mikudagur 21. august 2002síða 8

Nr. 158 - 21. august 2002 15 14 Nr. 158 - 21. august 2002 SKÚLAGONGD Ingrid Bjarnastein Argir: Sólin hevur hug at kaga fram og veðrið er heilt gott úti á Argjum henda týsmorgunin. Hesin týs- morgun, sum helst er sum allir vanligir týsmorgnar hjá flestu føroyingum, er fyrsti skúladagur hjá 10. flokki í Argja skúla hetta skúlaárið. Fyrsti skúladag- ur fyri 10. ferð er nú heldur ikki nakað serligt í sær sjálvum, men hesuferð er fyrsti skúladagur ikki í sjálvum Argja skúla, sum hann hevur verið øll hini níggju árini. Í ár savnast næmingarnir aftur aftan á summarsteðgin í Róðrar- neystinum á Argjum. Og her skulu tey húsast inn til okkurt betri er funnið til teirra. Teir eru í góðum lag, hó- ast alt – næmingarnir. Ikki síggja tey nývaknað út heldur. Kanska tað góða veðrið spælir sín leiklut her. Nøkur standa uttanfyri, og í gongini eru eisini nøk- ur. Inni í stóra salinum í neystinum, sum nú átti at verið kallað skúlastova, sita nakrir næmingar. Onkur teirra etur, onkur situr og bíðar. Tey práta saman. Týðiliga sæst tó, at hetta ikki er nøkur skúlastova. Skúlaborðini eru gott nokk sett upp, sum um hetta var ein skúlastova, og ein held- ur ússalig lítil talva stendur fremst við lærarapultin. Farið verður upp ígjøgn- um trappurnar. Har standa nakrar grønar sofur. Tær eru fullar av ungdómi. Út- sýnið er gott – um ikki ann- að. Frá lítla loftinum sæst útyvir alla Havnarvág og yvir alla Havnina. Ongar teldur Uppi á loftinum sita næm- ingarnir og práta. Teir hug- na sær rættiliga. Kanska kann tað tykjast sum ein fyrimunur hóast alt, at vera sloppin undan øllum resi- num yviri á skúlanum. Øll- um buldrinum av hinum næmingunum. Eini 15 eru tey, sum sita á loftinum. Tosað verður nógv saman. Um arbeiði, klæðir, um nýggju hølini. Spurd um, hvussu tað er at vera í neystinum, siga tey fyrst, at tað er eitt sindur ringt at siga, tí hetta er jú fyrsti skúladagur hjá teim- um. – Men tað er eitt sindur rotið, siga tey. – Her er onki sjónvarp, ongar teldur, onki køliskáp, ongin ghettoblastari. Hetta eru ikki júst umstøður til skúla, halda tey. Næmingarnir nevna eis- ini, at yviri í skúlanum hava tey júst fingið nýggj borð, sum eru góð fyri ryggin, og yviri í neystinum, standa gomlu og vrakaðu skúla- borðini. – Fyri at vit skulu tíma at vera her, so mugu vit altso fáa eitt sjónvarp og ein ghettoblastara, siga tey. – Og eitt køliskáp!, er onkur skjótur at leggja afturat. Umstøðurnar eru ikki tipp-topp, men hóast alt, so lata tey ikki so heilt illa at. – Her verður kanska eitt sindur einsligt í síðsta enda, tá ein bara sær tey somu fólkini alla tíðina, siga næmingarnir. – Ein verður kanska eitt sindur avbyrgd- ur frá øllum hinum, sum hendir á skúlanum. Men hóast alt, so vóru deildar meiningar um alt. Fleiri næmingar vóru hóast alt glaðir fyri at vera á neystinum. Mótmæla vilja tey heldur ikki. – Tað nyttar onki, tí tey lurta ikki eftir okkum alíka- væl, sigur onkur. Og so er onkur annar, sum heldur okkurt annað, og so í eina stutta tíð er ein lítil mála- geipan um hetta. Men hon endar skjótt, og evnið verð- ur skjótt okkurt annað – okkurt áhugaverdari. Ongin útgerð Mánakvøldið vóru borð og stólar fluttir yvir í neystið. Og tá næmingarnir komu í »skúla« týsmorgunin vóru borð, stólar, talva og lærara- pultur sett upp. Ongin onnur útgerð er til næmingarnar. Teldur eru ongar, sjónvarp er onki. Tímin eigur at byrja klokkan 9.40. Og klokkan, ja, hon er vorðin 9.50. Næmingarnir byrja at iv- ast, um lærarnir yvirhøvur fara at koma. – Heilt sikkurt teir hava gloymt okkum, tekur ein teirra til. Men nei. Næmingarnir eru ikki gloymdir kortini. Fimm minuttir seinni koma tveir lærarar. Tað sær út, sum rokning er á skránni. Við sær hava teir skúlabøk- ur til komandi skúlaárið. – Vit skulu fyrst plastað bøkurnar, sigur tann eini lærarin. – Hevur nakar ein saks? Men nei. Ongin hevði nakran saks. Og í slíkum føri ber ikki til at renna yvir í evningstovuna eftir einum saksi, tí ongin evningstova er til taks. Síðani vísti tað seg eisini, at heldur onki krit var. Og onki ruskílæt. Sjálvt um nógv rokilsi hevur verið burturúr neysti- num á Argjum, so tykist tað sum um næmingarnir fara undir nýggja skúlaárið við góðum treysti. Hvørki neyst, vantandi teldur, sjón- varp, ghettoblastari, køli- skáp ella nøkur kommuna, skal oyðileggja teimum seinasta skúlaárið við nógvum stuttligum uppliv- ilsum. Skúlanæmingar á neystarlofti: Vit vilja hava betri