leygardagur 10. august 2002síða 3

4 Nr. 151 - 10. august 2002 Nr. 151 - 10. august 2002 5 NS Open rógvikapping verður í septembur Nevndin í Klaksvíkar Róðrarfelag hevði fund týskvøldið og á fundinum bleiv av- gjørt, at innandura kappingin skal verða leygardagin 21. sep- tembur, og sum navn- ið sigur, so kann ein og hvør luttaka KAPPRÓÐUR Solby A. Eliasen Klaksvík: NS Open inn- andura rógvikappingin er tann fyrsta av sínum slagi nakrantíð í Føroyum, og nevndin í Klaksvíkar Róðr- arfelag vónar, at undirtøkan fyri henni verður góð. - Nú er hetta fyrstu ferð, at tað verður skipað fyri eini tílíkari kapping, so hetta verður allarhelst sum ein frumframførsla, har væntast kann, at onkrir feil- ir verða og byrjunartrupul- leikar. Men tað kunna vit so vónandi læra av og harvið bøta um, tá ella um vit fara at skipa fyri eini Føroya- meistarakapping í innan- dura rógving. Hetta sigur Kristian Eli Zachariassen, formaður í Klaksvíkar Róðrarfelag. Hann leggur afturat, at um hendan kappingin eydnast væl, so verður tað avgjørt skipað fyri eini føroya- meistarakapping í innan- dura rógving. Hann heldur, at ein før- oyameistarakapping í rógv- ing á maskinum kann verða við til at halda lív í kapp- róðrinum í vetrarhálvuni eisini, tí sum er, er kapp- róðurin ein summarítróttar- grein, sum ikki er nógv at hoyra til um veturin. Hóast mong feløg byrja rættiliga tíðliga at venja til summar- ið. Kappingin Eftir at hava kannað nøkur viðurskifti um, hvussu ein tílík kapping verður skipað uttanlanda, so hevur nevnd- in avgjørt, at luttakararnir í kappingini verða býttir í seks bólkar. Ein verður fyri gentur undir 18 og ein fyri dreingir undir 18. Tey yvir 18 ár verða bólkað í tveir vektar- bólkar í sama kyni. Tað vil siga kvinnur lættvekt og tungvekt og tað sama fyri menn. Vektarmarkið er fyri kvinnur 61,5 kilo, meðan tað fyri menn er 75 kilo. Tað vil siga, at um ein kvinna vigar 61,5 kilo ella minni, so hoyrir hon til lættvekt. Kristian Eli sigur, at hvussu longi kappingin kemur at vara henda leygar- dagin, veldst fyri tað fyrsta um, hvussu nógvir luttakar- ar verða. Felagið hevur sett eitt minsta mark upp á tríggja luttakarar í hvørjum bólki. Um tað verða færri enn tað, so verður tað ikki róð í tí bólkinum. Luttakararnir koma at rógva 2.000 metrar eina- ferð upp á tíð, og tann besti vinnur. Ein rógvari ger sum hann vil, hvar hann stillar mótstandin á maskinuni, tað veri seg lágt ella høgt ella bara í miðjuni. Men ein rógvari kann ikki broyta mótstandin eftir, at hann er byrjaður at rógva. Rógvimaskinurnar, sum talan er um, eru tær so væl- kendu Concept 2 rógvi- maskinurnar, sum fleiri og fleiri róðrarfeløg í landi- num hava útvegað sær sein- astu árini. Kristian Eli sigur, at hon- um vitandi, so eru tað sjey feløg í landinum, sum hava Concept 2 maskinur, og skuldi tað kunnað givið eina rímuliga góða og breiða undirtøku til kapp- ingina. - Fyribils hava vit av- gjørt, at kappingin skal verða í venjingarhølunum her í neystinum, men um tað verða ov nógvir luttak- arar, so hava vit møguleika til at flyta kappingina niðan í fimleikarhøllina, greiðir hann frá. Hann sigur, at eitt tíð- indaskriv verður orðað fyrsta dagin, og lagt út á heimasíðuna hjá Klaksvík- ar Róðrarfelag og tað verð- ur eisini sent út til fjølmiðl- arnar. Í tíðindaskrivinum fara allir upplýsningarnir um kappingina at standa. Tað vil siga, nær og hvar ein kann tekna seg, evsta mark