týsdagur 10. september 2002síða 12

Nr. 172 - 10. september 2002 23 Umframt at venja besta liðið skal Krzystof hava ábyrgdina av øllum venjingunum í yngru deildunum og spæla í álopinum í 1. deild GÍ VENJARIN Jóannes Hansen Fyri fyrstu ferð nakrantíð skal GÍ royna seg við venj- ara, sum umframt at halda skil á venjingini, seta liðið og leggja taktikkin eisini skal spæla við sjálvur. Johan Nielsen og allir hinir GÍ venjararnir hava hildið seg á beinkinum, men nú hevur GÍ gjørt av royna sama leistin, sum fleiri av hinum feløgunum í 1. deild hava roynt. Á GÍ heimasíðuni stóð fyrrapartin í gjár, at nevnd- in í GÍ hevur gjørt avtalu við Krzystof Popczynski um, at hann skal vera høv- uðsvenjari hjá GÍ tvey tey næstu árini. Hann fer at loysa Johan Nielsen av. Fyri einari viku síðani boð- aði GÍ frá, at teir og Johan Nielsen hvørt í sínum lagi fóru at leita nýggjar leiðir. GÍ sigur, at nýggi venjar- in umframt at hava ábyrgd- ina av besta liðnum fer at hava høvuðsábyrgdina av venjingini í yngru deildun- um. Í ár hevur Popczynski verið venjari hjá tveimum yngri liðum, og teir hava latið serliga væl at í Gøtu. GÍ sigur eisini á heima- síðuni, at Popczynski fram- vegis er ein av bestu álops- spælarunum í 1. deild, og at hann fer at hjálpa til inni á vøllinum. Burtursæð frá, at Ole Skouboe spældi onkra ferðina við, tá hann var GÍ venjari síðst í áttati árun- um, so hevur eingin GÍ venjari nakrantíð spælt á besta liðnum. Popczynski, sum er 33 ára gamal, hevur verið í Gøtu hetta kappingarárið. Hann kom til Gøtu, tí hann skuldi spæla á besta liðn- um, men tað hevur ikki gingið so, sum pólverjin og GÍ høvdu ætlað. Skaðar hava støðugt plágað, og tað er ikki fyrrenn eftir summ- arsteðgin, at Popczynski hevur verið førur fyri rættu- liga at spæla. Krzystof Popczynski kom fyrstu ferð til Føroya í 2000. Hann hevði ábyrgd- ina, tá VB fyri fyrstu og higartil einastu ferð vann meistaraskapin. Í fjør gekk ikki heilt so væl hjá VB, m. a. tí Popczynski var nógv skaddur. – Vit hava úr Vági hoyrt nógv gott um Popczynski sum venjara, so tað verður spennandi at fara undir eitt nýtt samstarv. Hann hevur vant yngri lið her hjá okk- um, og har er nógv komið burturúr, sigur Magni Jarn- skor, veteranurin á GÍ mið- vøllinum. Enn hevur einki verið at hoyrt um, hvørjar spælarar Popczynski fer at venja komandi ár. Henning Jarn- skor og Áslakur R. Petersen eru farnir av landinum, og eftir summarsteðgin er Bárður á Lakjuni komin afturat hinum, sum hava verið trúfastir í GÍ. Tá Gidek í fjør kom úr Póllandi og til Gøtu, hoyr- dist, at Popczynski hevði verið millummaður. Tað hevði ikki komið heilt óvart á, um GÍ inntil komandi ár fekk onkran pólverja aft-ur- at at hjálpa sær. Men hetta hava vit ikki frætt nakað um enn. Skotar fingu av at vita á heimferðini, har mest sum hvørt tað einasta blað kravdi venjaran frá í stundini ÚTLENDSKIR MIÐLAR Jákup Mørk Skotska landsliðið fekk eina sera kaldliga móttøku av Føroyaferðini, um met- ast skal eftir sunnudagins- bløðunum har á leiðini. »Hepnir skotar fingu javnleik« og »Fullkomin eyðmyking« taldust millum yvirskriftirnar í skotsku bløðunum, og serstakliga er tað týski venjarin hjá skot- um, Berti Vogts, sum stend- ur fyri skotunum frá skot- unum. Sunday Mail hevði nýtt alla baksíðuna til at siga venjaranum, at »Tín tíð er farin Berti, vit kunnu ikki halda fram soleiðis«, og sum tað stendur aðrastaðni á hesum síðum, so gevur Barry Ferguson eisini blaðnum rætt í hesum. Scotland on Sunday vóru kanska enn meira lemjandi í sínum dómi, tá teir slerdu fast, at sjálvt ein gøluraktur politikkari hevði havt betri møguleikar enn Vogts at siti í sessi sínum, og Scotland on Sunday steðgaðu ikki á við hesum: »Vogts fór við Føroyum« og »Eg spæli á