hósdagur 18. juli 2002síða 5

Nr. 135 - 18. juli 2002 9 Henrik Larsen, nýggi venjarin hjá fótbólts- landsliðnum, ætlar at síggja fleiri dystir og at tosa við nógv, sum hava við fótbóltin at gera, tá hann í kom- andi viku kemur fyrstu arbeiðsferðina henda vegin LANDSLIÐSVENJARIN Páll Holm Johannesen Í komandi viku kemur nýggi landsliðsvenjarin, Henrik Larsen, á sína fyrstu arbeiðsferð til Føroya. Frá Fótbóltssambandinum sig- ur hann seg hava fingið at vita, at tað hevur verið funnist at honum, at hann ikki hevur víst seg í Før- oyum, og at hann er komin upp á tvørs hjá fleiri, áðrenn hann fyrstu ferð hevur víst seg í Føroyum, síðani hann var her og und- irskrivaði sáttmálan. Tað sigur venjarin seg harmast um, og hann vónar, at skoðsmálið verður betri, tá hann fer úr aftur Før- oyum. Henrik Larsen heldur ikki at atfinningarnar hava verið rímuligar, og hann hevur framvegis avgjørdar áskoðanir: – Eg ætli framvegis at liðið skal fáa sjey stig. Eg ætli framvegis, at liðið skal spæla 4–4–2, og eg rokni við, at tað verður neyðugt at gera útskiftingar á liðn- um, er tað, sum venjarin hevur at siga. Tað tykist vera eitt sindur betri grundarlag hjá Henrik Larsen at úttala seg um landsliðið, enn tað var, tá hann úttalaði seg fyrstu ferð. Nú sigur hann seg hava tosað við gamla venj- aran, Allan Simonsen, og við hjálparvenjaran, Jógvan Martin Olsen. – Tá tú kemur sum nýggj- ur venjari til eitt felag ella í hesum førinum til føroyska landsliðið, so er neyðugt, at tú hevur áskoðanir og ætl- anir. Tað ræður støðugt um at menna liðið og at arbeiða við møguleikunum, sum eru. Mín hugburður er, at tað er best, at liðið spælir 4–4–2, og tað fara vit at arbeiða út frá. Veruleikin er, at onkrir spælarar eru farnir um bestu árini á landsliðnum, og at nýggir skulu spælast inn. Tað fara vit at kanna nærri næstu vikurnar. Á listanum, sum eg havi í løtuni, eru 32 nøvn. Eg rokni við, at tað fyrst og fremst verður ímill- um hesar, at hópurin til vinardystin ímóti Liktinstein 21. august verður valdur, men nú fáa vit at síggja, sigur Henrik Larsen. Ætlanin Henrik Larsen kemur til Føroya komandi mikudag, og hann fer at steðga her í eina viku. Mikukvøldið skal hann síggja B36 spæla heimadyst í Europa Cup kappingini, og ólavsøkudag fer hann at vera millum áskoðararnar, tá HB og NSÍ fara at spæla steypafinaluna. Umframt hesar dystirnar fer venjarin at síggja tveir venjingardystir. Avrátt er, at HB og GÍ skulu spæla venjingardyst hóskvøldið, og at B68 og KÍ skulu spæla fríggjakvøldið. Tað verða neyvan nógvir áskoð- arar til hesar dystirnar, men landsliðsvenjarin fer at hyggja. – Umframt at síggja dyst- irnar, so vóni eg, at tað fer at bera til at heilsa upp á venjarar og spælarar. Kanska tað eisini í komandi viku verður møguleiki fyri at fylgja við í venjingini hjá onkrum felag, er ynskið hjá Henrik Larsen. Í FSF roknaðu teir fyrr í summar við, at landsliðs- venjarin fór at vísa seg í Føroyum nógv fyrri, enn hann nú fer at gera. Hann var venjari í Ølstykke, tá hann varð settur í starv hjá FSF. Roknað varð við, at hann skuldi koma til