týsdagur 17. september 2002síða 11

Nr. 177 - 17. september 2002 21 Tað nógva av spælinum gekk fyri seg á miðvøllinum. Her eru tað Nicu Dogaru og Ian Højgaard, sum dystast um bóltin Mynd: Álvur Haraldsen Jóannes Jakobsen var sera væl nøgdur við, at HB endiliga hevði víst, at teir aft- ur eru førir fyri at koma væl frá týdn- ingarmiklastu dyst- unum NSÍ–HB Jóannes Hansen Eingin ivi er í, at HB hev- ur verið djúpt í lumma- num, tá teir fyrr í summar skrivaðu undir avtalu við Nocko Jockovic. Sunnu- dagin varð staðfest í Runavík, at íløgan í danska álopsspælaran hevur loyst seg. Nocko Jockovic skoraði bæði HB málini, og harvið sparkaði hann HB nærri FM heiti- num og milliónini, sum teir síðani 1998 hava longst eftir at endurvinna. Fremmandi álopsmað- urin fekk ikki so nógvan stuðul, sum HB liðið van- liga veitir fremstu monn- unum. Men hann var støð- ugt við í spælinum, og hann skoraði tey bæði málini, sum bóru HB so nógv nærri móti meistara- heitinum. Málskjúttin var sjálv- andi ovurfegin, men hann vildi ikki hava, at tað snúði seg um hann: – Talan var um kollek- tivt avrik. Um tað var eg ella onkur annar, sum skoraði málini, hevur ikki so nógv at siga. Í fyrra førinum var talan um geniala fríspæling frá An- drew av Fløtum, sum eg fekk uttaru síðu á fótinum undir, og í seinna førinum var málið púra opið, tá Jón Rói Jacobsen – eftir at hava runnið tredivu metrar – trillaði bóltin fyri føtur- nar á mær. Var sigurin uppiborin? – Fótbóltur snýr seg um at spæla seg til møguleik- ar og at skjóta mál, og tað vóru vit betri til enn mót- støðumenninir, segði Nocko Jockovic við Út- varp Føroya eftir dystar- enda. Jóannes Jakobsen, sum saman við Kári Nielsen hevur ábyrgdina av HB liðnum, var eisini væl nøgdur: – Verjuspælið var sera gott hjá okkum. Framrætt- aða spælið var ikki so gott, sum tað kann vera, men tað ráddi um úrslitið, og tað kunnu vit ikki vera annað enn nøgdir við. Vit høvdu ikki nógvar stórar møguleikar, men vit skor- aðu málini. Tit vardu nógv í 2. hálv- leiki? – Tað var ikki ætlanin, at liðið skuldi liggja so aftarlaga. Vit áttu at havt verið einar tíggju til fim- tan metrar longri frammi. Fjarstøðan til teir á toppi- num gjørdist ov stór, og tað gekk út yvir álops- spælið. Men alt í alt kunnu vit ikki vera annað enn nøgdir. Nú liggur leiðin til FM heitið opin? – HB hevur gott fólk, og tað var týdningarmikið, at HB aftur megnaði at vinna lykladyst. Vit ætla at vinna hvørja ferð, og um tað eydnast, so fer at síggja ljóst út. Hetta var forloysingin, segði væl nøgdi Jóannes Jakobsen við Útvarp Føroya. Nocko gevur kollektivinum æruna Tvífaldi málskjúttin, Nocko Jokovic, var sjálvsagt fegin um sigurin, men heldur enn at taka æruna sjálvur, valdi hann at býta hana við viðleikararnar Mynd: Álvur Haraldsen Jógvan Martin Olsen ásannar, at hansara lið ikki spældi upp til sítt besta ímóti HB, sum hevði fleiri streingir at spæla uppá NSÍ–HB Jóannes Hansen Jógvan Martin Olsen og hansara menn hava sein- astu vikurnar verið ovast á støðutalvuni. Tað eru teir ikki eftir fimtanda umfar- ið. 2–0 tapið ímóti HB ber við sær, at NSÍ er á triðja plássinum. HB hevur bestu kortini á hondini, og NSÍ venjarin sigur seg ikki duga at ímynda sær, at HB fer at sleppa taki- num. – Eg havi alla virðing fyri EB/Streymi, Skála og TB, men tað er einki, sum bendir á, at nakað av hes- um liðunum fer at gera nakað við HB. Vit mugu ásanna, at tá tað ráddi mest um, vóru vit ikki nóg sannførandi, staðfestir NSÍ venjarin. Tað var ein dyggur smeitur, at tit ikki høvdu Ulrik Balling og Sonna L. Petersen við? – Avgjørt. Tað var sera harmuligt, men soleiðis eru treytirnar. Okkara royndu at gera teirra besta, men vit mugu bara staðfesta, at spælið var ikki tað, sum vit hava víst í nógvum av hinum dyst- unum. Nær vart tú greiður yvir, at tað ikki