útgerð – Vit hava ikki ligið á lánið við Argja skúla, men tað vísir seg bara, at um vit skulu byggja allar skúlar- nar í kommununi út í senn, so kemur hetta at kosta okkum um 2-250 mió. krón- ur, og íløguloftið er á 70 mió., sigur Heðin Mortensen, for- maður í mentamála- nevndini í Tórshavnar Kommunu SKÚLAGONGD Ingrid Bjarnastein Vaksandi barnatal, stórur tørvur, prioriteringar, íløguloft. Ja, orðini eru havd á munni meira enn einaferð, og tað vísir seg at aftur hesuferð er hetta trupulleikin tá tað kemur til næmingarnar í Argja skúla. – Barnatalið er vaks- andi, og tá talan er um at nøkta ein tørv noyðist ein at gera prioriteringar, sig- ur Heðin Mortensen, for- maður í mentamálanevnd- ini hjá Tórshavnar Kom- munu. Kommunan hevur í seinastuni verið í holt við at umbyggja Kommunu- skúlan, umskipa Eystur- skúlan, skúlin í Hoyvík hevur eisini fingið ein bita av lagkøkuni, men pening- ur er rætt og slætt ikki til allar skúlarnar í kommun- uni. – Vit hava gjørt eina verkætlan fyri Argja skúla, har vit byggja gamla og nýggja skúla saman. Verk- ætlanin er eisini løgd fyri nevndina, ein kostnaðar- ætlan er gjørd, men íløgu- loftið forðar okkum í at fara víðari við málinum. Heðin Mortensen nevnir eisini frímerkjadeildina hjá Postverkinum, sum møguligan skúla. Hann heldur, at frímerkjadeildin hevði verið ein fín og virðilig loysn, og hon hevði samstundis gjørt, at ikki verður neyðugt at út- byggja sjálvan skúlan. – Frímerkjadeildina – tann bygningin høvdu vit kunnað keypt í morgin um tað skuldi verið, men hetta er ein umsitingarligur spurningur. Sum eg havi skilt, so er postverkið sinnað í at selja, men teir noyðast at fáa loyvi frá Landsstýrinum, greiðir Heðin Mortensen frá. Og sum er nú, so liggur málið parkerað úti í Vinnumálastýrinum. Um støðuna á Argjum sigur Heðin Mortensen, at hon er als ikki nóg góð. Men hvat konkret verð- ur gjørt í framtíðini er ilt at siga. Tað tykist, sum fyrst og fremst verður bíð- að eftir svarið frá Vinnu- málastýrinum. Tíverri var Bjarni Djur- holm staddur uttanlands við sløktari fartelefon, so tað hevur ikki eydnast okkum at fáa fatur á hon- um til eina viðmerking. Heðin Mortensen, mentamálanevndin: Frímerkjadeildin er ein góð loysn Skúlastjórin í Argja skúla, Marjun Holm, er sera kedd um vánaligu um- støðurnar skúlin bjóðar næming- unum. – Hetta er bara ein kreppu- loysn, men hvussu leingi næmingarnir skulu vera í neysti- num, veit eg ikki, sigur Marjun Holm SKÚLAGONGD Ingrid Bjarnastein Róðrarneystið á Argjum er langt frá nóg gott til at bjóða næmingunum. Og hetta er skúlastjórin í Argja skúla, Marjun Holm, væl varug við. – Eg veit ikki, hvussu leingi næmingarnir skulu vera í neystinum. Men róðrarneystið er langt frá nóg gott til teirra, sigur Marjun Holm, skúla- stjóri. Hon vísir á, at um kvøldið eru ymsir aktivi- tetir í neystinum, so borð, talvur og stólar mugu flytast yvir til síðu- na fyri at pláss skal vera fyri tiltøkunum. – Hetta er ein kreppu- loysn, onki annað. Hetta er ikki nakar nýggjur trupulleiki. Talan hevur verið um at byggja Argja skúla út síðani síðst í 80´unum, men arbeiðið kemur ikki víðari. Nú er tørvurin veruliga vorðin akuttur, og seinasta ár vóru tekningar og upp- skot gjørd fyri at byggja skúlan út, men vit koma ikki víðari. Tað vísir seg, at íløguloftið hjá kom- mununi er ein trupul- leiki, greiðir Marjun Holm frá. Tosað hevur eisini ver- ið um at keypa frímerkja- deildina hjá Postverki- num á Argjum, og gera hana til skúla, men held- ur ikki á hesum økinum eru hendar nakrar broyt- ingar. – Vit eru tvungin til at taka næmingar inn, og í løtuni er talið á 365. Lærararnir eru sjálvandi eisini misnøgdir við hesa loysnina, og vit eru eisini kedd av at skula bjóða næmingunum slíkar um- støður, sigur Marjun Holm at enda. Marjun Holm, skúlastjóri: Ein kreppuloysn Marjun Holm er kedd av, at skúlin skal bjóða næmingunum so vánaligar umstøður, men enn veit hon ikki, hvussu leingi næmingarnir skulu húsast í Róðrarneystinum á Argjum Savnsmynd Uppi yvir skúlastovuni standa nakrar sofur har næmingarnir kunnu sita og hugna sær í fríkorterinum Mynd: Finnur Justinussen Róðrarneystið á Argjum skal nú hýsa 29 næmingum í 10. flokki. Hetta eru næmingarnir ikki nakað serliga væl nøgdir við. Borðini eru gomul, talvan er lítil og ongin útgerð er í neystinum, so sum teldur, sjónvarp og annað Róðrarneystið á Argjum verður nú brúkt sum skúlastova hjá 10. flokki Mynd: Finnur Justinussen C M Y K 14