hósdagur 10. oktober 2002síða 3

4 Nr. 194 - 10. oktober 2002 Nr. 194 - 10. oktober 2002 5 – Fólkaflokkurin var raskur at brúka samferðsluhavnina í Vági til valagn, men nú, hann hevur tapt valið, verður Suður- oyggin slept upp á fjall SAMFERÐSLUHAVN Áki Bertholdsen – Hetta er langt úti. Johan Dahl, løgtings- maður úr Sambandsflokk- inum er ógvuliga misnøgd- ur við uppskotið til fíggjar- lóg, sum nú er til viðgerðar í Løgtinginum. Hann er serliga argur inn á, at onki er sett av til sam- ferðsluhavnina í Vági, hóast tað er samtykt í Løg- tinginum. – Men hetta er fólka- flokkurin, tá ið hann er bestur. Hann sigur, at fólka- flokkurin gjørdi nógv burt- urúr at brúka samferðslu- havnina í Vági til valagn uppundir løgtingsvalið í apríl fyri at tryggja sær nakrar atkvøður. – Men nú teir taptu valið kortini, kemur hevndin alt fyri eitt og teir sleppa Suð- uroynni upp á fjall. Johan Dahl heldur, at slíkur politikkur kann ikki takast í álvara og at tað er nú, at tinglimurin hjá Suð- uroynni í samgonguni skal standa sína roynd. – Tað, sum undrar meg, er, at tað er Vinnumálastýr- ið sjálvt sum hevur biðið um at sleppa at byggja sam- ferðsluhavn í Vági, nú bý- ráðið kortini fer at gera djúphavn. – Samferðsla er sam- ferðsla og hevur onki sum so við Suðuroynna at gera. Tað er ein farvegur sum einhvør annar samferðslu- vegur í landinum. Og tað er langt úti at tengja sam- ferðsluhavnina í Vági og bergholið ímillum Øravík og Hov, tí tað er langt síðani sett til at byrja í 2004 á langtíðar útbyggingarætl- anini. – Og at broyta eina lóg nú, sum er samtykt beint fyri valið, er ein beinleiðis politisk beistagerð, leggur hann afturat Onki nýtt Nú verður ført fram, at Suðuroyggin fær størsta partin av pengunum, sum skulu brúkast til útbygging- ar komandi ár? – Ja, tað veit eg. Men tað vistu fólkafloksmenn eis- ini, tá ið teir lovaðu sam- ferðsluhavn í Vági uppund- ir valið. At peningur skuldi gjaldast fyri nýggju suður- oyarferjuna, hava øll vitað leingi og at tað verður neyðugt við ferjulegu í Trongisvági, vistu øll eis- ini. Tað er onki nýtt í hes- um. – Men annars er ikki ætl- anin at játta eina krónu til vegirnar í Suðuroynni, sum eru teir vánaligastu í land- inum. Og Suðuroyar Sjúkrahús fær bara 1,4 millión afturat, samstundis sum Klaksvíkar Sjúkrahús fær 5,6 milliónir afturat og Landssjúkrahúsið 22. – Eg veit ikki, hvør mun- urin er á Sjúkrahúsinum í Suðuroy og tí í Klaksvík til at tað skal vera so stórur munur á játtanini. Nú hevur verið skotið tær og Henrik Old í skógvarn- ar, at tit óbeinleiðis hava saboterað samferðsluhavn- ina í Vági við at reisa málið av nýggjum, tí málið varð samtykt í tinginum og gekk sína gongd, Tað einasta, tit gjørdu, var at órógva málið og hetta er so avleiðingin? – Tað er tvætl. Tað var neyðugt at reisa málið av nýggjum, tí eftir stuðulslógini, sum varð samtykt, kundi landsstýris- maðurin útseta málið so leingi, hann vildi. Tað vísir seg eisini nú. Tí var tað neyðugt at gera eina verk- lagslóg, sum bindur Lands- stýrið at gera havnina nú. Fyri at tryggja okkum, at havnin verður gjørd nú og ikki verður útsett í tað óendaliga, løgdu Henrik Old og eg uppskotið fyri løgtingið. – Og tað ber heldur ikki til, at tað skal vera Vágs Kommuna, sum skal hava ábyrgdina av sjálvari bygg- ingini, og tann fíggjarliga váðan, tí tað er ikki Vágs Kommuna, sum skal gera samferðsluhavnina. Fyri at tryggja, at samferðsluhavn- in fær eina dygd, sum tað almenna krevur, og verður byggiharri við tí fíggjarliga váðanum, var tað neyðugt at gera eina verklagslóg, sum Henrik Old og eg skutu upp. Annars hevði tað verið Vágs Kommuna, sum kom at standa við endan, gekk byggingin ikki sum ætlað og tað kundi blivið ein vanlukka fyri komm- ununa, sigur Johan Dahl. Í stuðulslógini, sum varð samtykt beint fyri valið, stendur eisini, at tað verður neyðugt at gera eina verk- lagslóg, áðrenn landið kann byggja samferðsluhavnina í Vági og tað er hetta, Henrik