týsdagur 17. september 2002síða 9

Nr. 177 - 17. september 2002 17 HB hevur nú undanbrekku ímóti FM Mótbrekkan hjá TB tykist so tung, at tað verður sera torført hjá tvørámonnum at varðveita plássið í bestu deildini SAMANUM 15. UMFAR Jóannes Hansen Tað eru trý umfør eftir av 2002 kappingarárinum. Tað er tætt millum fremstu lið- ini, og tí er einki avgjørt. Men nú skal tað vilja meiri enn illa til hjá HB, um teir ikki fara at vinna FM heit- ið, sum teir ikki hava átt síðani 1998. HB er eitt stig framman- fyri KÍ og NSÍ. Í innanhýsis uppgerðunum – har eru tað bara stigini og ikki málini, sum telja – stendur á jøvn- um millum HB og KÍ, með- an HB er omaná ímóti NSÍ. HB vann 4–0 á heimavølli í fyrsta umfarinum, og sunnudagin vunnu teir 2–0 í Runavík. Hóast EB/Streymur vann 2–1 á heimavølli ímóti HB, so ber ikki til at ímynda sær, at HB fer at tveita stig burtur, tá teir komandi sunnudag fáa vitjan av Skála, og tá EB/Streymur annan sunnudag kemur í Gundadal. Avrikið ímóti NSÍ vísti, at oddaliðið leik- liga er væl fyri, um mót- støðuliðið ikki liggur heilt tætt í teimum. Tað megnaði NSÍ í fyrra umfarinum, men tað hava hvørki Skála ella EB/Streymur møgu- leika at gera. Í síðsta um- farinum skal HB suður á Sevmýri, og har fara teir heldur ikki at missa stig. Úrslitini sunnudagin lag- aðu tað soleiðis, at HB hev- ur ráð at spæla javnt í ein- um av teimum trimum dystunum, sum teir eiga á. Teir eru tvey stig undan KÍ og NSÍ, teir hava betri mál- mun enn KÍ, og teir eru om- aná ímóti NSÍ – bæði í inn- anhýsis dystum og mál- muni. Torført við skránni Um eitt lið er á odda og samstundis eigur á pappíri- num so lættar uppgávur á, sum HB nú ger tað, so vil tað sjálvsagt siga, at teir longu hava megnað torføru uppgávurnar ímóti hinum góðu liðunum. Hjá svornum HB við- haldsfólkum er tað sjálv- andi hugaligt, at meistara- skapsdeymurin longu eftir fimtanda umfarið er so ramur. Men fyri spenningin og harvið áhugan yvirhøvur fyri kappingini, er tað harmuligt, at oddaliðið ikki í trimum teimum seinastu umførunum verður partur í toppuppgerðum. Í hondbóltinum verður lagt soleiðis til rættis, at tey fýra liðini, sum í undan- farna kappingarári endaðu á fýra teimum ovastu pláss- unum, í seinastu umførun- um hittast innanhýsis. Har- við verður á skrivaraborði- num gjørt tað, sum gerast kann, fyri at varðveita in- tensitetin og spenningin so leingi, sum tað ber til. Í gomlum døgum – og tað vil í hesum førinum siga í tíðini, áðrenn Eystur- oyggin rættuliga fór at blanda seg í toppin í fót- bóltinum – var skráin oftast soleiðis, at KÍ og HB hittust fram ímóti kappingarenda ella HB og TB, tá tað vóru hesi bæði liðini, sum undanfarna árið høvdu verði ovast. Teir, sum leggja fótbólts- kappingina til rættis, tykj- ast ikki at hava hugsað so- leiðis, tá teir í síðsta um- farinum hava sett TB og HB at spæla á Sevmýri, men uppgávan bæði at at leggja til rættis og at vera spámaður, sum metir um, hvør fer at standa seg væl og minni væl, er stór og tor- før. Í fjør vann B36 FM heitið. GÍ var næstfremst, so komu B68 og VB, og NSÍ, KÍ og HB, sum seinastu vikurnar hava telvast um fremsta plássið, vóru ávikavíst nummar fimm, seks og sjey! Undan kappingarbyrjan í ár varð HB mett sum eitt av fleiri boðum uppá odda- sessin. Onnur boð vóru NSÍ, KÍ, B36, GÍ og B68. Hesi feløgini skulu spæla fleiri innanhýsis