mikudagur 12. apríl 2000síða 6

6 tíðindablaðið sosialurin Nr. 72 - 12. apríl 2000 Tey stóru fakfeløgini eru í øðini inn á løgtingsmann: Krígsavbjóðing frá Jákup Sverra Kass – Løgtingið hevur onki at gera við læraraverkfallið og bæði Jákup Sverri Kass og allir aðrir løgtingsmenn skulu halda seg langt burtur, siga fakfeløgini ÁKI BERTHOLDSEN Tá ið Jákup Sverri Kass, løgtingsmaður, fortaldi í Sosialinum í gjár, at hann nú ætlar at fáa Løgtingið at samtykkja eina lóg, sum ger enda á verkfallinum hjá teimum sáttmálasettu lærar- unum, var tað sum at festa í fjús. Tí við hesi ætlanini hevur hann gjørt seg til seg sera illa lýddan, bæði hjá lærar- um og ikki minst hjá fak- feløgunum. Jákup Sverri Kass segði við Sosialin í gjár, at hann helt, at lærarverkfallið nú hevði vart ov leingi og fyri at verja børnini og foreldr- ini, ætlaði hann hesa vik- una at royna at savna und- irskriftir frá 16 øðrum ting- limum, so at uppskot kundi leggjast fyri tingið sum end- aði verkfallið við lóg. Fyri at leggja uppskot fyri tingið nú, krevjast nevniliga undirskriftir frá 17 tinglim- um Ein krígsavbjóðing Men hendan ætlanin hevur rættiliga loypt øði í, bæði hjá lærarum í verkfalli, hjá Lærarafelagnum sjálvum og hjá øðrum fakfeløgum við. Heini Joensen, næstfor- maður í Starvsmannafelag- num kallar hetta rætt og slætt eina krígsavbjóðing. Starvsmannafelagið hev- ur samstundis sent løgting- inum mótmæli, har ætlanin at leggja seg uppí ósemjuna verður harðliga átalað. –Hetta er at leggja seg út í viðurskifti, sum Løgtingið onki hevur við at gera, sigur Heini Joensen. Hann sigur, at hetta er grovur ágangur ímóti rætt- inum hjá fakfeløgunum at samráðast um viðurskiftini á arbeiðsmarknaðinum. Næstformaðurin í Starvs- mannafelagnum sigur, at skuldi tingið gjørt nakað, so skuldi tað einasta verið, at tað álegði fíggjarmálastýr- inum at farið undir veruligar samráðingar, so at ein semja kundi fingist í lag. – Løgtingið hevur heim- ild til at áleggja fíggjarmála- stýrinum at fara undir veruligar samráðingar og føldi tingið, at trupulleikar vóru, átti tingið at brúkt tað heimildina, ístaðin fyri at brúka sítt lóggevandi vald til at taka tann grundleggj- andi rættin, sum verkfals- rætturin er, frá fakfeløguum Eftir hansara tykki er tað júst trekleikin hjá fíggjar- málastýrinum tann stóri trupulleikin í samráðingun- um. – Ístaðin fyri at hetta æviga stríðið ímóti fakfel- øguum, áttu bæði Løgtingið og fíggjarmálastýrið heldur at lagt á annan bógv og roynt at skapt frið á arbeiðs- marknaðinum. – Tað skuldi fíggjarmála- stýrið gjørt við at ført eitt veruligt og støðugt sam- skifti við feløgini, so at vit sluppu undan støðum sum hesari, ið vit hava havt alt ov nógvar av tey seinastu árini Hann sigur, at fíggjarligu árinini av teimum ósemjum, sum hava verið, eru stór, men tey eru kanska ikki tey ringastu. – Tað ringastu er at lekja tey høggini, sum álitið í- millum partarnar fær í lemj- andi ósemjum sum hesum, sigur hann. – Tað, at vit javnan og savnan hava ósemur á ar- beiðsmarknaðinum er kanska tann álvarsamasta avleiðingin av tí linju, sum fíggjarmálastýrið hevur lagt. –Men fer Løgtingið nú at leggja seg uppí, fer tað heilt avgjørt ikki at bøta um út- litini fyri at luftin ímillum feløgini og politiska mynd- ugleikan skal batnað. –Tí hetta er ein ósiður, sum ongastaðni hoyrir heima, sigur Heini Joensen. –Rætturin at fara í verk- fall er tað einasta, fakfel- øgini eiga og tann rættin skal Løgtingið ikki taka frá okkum, leggur hann afturat. Niðurbrýtur alt álit Eisini formaðurin í einum øðrum, stórum fakfelag. Ingeborg Vinther í Føroya Arbeiðarafelag átalar harð- liga ætlanina hjá okkara yngsta løgtingsmanni at fáa tingið at gera enda á verk- fallinum. Tingið skuldi heldur tvingað Karsten til aftur samráðingrborðið og Jákup Sverri Kass skuldi heldur savna 16 tingmenn saman við sær at lagt uppskot fyri tingið um at játta tann neyð- uga peningin, sum lógin kostar, sigur Ingeborg Vinther. Hon sigur, at álitið hjá feløgunum á politikararnar er lítið, sum er, men leggur tingið seg uppí