fór at eydnast tykkum í hvussu so er at røkka javnleikinum, sum hevði verið so týdningar- mikil? – Vit høvdu gott trýst á teimum í 1. hálvleiki, men vit megnaðu ikki at spæla okkum til upplagdar møguleikar. Fyrra málið hjá teimum eiga teir ikki at sleppa at skora. Í steðgi- num avráddu vit at halda fram, sum vit høvdu gjørt og so at leggja alt meiri í álopspartin. Tá Ulrik Ball- ing og Sonni L. Petersen vóru burturfrá, kom tað illa við, at Kári Hansen noyddist av vøllinum. Hann vandi ikki í vikuni. Hann var førur fyri at spæla, men sjálvandi var tað ikki optimalt, tá hann ikki var við í fyrireiking- unum, sum hinir vóru tað. Og hvat sigur tú um HB liðið? – Serliga í 2. hálvleiki sást , at teir høvdu fleiri streingir at spæla uppá, enn vit høvdu. Teir fingu fatur á fótbóltsspælinum, og teir vunnu nærdystir- nar. Vit trúðu alla tíðina uppá, at tað kanska fór at eydnast í deyðbóltsstøðu at skora mál og harvið at fáa javnleik, men tað gjørdi tað ikki. NSÍ venjarin: Nú verður HB meistari – Eg havi alla virðing fyri EB/Streymi, Skála og TB, men tað er einki, sum bendir á, at nakað av hesum liðunum fer at gera nakað við HB, helt NSÍ venjarin eftir dystin Mynd: Álvur Haraldsen 21 20 Nr. 177 - 17. september 2002 NSÍ-HB 0-2 (0-1): Bara HB hevði málmøguleikar Hóast teir í 1. hálv- leiki vóru sera ágang- andi, so megnaðu NSÍ menninir ongantíð at spæla seg til upp- løgdu málmøguleik- arnar, sum HB gjørdi og fekk úrtøku burt- urúr FÓTBÓLTUR Jóannes Hansen Tey fleiri hundrað reyð og svartkløddu HB viðhalds- fólkini fóru í góðveðrinum sunnudagin í sera góðum hýri úr Runavík. Tað høvdu tey alla orsøk til. Teirra lið hevði vunnið 2–0, og har- við hevði HB so rudduliga sagt takk fyri seinast. Tað var stórt vónbrot hjá HB, tá NSÍ á ólavsøku fór avstað við løgmanssteypinum fyri eygunum á teimum. Liðið fór í leikligan aldudal, úrslitini vóru ikki góð, og leiðslan í felagnum metti støðuna so álvarssama, at venjarin varð skiftur út. HB sigurin í Runavík var á onganhátt óuppiborin. HB hevði víst best skipaða fótbóltsspælið, og tað vóru bara teir, sum høvdu spælt seg til upplagdar møguleik- ar. Nocko Jocovic skoraði tvey mál. Tað fyrra kom stutt undan hvíldini, og longu tá bendi nógv á, at tað fór at verða torført hjá heimaliðnum at venda gongdini. Málmøguleikar og royndir ímóti málinum skulu til, um fótbóltsdystir skulu vinnast. NSÍ megn- aði ongantíð at spæla seg til møguleikar, og so fingu teir einki mál. Ulrik Balling var skaddur, og Sonni L. Peter- sen var leikbannaður. Tað var ein partur av frágreið- ingini, hví NSÍ ikki hevði tyngdina í framrættaða spælinum, sum teir næstan hvørja ferð hava víst fyrr í ár. Heimaliðið legði fyri sum eitt ódnarveður. Teir vóru nøkur prosent ágrýtn- ari enn gestirnir. Tað hevði við sær, at tað mesta í fyrra umfarinum gekk fyri seg eftir treytunum hjá NSÍ. Teir høvdu bóltin meiri, teir vunnu fleiri nærdystir enn mótstøðumenninir, og tað var týðuligt, at HB menn- inir ofta kendu seg kroystar. Jan C. Dam var allar 90 minuttirnar sera skilagóður stýrimaður, men verjan sparkaði ofta høgt og langt og skeivt, og tað kom sera sjáldan fyri í fyrra umfari- num, at fremstu menninir fingu líkinda bóltar at arb- eiða við. Men hóast teir tóktust vera omaná, so megnaði NSÍ ongantíð at hótta HB málið. Burtursæð frá onkr- um hornaspørkum og hiss- ini afturleggingum var Bárður Johannesen arb- eiðsleysur. Fyrsta skot- royndin hjá NSÍ var í 39. minutti, tá Óli Hansen úr átjan metrum sendi við síð- una av. Sjúrður Jacobsen og Jónstein Petersen royndu í vinstru, og Gert Langgaard og Brynjolvur Nielsen í høgru, men tað gjørdist ongantíð vandamikið. Hug- flogið var ikki nóg stórt, og síðstu sendingarnar til fremstu menninar vóru so mikið óneyvar, at tað skuldi nógv tíð til at temja, og so var tað lætt hjá HB