og landsstýris- mannin í kirkjumálum, ella ein, sum umboðar hann. – Hetta er ein trupulleiki í føroysku stiftsstjórnini, tí landsstýrismaðurin kemur sum kærumyndugleiki at taka støðu til mál, hann longu hevur viðgjørt í stiftsstjórnini. – Eftir uppskotinum verða tveir biskupar, men bara ein stiftsstjórn, ella kirkjustjórn, sum tað eitur í uppskotinum. – Í kirkjustjórnini skulu sita báðir biskuparnir og leikir limir. Hans Jacob Joensen sig- ur, at hetta merkir fullkom- ið slit millum verðsligar og kirkjuligar myndugleikar, og tað fær uttan iva at fáa týdning fyri kirkjuna sum fólkakirkju. – Biskuparnir kunnu vera ósamdir og annar vinnur, og annar má lata sær lynda, at hin biskupurin saman við meirlutanum av leiku lim- unum tekur ræðið í hansara biskupsdømi. Hann sigur, at í fólka- kirkjuni er biskupur hægsti kirkjuligi myndugleiki í sínum stifti. Hann hevur eftirlit við prædiku og læru, og ígjøgnum Kirkjumála- ráðið innstillar hann til Drotningina um at autori- sera -seta í gildi-, ritual, bíbliur og sálmabøkur, so at tey verða lóg í kirkjuni. – Men eftir uppskotinum fær kirkjustjórnin henda myndugleika, og í roynd og veru verður kirkjustórnin ein “synoda” ella hægsta stjórn í kirkjuni, sum er eitt av sermerkjunum hjá kirkj- um, sum eru loystar frá statsvaldinum. Hans Jacob Joensen sigur at sostatt er tað týðiligt, at bispaembætið verður mun- andi skert bæði í innihaldi og vavi. Men fyri at ongar mis- skiljingar skulu vera, leggur hann afturat, at hetta hevur einki við hann per- sónliga at gera, tí hansara tíð sum biskupur verður ikki long afturat. – Ein av teimum fyrstu, sum gjørdust biskupar aftan á hann, leggur frá sær í næsta ár. – Eg hugsi um framtíðini hjá føroysku fólkakirkjuni sum fólkakirkju, sigur hann. Fólkakirkjan verður fríkirkja Eftir uppskotinum fær leikfólkið sostatt einsamalt evsta vald í kirkjuni, hvat prædiku og læru viðvíkur, og tað heldur bispur hvørki vera rætt ella heppið. – Skal kirkjan so eisini fíggjast einans við kirkju- skatti, sum uppskotið sigur, so eru allar hurðar latnar upp til eina fríkirkju, tí so man skjótt fara at vísa seg, at ongin orsøk er til at hava eina fólkakirkju, sum í roynd og veru at kalla er ein fríkirkja. Tvørturímóti sigur Hans Jacob Joensen, at føroyska fólkakirkjan er ein skipan, sum í Føroyum hevur virkað avbera væl, og hann heldur at vit skulu ansa sera væl eftir, tá ið vit fara at broyta eina skipan, sum virkar væl – Og eftir hesum upp- skotinum, sum nú er frammi, er ómøguligt at vita, hvar kirkjan endar. Ger tað nakað, at tað verður leikfólkið sjálvt, sum sleppur av avgera innihaldið í kirkjuni? – Tað kanst tú sjálvsagt siga. Men tað ber ikki til bæði at siga, at ongar broyt- ingar skulu gerast og sam- stundis vísa á eitt uppskot, sum eftir mínum tykki førir rættiliga grundleggjandi broytingar við sær, og sum slættar vegin fyri eini heilt aðrari kirkju, sum í roynd og veru hevur øll eyðkenni hjá eini fríkirkju. Ósamdur við løgmann Løgmaður, sum er ovast leiðarin í samgonguni, sigur, at undanfarni lands- stýrismaður í mentamálum, Óli Holm, fekk at vita, at tað, sum liggur í málinum um at yvirtaka kirkjuna, er, at talan er bara um eina yvirtøku, men at hon skal virka undir somu lógum og fyrisitingarligum reglum sum nú, so at kirkjan ikki verður broytt. – Skal kirkjan broytast, skal tað gerast í einum føroyskum samanhangi, tí tað skal ikki verða eina partur av yvirtøkuni, sigur Løgmaður Hesum er biskupur ikki samdur í. – Tað er heilt avgerandi neyðugt, at allar lógir og fyrisitingarligar reglur eru lidnar og púra greiðar, áðrenn kirkjan verður yvir- tikin. Tí er tað ikki greitt