fyri tilmelding, kostnaður og annað tílíkt, sum ein lut- takari hevur brúk fyri at vita. Tað fer at bera til at tekna seg umvegis teldubræv til Klaksvíkar Róðrarfelag og so eisini hjá tveimum av nevndarlimunum. NS Open Kappingin ber heiti NS Op- en. Norðoya Sparikassi er høvuðstuðul í kappingini. Og tey, sum gera seg gald- andi í kappingini fara ikki tómhent heimaftur. Numm- ar eitt, tvey og trý í hvørj- um bólki fáa heiðursmerkir, umframt at vinnarin í hvørjum bólki fær 1.000 krónur. - Hetta er gjørt fyri, at tað skal verða okkurt serligt til vinnaran. Og tað er ongin loyna, at hetta møguliga kann føra við sær, at kapp- ingin verður sera hørð og harvið enn meiri spenn- andi, heldur Kristian Eli, sum at enda leggur afturat, at Klaksvíkar Róðrarfelag vónar, at rógvarar kring landið fara at taka væl und- ir við tí fyrstu innandura rógvikappingini av hesum slagi her á Føroya landi. Innandura rógvikappingin, sum Klaksvíkar Róðrarfelag skipar fyri verður leygardagin 21. septembur Mynd: KRF Sannur stevnuhýrur valdaði eina løtu í Klaksvík hóskvøldið, tá manningarnar á seksmannaførunum og tíggjumannafør- unum hjá Aith Row- ing Club úr Hetlandi og Klaksvíkar Róðr- arfelag róðu kapp á 1.000 metrateininum í Klaksvík STUTTLEIKAKAPPING Solby A. Eliasen Klaksvík: Í allarfagrasta summarveðri fóru mann- ingarnar skúmandi inn eftir vágni, meðan mong fólk stóðu á keiunum báðu meg- in og hugdu at. Eisini mundu tað vera mong, sum hugdu at kappróðrinum út gjøgnum vindeyguni hetta kvøldið. Fyrst róðu seksmanna- førini við monnum. Het- lendingarnir høvdu tvær mannfólkamanningar, so nakrir av manningini á Klaksvíkingi róðu fyrst við Páll Fanga, so at báðar manningarnar hjá Aith kundu fáa høvi til at rógva. Páll Fangi við Klaksvík- ingamanningini vann tann fyrsta róðurin, meðan tann hetlendska manningin vann á Páll Fanga monnunum, sum róðu beint aftan á hin- ar. Síðani róðu kvinnurnar á seksmannaførunum og vunnu Klaksvíkskvinnur- nar hendan róðurin. Seks- mannafarið hjá hetlending- unum eitur Rippek. Hann líkist ikki serliga nógv ein- um føroyskum seksmanna- fari. At enda róðu so tíggju- mannaførini. Tann nýggi Klaksvíkingur móti tí gamla, sum í dag ber navn- ið Svartbakur. Klaksvíking- ur vann hendan róðurin. Nógvir bátar stimaðu aft- an á bátunum, meðan teir róðu kapp. Sjálvt skúla- skipið Dragin sigldi aftur og fram millum róðrarnar. Hetta gav eitt gott høvi til at fylgja øllum róðrunum. Tað var, sum sagt, heilt fitt av fólki savnað til at hyggja eftir kappróðrinum, og onkur helt skemtandi fyri, at Klaksvíkar Róðrar- felag átti at kravt inn, tí so høvdu tey fingið meira pengar inn enn á Norðoya- stevnu í ár. Tí, sum fólk flest minnast, so var veðrið Norðoyastevnuaftan í ár út av lagi vánaligt við nógv- um vindi og regni. Eftir kappróðurin savn- aðust rógvararnir og onnur til eina lítla hugnaløtu í neystinum hjá Klaksvíkar Róðrarfelag til eitt kapp- róðrarprát. Vónin hjá báðum feløg- unum er, at tað kann fara at verða samband millum tey, so limirnir kanska kunnu vitja hvønn annan í fram- tíðini. Stevnuhýrur í Klaksvík hóskvøldið Hetlendingar draga her tíggjumannafarið Svartbakur upp á land eftir venjing hósdagin á middegi C M Y K 5 4 Eftir at býráðið hevur samtykt broytingar í byggisamtyktini fyri økið úti á Reyni í Havn, er eigarin av teimum nógv umtalaðu sethúsunum, sum standa á eini neystagrund, aftur farin til verka. Jan Christiansen, borgarstjóri, fegnast