Old og eg skutu upp at gera. Tað er eisini átaluvert, at Bjarni Djurholm setir mál- ini um samferðsluhavn í Vági og berghol ímillum Øravík og Hov upp ímóti hvørjum øðrum við at siga, at skal havnin gerast, verða ráð ikki til at gera berghol- ið. – Men nú vísir tað seg, at peningur er hvørki settur av til samferðsluhavnina, ella til bergholið. –Tað verður prátað nógv og sussa illa um fólkaskúlan, men tað verður onki gjørt, sigur Katrin Dahl Jacobsen, løgtings- limur og lærari FÍGGJARLÓGIN Áki Bertholdsen – Tað er skelkandi at hoyra, hvussu konservativan hug- burð, mentamálaráðið hev- ur til Fòlkaskúlan. Nú fíggjarlógin fyri næsta ár er til viðgerðar, fanst Katin Dahl Jacobsen, sum er løgtingslimur og lærari harðliga at tí skúla- politikki, sum Landsstýrið hevur stungið út í kortið. Hon vísir á, at einaferð tað ein landsstýrismaður sum í boðaði frá einum politikki, sum skuldi føra til »tann góða fólkaskúl- an«. – Men enn hava vit onki merkt til tað, heldur tvørt- urímóti. Tí, hvat fólkaskúl- anum viðvíkur, tykist tað, sum um tað verður prátað nógv og sussað illa, men onki verður gjørt. Skelkandi hugburður Hon sigur, at eftir tí, lands- stýrið hevur fráboðað, skuldi 2002 líkasum vera árið hjá »tí góða fólka- skúlanum«. Ein herðferð fyri sakina. – Eg haldi, at hvørki næmingar, foreldur ella lærarar enn hava merkt nakað petti til tað. Tvørtur- ímóti. Nú er árið við at halla, og tað er sum um, at tá ið tað snýr seg um fólka- skúlan, so er bara at tosa sussa eina rúgvu. Katrin Dahl Jacobsen sipaði eisini til eina send- ing hjá Birgiri Kruse nú í vikuni um fólkaskúlan. – Tað var skelkandi at hoyra, hvussu konservativ- ur boðskapurin er úr Mentamálaráðnum. Har var barslað við 15-20 ára goml- um teorium. Og so er tað hetta misálitið og kollektiva revsingin av allari lærara- stættini, sum varð avdúkað, tí nú skal hvør einstakur lærari telja, hvussu nógvar uppgávur hann rættar. – Hetta er ikki at hava álit. Hetta er onki uttan eftirlit. Hetta hongur ikki saman við nýggjum ar- beiðshættum í skúlanum og er heldur ikki ein hugburð- ur at hava til starvsfólk. Katrin Dahl Jacobsen sigur, at lærarar sita ikki við stílum, fyrisagnum og aftursagnum á sama hátt, sum Mentamálaráðið og landsstýrismaðurin heldur- Nú skal niðurskurður fyri rætting í enskum í 8. og 9. flokki skal burtur o.s.fr. – Tað má vera antin manglandi royndir og vitan um fólkaskúlan ella avold- aður hugburður hjá myn- dugleikanum, sum gera, at slíkt tvætl kemur úr Menta- málaráðnum. Tað skúlanum tørvar mest er frið og góðar arbeiðsumstøður. Í Havn tørvar skúlin mest av øllum skúlastovur. – Í dag ganga havnarbørn í skúla í Tilhaldinum og argjabørn í Róðrarneystin- um. Úti um landið veit eg, at tað knípur hjá summum kommunum at fíggja nýggjar skúlabygningar og klára øktu krøvini, sum lógin setir. – So vælsignað gev okk- um góða læraraútbúgving, og góða eftirútbúgving og ikki minst álit, segði Katrin Dahl Jacobsen. Hon spurdi eisini, hvat hendir, tá ið ein flokkur fer upp um 24 næmmingar og um skúlin fekk eyka tímar fyri tað. har svaraði lands- stýriskonan, at tað gjørdi tað. Eta orðini í seg aftur Men so legði Katrin Dahl Jacobsen afturat, at kanska verður hon noydd at eta orðini um manglandi viljan hjá Landsstýrinum í seg aftur. Tí hon sigur, at tað er ómøguligt at vita, hvat landsstýrið í veruleikanum ætlar. – Sjálvdan hava vit sæð eina fíggjarlóg, sum er so ófullfíggjað sum hendan. Har virksemið hjá fólka- skúlanum skal lýsast, eru bara tómir teigar. Vit fáa onki at vita um næming- atal, eftirútbúgvingar o.s.fr. og tí er ómøguligt at meta um, hvussu tølini fara at halda. Eftir uppskotinum til fíggj- arlóg, skal játtanin til fólka- skúlan hækka 7,8 milliónir krónur. – Hetta er til læraralønir og eftirlønir hjá sáttmála- settum lærarum. Hetta er lógarbundin játtan. Meir er ikki at siga, tí tað mangla tøl fyri alt virksemið í fólkaskúlanum fyri kom- andi ár. – Ella er okkurt at krógva