áðrenn, verður tað neyvan í bræði, at hesi viðurskifti koma í rættlag, og so verða vit í mongum førum noydd at arbeiða av handahógv í teirri vón, at eingin klagar. At Mentamálaráðið yvir- tekur umsitingina hjá Kirkjumálaráðnum, tá ið kirkjan er yvirtikin, er sjálvsagt. – Men hvør yvirtekur leiklutin hjá Drotningini? Og er fólkakirkjan í Føroy- um framvegis ein partur av donsku fólkakirkjuni, sum hon er sambært grundlóg- ini, tá Drotningin ikki long- ur er evsti myndugleiki? – Tí er tað neyðugt, at vit, áðrenn yvirtøkuna, gera okkum púra greitt, hvussu tann føroyska kirkjan skal vera. – Tað er óðamannaverk at yvirtaka fólkakirkjuna, áðrenn hesi viðurskifti eru fingin upp á pláss, og vit hava gjørt okkum púra greitt, hvussu hon skal skipast, og hvussu lógar- verkið skal vera, sigur Hans Jacob Joensen. Annlis Bjarkhamar, landsstýriskvinna í menta- málum, hevur verið ómeta- liga upptikin seinastu dag- arnar, men hon hevur lovað okkum eina viðmerking til blaðið týsdagin. Biskupur: Fær álvarsamar avleiðingar fyri fólkakirkjuna Eftir uppskotinum, sum Landsstýrið arbeiðir eftir, eru allar hurð lætnar upp fyri at Fólkakirkjan í roynd og veru verður ein vanlig fríkirkja, sigur Hans Jacob Joensen, biskupur og tað heldur hann er álvarsligt. Sostatt ber til at staðfesta, at samstundis sum Landsstýrið sigur, at yvirtøkan skal vera í neyvum samstarvi við allar partar í kirkjuni, er hægsti embætismaður í krikjuni grundleggjandi ósamdur um mannagongina FISKIVINNA Vilmund Jacobsen Í hesum døgum vitja ikki færri enn 23 spaniólar, sum keypa saltfisk, flakavirkið á Kósini í Klaksvík. Tað er ikki á hvørjum sinni, at so nógv viðskifta- fólk vitja eitt flakavirki – og úr so fjarskotnum landi. Egil Johansen, sum star- vast hjá Kósini, samskipar vitjanina hjá spaniólunum og ein íslendingur, sum Kósin samstarvar við, er eisini við í ferðini. Spaniólarnir, sum komu til Føroya miðskeiðis í hesi vikuni, fara avstað aftur leygardagin, og á ferðini í Føroyum vitja teir bara á Kósini. Sosialurin skilir, at mill- um útlendsku gestirnar er eisini onkur stórur keypari av saltfiski. Á Kósini hava tey ikki latið so illa at gongdini við saltfiskinum, sum onkur onnur virki, ið virka salt- fisk, hava gjørt. Sosialurin fer at venda aftur til vitjanina í komandi viku. 23 spaniólar vitja Kósina Norðanfyri Norð- smolt í Funningsfirði verður í løtuni planerað. Men av tí, at støðan er keðilig við sjúku kring landið, er ilt at siga, hvussu víðari verður við útbyggingini ÚTBYGGING Ingrid Bjarnastein Funningsfjørður: P/f Norðsmolt í Funningsfirði er nú í holt við størri út- byggingar. Men ilt er at siga, hvussu víðari verður við útbyggingini, tí sjúka er ein afturvendandi trupul- leiki hjá alarum. – Vit eru í holt við at byggja út, men eg veit ikki nógv at siga um, hvussu verður, sigur Meinhard Hansen, sum arbeiðir á P/f Norðsmolt. – Ætlanin var at byggja út, men sum støðan er nú, veit eg ikki rættðiliga, hvussu fer at vera við tí. Norðsmolt hevur upp ímóti einari millión av smolti, og sigur Meinhard Hansen, at ein útbygging er neyðug, um ein vil meira. Men enn er einki avgreitt enn, og ilt er at siga, hvussu verður í framtíðini. Norðsmolt byggir út Flakavirkið Kósin í Klaksvík hevur havt stóra fremmandavitjan hesa vikuna - 23 spaniólar, sum virkið samstarvar við. Millum gestirnar, er onkur stórur keypari av saltfiski Planerað verður norðanfyri Norðsmolt í Funningsfirði. Tó er ilt at siga, um útbyggingin heldur fram Mynd: Vilmund Jacobsen C M Y K 5 4 Í Tróndargøtu 29 tel. 318200 218199 Nógv nýtt NOA-NOA og TONE BARKER heimkomið Opið er: Mán-hósd. 9-18 Fríggjadag 9-19 Leygardag 9-14