leygardagur 7. september 2002síða 7

12 Nr. 171 - 7. september 2002 Nr. 171 - 7. september 2002 13 Stígur er komin í føroyska búkapin, frættu vit í vikuni. Stjórin á Strandfaraskipum Landsins boðaði í einum fjølmiðli frá, at eingin vøkstur hevði verið síðani í vár. Hetta kemst óivað av, at farmaflutningurin er stagneraður, og fólk setast kanska aft- ur at ferðast. Eisini hava vit frætt, at ferðafólkatalið hjá flog- feløgunum er lækkað alt árið. Hetta sigur kanska ikki so nógv. Vit hava havt stóran vøkstur, og fyrr ella seinri steðgar vøksturin. Tað sigst, at lítið skal til, áðrenn tað sæst aftur á farmaflutninginum. Lækka inntøkurnar nakað, so keypa fólk minni. Men seinri í vikuni staðfestu Hagtíðindi, at fiskaprísurin er lækkaður munandi í ár. Og tað er meiri álvarsamt. Harafturat kundu Hagtíðindi siga okkum, at nógv verður veitt av smáfiski. Og hetta er eisini álvarsamt. Tí, lótu vit vera við at fiska smáfiskin, kundu vit fingið fleirfalt burtur úr tí smátt- fallandi hýsuni um tvey ár, kundi ein fiskifrøðingur upplýsa. Men í sama andadrátti varð lagt afturat, at orsøkin var, at teir góðir árgangir høvdu verið. Tað er at fegnast um. So nú er at vóna, at myndugleikarnir steingja tey øki, har smáfiskurin heldur til. Lækkandi prísur á fiski og smærri nøgdir síggjast skjótt á ut- flutningstølunum. Í vikuni kundi ein búskaparfrøðingur eisini staðfesta, at útflutningurin var minkaður, men at ferð var framvegis á búskapinum, tí innlendska virksemið er stórt. Tað merkir, at vit keypa og byggja enn sum áður. Men hesin “dansur” heldur skjótt uppat, um útflutningurin minkar, tí tað er útflutningurin, sum fær inntøkuna til landið. Eisini skulu vit minnast til, at nógvur fiskur fer óvirkaður av landinum, og tað merkir minni virði og minni arbeiði í landinum. Harafturat vita vit, a talifiskur er seldur fyri heldur lágan prís, og at alivinnan hevur verið fyri bakkastið. M.a. av sjúku, og í óveðrið fóru í vár stór virði fyri skeyti. Hesir veruleikar siga okkum, at vit eiga at vera á varðhaldi búskaparliga. Í hesum døgum verður uppskot til figgjarlóg gjørt í Fíggjarmálastýrinum, samstundis sum samgongu- flokkarnir togast um, hvussu útreiðslur og íløgur skulu rað- festast. Eitt er vist, at duga samgonga og andstøða sær ikki hógv nú og binda um heilan fingur – tó uttan at darva menn- ing og framburði – hava vit ikki lært nógv av áttatiárunum. Nógvar íløgur eru á pappírinum. Ikki minst á sam- ferðsluøkinum. Men tær kunnu saktans bíða, samstundis sum íløgur í trivnaðin hjá fólkinum – í býli, baraansing, eldra- og heilsuøkið – verða tiknar fram á listanum, sum lands- stýrisflokkarnir nú togast um. Sýnið varsemi meðan tíð er! Prioriterið rætt. – – – Vælkomin Skotland Í dag stendur so slagið á Svangaskarði. Vit skulu spæla móti grannatjóð okkara Skotlandi. Verið hjartaliga vælkomnir skotar og landslið tykkara. Hugaligt er tað í hesum døgum at síggja hundraðtals skotar í gøtunum. Fótbólturin vísir her sítt fjølbroytta andlit - hvussu hann setir síni merki uttan fyri vøllin. Tað