skotska landsliðnum.... hjálp mær burtur« taldust millum yvirskriftirnar, tá metast skuldi um avrikið á Svangaskarði. Og millum tær meira speisku yvirskriftirnar tald- ust eisini nakrar, sum ikki uttan víðari kunnu umsetast til føroyskt: »Faroe 2 Zeros 2« skrivaði Scottish News of the World, sum eisini hevði prýtt baksíðuna við tí sera einfalda »Clueless«, og á næst afturstu síðu stóð »Beri’s dudes are truly a laughing stock». Tað vóru tó ikki øll, sum dugdu at síggja tað stuttliga í hesum. Í øllum førum ikki hjá Sunday Herald, sum eftir dystin søgdu »Utter Humiliation, Who do you think you are kidding, Mr. Vogts!« Sum skrivað aðra staðni, so sigur skotska fótbólts- sambandið seg framvegis hava fult álit á Vogts, men sum onkur klummuskrivari tók til, so er ein venjara- sessking ofta í kjalarvørrin- um í slíkum úttalilsum. Hvussu er og ikki, so er tað framvegis langt ífrá víst, at Vogts verður sekkj- aður. Fleiri atkvøðugreiðsl- ur eru at finna á ymsum heimasíðum, og tó at tær flestu vísa, at fólkið vil hava Vogts frákoyrdan, so er meirilutin ikki so stórur, sum vandi annars kundi verið fyri. Berti Vogts fær ikki sekkin hesa ferð Skotska fótbólts- sambandið veitir venjaranum og hjálparvenjaranum fullan stuðul, men skotsku fjølmiðlarnir síggja útsøgnina um stuðul sum tekin um, at venjarin skjótt fer at fáa sekkin SKOTLAND Jóannes Hansen Berti Vogts var sera einsamallur í Føroyum. Høggini frá skotsku pressuni vóru nógv og tung, og tað var eyðsýnt, at flokkurin av tíðinda- monnum tevjaði blóð. Teir hildu lítið um venj- aran, og teir høvdu av- gjørt einki ímóti, at Berti Vogts skjótt varð fyrrverandi landsliðs- venjari hjá Skotlandi. Tá skotska ferðalagið aftur hevði fingið fast undir føturnar í Glas- gow, boðaði skotska fót- bóltssambandið, SFA, frá, at teir hava treyta- leyst álit á venjaranum: – Skotskur liðfótbólt- ur og landsliðið eru í al- tjóða aldudali. Um ein mánað er dystur í Íslandi á skránni. Vit rokna við, at úrslitið í tí dystinum verður rættuliga avger- andi fyri, um tað fer at eydnast okkum at vinna næstfremsta plássið í bólkinum og harvið framvegis at hava møgu- leikan at røkka enda- spælinum í Portugal. Síðani verður landsliðs- steðgur í seks mánaðir. Tann steðgurin fer at koma væl við, tí tá verð- ur møguleiki fyri hjá venjaranum at arbeiða meiri við at samanspæla liðið. Soleiðis segði aðal- skrivarin í SFA, David Taylor. Hann hevur við starvsfólkasetanir og harvið landsliðsvenjar- arnar at gera, og hann hevði meiri í posanum: – At tað er vón fyri framman verður undir- strikað av góðu úrslitun- um, sum U–21 landslið- ið hevur fingið seinastu tíðina. Vit rokna við, at Berti Vogts fer at gera nýtslu av uppaftur fleiri av hesum framtíðar spælarunum. U–21 landsliðið fekk fríggjakvøldið 1–1 ímóti Norðurírlandi. Á liðnum hjá Berti Vogts, sum var í Føroyum, vóru fimm spælarar, sum hava aldur at spæla á U–21 lands- liðnum. Venjari hjá U–21 landsliðnum er Rainer Bonhof. Hann og Berti Vogts hava arbeitt nógv saman. Í síni tíð vóru teir liðfelagar hjá Allani Simonsen í Borrussie Mönchengladbach, og teir vóru báðir á liðnum, sum í 1974 á heimavølli vann HM finaluna 2–1 ímóti Hollandi. Tá Berti Vogts var týskur landsliðsvenjari, var Bonhof hjálparvenj- ari. Teir fingu báðir starv í Skotlandi í senn, og um tað stendur til SFA, so fara teir at halda fram í størvunum alt sáttmálaskeiðið. Sekkurin lúrir Men skotsku fjølmiðl- arnir halda lítið um tað, sum aðalskrivarin í skotska fótbóltssam- bandinum sunnudagin kendi seg noyddan at boða frá. Í skotsku miðlunum verður sagt, at tá tú fert at undirstrika, at sam- starvið gongur væl, so er tað ábending um, at tað skal lítið til afturat, áðrenn endabrestin. Skotsku fjølmiðlarnir siga seg