dystir í trimum teimum seinastu umførunum. Europa upp á spæl Meistaraliðið fær eina stóra millión frá UEFA fyri at luttaka í Europa Cup. Steypavinnararnir eiga pláss í UEFA Cup. Tað plássið hevur NSÍ tryggjað sær. Næstfremsta liðið sleppur eisini upp í part í UEFA Cup. Í løtuni er KÍ besta boðið upp á hetta plássið. Størstu hóttanina fáa teir úr Gøtu. GÍ er kropið upp á fjórða plássið. Teir eru tvey stig aftanfyri KÍ og NSÍ. Komandi sunnudag fara gøtumenn til Klaksvíkar. Úrslitið í tí uppgerðini fer at hava sera stóran týdning fyri UEFA Cup luttøkuna. Sum støðan er í løtuni, so verður neyðugt hjá GÍ at vinna í Klaksvík. Men tað eru framvegis fleiri aðrar spennandi uppgerðir á skránni. Í næstsíðsta um- farinum skal B36 til Gøtu, og í síðsta umfarinum skal NSÍ til Klaksvíkar. Undan vikuskiftinum var møgu- leiki fyri, at hesin síðst nevndi dysturin skuldi ger- ast ein sonn finala. Tann møguleikin er rættuliga kámur nú. Hann spøkir, men um hann skal gerast veruleiki, so skal HB snáva orduliga, og so skulu KÍ og NSÍ vinna báðar dystirnar, sum tey eiga, áðrenn tey í síðsta umfarinum hittast í Klaksvík. Mótbrekkan hjá TB Sunnudagurin var søgulig- ur hjá Skála á tann hátt, at tað fyri fyrstu ferð eydnað- ist teimum at vinna í bestu deildini. Og nýggi venjarin, Hans Jákup Andreasen, kann erpa sær av, at liðið bara hevur vunnið í 1. deild, meðan hann hevur verið venjari! Tey trý stigini, sum Skála fekk burturúr ímóti EB/- Streymi, bera við sær, at Skála er sloppið undan aft- asta plássinum og harvið beinleiðis niðurflytingar plássinum. Tá Skála kom- andi sunnudag fer í Gunda- dal at spæla ímóti HB, fer TB at spæla á heimavølli ímóti NSÍ. Tað er sannlíkt, at hvørki botnliðið fer at fáa úrtøku. Um tað fer at gangast, sum tað kann roknast við, so verður niðurflytingin avgjørd, tá tey bæði botnliðini í næst- síðsta umfarinum fara at hittast á Skála. Í løtuni sær tað út til, at tað verður neyðugt hjá TB at vinna tann dystin, um teir skulu sleppa undan beinleiðis niðurflytingini. Um tað ikki eydnast hjá TB, so verður støðan iva- leyst tann sama eftir síðsta umfarið, sum hon var í 1988. Tá fekk HB handað gullmerkini og FM steypið, meðan tvørámenn stóðu og hugdu at í Gundadali. Teir vóru greiðir yvir, at teir í 1989 skuldu spæla í 2. deild. Aftur í 1996 vóru tvørámenn í somu støðu. Tá stóðu teir eftir síðsta um- farið niðurfluttir á Svemýri og hugdu at, meðan gøtu- menn fingu gullkrónur og FM steyp. Óvanliga spennandi Í 2. deild er tað so spenn- andi, sum tað ongantíð hev- ur verið áður. Spurningurin um beinleiðis uppflyting er avgreiddur. FS Vágar hevur vunnið deildina so sannfør- andi, sum eingin hevur gjørt áður. Spenningurin snýr seg um endaspæl um uppflyting, um endaspæl um niðurflyting og um beinleiðis niðurflytingina. Síðsta umfarið í 2. deild verður um tvær vikur. Tá verður greitt, um talan yvir- høvur verður um endaspæl um uppflyting. Treytin er, at eitt felag, sum ikki frammanundan er umboðað í fermstu deildini, verður í hvussu so er nummar fýra. B71, Sumba, ÍF og LÍF kappast innanhýsis. Men tað er framvegis møguleiki fyri, at B36, KÍ og NSÍ fara at liggja á teimum øllum. Tað er ikki komið fyri áð- ur, at átjan stig ikki hava verið nóg stór úrtøka fyri at sleppa undan beinleiðis niðurflytingini. Soleiðis er støðan hesa ferð. Burtur- sæð frá FS Vágum eru øll