er ein sannroynd, at í kjalarvørrinum á fótbóltinum ber til at byggja brýr millum tjóðir og fólk og skal tað vera vón okkara, at føroyingar og skotar fara at koma hvørjum øðrum meira við. Løgið at tvey fólk, sum eru næstu grannar, í veruleikanum hava so lítið við hvørt annað at gera. Vónandi kunnu Smyril Line, Atlantsflog, Ferðaráð og landsliðið vera við til at menna samvinnuna millum hesar báðar tjóðir. Annars væl vald skilaorð, sum umboð fyri Ferðaráðið hevði í ÚF-samrøðu fríggjamorgun. Gott í tykkum. Okkum tørvar slík fólk at skapa forstáilsi og vera við til at byggja brýr. DAGSINS MEINING Sosialurin Sýnið varsemi! VIÐMERKINGAR Sosialurin Stovnaður: 1927 Ábyrgdarblaðstjóri: Jan Müller jan@sosialurin.fo Blaðstjóri: Eirikur Lindenskov eirikur@sosialurin.fo Fíggjarleiðari: Jákup Mørk jakup@sosialurin.fo Tíðindaleiðari: Jústinus Eidesgaard justinus@sosialurin.fo Marknaðardeild: lysing@sosialurin.fo Jonhard Hammer jonhard@sosialurin.fo Finnbjørg Nattestad finnbjorg@sosialurin.fo Anja Weihe anja@sosialurin.fo Blaðfólk: Áki Bertholdsen aki@sosialurin.fo Eyðun Klakstein eydun@sosialurin.fo Edvard Joensen edvard@sosialurin.fo Turið Kjølbro turid@sosialurin.fo Heri á Rógvi heri@sosialurin.fo Ingrid Bjarnastein ingrid@sosialurin.fo Rúnar Reistrup runar@sosialurin.fo Vilmund Jacobsen vilmund@sosialurin.fo Solby Eliassen solby@sosialurin.fo Dagfinn Olsen dagfinn@sosialurin.fo Ítróttur: Jákup Mørk jakup@sosialurin.fo Páll H. Johannesen pall@sosialurin.fo Myndamenn: Álvur Haraldsen alvur@sosialurin.fo Jens Kristian Vang jensk@sosialurin.fo Finnur Justinussen finnur@sosialurin.fo Sosialurin í Norðoyggjum: Postsmoga 231 Nólsoyar Pálsgøta 1, 700 Klaksvík tel. 458686 fax 458687 e-post: klaksvik@sosialurin.fo Sosialurin í Suðuroy: tel. 375364 fax 375464 tel. 220727 e-post: aki@sosialurin.fo e-post: dagfinn@sosialurin.fo Sosialurin í Eysturoy: Postsmoga 143, Saltangará tel. 447820 fax 4449520 tel. 225429 e-post: vilmund@sosialurin.fo Rullandi redaktionin: tel. 220507 Uppseting/prent: Uppseting: Hestprent Prent: Prentmiðstøðin Útgevari: Sp/f Sosialurin Avgreiðsla: Mán.-frí. 8-16 Argjavegur 26, Tel. 311820, Fax 314720 Postadressa: Postboks 76, 110 Tórshavn E-mail: post@sosialurin.fo lysing@sosialurin.fo lysingartorg@sosialurin.fo Blaðið verður prentað mánadag-fríggjadag klokkan 1400 Lýsingar Freistir: Tekstlýsingar Størri lýsingar Lýsingartorgið Heilsanir Týsdagsblaðið Mán.kl. 10 Frí. kl. 15 Frí. kl. 12 Frí. kl. 12 Mikudagsblaðið Týs. kl. 10 Mán. kl. 15 Mán. kl. 12 Mán. kl. 12 Hósdagsblaðið Mik. kl. 10 Týs. kl. 15 Týs. kl. 12 Týs. kl. 12 Fríggjadagsblaðið Hós. kl. 10 Mik. kl. 15 Mik. kl. 12 Mik. kl. 12 Leygardagsblaðið Frí. kl. 10 Hós. kl. 15 Hós. kl. 12 Hós. kl. 12 Størri lýsingar, sum nógv arbeiði stendst av, mugu vera inni í góðari tíð og áðrenn ásettu freistir. Framíhjápláss má umbiðjast í góðari tíð. Stødd: Ein heil síða í Sosialinum er 254 mm breið og 346 mm í hædd. Breiddin á einum teigi er 39mm og rúmið millum teigarnar er 4mm. Innsent tilfar Fult navn skal