Føroya, tá Ølstykke hevði tryggjað sær uppflyting. Tað gjørdu teir tíðliga í juni, men venjarin koim ikki til Føroya. Í hvussu so er varð roknað við, at venjarin fór at koma til Føroya, tá síðsta umfarið í landskappingini var á skránni 7. juli, men venjarin var heldur ikki í Føroyum tann dagin. Nú sigur venjarin, at tað var í samráði við FSF, at hann ikki kom til Føroya: – Eg var í summarfrí saman við familjuni eftir at sáttmálaskeiðið við Øl- stykke var liðugt, sigur venjarin. Á FSF hava vit skilt, at tað var ikki fyrrenn beint undan ferðini til Føroya, at venjarin bað um at fáa tíð til summarfrí. Tað setti FSF seg ikki imóti. Altráðir týskarar Tá prátið fellur inn á dystirnar í heyst, er tað synd at siga, at venjarin er dapurskygdur: - Skotarnir hava ikki somu styrki, sum teir hava havt í undanfarnu kapping- unum. Føroyar hava áður staðið seg ógvuliga væl ímóti teimum. Tí haldi eg, at vit hava orsøk at vera bjartskygdir undan heima- dystinum ímóti teimum. Føroyar hava áður megnað málleysan javnleik á úti- vølli ímóti Litava. Tað boð- ar frá, at dysturin ímóti teimum er opin. At spæla í Hannover 16. oktober verð- ur sjálvandi nakað heilt serstakt fyri okkum allar. Tað er ikki á hvørjum degi, at tú hittir varaheimsmeist- ararnar, heldur venjarin. Hesar seinastu vikurnar hevur telefonin aftur og aftur kimað. Tað eru týskir tíðindamenn, sum fregnast: – Teir spyrja um Føroyar, landsliðið, hvørjir spælarar eru á liðnum og alt annað, sum á nakran hátt kann hava við føroyska lands- liðið og dystin í heyst at gera, sigur Henrik Larsen. Mikudagin kemur hann til Føroya. Eftir ólavsøku fæst at síggja, um skulu vit kalla tað klossuta byrjanin upp á samstarvið við før- oyska fótbóltin er vaskað burtur. Skoðsmálið skal broytast í komandi viku HenrikLarsen: Eftir at hava verið í Føroyum, vónar hann, at samstarvið við føroyskan fótbólt er komið uppá pláss. 9 8 Nr. 135 - 18. juli 2002 Í sambandi við fíggj- argølurnar í USA er George W. Bush, forseti lagdur undir at hava selt partabrøv við góðum vinningi, men varaforseti hans- ara, Dick Cheney, fekk væl meiri burt- urúr, tá hann seldi USA Árni Joensen Í august í 2000 fekk Dick Cheney 135 milliónir krón- ur í vinningi, tá hann seldi síni partabrøv í fyritøkuni Halliburton, har hann var ein av leiðarunum, til hann varð tilnevndur varafor- setaevni hjá George W. Bush upp undir forsetavalið sama heystið. Tveir mánaðir eftir at Cheney hevði selt síni partabrøv, kunngjørdi Halliburton, at felagið hevði ikki havt so gott úrslit, sum tey flestu høvdu væntað, og alt fyri eitt fall virðið á partabrøvunum í fyritøkuni. Hetta hevur reist spurn- ingin, um Dick Cheney visti úrslitið hjá felagnum, tá hann seldi síni partabrøv. Washington Post skrivar, at var varaforsetin vitandi um tað komandi úrslitið, tá hann seldi síni partabrøv, kann eingin ivi vera um, at talan er um lógarbrot. Enn hevur eingin skuldsett Cheney fyri at hava gjørt nakað ólógligt, men av- dúkingin av søluni hevur fingið mong at ivast í, um hann er tann rætti maðurin til tað starv, sum hann nú hevur. Samstundis er