um, at samtyktin nú endaliga er broytt, og at fólk kunnu seta búgv í økinum BYGGING Stefan í Skorini Menn eru nú aftur farnir í gongd við at byggja eini sethús á eini neystagrund úti í Bakka. Hetta er eitt ár eftir, at farið varð undir byggingina upprunaliga. Ein klaga frá grannum hevði við sær, at byggingin steðgaði, men nú er líkt til, at eigarin endiliga kann flyta inn í húsini. Arbeiðs- menn eru í øllum førum farnir undir at gera húsini liðug. Grannarnir vístu á, at hetta økið sambært byggi- samtyktini hjá Tórshavnar Býráð varð kannað almenn- um stovnum og skrivstov- um, og tí kundi býráðið ikki lata einum privatum persóni økið, so at hann kundi byggja sær eini sethús har. Býráðið vísti á, at tað hevði gjørt eitt smávegis undantak frá byggisam- tyktini, og tað var í lagi. Hesum vísti kommunu- deildin í landsstýrinum aftur og kravdi, at bygg- ingin skuldi steðga. Byggi- samtyktin fyri alt økið skuldi broytast, um bygg- ingin skuldi halda fram, segði kommunudeildin. Fútabann varð síðani sett ímóti byggingini. Endin var, at Johan Mac Donald, eigarin av húsunum, var stevndur fyri rættin av bý- ráðnum, sum sjálvt hevði givið honum loyvi at byrja við. Endamálið var at steðga byggingini. Broytt samtykt Nú hevur Tórshavnar Bý- ráð endiliga broytt byggi- samtyktina fyri økið, og tí hevur eigarin fingið loyvi aftur at fara í gongd við at byggja. – Maðurin hevur fingið loyvi at fara í gongd aftur, og landsstýrið hevur eisini góðkent broytingina í sam- tyktini, sigur Jan Christian- sen, borgarstjóri. Hann fegnast samstundis um, at samtyktin er broytt, so at fólk eisini fáa møgu- leika at seta búgv í økinum. Broytingin í samtyktini sigur, at økið C4, har neystagrundin liggur, nú eisini kann fevna um bú- staðarendamál. Jan Christiansen sigur, at broytingin í samtyktini hevur ligið frammi til hoyr- ingar hjá almenninginum, og at býráðið ikki fekk nakra beinleiðis klagu um tær. Tó fekk býráðið nakrar viðmerkingar frá grannum í økinum. Hann vísir á, at málið hevur tikið ómetaliga langa tíð, og tað er sera harmiligt. – Ætlanin hjá okkum hevur allatíðina verið, at fáa fólk út í hatta økið at búgva, og tí er tað gott, at vit hava fingið broytt sam- tyktina, sigur borgarstjórin. Sethúsini úti í Bakka: Byggingin farin í gongd aftur 39 ára gamli maðurin, sum leygardagin 13. juli hótti løgreglumenn við eini byrsu, skal fyri rættin fríggjadagin 16. august RÆTTARMÁL Stefan í Skorini 39 ára gamli maðurin hev- ur í samráð við sakførara sín góðtikið, at varðhalds- fongslingin av honum verður longd til fríggja- dagin 16. august. Varðhaldsfongslingin var annars úti í gjár, fríggjadagin, men av tí at kanningararbeiðið hjá løg- regluni framvegis ikki er liðugt, er neyðugt at hava mannin sitandi í arrestini í eina viku afturat. Hetta góðtók maðurin uttan at fara í rættin fyri at mótmæla varðhaldsfongs- lingini. Skotið móti løgregluni Tað var leygardagin 13. juli, at maðurin ringdi til vakthavandi á politi- støðini. Hann hótti við at skjóta eftir fólki í granna- lagnum og at taka lívið av sær sjálvum. Maðurin var ávirkaður av rúsdrekka, tá hendingin fór fram. Tá løgreglumenn komu á staðið, hótti maðurin við byrsuni, hann hevði í hondini. Hann skal sam- bært ákæruritinum hava latið skot av móti polit- inum. Maðurin er ákærdur fyri tvey brot á grein 252 í revsilógini, tí hann hevur sett lívið hjá fólki í grannalagnum í vága við at hótta við