vera undir innsendum tilfari. Innsendar greinar, har blaðleiðsl- an ikki er kunnað um bústað og telefonnummar, verða ikki settar í blaðið. Kristina Háfoss Løgtingskvinna Tjóðveldisfloksins Nú fyrsta fíggjarlógin í hesum valskeiðnum skjótt verður løgd fyri tingið, skal tað vísa seg um veruligur politiskur vilji er fyri, at fremja einar sjálvstøðugar Føroyar í verki. Skal politiska málið fremjast eins og hædd skal takast fyri búskap- arligu støðuni í Føroyum, er tað alneyðugt og eitt krav at íløgukarmurin verður hildin, at rakstrar- útreiðslurnar ikki vaksa meira enn lønarvøksturin og at yvirskotið á fíggjar- ætlanini veksur ár um ár. Upphitaður búskapur og íløgutørvur Ein av stórstu búskaparligu trupulleikunum í løtuni er, at føroyski búskapurin er upphitaður. Hetta vísir seg í dag m.a. við manglandi arbeiðsmegi og stórum lønarvøkstri. Tí er tað ein sera óheppin støða, at íløgutørvurin í Føroyum samstundis er ovurstórur, tí øktar íløgur í Føroyum krevja sjálvsagt arbeiðs- megi v.m. Orsøkin til stóra íløgutørvin er sjálvsagt, at íløgustøðgur varð øll kreppuárini og tí hevur tørvurin verið hareftir sein- astu árini. Íløgukarmurin skal haldast í 2003 Men sitandi landsstýri má gera sær púra greitt, at skal peningur verða til støðugar íløgur í framtíðini - sam- bært langtíðarætlanini v.m. - má haldast aftur í hesum døgum. Ein enn meira upphitaður búskapur vil bert geva minni í lands- kassan til íløgur o.a. kom- andi árini. Av tí, at nýggja Suðuroyarskipið krevur heilar 107 mió. og Lands- sjúkrahusið 35 mió. eru bert góðar 100 mió. kr. eftir av íløgukarminum á 250 mió. kr. Íalt skulu allar aðrar íløgur sostatt haldast innanfyri karmin á 100 mió. kr. - og hetta er og verður eitt ófrávíkiligt krav. Suðuroyarskipið verður bygt uttanlands og ávirkar henda íløgan tí ikki føroyska búskapin í sama mun og aðrar innanlendis íløgur, men hetta er bert at gleðast um í hesum døgum, og eigur íløgukarmurin als ikki at víðkast av hesi orsøk. Rakstrarútreiðslur og raðfestingar Sum kunnugt varð fíggj- arætlanin fyri 2002 ein fíggjarætlan, sum í mangar mátar varð merkt av, at valár var. Vanliga verður undanfarna fíggjarlógin nýtt sum útgangsstøði fyri komandi fíggjarlóg, og eru lunnar harvið lagdir undir einum høgum útreiðslu- støði fyri 2003. Uppgávurnar hjá tí al- menna gera, at tað almenna altíð kann nýta meira pen- ing, men tað er av alstórum týdningi, at vit gera okkara til, at almennu rakstrarút- reiðslurnar ikki gerast ov stórar. Hetta kann gerast ein sera tung byrða fyri skattgjaldaran og sam- felagið sum heild - ser- stakliga um verri tíðir koma. Tí er alneyðugt, at um valt verður at økja rakst- rarútreiðslurnar á einum øki - og hetta er neyðugt, eitt nú á almanna- og heilsuøkinum - skulu spar- ingar til á øðrum økjum. Lógarbundnu rakstrarút- reiðslurnar vaksa óivað og tí skal peningur sparast aðrastaðni, helst við lógar- broytingum, tí rakstrarút- reiðslurnar mugu ikki økj- ast meira enn lønarvøkst- urin í 2003 - í mun til val- árið 2002. Best hevði verið um