mikudagur 31. juli 2002síða 9

17 Nr. 143 • mikudagur • 31. juli 2002 • 76. árgangur • www.sosialurin.fo Bæði í kappróðrinum og í fótbóltinum var tað NSÍ, sum setti sín serliga dám á ólav- søkuna. NSÍ vann løgmanssteypið, Eysturoyingurin vann FM í kappingini millum 10–mannafør, og endiliga eydnaðist tað dreingjunum um- borð á Tjaldrinum at vísa, at tað framvegis er dugur í teimum ÓLAVSØKU- KAPPINGAR Jóannes Hansen Tann guli og tann svarti vóru høvuðslitirnir í góða veðrinum ólavsøkuaftan og í framúr veðrinum, sum var ólavsøkudag. Alt vendi rætta vegin hjá NSÍ. Kappróðrarfelagið NSÍ gjørdi av álvara um seg, og besta fótbóltsliðið hjá NSÍ staðfesti, at tað grør um gangandi fót í ítróttinum í Runavíkar kommunu. Fyri triðju ferð seinastu fimm árini eydnaðist tað Eysturoyinginum, sum nú er fimm ára gamal, at vinna meistaraskapin í kappingini millum 10–mannaførini. Tað var krúnan á einum fyri NSÍ sera væl eydnaðum ólavsøkukappróðri. Dreingirnir umborð á Tjaldrinum vórðu FM vinnarar bæði í 2000 og í 2001. Í teimum fimm FM róðrunum undan ólavsøk- uni hevði ikki gingið nakað serligt hjá nýggju mann- ingini. Men á Havnarvág glapp av álvara. Tjaldrið var fremst mest sum allan róðrarteinin, og harvið fingu teir av álvara eitt plástur á tað, sum higartil hevði sæð miseydnað út. Tað plagar at verða tikið til, at sigur í ólavsøkuróðr- inum er sum at vinna steypakappingina í fótbólti. Um tað er so, so vann NSÍ fleiri steypakappingar. Higartil hevur NSÍ verið tað einasta av fótbótlsfeløg- unum, sum seinastu árini hava verið við í fremstu røð, og sum ongantíð hevur havt møguleika at royna seg í altjóða kappingunum. Tað hava teir ongantíð kvalifiserað seg til. NSÍ vann finaluna um løgmanssteypið 2–1 á HB. Tað hevur við sær, at NSÍ longu hevur vunnið sær atgongumerkini til UEFA Cup kappingina um eitt ár. Í góðveðrinum á Tórsvølli vóru 4.702 vitni til stór- hendingina í fótbóltssøguni hjá NSÍ. Um tey verða roknað uppí, sum vóru at síggja uttanfyri sjálvan Tórsvøll, so var áskoðara- talið omanfyri fimm tús- und. Fleiri hundrað hildu til framvið hegninum, niðan fyri svimjihøllina og í skrá- anum undir ítróttarhøllini á Hálsi. NSÍ átti ikki part í kvinnufinaluni í fótbólti. Har vóru tað HB og KÍ, sum tókust fjórða árið á rað. HB vann í 1999, KÍ vann í 2000, HB vann í 2001, og í góðveðrinum ólavsøkudag átti KÍ tørn aftur. Klaksvíkskvinnur vunnu rudduligan 6–1 sig- ur, og harvið hava tær lagt lunnar undir møguleikan at vinna bæði FM og steypa- kappingina. Við fyrsta finalusigrinum nakrantíð í steypakapping- ini hava teir í NSÍ lagt lunn- ar undir møguleikan at vinna bæði steypakapping og FM. Um tað skal eydn- ast fæst at síggja tveir teir næstu mánaðirnar. Tá verða átta tey síðstu umførini í landskappingini spæld. Ein dystur hongur eftir frá 10. umfarinum. Tað er tann millum EB/Streym og TB. Hann verður spældur á Eiði í kvøld. Sunnudagin verður spælt soleiðis í 11. umfarinum: VB–EB/ Streymur, B68–TB, KÍ– HB, B36–Skála og steypa- vinnararnir í NSÍ skulu inn til Gøtu. Í hesum 11. umfarinum eru finalistarnir í steypa- kappingini partar av sera týdningarmiklum uppgerð- um. Í Klaksvík skal vón- brotna HB prógva, at teir framvegis eru besta boðið upp á FM heitið, sjálvt um teir taptu steypafinaluna. GÍ er