mikudagur 11. september 2002síða 4

6 Nr. 173 - 11. september 2002 Nr. 173 - 11. september 2002 7 Tryggingingarfelagið Føroyar á Tvøroyri er flutt í nýggj høli og tað ætla tey at við- skiftafólkini skulu merkja HÆKKAÐ TÆNASTUSTØÐI Áki Bertholdsen Tvøroyri: Nógv fólk varð komið saman seinnapartin fríggjadagin, tá ið Trygg- ingarfelagið Føroyar flutti í nýggj høli á Tvøroyri. Tryggingarfelagið hevur keypt húsið, sum Bókbind- arin hevði handil í beint við høvuðsvegin, mitt á Tvør- oyri og nú nýggju hølini vórðu tikin í nýtslu var al- menn móttøka seinnapartin fríggjadagin, har ymiskt var á skránni, bæði fyri stór og smá. – Endamálið at flyta í nýggj høli er at hækka tæn- astustøðið, segði trygging- arstjórin, Gunnar í Liða, í eini stuttari røðu, hann helt á móttøkuni. Hann segði, at Trygging- in royndi at nøkta tann tørv, tey sóu rundanum seg, men øll hugskot um, hvussu tænastan kann verða betri, eru vælkomin. Hann segði, at tað var í 1989, at Tryggingin læt upp skrivstovu á Tvøroyri og nú vóru tey so flutt í nýggj høli. Anna Larsen, sum er dagligur leiðari á deildini á Tvøroyri, segði, at trygg- ingin hevði ikki bara skift høli, hon hevði eisini skift stíl. Nú er ikki longur ein stórur diskur, sum fólk skulu til og so stendur tryggingarfólkið aftanfyri. Diskurin er minkaður niður í onki fyri at fólk skulu koma í tættari sam- band við starvsfólkið og fyri at geva viðskifta-fólk- unum eina kenslu av at koma heilt inn á arbeiðs- plássið. Tryggingin hevur nú eis- ini fingið felags umstilling. Tað merkir, at tá ið ringt verður á Tryggingina á Tvøroyri, er tað høvuðs- deildin í Havn og sum síðani stillar um. Fekk 10.000 krónur Tryggingin brúkti eisini hetta høvi til at lata eina gávu til vælgerðandi enda- mál í Suðuroynni. Felagið hevði gjørt av at lata Bjargingarfelagnum í Suð- uroyar Norðaru Helvt eina peningávu upp á 10.000 krónur. – Felagið hevur ongar inntøkur, so ein gáva sum hendan kemur sera væl við, segði Bergur Stórhamar úr Bjargingarfelagnum, tá ið hann tók ímóti gávuni. Hann vísti eisini á, at felagið hevur vánalig høli og skrivaraborðið er ein kassi, so tað kom somuleið- is væl við, at felagið eisini fekk innbúgvið úr hølun- um, sum Tryggingarfelagið flutti úr, nú tað tekur hesi nýggju hølini í nýtslu. Hann fortaldi, at Bjarg- ingarfelagið í Suðuroyar Norðaru helvt varð stovnað í 1979 og nú eru 100 limir í felagnum. – Hetta eru alt fólk, sum gera eitt sjálvboðið arbeiði, tá ið tað óvæntaða hendur og brúk er fyri eini hjálp- andi hond, tí tá eru teir til reiðar og sostatt koma gáv- urnar frá Tryggingarfelag- num onkusvegna øllum til góðar. FRÍTÍÐARSKÚLI Áki Bertholdsen Vágur: Vágs Býráð hevur nú endaliga staðfest, at frítíðarskúli skal vera í kommununi. Frítíðarskúlin er so smátt byrjaður, men á býráðs- fundi mikukvøldið sam- tykti býráðið einmælt at staðfesta skúlan og at játta 190.000 krónur til frítíðar- skúlan tað, ið eftir er av árinum. Annars verður mett, at frítíðarskúlin fer at kosta kommununi 400.000 - 500.000 krónur um árið. Fíggjarætlanin fyri næsta ár er ikki løgd enn, so tað ber ikki til at áseta nágreiniligu upphæddina. Frítíðarskúlin í Vági heldur til í hølum í Vágs Skúla og hann er fyri børn í fyrsta, øðrum og triðja flokki, men enn eru bara børn í fyrsta og øðrum flokki byrjað. Frítíðarskúlin letur upp stutt fyri døgverða hvønn dag og letur aftur klokkan gott fimm seinnapartin. Ætlanin við frítíðarskúlan- um í Vági er, sum aðra- staðni, at børn í fyrsta, øðrum og triðja flokki skulu hava onkustaðni at vera undir tryggum og skipaðum viðurskiftum, frá tí at tey sleppa úr skúlan- um, til foreldrini koma heim úr arbeiði. Men tað eru ikki øll børn, sum fara at ganga í frí- tíðarskúla. Talan er um eitt tilboð til foreldrini, tí tað er ikki