rakstrarútreiðslurnar als ikki vuksu í krónur og oyrum, men hetta verður óivað torført at fremja í verki. Økt yvirskot á hvørjum ári Samgonguskjalið staðfestir eisini heilt klárt, at yvir- skotið á fíggjarlóg landsins skal vaksa á hvørjum ári í hesi valskeiðnum. Alt ann- að vildi eisini verið í and- søgn við sjálvbjargniskós- ina, og tí skal hesin setn- ingur haldast til fullnar. Yvirskotið fyri 2002 verður væntandi 100-150 mió. kr. og má tí virkast fyri, at yvirskotið fyri 2003 gerst størri enn hetta. Politiska og búskaparliga frælsið Tá fólkaatkvøðan um før- oyskt fullveldi varð avlýst á vári 2001, valdi føroyska stjórnarvaldið at vinna før- oyingum búskaparliga og umsitingarliga frælsið, áðrenn politiska frælsið varð vunnið. Hetta setur eitt nú stór krøv til komandi fíggjarlóg - og skal tað nú vísa seg, hvørt nakar veru- ligur politiskur vilji er til at ganga hesa sjálvbjargnis- leið. Landsstýrið hevur sett sær sum mál at fremja før- oyskt sjálvbjargni í verki. Samstundis bera øll búskapartekin boð um, at vit í hesum døgum skulu verða varin við, at seta meira ferð á búskapin. Tí er alt sum talar fyri, at ein varin fíggjarpolitikkur má og skal fremjast komandi árini. Varin fíggjarpolitikkur alneyðugur Tøkk Hervið vilja vit siga hjartaliga takk til øll tykkum mongu, sum sýndu samkenslu, tá ið okkara elskaða kona, mamma, vermamma og omma Dinna Hermannsdóttir doyði og varð jarðað. Tøkk til tann stóra skara, sum fylgdi henni til hennara seinasta hvíldarstað.Tøkk til tykkum á B7, prestin Sonju Klein fyri vøkru og troystarríku orð, sangarar og øll onnur, sum komu inn á gólvið, ringdu, skrivaðu og sendu blómur og kransar. Familjunnar vegna Sjúrður Ingi, Birgit, Kári og Heri Hilmar Simonsen Í hesum døgum hevur ein tann størsti religiøsi pro- vokatørurin í DK, Moses Hansen, verið á vitjan í Føroyum. Mong minnast óiva seinast hann var her, fyri góðum ári síðani, tá hevði Dimmalætting repor- tasju av honum, so stóra og umfatandi, at ein skuldi trúð, at hetta var ein ella annar ambassadørur, sum komin var á vitjan. Myndir av armrørslum og ymiskum andlitsbrøgdum av hesum manni vóru bæði stórar, og nógvar í tali. Nú var hann so aftur her. Og spyrjast kann, um okk- um yvirhøvur nýtast hend- an brúna, hvíthærda purluta mannin at undirhalda okk- um? Vit hava jú ríkiliga nógvar ‘entertainarar’ av hasum slagnum framman undan her á landi. Útbreiðsla Útvarpssendingin "Baro- metrið", sum eftir mínum tykki er ein av teimum frægastu sendingunum, sum nakrantíð hava verið í eturinum í Føroyum, var inni á gólvinum hjá út- varpsrásini Lindini fríggja- dagin 30. aug. 02 og tosaði við onkran av andsbrøðr- unum hjá Mosesi Hansen. Tað skal ikki so nógv til fyri at fáa meg at undrast, tá eg hoyri sovorðin fólk tosa um moral o.a., men eitt av tí sum sló meg mest var at hoyra tey í Lindini fortelja, hvussu týdningarmikið tað er fyri tey at provokera, og tirra fólk við sínum reli- giøsa vavgreyti. Um tey t.d. stóðu framman fyri eini áhoyrarafjøld okkurt kvøldið og kundu frampro- vokera