samráðing- arnar, er tað seinasta farið. Og hetta er í beinleiðis andsøgn til tað, sum Høgni Hoydal, landsstýrismaður fleiri ferðir hevur ført fram í seinastuni um, at tað, sum umræður nú, er at endur- byggja álitið ímillum fak- feløgini og landsins mynd- ugleikar, sigur formaðurin í Føroya Arbeiðarafelag. Karsten Hansen: Soleiðis kann mann ikki arbeiða –Tað ber ikki til, at einstaklingar í samgonguni fara í sjálvdrátt, soleiðis sum Jákup Sverri Kass ger í einum so stórum, týdningar miklum máli, sum hesum Verkfallið hjá lærarunum harðnar í hvørjum og í gjár stóðu lærarar eisini við fíggjarmálastýrið og vísti sína ónøgd. Men hóast tað nú hevur vart í fimm vikur, skulu bæði Jákup Sverri Kass og aðrir løgtingsmenn, halda seg langt burtur, siga tey stóru fakfeløgini ÁKI BERTHOLDSEN Karsten Hansen, landsstýr- ismaður í fíggjarmálum hevur ikki tikið tað væl upp, at Jákup Sverri Kass nú ætl- ar sær at taka stig til at fáa løgtingið upp í málið. Karsten Hansen, sum hevur ábyrgdina av samráð- ingarnar av samráðingunum fyri landið, er framvegis av teirri áskoðan, at løgtingið skal ikki leggja seg uppí samráðingarnar. Men at tað skal vera ein tingmaður í sjálvari sam- gonguni, sum ætlar at taka stig til at fáa løgtingið uppí, hevur hann tikið serliga illani upp. Hann sigur, at tað ber heilt einfalt ikki til, at ein- staklingar í samgonguni fara í sjálvdrátt og taka stig til at leggja eitt so stórt og týdningarmikið mál fyri tingið, uttanum samgong- una, sigur Karsten Hansen. – Eg rokni ikki við, at hann fær nógvar tinglimir úr samgonguni at skriva undir eitt uppskot um at leggja fyri tingið. Tvs, at hann skal hava flestu und- irskrivtirnar úr andstøðuni, kanska saman við onkrum einstaklingum úr samgong- uni. Hvørjar avleiðingar hetta hevði fingið, vil hann ikki útgreina. Tað einasta, hann vil siga er: – Soleiðis kunnu vit ikki arbeiða í eini samgongu, og eg rokni við, at tá ið tað kom tilstykkis, hevði Jákup Sverri Kass hugsað seg tvær ferðir um, áðrenn hann tók eitt slíkt stig, sigur lands- stýrismaðurin. Karsten Hansen sigur, at hann hevur greitt Jákup Sverra Kass frá álvaranum í málinum. Men Jákup Sverri Kass sigur, at hann hevur fleiri ferðir boðað Karsten Han- sen frá, at hetta bleiv endin, um ikki okkur hendir Tó sigur hann, at hann ger onki, nú útlit vóru til at sam- ráðingarnar fara at vera tiknar uppaftur. Hevði hendan fráboðanin ta ávirkan, at hon hjálpti til at fáa partarnar aftur til sam- ráðingarborðið, er ikki so lítið vunnið, helt hann. Annars hevur hann sjálv- ur merkt, at fráboðanin frá honum í Sosialinum í gjár, hevur vakt ans. Hann hevur fingið ein hóp av teldubrøv- um, bæði frá lærarum, sum vóru ímóti ætlanini og frá foreldrum, sum vóru fyri og hann brúkti fleiri tímar í gjár um at svara aftur. Natúra og heilsa er ein lívsstílur Í nógv ár hevur Irena Jac- obsen í Hvalba havt fibro- myalgi sjúkuna, sum voldi henni nógvan trega hvønn einasta dag. Men eina ferð hon var í Dan- mark og ferðaðist, datt hon niður á eina lýsing, har ein kona helt fyrilest- ur um aloe vera og fibro- myalgi. Aloe vera er ein planta, sum læknar høvdu funnið útav, hevði fleiri góðar eginleikar. Hon var og lurtaði eftir hesi konuni og gjørdi av at royna hetta evni og tað gingu ikki nógvir dagar, til hon livdi nógv betri. Tær góðu royndirnar fekk hana til at blíva før- oyskt umboð fyri fyritøk- una, sum ger hesar vør- urnar. Talan er um heim- sins størsta framleiðara av aloe vera úrdráttum. Nú ger hendan fyritøkan yvir 50 ymsar vørur, bæði smyrsl, krem og ymiskt at eta og drekka, tað er alt er 100 vistfrøðiligt. Fyritøkan selur fyri fleiri milliardir um árið og hevur umboð í yvir 60 londum. Nú er umboð fyri deildina hjá hesi fyri- tøkuni í Danmark komin til Føroyar at kunna um vøruna. Endamálið er eisini at fáa fleiri umboð í Føroyum og øll eru væl- komin til teir báðar kunn- andi fundirnar, sum verða. Fundur verður í MBF húsinum fríggjadagin klokkan 19.00 og í Ólav- stovu í Saltangará leyg- ardagin klokkan 15. Sí annars lýsing aðrastaðni í Sosialinum í dag. –Áki–