næsti kappingar- neytin hjá HB. Dysturin í Gøtu fer at vísa, um GÍ framvegis megnar at fylgja við, ella um tað nú er NSÍ, sum er flúgvandi. Ólavsøkan endaði í gulum og svørtum 16 Nr. 143 - 31. juli 2002 Útisjonleikur í bakandi sól – brakandi succes Í allarfagrasta stevnu- veðri fór útisjónleik- urin hjá MáF og Grímu av bakka- stokki. Leikurin byrj- aði við SMS, og síðan fór øll gongan avstað móti Skansanum. Hópur av fólki fylgdi við leikarunum, og gongugøturnar vóru stúgvaðar av fólki ÓLAVSSØKAN Solby A. Eliasen Veðurgudarnir vóru av sonnum í besta hýri, tá sjónleikurin hjá MáF og Grímu fór av bakkastokki. Skjøtil varð settur á leikin klokkan 14.30 ólavsøku- dag, og í bakandi sólk sýndu leikarar, trummuslá- arar og dansarar fram yms- ar smáar leikir og dansir, alt meðan leikurin flutti seg frá SMS og oman í Vágstún, har annar partur av leikinum fór fram. Nógv fólk tóku av upp- lagda møguleikanum til at hugna sær saman á ein heldur øðrvísi hátt, og gøt- urnar vóru fullar av fólki, sum fylgdu við, hvussu leikur fórst. Trummusláttur á sjónum Á Vágsbotni snúði leikurin seg um tíðarskeiðið, tá Før- oyar vórði kristnaðar. Leik- urin byrjaði á Bursatanga, har Sigmundur varð sendur til Føroya av Ólavi kongi. Síðan flutti leikurin seg út á Skansan, har endabresturin fór fram. Hóast gongan við leikar- um og hyggjarnum varð góðan tíma seinka á leiðini móti Vágsbotni, so hugn- aðu fólk sær óført. Møguleiki var eisini fyri at uppliva sansandi trummusláttur á Føroya landi. Trummusláarnir vóru fleiri í tali, og harumframt varð eisini leikt á onnur ljóðføri. Trummusláararnir stóðu ymsastaðni; onkrir vóru á Bursatanga, meðan aðrir stóðu umborð á bát- um. Hesir spældu so síná- millum, har teir svaraðu hvørjum øðrum aftur við dunandi trummuljóði. Hetta setti ein serligan og áhugaverdan dám á alla gonguna, umframt at hetta var eitt sera væl fyriskipað tiltak. Bardagaleikur á Skansanum Úti á Skansanum varð skip- að fyri bardagasenum, og eisini her settu trummurnar sín serliga dám á umhvørv- ið. Bardagasenurnar vóru stak væl fyriskipaðar, og stuttligt var at síggja, hvussu góðar leikarar vit eiga her í Føroyum. Leikararnir sýndu eisini fram teirra kvøðu-evni, tá teir allir fóru at kvøða. Av tí at eingin vindur var, bar væl til hjá áhoyrarunum at hoyra, hvat kvøtt varð um. Útisjónleikurin endaði um fimm-tíðina úti á Skansanum. Í stórum stíli framførdu navnframir sangarir sum Rókur J. Jacobsen, Kristina Elisa- beth Mørkøre, Eivør Páls- dóttir og Terji Rasmussen »Frægir funnu Føroya Land«. At hetta varð væl- dámt á áskoðarafjøldini hoyrdist eisini á lógvabrest- unum. Saman við bríkslum og rópum mundi teir ongan enda fingið, og roynt varð eisini at klappa fyri einum eykalagi. Tað eydnaðist tó ikki hesu ferð. Samanumtikið var talan um eitt sera væl eydnað tiltak, sum uttan iva nógv orka hevur verið løgd í. Til- takið var framúr væl skip- að, og samanspælið millum leikarar bæði úr Havnini og Klaksvík var av tí allar- besta. Hetta var triðju ferð síðan 1991, at skipað hevur verið fyri útisjónleiki á ólavsøku. Hinar báðar ferðirnar var leikurin eisini sera væl eydnaður, men hesu ferð var talan also um eina brakandi succes. Útisjónleikur setti serligan dám á ólavsøkudag Mynd: Finnur Justinussen C M Y K 16