eitt klimaks, so at áhoyrarnir til seinast fingu propp av sær og byrjaðu oysa ókvæmisorð á seg, og grýta jesussuppu ella okk- urt líknandi eftir teimum, so føldu tey, at tey høvdu vunnið ein sigur. Tí máti- stokkur teirra fyri success kundi mátast í útslagnum av mótreaktiónum hjá teim- um, sum vóru útsett fyri teirra ágangi. Og tess fleiri ókvæmisorð og kastaðar lutir tey fingu á seg, tess betri hevði átak teirra, eftir øllum at døma, eydnast. Ikki eiti á hugburði. Ymisk eru ítrivini hjá fólki, men at hava fingið sær eitt ítriv sum gongur út upp á, at sjenera onnur fólk við síni sjálvrættvísu og naivu ímyndan, at man á hendan hátt tænir einum høgum endamáli, tað má nærum metast sum ‘dumm- ere end politiet tillader’. Kraftagerðarfólk Tá boðað var frá, at áður- nevndi danski religiøsi, snævurskygdi fanatikarin aftur skuldi koma á vitjan í Føroyum var tað sum um, at ein annars deiligur friður, sum hevði verið síðani Ólavsøku, var brotin. Sym- bolikkurin gav seg til kenn- ar, tá ódnarveðrið brast á síðst í august mánaði sam- stundis við, at Moses Han- sen kom til landið, eftir at veðrið hevði verið so væl- signað stórsta partin av mánaðinum. Til alla lukku eru vit væl meiri upplýst enn fólkini í tí lítlu svensku bygdini, sum umleið næstseinasta aldarskifti, so væl framført í filminum "Jerusalem" hjá Bille August, blivu inva- deraði av einum fremmand- um religiøsum fanatikara, sum megnaði at forpesta eina annars so harmoniska og idylliska landsbygd við sínum forheksaða møsni um dómadag, Himmali og Helviti. Men hóast flestu fólk í dag eru nóg upplýst til at duga at skyna, at hetta slag av øsing er fullkomiliga láturligt og átti at hoyrt heima á psykiatrisku deild, so eru tað eisini summi, serliga ung leitandi, og móttakilig menniskju, sum bíta á hendan húkin, og harvið blíva darvaði í síni natúrligu mentalu menn- ing. Meðan nógv verður gjørt frá almennari síðu fyri at fyribyrgja misnýtslu av øðrum rúsandi evnum, sýnist tíverri alt ov lítil áhugi vera í, at verja tey ungu ímóti religiøsum humbukki. Tað syndarliga er oftani, at tá hesi ungu einaferð rakna við aftur, eftir at hava gingið drukkin í fleiri ár av ‘spiritus sankti’ (heilagum anda), so koma timburmenninir, og viður- kenningin av, at hava søplað fleiri ár burtur í einari meiningsleysari fantasi-tilveru. Tað munnu neyvan vera serliga nógvir føroyingar sum gleðast um, at hava hendan Moses á vitjan. Religiøsir fanatikarar hava tað við ikki at respektera aðrar, og í flestu førum, nógv sunnari lívsáskoðanir enn teirra egnu. Um íðin- skapurin til at missionera hevði verið proportionalur við dygdina í eini lívs- áskoðan, so er ongin ivi um, at ISLAM hevði meg- að verið mett sum tann rættasta lívsáskoðanin. Men veruleikin er nokk ein heilt annar - at tess ídnari summi eru til at missionera, tess ivasamari er tað, hvussu beinari leið hesi fólkini eru á, og hvussu væl tey hvíla í sær sjálvum. Áhugavert hevði verið, um t.d. Gallup hevði kunnað gjørt eina kanning sum vísti okkum, hvussu stórur prosentpartur