leygardagur 17. august 2002síða 4

6 Nr. 156 - 17. august 2002 Nr. 156 - 17. august 2002 7 Tilboðini uppá busskoyringina í Tórshavnar Komm- unu eru komin inn, og nú skal ein nevnd meta, hvat tilboð er hitt besta. Eftir ætlan byrjar busskoyringin eftir nýggja leistinum í februar 2003 BUSSLEIÐIN Heri á Rógvi Hósdagin 15. august 2002 kl. 13.00 vórðu tilboðini uppá busskoyringina í Tórshavnar kommunu latin upp. 13 høvdu biðið um tilfar, harav bjóðaðu 7 uppá alla, ella partar av busskoyringini. Við verandi skipan eru tað fýra veitarar, sum røkja bussleiðina fyri kommunan, og hesir hava verið teir somu síðani bussleiðin byrjaði at virka fyrst í áttatiárunum. Sáttmálin er endurnýggjaður á hvørjum árið. Netto kostar tað Tórshavnar býráð ellivu milliónir um árið at reka bussleiðini. Brutto er kostnaðurin 14 mió, har tríggjar milliónir eru inntøka av billettum . Eftir tilboðunum at døma, so kann hetta við busskoyring gerast bíligari í Havnini. Innkomnu tilboðini vóru millum 6,2 milliónir og 11,9 milliónir um árið, uttan mvg. Tilboðini vóru eitt sindur ymisk, har onkur bjóðaði uppá allar leiðirnar, og onkur bjóðaði uppá eina ella fleiri. Tey, ið bjóðaðu vóru: Smápartafelag undir stovnan v/Una Mortensen, Sp/f Gundurs Bussar, Sp/f Gundurs og P/f Gunnleifs bussar, Bergur Johannesen, Smápartafelag undir stovnan Hallurs bussar, Sp/f ABS-Transport v/Olaf Andreassen og P/f Mouritsens Bussar. Bogi Haraldsen á teknisku deild hjá Tórshavnar kommunu, sigur, at henda nýggja skipanin væntandi verður munandi lættari at samskipa í framtíðini. Veitararnir fáa eitt gjald fyri teir tímar, teir koyra, og býráðið fær allar inntøkurnar frá koyringini. Kommunan ætlar eisini at seta eina nýggja billett- skipan í nýtslu, ið skal vera meira modernað og elektronisk. Jan Christiansen segði í sambandi við útbjóðingina, at tað ikki hevði størstan týdning at gera leiðirnar bíligari, men heldur at borgararnir fingu eina betri tænastu. Millum annað varð sett fram sum krav, at bussarnir skulu vera nýggir og lágir, soleiðis at lætt er at koma í og úr bussunum. Eisini er tað ein spurningur um at plasera ábyrgd. Áður hevur tað verið rættiliga torført hjá kommununi at halda skil, hvør átti ábyrgdini, um okkurt óregluligt skuldi stungið seg upp, men nú verður eitt greitt ábyrgdarbýti sett upp. Talan verður í framtíðini um fýra leiðir í Havn. Afturat hesum verður so eisini ein skúlaleið og ein leið, ið umfatar Kollafjørð og Kaldbak. Tað verður framvegis ein hálvur tími millum fráferðirnar hjá bussunum um dagarnar, men um kvøldið verður ein tími ímillum. Enn er ikki gjørt av, um koyrt verður sunnudagar og seint leygarkvøld. Onkur hevur eisini tikið hesar koyringar við í sítt tilboð, men onkur hevur ikki tikið hetta við. Bogi Haraldsen sigur, at teir, tá tilfarið er viðgjørt, væntandi fara at tosa nærri við tann, ið skal koyra, um prísir fyri at koyra seint leygarkvøld og sunnudag. Orsøkin til, at kommunan ikki er so áhugað fyri at koyra sunnudag er tann, at so ógvuliga fá fólk nýta bussleiðin sum er hendan dagin. Talan er um millum 60 og 100 fólk, ið vanliga ferðast