rokna við, at Vogts fer at fáa sekkin, um Skotland ikki fer at fáa eitt líkinda úrslit í Reykjavík. Á BBC heimasíðuni sláa teir kalt vatn í blóðið. Eyðmýkingin er ikki fullkomin enn. Eftir javnleikin í Føroyum fer Skotland at tapa í Íslandi. Skotland eigur ikki spælararnar at vera við í europeiska toppin- um. Og tað verður ikki frægari, um Berti Vogts fer at fáa sekkin. Trupul- leikin er, at tað eru og nógvir útlendingar á bestu liðunum í Skot- landi. Tí sleppa ov fáir skotar framat at fáa royndirnar, sum eru neyðugar, um landsliðið skal standa seg, er sjón- armiðið hjá meiri sinni- ligu skotsku pressu- monnunum. Øll tjóðin er í øðini Skotar vóru alt annað enn fegnir um avrikið móti Føroyum, og í sunnudagin fingu bæði leikarar og venjarar av at vita, men áskoðararnir mundu tó hava ein góðan túr hóast alt Mynd: Álvur Haraldsen Popczynki og GÍ gera samgongu Tað var kanska væntandi, og nú er tað í øllum førum veruleiki, at Krzystof Popczynski skal venja besta mansliðið hjá GÍ komandi kappingarár 23 22 Nr. 172 - 10. september 2002 Higartil hava føroy- ingar ongantíð megn- að at spælt fýra lands- dystir á rað uttan at tapa, og nú er 60 talið av álvara í eygsjón hjá Óla Johannesen LANDSLIÐIÐ OG METINI Jóannes Hansen Um tað leygardagin 12. oktober fer at eydnast fótbóltslandsliðnum at sleppa av vøllinum í Litava uttan at hava tapt, so verður talan um met, sum má mestast at verða framúr. Møguliga metið verður, at føroyingar so hava megnað at spælt fýra landsdystir á rað uttan at tapa. 2–2 ímóti Skotlandi var triðja ferðin á rað, uttan at Føroyar hava tapt. Lands- liðið hevur higartil í ár spælt fýra dystir. 10. febru- ar taptu teir 2–1 ímóti Póllandi, og 13. februar vunnu teir 1–0 ímóti Liktinstein. Ta ferðina skoraði Uni Arge málið, sum seinni vísti seg at verða tað seinasta hjá hon- um á landsliðnum. Hesir báðir dystirnir vórðu spældir á venjingarleguni á Kypros. 21. august vunnu Føroyar 3–1 á Tórsvølli ímóti Liktinstein. Føroyar hava eina ferð áður vunnið tveir landsdystir upp í slag. Tað vóru teir báðir 2–1 sigrarnir á Malta í HM undan- kappingardystunum í 1997. Føroyar hava eina ferð áður spælt tríggjar dystir á rað uttan at tapa. Teir vóru í 1999. Tá endaði vinardyst- urin ímóti Andorra í sam- bandi við venjingarleguna í Spania málleysur, og so spældu Føroyar tvær ferðir javnt í EM undankapping- ardystum á Svangaskarði – 1–1 ímóti Skotlandi og 2–2 ímóti Bosnia. At tað ongantíð er skila- gott at kanna sær bitan, áðrenn hann er svølgdur, er gongdin í 1999 gott dømi um. Framúr javnleikirnir ímóti Skotlandi og Bosnia bóru við sær, at tað varð roknað við góðum úrslitum í næstu dystunum, sum vóru á heimavølli, men tað kiksaði fullkomuliga. Ísland vann 1–0 á Tórs- vølli, og so løgdu Føroyar rygg til EM tap ímóti Estlandi og Litava, sum vunnu ávikaavíst 2–0 og 1–0. Hetta vóru vánaligu royndirnar, tá tað snýr seg um at stríðast fyri fjórða góða úrslitinum á rað. Tað ber eisini til at finna tøl, sum kunnu brúkast sum grundarlag fyri vónini, at tað hesa ferð skal eydnast at spæla fýra ferðir á rað uttan at tapa. Føroyar og Litava vóru í EM undan- kappingarbólki saman í 1998 og 1999. Í oktober í 1998 vóru Føroyar á landsliðsferð í Litava og Skotlandi. Ferðin hilnaðist sera væl. Í Litava var úrslitið 0–0, og í Skotlandi taptu Føroyar 2–1. Um úrslitini um ein mánað í Litava og Týskalandi høvdu verið ein endurtøka av teimum á uttanlandsferðini fyri fýra árum síðani, so hevði tað borið væl til at liva við tí.Men kanska tey verða uppaftur betur! Óli á veg ímóti seksti Hvørja ferð, hann fer á vøllin, setur 30 ára gamli Óli Johannesen nýtt dystar- met. Leygardagin umboð- aði hann Føroyar fyri 57. ferð, og nú er 60 talið av álvara í eygsjón. Um Óli hevði