av øll- um føroyingum í veruleik- anum ynskja religiøsan ør- skap í Føroyum. Heðin Zachariasen løgtingsmaður fyri Fólkaflokkin Tá talan er um yvirtøku av fólkakirkjuni hava vit samgonguskjalið at halda okkum til. Har verður sagt millum annað, at allir partar, sum varða av fólkakirkjuni, verða við í fyrireikingararbeiðinum. Hetta eigur og skal haldast, sum eg eisini segði undir viðgerðini í samband vit fyrispurningin frá Lisbeth L. Petersen um fólka- kirkjuna. Á henda hátt verður arbeiðið so dygdar- gott, sum tað kann blíva, og tað verður bara til gagns fyri allar partar. Sum flest øll vita, so gingu bæði Javnarflokkurin og Sambandsflokkurin við til yvirtøku av fólkakirkj- uni, tá samgongusamráð- ingar vóru í vár, og tað kom eisini fram í viðgerðini í tinginum. Kunnu vit ar- beiða á tann hátt, at allir 32 løgtingslimir atkvøða fyri yvirtøkuni av fólkakirkjuni, hevði tað verið ein sigur fyri málið viðvíkjandi fólkakirkjuni. Fólkakirkjan er í dag ein trygg og vælvirkandi kirkja. Tað skal kirkjan eisini framhaldandi verða, tá ið fólkakirkjan í fram- tíðini verður føroysk. Vit eiga at yvirtaka fólkakirkj- una, og vit eru eisini førir fyri tí. Vit skulu skipa so fyri, at fólkakirkjan verður ein góð og trygg kirkja fyri allar føroyingar, eisini í framtíðini. Tá eg hugsi um yvirtøku av fólkakirkjuni síggi eg ikki, at kirkjugongdin verð- ur nakað broytt frá tí degi at kirkjan er yvirtikin. Einasti munurin verður, at kirkjan er á føroyskum hondum og lóggávan føroysk. Eg eri ikki samdur við Annlis Bjarkhamar í, at vit bara skulu yvirtaka kirkj- una og so regulera og gera lógir aftaná. Vit mugu gera nýggjar lógir ella yvirtaka lógirnar samstundis sum kirkjan verður yvirtikin. Hesi viðurskiftini eiga at verða púra greið, tá ið yvirtøkan fer fram, so at allir føroyingar vita, hvat tað kemur at siga í tí dag- liga, tí vit kenna kirkjuna sum hon er ídag. Umframt sínar kirkjuligu uppgávur, hevur fólkakirkj- an nakrar uppgávur, sum eg meti at vit øll eiga at gjalda fyri. Eingin orsøk er til at flyta hesar uppgávur frá fólkakirkjuni, tí at kirkjan verður føroysk. Vit hava heldur ikki hoyrt nakað um, at tær uppgávur, sum í dag liggja hjá kirkjuni, ikki hava verið nøktandi. Har- afturímóti haldi eg, at hetta hevur verið ein vælvirkandi skipan og meini tí, at hesar uppgávur framhaldandi eiga at liggja hjá kirkjuni. Um so verður, at uppgávur- nar skulu flytast frá kirkj- uni, er vandi fyri, at vit skulu hava nýggjan skriv- stovubygning og seta fleiri fólk í starv. Sum nú er, ligg- ur hetta arbeiði væl skipað runt alt landið so nær borgarnum, sum tað kann verða. Tá talan er um, hvat hesar uppgávur kosta, kundi verið skilagott at kanna hetta, soleiðis at allir føroyingar vita, hvat vit gjalda fyri, tá talan er um fólkakirkjuna. Fólkakirkjan verður í dag goldin yvir skattin og tað meini eg at hon fram- haldandi eigur at verða. Spurningurin er so, um skipanin, sum hon er ídag, har ein partur verður goldin sum kirkjuskattur, heldur fram, ella um útreiðslurnar skulu býtast