við bussleiðini sunnudagar. Ein nevnd, ið býráðið setir, fer nú at taka støðu til tilboðini. Eitt tilmæli verður væntandi lagt fyri teknisku nevnd, og síðani verður tað býráðið, ið fer at taka støðu til málið. Keypa bussarnar Av teimum fýra verandi veitarunum valdur bert tveir teirra at bjóða uppá bussleiðin í hesum nýggja útbjóðingarumfarinum. Talan er um Bláhamars bussar og AB-Bussar, sum ikki valdu at bjóða uppá bussarnar hesaferð. Bogi Haraldsen sigur, at kommunan fer at keypa allar bussarnar, ið verða nýttir til býarbusskoyring sum er. Ætlanin er so, at teir komandi veitararnir skulu keypa bussarnar aftur frá kommununi fyri sama prís, ið kommunan keypti teir fyri. Hetta verður gjørt fyri ikki at koma nøkrum í óføri orsakað av nýggju bussskipanini. Bussleiðin gjøgnum kvørnina Tað vera framvegis teir reyðu bussarnir, sum fara at koyra fólk runt í høvuðsstaðnum. Áhugin fyri at veita hesa tænastu fyri kommununa er stórur. Mynd: Finnur Justinussen. Nú fer megintiltakið á Listastevnu Føroya av bakkastokki. Talan er sam- stundis um tøkniliga mest krevjandi tiltakið í skjótt tjúgu ára søgu Norður- landahúsins. Tað er fram- førslan »Edda – feigdar- gullið«, sum Sequentia framførir leygarkvøldið og sunnukvøldið. Í sambandi við sýningina er m.a. nýtt gólv lagt á í Høllini í Norð- urlandahúsinum, tí skinn- arar og altskyns tøkni skal festast og leggjast niður í gólvið. Havnar Timbur- handil hevur latið tilfarið ti l nýggja gólvið, sum Birgir Sondum og hansara menn hava lagt á. Eisini verður hópin av serstakari ljós- og ljóðútgerð nýtt til fram- førsluna. Ljósmaður í Norðurlandahúsinum er Zacharias Guttesen, meðan Óla Jákup í Dímun er ljóð- maðurin. Edda – endabresturin Edda verður stóri endabresturin á ársins Listastevnu Ferðavinnan samlar træðrirnar Skulu vit menna ferðavinnuna enn meira, so er neyðugt at fólk í vinnuni hitt- ast fyri at práta sam- an. Tað sigur Heri Niclasen, stjóri á Ferðaráðnum, nú Ferðaráðið á øðrum sinni skipar fyri verk- stovu fyri føroysku ferðavinnuna FERÐAVINNA Orð: Jón Brian Hvidtfeldt Myndir: Finnur Justinussen Umleið 40 fólk, umboðandi føroysku ferðavinnuna, hittust fríggjadagin á Hotel Føroyum til eina verkstovu. Endamálið er at samla træðrirnar, nú vinnan fyri- reikar seg til at taka ímóti ferðafólki næsta ár. - Vit meta, at besti háttur at knýta ymsu partarnar í føroysku ferðavinnuni tætt- ari at hvørjum øðrum, er at skipa fyri einum tílíkum degi, sigur Heri Niclasen, stjóri á Ferðaráð Føroya. Dagarnar 11. og 12. sep- tember verður stóra ferða- vinnustevnan West Norten Travel Mart í Íslandi, og verkstovan er ein liður í fyrireikingunum til stevn- una. Gistingarhús, fyriskip- arar av útferðum, flutnings- feløg og onnur hava her møguleika at vísa fram og selja sína vøru til teir før- oysku ferðasmiðirnar, sum í næsta mánað fara til Ís- lands at selja Føroyar sum ferðamannaland. Ferða- smiðirnir eru tey, sum smíðja og selja lidnar »pakkatúrar«, har útlendsk ferðafólk keypa ferðina, uppihald og útferðir, áðr- enn tey fara heimanifrá. Databasi skal loysa gist- ingartrupulleikan Størsti