hini níggju liðini í størri ella minni vanda fyri at flyta niður. Frá HB á aftasta plássinum og fram til B36 á silvurplássinum eru tað fimm stig, og tað eru tvey umfør eftir at spæla. Í tveimum teimum síðstu umførunum sær skráin so- leiðis út: LÍF–B71, NSÍ–B36, FS Vágar- Sumba, HB–ÍF og VB–KÍ hittast komandi leygardag. Annan leygardag hittast B71–VB, B36–LÍF, Sumba–NSÍ, ÍF–FS Vágar og KÍ–HB. Nocko Jokovic og HB tóku sunnudagin eitt risa fet móti gullkrónunum. Enn resta trý umfør, men við eftirverandi dystarskránni er ilt at ímynda sær, at havnarliðið skal kiksa í royndini at vinna sítt 14. meistaraheiti Mynd: Álvur Haraldsen 17 Nr. 177 • týsdagur • 17. september 2002 • 76. árgangur • www.sosialurin.fo KÍ bíðar eftir Kurt Í HB rokna teir við, at venjaraspurningurin verður avgreiddur í hesi vikuni ella í komandi viku VENJARAR Jóannes Hansen HB, KÍ og NSÍ eru trý tey fremstu í bestu deildini. Tað er greitt, at Jógvan Martin Olsen verður venj- ari hjá NSÍ komandi ár. Men tað er ikki greitt, hvørjir verða venjarar hjá HB og KÍ. Klaksvíkingar ynskja ikki at dylja, hvønn teir fegnir vilja hava at vera venjara hjá teirra monnum, meðan tað er torførari at fáa staðfest, hvønn HB leiðslan ynskir at hava ábyrgdina fyri teirra besta lið. – Vit vilja fegnir hava, at Kurt Mørkøre heldur fram í venjarastarvinum. Hann hevur víst, at hann megnar at stíla fyri góðari venjing. Spælararnir eru í góðari venjingarstøðu, og um- hvørvið á og kring liðið er gott. Tað eru nógvir um boðið á besta liðnum, og teir á beinkinum vísa aftur og aftur, at teir gera heilt stóran mun. Tað sóu vit aftur í Gundadali sunnu- dagin. Tá tað eru nógvir um boðið, og allir ikki sleppa upp í part, so er tað upp- gávan hjá venjaranum at halda øllum til, og at syrgja fyri at lagið er gott, og tað hevur Kurt megnað sera væl, sigur Gestur Hov- gaard, sum er formaður í KÍ. Okkum eydnaðist ikki at fáa fatur á Kurt Mørkøre í gjár, men vit skilja, at orsøkin til at hann ikki enn hevur givið endalig boð, um hann fer at halda fram í Klaksvík ella ikki, er, um hann verður búgvandi í Føroyum, ella um hann fer aftur til Noregs. Hoyra einki KÍ formaðurin ásannar, at støðan kann gerast eitt sindur torfør, um teir ikki hava sett venjara, tá tíðin er liðin nógv frá, men hann væntar ikki, at hetta fer at bila hjá KÍ: – Vit halda okkum vera í einum góðum og spennandi felag, sum tað átti at verið spennandi at vant. Ikki minst tí vit hava nógvar og góðar spælarar. Fáa tit nógvar fyrispurn- ingar? – Síðani eg gjørdist for- maður hevur eingin venjari spurt seg fyri um starv hjá okkum. Hvørki úr Føroyum ella útlendingur. Kanska er tað tí, at vit hava ein góðan venjara, eg veit tað ikki. Men eg haldi, at tað hevði ikki gjørt nakað, um venj- arar góvu seg til kennar, um teir eru áhugaðir. Tað hevði gørt uppgávuna lættari hjá øllum pørtum, heldur KÍ formaðurin Gestur Hov- gaard. Frætta nógv Í HB tosa teir nógv um venjingina komandi ár. Kári Nielsen og Jóannes Jakobsen hava havt ábyrgd- ina, síðani Ion Geolgau fór úr starvinum, sum hann hevði havt síðani 1998. Tá vit spyrja Steinfinn Mittelstein, stjóran í Havn- ar Fótbóltur, sum helt 41 ára føðingardag í Runavík sunnudagin, um, hvussu tað verður við venjaranum, vil hann hvørki avsanna ella vátta, at menninir, sum nú hava ábyrgdina, fara at halda fram. – Kári og Jóannes tóku uppgávuna