øðrvísi, tá ið fólkakirkjan er vorðin føroysk. Lisbeth L. Petersen Sambandsflokkurin Í sambandi við viðgerð- ina av fyrispurningi týs- dagin um yvirtøkuna av fólkakirkjuni, skal bein- anvegin verða sagt, at svarið als ikki var nøkt- andi fyri meg sum spyrj- ara. Ein orsøk til spurningin var framferðarhátturin, sum eftir øllum brøgdum Tjóðveldisflokkurin tykist standa fyri, samb. tí sum fram kom undir og aftaná orðaskiftið. Samgongulimir úr øðr- um flokkum søgdu seg ikki vita, hvussu fram var farið, og svarið frá lands- stýriskvinnuni samsvar- aði ikki við tað okkara kirkjumyndugleikar siga. Landsstýriskvinnan segði, at avvarðandi myndugleikar eru tiknir við uppá ráð, meðan hetta verður avsannað frá fleiri síðum av teim, sum talan er um. Ein orsøk til fyrispurn- ingin var eisini tann ótryggleiki sum valdar, og konkretu spurning- arnir vóru ikki svaraðir. Onki greitt svar Tá bæði Annlis Bjark- hamar og nú eisini Krist- ina Háfoss í fjølmiðl- unum eru sannførdar um, at alt verður so gott og trygt, og ikki skilja at øll onnur ikki hugsa tað sama, tí nú verður alt í føroyskum hondum, so er tað so grunt og ófull- fíggjað svar og støðu- takan, at orð ikki finnast fyri tí. Hvussu fer lógarverkið at síggja út? Hvør fær høvuðsábyrgdina av fólkakirkjuni? Verður tað ein fólkakirkja ella frí- kirkja? varð m.a. spurt, men eingin av hesum spurningum varð svarað- ur. Óðamannaverk Kann ikki lata vera við at hugsa um hina lands- stýriskvinnuna, sum eis- ini tosaði um at alt bleiv trygt og gott í føroyskum hondum, tí nú var full- veldið í eygsjón, og bæði heilsu- og almannaverkið var tryggjað fyri fram- tíðina, fyri ikki at tala um komandi eftirlønarskip- anina, ið fór at verða einastandandi !! Eftirlønarskipanin kom ikki niðan í tingið, og hvat er vorðið tryggari á heilsu- og almannaøkin- um? Landsstýriskvinnan hvarv eisini og fór í and- støðu ! Fólk sum starvast innan fólkakirkjuna og sum taka undir við yvirtøku, siga beinleiðis, at tað er óða- mannaverk at yvirtaka fólkakirkjuna nú, tí kirkjan er ikki fyrireikað til yvirtøkuna enn, men hetta leggja tjóðveldis- tinglimir og landsstýris- kvinnan lítið í. Yvirtøkan Tá løgmaður nú sigur, at sjálvt Sambandsflokkurin tekur undir við yvir- tøkuni, so skal eg boða frá, eins og eg gjørdi tað undir orðaskiftinum, at tað verður ikki undir slík- um umstøðunum, at løgmaður skal vænta sær undirtøku frá flokkinum. Sambandsflokkurin hevur sagt, at verður alt væl og virðiliga fyrireik- að, allir partar tiknir við í arbeiðið, so vit vita hvat vit gera og hvat vit yvirtaka, og eru fíggjar- ligar umstøður til tess, so kunnu vit taka undir við tí, og hesa støðu halda vit fast við, men eg vil eisini leggja dent á, at ongar av hesum treytum eru uppfyltar. Hvat er tryggari nú? Yvirtøkan av fólkakirkjuni Eitt plágandi ítriv VIÐMERKINGAR Tað verður hervið kunngjørt, at okkara góða mamma, vermamma, omma og langomma Jenny Lamhauge Tórshavn andaðist fríggjamorgunin 6. september 79 ára gomul. Fyri tey avvarðandi Eyðfinn, Berghild og Fía C M Y K 13 12