komið fram, at Halliburton er í stórum fíggjarligum trupul- leikum í dag orsakað av av- gerðum, sum vórðu tiknar ta tíðina, Dick Cheney sat í leiðsluni. Í níggju dagar hava illar nigeriskar kvinnur hersett eina av teimum týdningarmestu oljuútflutningshavnu num í landinum. Endin var, at olju- felagið slakaði NIGERIA Árni Joensen Tær 150 tilkomnu kvinnur- nar tóku ein bát, stimaðu út til oljuhavnina og settu seg á flogvøllin og tyrlupallin. Soleiðis sótu tær í níggju dagar og forðaðu oljufram- leiðsluni, sum annars er um 450.000 tunnur um dagin. Kravið hjá kvinnunum var, at oljufelagið skuldi geva monnum teirra arbeiði, og at tær stóru oljuinntøkurnar skuldu koma tí lokala sam- felagnum til góðar. Chevron Taxaco, sum eigur oljuhavnina, tingaðist við kvinnurnar, og týsdagin kunngjørdi felagið, at tað hevði gjørt semju við kvinnurnar. Eftir semjuni skal Chevron Taxaco virka við til at útvega fólkinum har á leiðini vatn og elek- trisitet, samstundis sum fleiri menn haðani skulu fáa arbeiði hjá felagnum. Meginparturin av fólk- inum í Nigera hava minni enn tíggju krónur at liva fyri um dagin, sjálvt um landið er sætta størsta olju- útflytaralandið í heiminum. Búskaparfrøðingar siga, at fleiri positiv tekin vóru í røðuni hjá amerikanska tjóðbankaformannin um BÚSKAPUR Árni Joensen Fáur kann sum formaðurin í amerikanska tjóðbank- anum ávirka hugsanir og metingar hjá fólki, ið hava samband við fíggjarheimin. Tí sótu búskaparfrøð- ingar, bankafólk, íleggjarar og onnur við stórum spenningi og lurtaðu, tá Alan Greenspan helt røðu í amerikansku kongressini týsdagin. Aftan á røðuna var semja um, at innihaldið í røðuni boðaði frá góðum, bæði hvat viðvíkir ameri- kanska búskapinum og tí evropeiska. Búskaparfrøðingar heftu seg serliga við tað, sum Greenspan segði um ameri- kansku rentuna. Í røðuni segði hann, at rentan nú er komin í sína lægstu legu, og at næstu ferð, rentan verður broytt, fer hon uppeftir. Hinvegin er greitt, at tað verður neyvan her og nú. Evropeiskir búskapar- frøðingar siga, at nú Alan Greenspan hevur boðað frá, at amerikanska rentan ikki fer longur niður, fer tað uttan iva at hava við sær, at teir evropeisku tjóðbank- arnir fara at varðveita verandi rentu. Víst verður á, at evran er styrknað samanborið við amerikanska dollararan í seinastuni, og tað ger, at trýstið á rentuna í Evropa minkar. Tí er lítil og eingin vandi fyri, at rentan í Evropa hækkar. Tær nógvu fíggjargøl- urnar og tey vánaligu úr- slitini hjá nógvum stórum amerikanskum fyritøkum hava ørkymlað allan fíggj- arheimin seinastu mán- aðarnar, men sambært Alan Grenenspan fer vend at koma í amerikanska bú- skapin í næstum. Oljufelag mátti lúta fyri illum kvinnum Greenspan lovar støðugari búskaparviðurskifti UTTAN ÚR HEIMI Cheney seldi síni partabrøv og fekk væl burturúr George W. Bush, forseti og Dick Cheney, varaforseti. Báðir eru undir illgruna fyri at hava fingið væl burturúr við at selja partabrøv í fyritøkum, sum teir leiddu, og sum seinni fingu trupulleikar. Spurningurin er, um teir vistu, hvønn veg tað bar Mynd: Reuters C M Y K 8