mikudagur 7. august 2002síða 7

12 Nr. 148 - 7. august 2002 Nr. 148 - 7. august 2002 13 UTTAN ÚR HEIMI FBI nýtir nú blóð- hundar í arbeiðinum at finna mannin, sum í fjør sendi fleiri brøv við miltbrandspor- um. Tað hevur givið úrslit. USA Árni Joensen: Til tess at venja hundarnar hevur løgreglan nýtt milt- brandbrøv, sum senatorarn- ir Tom Daschle og Patrick Leahy fingi seinasta heyst. Eftir at hundarnir høvdu vant seg við, hvat tað var, sum teir skuldu leita eftir, hevur løgreglan latið teir kannað bústaðin hjá fólki, sum hava verið undir illgruna fyri at hava sent brøvini. M. a. vísti tað seg, at hundarnir gjørdust frá sær sjálvum, tá teir kann- aðu íbúðina hjá einum manni, sum hevur arbeitt á einari granskingarstøð hjá amerikanska herinum. FBI hevur hildið eygað við manninum seinastu mánaðarnar, men ein tals- maður hjá løgregluni sigur, at teir kunnu ikki skuldseta mannin, tí teir hava ikki tey neyðugu prógvini ímóti honum. Sum skilst hevur FBI illgruna til tólv persónar í sambandi við miltbrand- brøvini. Ísraelski herurin hevur avbyrgt alt tað norðara økið á Vestara Áarbakka, men ísraelsmenn sjálvir leggja ikki í tiltøk, sum ikki tryggja frið kortini MIÐEYSTUR Árni Joensen: Í einari roynd at forða palestinskum yvirgangs- monnum at søkja at málum í Ísrael hevur stjórnin givið herinum boð um at byrgja allan tann norðara partin av Vestara Áarbakka av. Men minni enn so allir ísraelsmenn taka undir við hesum politikkinum og vísa á, at Ariel Sharon, forsætis- ráðharri hevur framvegis ikki megnað at halda tað vallyftið um, at tað skal vera trygt at búgva í Ísrael. Tað var hetta lyftið, sum á sinni tryggjaði honum for- sætisráðharrasessin. Sunnudagurin var enn eitt prógv um, at politikkur- in er miseydnaður. Tann dagin doyðu tólv fólk í atsóknum, og nú krevur størsta ísraelska blaðið eina frágreiðing frá Sharon. Blaðið nevnir, at tá Ísrael misti tólv hermenn í bar- daga í Libanon, læsti táver- andi forsætisráðharrin, Menachem Begin, seg inni í húsum sínum. – Ariel Sharon, maðurin, sum gav okkum tey tómu lyftini um at tryggja frið í okkara heimum, gøtum, skúlum og bussum, læsir seg ikki inni, tí hann skammast ikki. Hann greið- ir heldur ikki fólkinum frá sínum gerðum og mistøk- um. Hann heldur fram, sum hann er vanur at gera, skrivar Amnon Dankner, blaðstjóri í blaðnum Maariv. Sum eitt dømi um poli- tikkin hjá stjórnini nevnir blaðið avgerðina at byggja ein trygdarmúr millum Ísrael og Vestara Áarbakka. Blaðið vísir á, at soleiðis sum arbeiðið nú gongur, fer tað at taka 40 ár at byggja múrin. Tikið bumbumenn – Vit hava avbyrgt alt Samaria. Eingin sleppur inn hagar, og eingin sleppur út haðani, segði Benyamin Ben-Eliezer, verjumálaráð- harri mánadagin. Hetta merkir, at palestinararnir sleppa ikki at ferðast mill- um býir so sum Nablus, Jenin, Qalqilya, Tulkarem og Ramallah. Samstundis er syðri partur av Gaza- geiranum avbyrgdur. Benyamin Ben-Eliezer upplýsti samstundis, at ísraelski herurin hevur tikið 140 palestinar, sum høvdu sagt seg vera sinnaðar at fara til Ísraels sum sjálv- morðsbumbumenn. Verjumálaráðharrin fanst at teimum, sum siga, at trygdarpolitikkurin hjá stjórnini er miseydnaður. Hann segði, at trygdar- deildirnar hava forðað fyri 90 prosentum av teimum yvirgangsatsóknunum, sum palestinar høvdu ætlað at fremja. Krevur afturtøku Samstundis krevur ST-aðal- fundurin, sum Ísrael skal taka seg aftur av teimum hersettu palestinsku økjun- um beinanvegin, soleiðis at markið verður tað, sum tað var, áðrenn ófriðurin brast á í september í 2000. 114 limalond atkvøddu fyri kravinum, fýra lond at kvøddu ímóti, og ellivu atkvøddu ikki. Tað vóru ES og palest- inska umboðið, sum orðaðu uppskotið. Orðaljóðið var ikki so hvast, sum tað mangan hevur verið, tá tað snýr seg um Ísrael, men úr New Yortk verður sagt, at palestinar mæltu til eitt veikari orðalag fyri at fáa sum flerst lond at atkvøða fyri kravinum. Túsundtals spaniu- menn fylgdu seks ára gomlu Silviu og 57 ára gamloa Cacilio Gallego til gravar. Tey bæði doyðu, tá ein bumba hjá baskiska felagsskapinum ETA brast í býnum Santa Pola. YVIRGANGUR Árni Joensen: Tey bæði fóru til gravar úr einari kirkju stutt frá bumbustaðnum. Millum teirra, sum vóru komin at fylgja, var spanski forsætis- ráðharrin, Jose Maria Aznar, og tað var týðiligt, at hann var ávirkaður av til- burðinum. Uttan fyri kirkjuna mót- mæltu fólk tí áhaldandi harðskapinum hjá ETA, og fleiri teirra róptu rakstrar- róp eftir felagsskapinum og leiðarum teirra. Tilburðurin í Santa Pola hevur vakt stóran ans um alt Spania, og almenn um- boð úr øllum landinum vóru komin at fylgja. Tað bar eisini í sær, at trygdar- tiltøkini vóru sera umfat- andi. Enn hava myndugleik- arnir ikki upplýst, hvør tann seks ára gamla gentan var. Hon verður bert umrødd sum Silvia, og eyg- leiðarar í Madrid ivast ikki í, at hon verður ein ímynd av harðskapinum hjá bask- isku loysingarmonnunum. Sum er hevur ETA lítlan stuðul í spanska fólkinum, og tilburðurin í Santa Pola fer at hava við sær, at við- haldsfólkini hjá ETA fara at fækka uppaftur meiri í komandi tíð. Misnøgdir ísraelsmenn krevja svar frá Sharon Nógvir ísraelsmenn halda politikkin hjá stjórnini vera skeivan og vilja hava eina frágreiðing frá Ariel Sharon, forsætisráðharra, sum her er avmyndaður saman við Shimon Peres, uttanríkisráðharra. Nú er nóg mikið! Blóðhundar leita eftir brævsendara C M Y K 13 12