trupulleikin hjá føroysku ferðavinnuni er framvegis tey alt ov fáu gistingarplássini, serliga í høvuðsstaðarøkinum. Heri Niclasen sigur, at Ferðaráð- ið kundi hugsað sær, at øll gistingarpláss í landinum, bæði á gistingarhúsum og eisini í summarhúsum og líknandi, vóru savnað í ein stóran felags databasa hjá vinnuni. So bar altíð til, eitt nú hjá ferðasmiðjunum, at síggja, hvar gistingarpláss eru tøk. Eisini hevði tað lætt munandi um tað tíðum tunga samskifti, tá fólk skulu ringja aftur og fram upp til fleiri ferðir, fyri at finna út av, um t.d. nakað hús er tøkt at leiga í Sand- oynni, vísir Heri Niclasen á. Hann metir, at ein tílíkur databasi hevði kostað um- leið 300.000 krónur at gjørt. Ferðaráðið fer tó ikki skjálvt undir at gera arbeið- ið, tí initiativið má koma frá sjálvari vinnuni, sigur Heri Niclasen. - Tí ynskir vinnan ikki av fullum huga ein tílíkan databasa, so fæst hann ikki at virka eftir ætlan. Leiklut- urin hjá Ferðaráðnum kundi, sum ein óheftur stovnum innan ferðavinn- una, verið at umsitið data- basan, sigur Heri Niclasen. Hann metir, at tað eigur at bera til at fáa fígging úr eitt nú Vinnuframagrunninum til at gera databasan. Ferðaráðið samstarva við Hagstovuna Undanfarin ár hevur Born- holms Forskningscenter gjørt kanningar og meting- ar fyri Ferðaráðið av, hvussu nógv ferðafólk koma til Føroya, hvaðan tey koma, hvat tey leggja eftir seg, o.s.fr. Men nú ætlar Ferðaráðið at samstarva við Hagstovuna, sum so skal fáa upplýsingarnar til vega. Upplýsingarnar hava stóran týdning, tá Føroyar skulu marknaðarførast sum ferðamannaland uttan- landa, umframt at tær kunnu virka sum eitt baro- metur fyri, hvat vinnan kastar av sær til føroyska samfelagið. Fiskiheimasíða, gongu- og súkklutúrar Ferðaráðið fer næsta ár at royna at bøta um umstøður- nar hjá ferðafólki, sum ynskja at royna seg við tráðuni á føroysku vøtnun- um og áunum, meðan tey vitja. Arbeitt verður í løtuni við at gera eina nýggja fiskiheimasíðu, sum er ser- liga ætlað stuttleikafiskar- um. Har skal bera til at finna upplýsingar um áir og vøtn, sum eru væl egnað til stuttleikafiskarí við tráðu, eins og til skal bera at finna allar praktiskar upplýsingar har, t.d. um hvussu ein sleppur á staðið og hvørji loyvi krevjast. Tveir nýggir faldarar skulu eisini gevast út áðr- enn næsta ferðamannaár byrjar. Annar er ein nýggur faldari, sum greiðir frá gongutúrum kring alt land- ið. Faldarin kemur í staðin fyri fimm gamlar faldarar, sum hvør í sínum lagi lýsa túrar í ymsum pørtum av landinum. Hin nýggi fald- arin vísir á ymiskar súkklu- túrar, sum ferðamaðurin kann royna. Væntar at árið fer at hilnast væl Hóast tað enn er ov tíðliga at seta tal á, hvussu nógv ferðafólk leggja leiðina til Føroya í ár, so metir stjórin á Ferðaráðnum, at árið fer at hilnast væl. - Fólk í vinnuni, sum eg havi tosað við, lata sum heild væl at árinum, sigur Heri Niclasen. Um 40 fólk úr ferðavinnuni vóru savnað til verkstovu á Hotel Føroyum fríggjadagin Á verkstovuni høvdu ymsu partarnir í ferðavinnuni høvi at hitta hvønn annan Heri Niclasen, stjóri á Ferðaráð Føroya C M Y K 7 6