havt verið við á venjingarleguni á Kypros í vár, so hevði dystur numm- ar 60 verið á skránni í Litava 12. oktober. Men ta ferðina fyrireikaði Óli seg saman við Hvidovre til seinnapartin av donsku landskappingini. Um landsliðið fer at spæla skrásettan landsdyst á venjingarleguni, sum er ætlað at vera í februar komandi ár, so verður tað dystur nummar seksti hjá Óla Johannesen, um hann verður við í báðum dystun- um á uttanlandsferðini í oktober. Og tað verður hann, um ikki skaðar fara at halda honum aftur, og um hann ikki verður útvístur í Litava og harvið leikbann- aður í Týskalandi. Eingin ivi man vera um, at nú fer Óli Johannesen ikki at geva avboð til lands- liðið. TB fær gagn av, at liðformaðurin á landslið- num fær dystarvenjing í altjóða uppgávum. Tá Óli var í Hvidovre, var neyðugt hjá honum at venja og spæla saman við liðfeløg unum, um hann skuldi spæla á 1. liði og harvið vera so væl fyri at spæla á landsliðnum, sum tað bar til. Men tað er neyðugt hjá Óla Johannesen at dríva á, um hann framvegis skal varðveita metið. Jens Martin Knudsen er treiskur og vil ikki geva seg. Seinastu fýra árini hevur hann sitið á beinkinum í øllum týdningarmiklum dystum. Nú fekk hann møguleikan aftur, og í samlaða roknskapinum er hann bara ein dyst aftanfyri Óla Johannesen. Barry Fergusson tykist vera einasti maðurin í skotska landsliðshópinum, sum ásannar, at við hetta lag kann venjarin ikki sita leingi í sessinum LANDSDYSTUR Jákup Mørk Tað verður sjálvandi gjørt burturúr landsdystinum millum Føroyar og Skot- land í skotsku miðlunum, og reyði tráðurin er sum vera man, at hetta úrslitið so avgjørt ikki var nakað at reypa av. Og sjálvsagt hevur press- an eisini roynt at finna sínar syndabukkar, men tað tykist tó vera ein óskrivað avtala millum leikarar og venjara, at hetta er nakað, sum teir allir taka á seg. Bæði undan dystinum og á tíðindafundinum eftir dystinum heitti Berti Vogts á skotsku miðlarnar, at teir ikki skuldu leggja eftir leikarunum. - Gongur tað væl, so eiga leikararnir æruna. Gongst minni væl, so vælsignaðir lati vera við at leggja eftir teimum. Teir eru ungir og óroyndir, og tí nyttar tað einki at leggja trýst á teir, so leggi heldur eftir mær, vóru boðini frá Vogts undan dystinum, og hetta var eisini nakað, sum varð endurtikið eftir dystin. Hinvegin tykjast leikar- arnir ikki hava nakað ímóti, at skuldin fyri javnleikin verður løgd á teir. Sostatt hevur liðskiparin hjá Skot- landi, Paul Lambert, sagt við skotsku miðlarnar, at teir ikki skulu geva Vogts ábyrgdina fyri tapið. - Tað var ikki Vogts, sum spældi dystin. Vit spældu dystin, og okkara avrik var undir alt lágmark, so tað eru vit, sum skulu hava skoluna, vóru orðini hjá liðskiparanum. Ferguson er ikki samdur Einasti maðurin, sum tykist hava ásannað, at sessurin hjá Vogts er í álvarsligum vanda, er liðskiparin hjá Glasgow Rangers, Barry Ferguson, sum eisini var maðurin, sum tryggjaði skotum javnleikin. - Tað er heilt greitt, at hatta ikki var nóg gott, og verður talan um fleiri úrslit av hasum slagnum, so er lítið at ivast í, at okkurt má henda, segði Fergoson. Glasgow maðurin var annars eftir dystin móti dønum fyri atfinningum frá venjaranum, so møguliga hevði hann einki havt ímóti, nýggjur venjari varð settur fyri Vogts, men tann spurningurin sleppur so í øllum førum at hanga í leysum lofti ein mánað ella so afturat. Føroyingar kunnu seta met í Litava Føroyska landsliðið hevur sjáldan staðið seg væl, sum tað ger í løtuni, og fæst stig úr komandi útidystinum móti Litava, er talan um met Mynd: Álvur Haraldsen Hvør hevði ábyrgdina Skotski venjarabonkurin er fyri hørðum atfinningum í fjølmiðlunum, men enn tykist Vogts at sita tryggur í sessinum Mynd: Álvur Haraldsen C M Y K 22