heilt ókeypis fyri foreldrini, sum melda børn síni til frítíðarskúlan. Tað kostar foreldrum 850 krónur um mánaðin at hava eitt barn í frítíðarskúlanum, tað er 30% av kostnaðinum. Jógvan Krosslá, borgar- stjóri í Vági, sigur, at dag- ligur leiðari er settur í 3/4 tíð, tað er Unn Mikkelsen. Eitt hjálparfólk er eisini sett, tað er Yvonna Toftum. Í løtuni eru bara eini 10- 11 børn í frítíðarskúlanum. Men í fyrstu syftu verður pláss er fyri 20 børnum, so fæst at síggja, hvør tørvurin verður. Hóast skúlin enn ikki er meiri enn hálvsettur, ivast borgarstjórin ikki í, at fleiri børn verða meldað til skúl- an, tá ið eitt tíð er fráliðin og foreldur hava vant seg við, at hetta er eitt tilboð í kommununi. – Hetta er eitt tilboð, vit eiga at hava. Tíðin krevur tað, tí tað kann vera ótrygt hjá foreldrum at smáum børnum ikki at vita, hvar børnini eru, tá ið tey eru sloppin úr skúlanum og tað eru ikki øll bøærn, sum hava onkustaðni at fara eftir skúlatíð, uttan at fara heim í eini tóm hús. Hava skift stíl á Tvøroyri Frítíðarskúlin í Vági staðfestur í Býráðnum Í Vàgi kunnu foreldur at børnum í fyrsta og øðrum flokki nú senda børnini í frítíðarskúla eftir vanliga skúlatíð. Men skjótt fáa foreldur at børnum í triðja flokki eisini hendan møguleikan Heilt fitt av fólki, bæði stór og smá, var samankomið í teimum nýggju, ljósu hølunum hjá Tryggingarfelagnum Føroyum á Tvøroyri, tá ið deildin har alment tók nýggja húsið í nýtslu fríggjadagin Bergur Stórhamar, v.m. var fegin um kekkin, hann fekk frá tryggingarstjóranum, Gunnari í Liða.Gávan kemur sera væl við og kemur onkusvegna øllum til góðar, tí bjargingargelagið er altíð til reiðar, tá ið tað óvæntaða hendur Bill Justinussen, sigur, at hann hevur valt nýggjar limir í siðseminevndina, sum avspegla hansara hugsjónir VÍSINDALIGA SIÐSEMINEVNDIN Áki Bertholdsen – Eg havi valt fólk, eg havi álit á. So stutt og greitt grund- gevur Bill Justinussen, Landsstýrismaður í heilsu- málum, fyri, hví hann nú hevur gjørt av at skifta meginpartin av vísindaligu siðseminevndini út. Vísindaliga siðsemi- nevndin skal veljast eftir hvørt løgtingsval og nú hevur eisini nýggi lands- stýrismaðurin valt nevnd- ina av nýggjum. Men tað hevur vakt ans, at fleiri av nevndarlimun- um eru kend frá átrúnaðar- ligum samkomum av yms- um slagi – og ikki altíð fyri tey mest hóvligu sjónar- miðjuni. Men tað heldur Bill Justinussen ikki vera skeivt. – Eg haldi, at tað hevur týdning at nevndir og ráð verða skift út av og á. Og tað skuldi ikki verið til nakran bága fyri saman- hangin í nevndararbeiðn- um, at fleiri nýggir limir nú eru í nevndini, tí allir trígg- ir læknarnir í henni eru teir somu. Bill Justinussen heldur, at ein orsøk til at hann heldur tað vera sunt at skifta nevndarlimir út, er, at hann heldur tað alsamt hava týdning at fáa nýggj sjónarmið við í kjakið um siðsemiligar spurningar. Hevur valt fólk hann kennir Hann sigur eisini, at sið- seminevndin er fyrst og fremst ein nevnd, sum skal ráðgeva landsstýrismannin- um og tí hevur hann valt nevndarlimir, sum hann hevur álit á. – Tað er lættari hjá mær at velja fólk ið nevndina, sum eg kenni, heldur enn fólk, eg onki veit um. Hann sigur, at tá ið hann velur siðseminevndina, fær hann ikki nakað fakligt til- mæli frá umsitingini til, hvørjir nevndarlimirnir skulu vera, uttan tá ið talan er um teir tríggjar limirnar, sum Læknafelagið innstill- ar. – Sostatt ger landsstýris- maðurin einsamallur av, hvønn hann velur í nevnd- ina og hann heldur at hann hevur valt eina nevnd, sum fakliga er væl skikkað. Hann vísir á, at Anne- Lene Olofson í Klaksvík, er guðfrøðingur. Eydna Há- berg er sjúkrasystir og hev- ur royndir í almennu fyri- sitingini frá teirri tíðini, hon var leiðari á heimarøkt- ini. – Dánjal á Dul