á seg, tá tað stóð ikki so væl til. Teir eru settir til hetta árið er liðugt. Venjaraspurningurin fyri komandi ár verður av- greiddur í hesi vikuni ella í næstu viku, sigur Steinfinn Mittelstein. Fáa tit nógvar fyrispurn- ingar? – Tað eru fleiri, sum føla seg fyri hjá okkum. Ikki minst úr útlandinum koma ofta teldupostir frá venjar- um, sum siga seg hugaðar at koma henda vegin. Tá tað í fjør varð eitt sindur av turbolensi kring HB og venjaran, fekk eg fleiri teldubrøv, sigur Steinfinn Mittelstein. VB leitar Í Vági er Marek spælandi venjari. Tá vit spyrja John Henrik Holm, formann í VB, hvussu tað verður komandi ár, svarar hann so- leiðis: - Vit søkja í løtuni eftir venjara, og sjálvandi er tað ein spurningur, sum vit vilja hava avklárað sum skjótast, men enn er ov tíð- liga at siga nakað um hetta. Er VB eitt av feløgunum, sum hevur roynt at fáa Ion Geolgau til venjara? – Eg fari ikki at seta nøvn á, hvørjar venjarar vit hava havt samband við. Vit hava tosað við 3–4 persónar, men vit hava ikki verið í realitetssamráðingum við nakran, sigur VB formaður- in. Ion Geolgau er í løtuni leysur maður á føroyska venjaramarknaðinum, men skalt tú trúgva leysasøgunum, sum ganga í hesum døgum, verður hetta ikki støðan serliga leingi afturat Á Skála ætla teir ikki at seta venjara, fyrr- enn tað er greitt, um teir skulu spæla í bestu ella næstbestu deildini komandi ár VENJARAR Jóannes Hansen og Jákup Mørk Nú er tað greitt, at EB/- Streymur skal hava nýggjan venjara komandi kapping- arár. Trygvi Mortensen hevur havt ábyrgdina í ár, men hann heldur ikki fram: – Tað er eitt sindur síð- ani, at eg segði leiðsluni í felagnum frá, at eg fór ikki at halda fram. Tað gjørdi eg fyri at teir skuldu hava stundir fyri at finna ein nýggjan venjara í góðari tíð, sigur Trygvi Morten- sen, sum orsaka av arbeiðs- umstøðum ikki hevur ætl- anir um at vera venjari á høgum støði komandi ár. Í EB/Streymi hava teir ikki enn sett nýggjan venj- ara til komandi kappingar- ár, sum ivaleyst – triðja árið á rað – verður í bestu deild- ini. Bíða á Skála Á Skála komu teir flúgv- andi frá fyrsta dystinum, eftir at Hans Jákup Andrea- sen fór frá at vera hjálpar- venjari og til at hava ábyrgdina, og Jústinus Just- inussen gjørdist hjálpar- venjari – akkurát sum hann gjørdist í fjør, tá tað stóð mest á. Ætla tit at halda fram við somu venjarum? Kurt Rasmussen er for- maður í Skála Ítróttarfelag: – Vit hava onga avgerð tikið um venjaran. Sjálv- andi hava vit følt okkum eitt sindur fyri, og vit fylgja við í, hvat gongur fyri seg. Men vit fara ikki at seta venjara, fyrrenn tað er greitt, um vit skulu spæla í 1. ella í 2. deild. Tað verður í fyrsta lagið eftir TB dyst- in, sum verður á skránni um tvær vikur. Tá fæst at síggja, um vit skulu flyta beinleiðis niður, ella um vit skulu spæla um eitt pláss í bestu deildini, sigur Kurt Rasmussen, sum eftir sig- urin og góða avrikið sunnu- dagin sigur seg hava gott mót um, at tað fer at eydn- ast hansara monnum at varðveita plássið í bestu deildini. Hví halda tit ikki bara fram við venjaraparinum, sum tit nú hava? – Sum eg segði, so er einki avgjørt. Men ofta vís- ir tað seg hjá monnum, sum eru í fulltíðarstarvi, at tað verður ov tungt at hava venjarastarvið framíhjá, sigur Kurt Rasmussen, for- maður í Skála Ítróttarfelag. Trygvi heldur ikki fram á Eiði C M Y K 16