mikudagur 12. apríl 2000síða 3

3 tíðindablaðið sosialurin Nr. 72 - 12. apríl 2000 Danir fyri føroyskum fullveldi Nýggj donsk kanning sýnir, at tríggir út av fýra dønum taka undir við, at Føroyar loysa frá Danmark. Men tó skal fíggjarliga skiftistíðin ikki vera long JOHN JOHANNESSEN Heili 77 prosent av dønum taka undir við, at Føroyar loysa frá Danmark, men einans 7 prosent av dønum taka undir við, at Føroyar fáa eina búskaparliga skift- istíð á 15 ár, eins og lands- stýrið leggur upp til. Hetta sýnir ein kanning, sum stovnurin, PLS Con- sult, hevur gjørt fyri danska blaðið, Aktuelt. Í kanningini eru 1017 danir spurdir, um teir eru fyri ella ímóti, at Føroyar gerast sjálvstøðugar og har- við fara út úr ríkisfelags- skapinum. Av hesum 1017 spurdu siga 781 seg vera fyri, at Føroyar fara úr rík- isfelagsskapinum, meðan 60 eru ímóti og 176 siga seg ikki vita, hvat tey skulu svara. Í prosentum merkir hetta, at 77 prosent eru fyri, at Føroyar fáa fullveldi, 6 prosent eru ímóti og 17 pro- sent vita ikki, hvørja støðu tey skulu taka. Tríggjar høvuðsgrund- gevingar Kanningin vísir tríggjar høvuðsgrundgevingar fyri, at Føroyar skulu hava full- veldi. Ein teirra sigur, at før- oyingar eiga at hava frítt val og skulu sjálvir ráða yvir framtíðini. Ein onnur sigur, at Føroyar eru ein útreiðsla fyri Danmark. Tann triðja sigur, at tað eru stórir ment- anarligir millum Føroyar og Danmark. Undirtøkan fyri fullveld- isætlanini gongur, sambært Aktuelt, aftur í øllum donskum flokkum. Kann- ingin sigur, at um átta av tíggju veljarum í næstan øll- um donskum flokkum halda, at Føroyar eiga at gerast sjálvstøðugar. Veljararnir hjá CDU og hjá Kristiliga Fólkaflokkin- um taka ikki í eins stóran mun undir við, at Føroyar fara úr ríkisfelagsskapinum. Í teimum báðum flokkunum er undirtøkan millum velj- ararnar fyri hesum um 64 prosent, sigur Aktuelt. Skulu hava stutta skiftistíð PLS Consult og Aktuelt hava eisini spurt danir, hvussu langa fíggjarliga skiftistíð, danir eiga at geva Føroyingum, verða vit sjálvstøðug. Svarið til hend- an spurning er eisini heilt greitt: Danir skulu geva før- oyingum eina stutta búskap- arliga skiftistíð. Svarini um skiftistíðina eru bólkað upp í fýra høv- uðsbólkar. Fyrsti bólkurin fevnir um tey, ið siga, at Føroyar onga skiftistíð eiga at fáa. Næsti bólkurin fevnir um tey, ið halda, at Føroyar eiga at fáa eina skiftistíð, ið liggur um fýra ár. Triðji bólkurin fevnir um tey, ið skjóta heilt upp heilt aðrar møguleikar fyri skiftistíð. At enda fevnir seinasti bólk- urin um tey, ið einki boð hava upp á, hvussu spurn- ingurin um skiftistíð skal loysast. Av hesum fýra bólkum er tann, ið metir eina skiftistíð á fýra ár vera ta røttu loysn- Hóast danski forsætisráðharrin undir spurnarorðaskiftinum á Fólkatingi fyri stuttum segði, at meginparturin av dønum ynskja Føroyar at verða verðandi í ríksfelagsskapi- num, vísir nýggja kanningin hjá blaðnum Aktuelt, at stórur partur av dønum taka undir við at Føroyar gerast sjálvstøðugar. Mynd: Jens Kr. Vang ina, nógv tann størsti. Hann telur 528 fólk av 1012 spurdum, og er hetta tað sama sum 52 prosent. Ein skiftistíð á fýra ár er eisini tað, danska stjórnin hevur meldað út, at hon er til reiðar at geva føroying- um, velja vit at fara úr rík- isfelagsskapinum. Lands- stýrið vil kortini hava eina skiftistíð á 15 ár. Men hes- um taka danir ikki undir við. Kannigin vísir, at bert 7 pro- sent av dønum taka undir við so langari skiftistíð. Tey, ið ynskja heilt aðra skiftistíð, telja 17 prosent, meðan 7 prosent siga seg ikki vita, hvat tey skulu svara. Ósamsvar Veljarakanningin gevur greiðar ábendingar um, at danir taka undir við hørðu linjuni, danski forsætisráð- harrin hevur lagt móti før- oyingum undir samráðing- unum. Men kortini er samvara útmeldingarnar frá Poul Nyrup Rasmussen um, at meginparturin av danska fólkinum vil hava, at Før- oyar verða verðandi í ríkis- felagsskapinum, ikki heilt við úrslitið av kanningini. Carita Bjørklund afturvald JOHN JOHANNESSEN Á aðalfundinum hjá Føroya Pedagogfelag, sum var leygardagin, varð Carita Björklund aftuvald sum for- maður felagsins. Carita Björklund hevur verið forkvinna felagsins síðani 1998. Eingi annað formansevni var, tá hon leygardagin tók við aftur- vali. Formansskeiðið í Føroya Pedagogfelag er 2 ár Í nevndina í pedagogfel- agnum komu Elsa Klein Hansen, Anna Hvannastein, Maud Wang Hansen og Jutta Mortensen. Elsa Klein Hansen varð afturvald, meðan Anna Hvannastein kom inn fyri Katrina Hans- en, ið ikki stillaði upp aftur. Maud Wang Hansen og Jutta Mortensen eru báðar nýggir nevndarlimir. Stuðla lærarunum Aðalfundurin hjá Føroya Pedagogfelag samtykti eina yvirlýsing, ið lýsir sín fulla stuðul til limirnar í Føroya Lærarafelag, ið eru í verk- falli. Samstundis heitir Føroya Pedagogfelag í yvirlýsing- ini á landsins myndugleikar um at taka stig til at loysa trætuna, sum er íkomin tí myndugleikarnir hava framt lógarbroytingar, sum økja arbeiðsbyrðuna hjá lærarun- um, uttan at fíggjarligi karmurin er øktur samsvar- andi. Røða um vaksandi fiskivinnusamstarv JOHN JOHANNESSEN Í gjár kom grønlendski landsstýrismaðurin í fiski- vinnumálum, Simon Olsen, við fylgi til Føroya á al- menna vitjan hjá Jørgeni Niclasen. Endamálið við vitjanini er, at føra politiskar samrøður um vaksandi fiskivinnusamstarvið land- anna millum. Simon Olsen skal eisini vitja virkir og stovnar sam- an við Jørgeni Niclasen. Harafturat verður eisini far- ið onkran túrin at uppliva føroysku náttúruna. Grønlendski landsstýris- maðurin í fiskivinnumálum fer saman við konu síni, Arnajaraq, og báðum em- bætisfólkunum úr aftur Før- oyum fríggjadagin.