byrsu. Harumframt er hann ákærdur fyri at hava hótt løgreglumenn í tænastu og at hava latið skot av ímóti teimum. Maðurin noktar seg sek- an í ákærunum, tí hann sigur seg ikki minnast, hvat fór fram henda dagin. Løgtingið hevur møguleika sambært grein 19 í stýrisskipanarlógini at seta eina nevnd av tingmonnum at kanna viðurskiftini viðvíkjandi Anfinn Kallsberg og Frostvirkinum til botns LØGMANSMÁLIÐ Eirikur Lindenskov Hóast málið um peninga- flytingarnar hjá Anfinn Kallsberg langt síðani er fyrnað, og tí ikki verður tikið upp sum politimál, so eru ikki allar súður syftar enn. Løgtingið hevur sambært grein 19 í stýrisskipanar- lógini møguleika at seta nevnd »av tingmonnum at kanna alment umvarðandi mál«, sum skrivað stendur í grein 19 í stýriskipanarlóg- in. Víðari stendur, at »nevndirnar hava rætt at krevja skrivligar ella munn- ligar upplýsingar frá ein- skildum borgarum eins væl og frá almennum embætis- monnum«. Ger løgtingið av at seta slíka nevnd, so kann mis- tankin, sum reistur er um flytingarnar hjá Anfinn Kallsberg greiðast einaferð med alla. Sosialurin hevur spurt Tórbjørn Jacobsen, sum hann fer at skjóta upp fyri tinginum at seta slíka nevnd. – Hatta hava vit ikki við- gjørt, men kemur eitt slíkt uppskot fram á ting, so fari eg sjálvandi at atkvøða fyri tí, og tað vænti eg eisini, at allir hinir tingmenninir gera, sigur Tórbjørn Jacob- sen. Tjóðveldistingmaðurin heldur, at tá ivi verður reist- ur um habilitetin hjá fólki í landsins hægstu sessum, so eigur tað at verða viðgjørt og avgreitt. – Fólkið hevur krav upp á at fáa at vita, hvør tað er, sum stýrir landinum, sigur hann. Um stríðið millum seg og løgmann sigur Tórbjørn Jacobsen seg harmast um, at løgmaður brúkti løg- mansembætið at verja seg við. – Málið var eitt persón- ligt stríð millum meg og løgmann – og Jørgen Nicla- sen, sum kortini kom eitt sindur í bakgrundina. Men løgmaður brúkti løg- manssessin til at taka alla samgonguna sum gísla við at siga, at hetta var eitt álop á løgmansembætið. Tað var tað als ikki talan um, sigur Tórbjørn Jacobsen. Hann heldur, at løgmaður sambært stýrisskipanini hevur alt ov stórt vald. – Hvat skuldi eg sum einsamallur tingmaður gera, tá løgmaður á henda hátt ger eitt persónsmál politiskt og tekur alla sam- gonguna sum gísla? Vit høvdu júst gjørt eina nýggja samgongu, og hana vildi eg sjálvandi ikki offra, sigur hann. Verður uppskot lagt fram á ting, so er hugsandi, at tað verður samtykt. Javnaðar- flokkurin og Sambands- flokkurin hava sagt, at mál- ið eigur at verða loyst. Tek- ur Tjóðveldisflokkurin undir við at seta eina grein 19 nevnd, so verður málið helst samtykt – og so fæst greiða á, um løgmaður gjørdi nakað skeivt, tá hann flutti pengar frá Frostvirk- inum til egnu feløg síni. Byrsumaðurin á Sundsvegnum: Fongslingin longd Menn eru aftur farnir til verka at gera nógv umtalaðu sethúsini úti í Bakka úti á Reyni í Havn liðug. Eitt ár er liðið, síðan farið varð undir at byggja hesi sethúsini Grein 19 nevnd kann kanna pengaflytingarnar hjá Anfinn Kallsberg: Tingið kann avgera lagnu løgmans Maðurin, sum leygardagin 13. juli hótt løgregluna við eini byrsu, skal fyri rættin fríggjadagin 16. august, og tá hevur maðurin sitið í fongsli í meira enn ein mánað Við eini grein 19 nevnd ber til hjá løgtinginum at koma til bonts við skuldsetingun- um, sum Tórbjørn Jaobcsen reisti móti løgmanni um pengaflytingar hjá Frost- virkinum