verjuni. Lagnuløtan Tað vóru nógvir nærdystir, og eingin spardi seg. Kort- ini var uppgávan ongantíð torfør hjá dómaranum. Tá fyrra umfarið var um at vera liðugt, fór hann í lumman eftir gula korti- num. Eftir kiks í NSÍ upp- spælinum sá Pól Thor- steinsson seg noyddan at fella Andrew av Fløtum eitt sindur frammanfyri mið- strikuna, men tað tóktist ikki sum nakar vandi var á ferð. Rúni Nolsøe sendi frí- sparkið ímóti NSÍ brots- teiginum, men tað tóktist eitt sindur ullint. Kortini fekk NSÍ verjan ikki tak á. Mitt fyri málinum og seytj- an metrar úti møtti Andrew av Fløtum bóltinum. Við hælinum potaði hann inn um verjuna, og Nocko Jokovic brendi tonna undir bóltin, sum snýkti sær inn við stólparótini. Tað tóktist sum um Jens Martin Knud- sen metti bóltin at vera hinumegin stólpan. HB fagnaðurin var stór- ur, og tað var ikki undarligt. Teir høvdu fyri tað mesta verið undir. Tað hevði verið langt millum fremstu menninar hjá teimum og teir, sum skuldu stuðla. Men nú bilti tað ikki. Teir høvdu havt einasta møgu- leikan í fyrra umfarinum, teir vóru frammanfyri 1–0, og støðan legði upp til, at seinna umfarið skuldi ganga fyri seg upp á teirra treytir. Betri fótbóltsspæl Eftir steðgin megnaði NSÍ ikki at halda sama trýstið á mótstøðumonnunum, sum teir høvdu havt í fyrra um- farinum. Ferðin fór eitt vet niður, og so fekk HB fatur á endanum. Nicu Dogaru, Rúni Nolsøe og Rógvi Jac- obsen fingu fatur á fót- bóltsspælinum, Jón Rói Jacobsen og Andrew av Fløtum vóru – ofta í so langt – afturi á vøllinum og hjálptu til, og HB vann næstu bóltarnar. Nocko Jokovic fekk sendingar, sum hann við høvdinum legði í borðini, men har var ikki ofta hjálp at fáa. NSÍ sendi fólkið alt longri fram á vøllin, og hó- ast teir ikki spældu seg til málmøguleikar, so varð in- tensiteturin varðveittur, tí teir høvdu fleiri hornaspørk og okkurt frísparkið. Hóast hann arbeiddi nógv, so sást tað, at Helgi L. Petersen ikki var so væl fyri eftir skaðasteðgin, sum hann var á ólavsøku, Óli Hansen hevði onga roynd ímóti málinum, og fram ímóti dystarenda var dómarin ikki samdur við teimum, tá teir vildu hava brotsspark, tá innskifti Djóni N. Joen- sen var farin um koll. Í hinum endanum var An- drew av Fløtum tvær ferðir um at avgera. Í fyrra snar- álopinum sendi hann úr 16 metrum og í beinið á Jens Martini, og í seinna føri- num var hann óheppin, tá hann eftir fínt uppspæl og innlegg úr høgru við hand- ara stólpan lyfti bóltin upp- um málverjan, men bóltur- in brast í tvørtræið. Jóhannis Joensen var eis- ini um reppið at fáa mál, tá hann hevði sníkt seg fram, og so var tað, at HB slerdi sigurin fastan. Teir fangaðu NSÍ í uppspæli á HB helvt- ini, Jón Rói spældi eitt tvey við Nocko, tuskaði frá verj- uni, og tá hann var komin langt inn í brotsteigin í høgru, sendi hann bóltin framvið Jens Martini, og Nocko Jockovic hevði púra opið mál fyri sær. Teir gulu og svørtu kunnu gleðast um steypa- sigurin á ólavsøku. Svørtu og reyðu fløggini boðaðu sunnudagin frá, at vánirnar hjá NSÍ at vinna FM eru sera kámar í løtuni. Nú er tað HB, sum hevur fatur á rætta endanum. Dysturin í tølum NSÍ-HB 0-2 (0-1) 0-1: Nocko Jokovic 44 0-2: Nocko Jokovic 88 Dómari: Lassin Isaksen NSÍ: Jens Martin Knudsen – Brynjolvur Nielsen, Arn- finn Langgaard, Pól Thor- steinsson, Sjúrður Jacobsen – Gert Langgaard, Ian Høj- gaard, Kári Hansen, Jón- stein Petersen – Helgi L. Petersen, Óli Hansen HB: Bárður Johannesen – Hans á Lag, Jóhannis Joen- sen, Jan C. Dam, Janus M. Joensen – Nicu Dogaru, Rúni Nolsøe, Rógvi Jacob- sen, Jón Rói Jacobsen, Nocko Jockovic, Andrew av Fløtum HB viðhaldsfólkini tustu inn á vøllin, tá dysturin í Runavík var av, og gleðin var skillig. Gaman í resta enn tríggir dystir, men sigurin sunnudagin var í øllum førum eitt risa-fet móti FM-heitinum Mynd: Álvur Haraldsen C M Y K 20