Jacobsen, er samkomuleiðari í Evan- geliuhúsinum og eg havi álit á, at hann kann bera sjónarmið fram, sum hava undirtøku í stórum parti av fólkinum. – Eitt nú hevur hann havt rættiliga áhugaverdar send- ingar í útvarsstøðini Lind- ini, har hann hevur viðgjørt heimsspekiligar og sið- semiligar spurningar og tí meti eg hann vera rættiliga væl skikkaðan at kjakast um siðsemiligar spurning- ar. Seinasti nevndarlimurin er Jens Vang, sum er løg- frøðingur. Bill Justinussen spyr eis- ini, hvat vit skulu hava ein landsstýrismann til, kunnu teir ikki sleppa at taka nak- rar avgerðir. – Skal umsitingin taka allar avgerðirnar, er ongin orsøk til at hava landsstýr- ismann yvirhøvur, sigur Bill Justinussen. Hann sigur, at hetta er fyri at fáa tann politiska vinkulin við í málinum og hann dylir heldur ikki fyri, at hann hevur hugsað um at velja nevndarlimir, sum draga somu línu sum hann í slíkum málum. – Høvdu vit ein lands- stýrismann, sum hevði ógvuliga frælslyntar hug- sjónir, hevði hann óivað eisini manna nevndina við fólkum, sum stuðlaðu hans- ara sjónarmiðjum, heldur Bill Justinussen. Fýra av sjey nevnd- arlimum eru ný- valdir í vísindaligu siðseminevndini SIÐSEMINEVND Áki Bertholdsen BillJustinussen, lands- stýrismaður í heilsumál- um, hevur nú valt nýggja vísindaliga sið- seminevnd, sum skal virka í hesum valskeiðn- um. Og ikki slepst undan, at hann skar djúpt, nú hann valdi nevnmdina av nýggum. Siðseminevndin skal veljast eftir hvørt løg- tingsval og nú hevur landsstýrismaðurin gjørt av, hvør skal manna nýggju nevndina. Tað eru sjey limir í nevndini. Tríggir skulu veljast eftir tilmæli frá Læknafelag Føroya, men hinar fýra limirnar velur landsstýrismaður- in sjálvur. Teir tríggir nevndar- limirnir, sum Læknafel- agið valdi í nevndina, eru Høgni Djurhuus, Annika Olsen og Eliesar Olsen, sum øll eru lækn- ar. Hesi trý sótu eisini í gomlu nevndini, sum nú fer frá. Men Landsstýrismað- urin brúkti fult út hetta høvi, sum hann fekk at velja fýra limir í nevnd- ina, tí hann setti fýra heilt nýggj fólk í nevnd- ina. Hinir fýra nevndar- limirnir eru: Anne-Lene Olofson, lektari úr Klaksvík, Eydna Háberg, sjúkra- systir úr Havn, Dánjal á Dul Jacob- sen, fyristøðumaður úr Havn Jens Vang, løgfrøðing- ur úr Havn. Varalimirnir eru Mari- us Rasmussen, yvir- lækni, sum Læknafelag Føroya hevur valt og sum eisini er afturvald- ur. Hinir báðir nevndar- limirnir eru Sverri Steinhólm, prestur og Richardt Schwartson, apotekari, sum báðir eru nývaldir. Sostatt eru allir lim- irnir nývaldir í nevnd- ina, uttan teir tríggir, sum Læknafelagið hev- ur valt. Umframt teir tríggjar limirnar hjá Læknafel- agnum, sótu hesi fýra í nevndini: Sonja Klein, prestur, Jalgrim Hilduberg, løgfrøðingur, Dorete Bloch - fil.dr., Richardt Schwartson, farmaseutur Og varalimirnir vóru Marius Rasmussen, yvirlækni, sum Lækna- felag Føroya valdi, um- framt Uni Næs, prestur og Bergtóra Hanusar- dóttir, sertannlækni. Meirilutin av siðseminevndini er nú skiftur út Nývalda siðsemi- nevdnin fer at skipa seg so skjótt, høvi býðst VÍSINDALIGA SIÐSEMINEVNDIN Áki Bertholdsen Nývalda siðseminevnd- in hevur ikki skipað seg enn. Høgni Djurhuus, sum er formaður í fráfarandi nevndini, sigur, at tað er ikki heit greitt, hvør skal kalla inn til fyrsta fund- in, har nevndin skal skipa seg, um tað er for- maðurin í fráfarandi nevndini, ella um um tað er landsstýrismaðurin sjálvur. Hann segði, at hann var í ferð við at kanna málið og tá ið tað var avgreitt, verður nevndin kallað saman so skjótt sum gjørligt. Hevur ikki skipað seg enn Bill hevur valt fólk sum hann hevur álit á Bill Justinussen heldur, at tað er lættari hjá sær at velja fólk í siðseminevndina, sum hann kennir og hevur álit á, heldur enn fólk, hann ikki kennir C M Y K 7 6