her, sum vit ikki skulu vita? Tað er løgið, at eingin út- greining av nøkrum slag er fyri eitt stórt øki sum fólka- skúlin er. Hon spurdi síðani Annlis Bjarkhamar, landsstýris- konu í skúlamálum, hví eingin útgreining av fólka- skúlanum í uppskotinum, men tað fekk hon ikki svar uppá. Hevna seg inn á suðuroyingar fyri at hava tapt løgtingsvalið Hugburðurin til skúlan er skelkandi Nýggja útvarps- rásin hjá suðuroy- ingum fekk eina góða byrjan. Í dag verður aftur lagt til brots ÚTVARP Áki Bertholdsen Tað vóru eini 30-40 fólk, sum stukku inn á gólvið, tá ið nýggja út- varpsrásin hjá suður-oy- ingum, Suðurrás fór av bakkastokki seinasta hósdag. Suðurrás sendir eina- ferð um vikuna í sam- starvi við Útvarp Føroya og Suðurrás er á skránni hjá útvarpinum hvønn hósdag fra kl. 17.05 til klokkan 18 og fyrsta sendingin var seinasta hósdag. Í samband við jom- frúsendingina, hevði Suðurrás opið hús í upp- tøkuhølunum í Litbúðini í Vági og har nýttu fólk úr allari oynni høvi til at støkka inn á gólvið, eisini bý- og bygdaráðs- limir. Í dag er fer Suðurrás aftur í luftina. Í sending- ini í dag verður tosað við stjóran í Suðuroyar Heilsølu, Magnus Jen- sen, sum er í ferð við at verða sett á stovn. Somuleiðis verður prát- að við kolamenn í Hval- ba, umframt at okkurt annað verður at frætta eisini. 30-40 fólk stukku inn á gólvið – Nú fólkaflokkurin tapti løgtingsvalið í Suðuroynni, vísa teir seg frá síni bestu síðu og venda Suðuroynni bakið og hevna seg fyri valósigurin, sigur Johan Dahl, løgtings- maður – Tað má vera antin mangl- andi royndir og vitan um fólkaskúlan ella avoldaður hugburður hjá myndugleik- anum, sum gera, at slíkt tvætl kemur úr Mentamálaráðn- um, sigur Katrin Dahl Jacob- sen Bergur í Garði, stjóri á Postverkinum, fekk sum vátan frammaná, tá hann sá fíggjar- lógaruppskotið fyri 2003. Hann hevði fingið at vita frá Vinnumálaráðnum, at stovnurin fór at sleppa at hava átta milliónir í undirskoti næsta ár, men í fíggj- arlógaruppskotinum er talið sett til null. Tí noyðist postverkstjór- in nú at spara átta milliónir, og tað fer at merkja skerdar íløgur og fleiri uppsagnir, sigur Bergur í Garði FÍGGJARLÓG Jón Brian Hvidtfeldt Postverk Føroya skal vera útreiðsluneutralt næsta ár, tað vil siga, at stovnurin skal ikki kosta landskassan- um nakað. Tað stendur í uppskotinum til fíggjarlóg fyri næsta ár. Hetta kemur illa við hjá stjóranum á Postverkinum, Bergur í Garði, sum 2. sep- tember í ár lat Vinnumála- ráðnum sítt tilmæli til fíggj- arætlan fyri stovnin næsta ár. Í uppskotinum hevði hann mett, at Postverkið fór at hava undirskot upp á 10 milliónir krónur næsta ár, skal stovnurin rekast á ver- andi støði. Úr Vinnumála- ráðnum fekk hann síðan at vita, at lagt varð upp fyri, at Postverkið fór at hava átta milliónir í undirskoti næsta ár. Hetta metti postverk- stjórin vera á eini leið, og at fyri henda pening bar til at reka stovnin á nøkunlunda sama støði, eisini næsta ár. Men í fíggjarlógaruppskot- inum eru tær átta millión- irnar úr Landskassanum strikaðar – har stendur null. – Eg má siga, at hetta kemur sera óvart á meg, serliga tí at eg hevði fingið at vita, at Postverkið fór at fáa átta milliónir krónur næsta ár, sigur Bergur í Garði. Av teimum átta millión- unum skuldu fimm milli- ónir krónur nýtast til íløgur, meðan tríggjar milliónur skuldu nýtast til raksturin. Peningurin til íløgur skuldi serliga nýtast til at fáa eina nýggja postavgreiðsluskip- an, til kunningartøkni og til eina fíggjarætlanarskipan, umframt aðrar smærri íløgur. Summar av íløgun- um eru longu farnar í gongd, og játtanin næsta ár var í so máta bara eitt fram- hald av eini verandi íløgu, men hesar ætlanir mugu nú steðgast, sigur Bergur í Garði. Hann leggur tó aft- urat, at ikki ber til at steðga øllum íløgum á stovninum. Bergur í Garði sigur, at trupult er at fremja sparing- ar á postverkinum uttan at siga fólk úr starvi, tí umleið 80 prosent av samlaðu útreiðslunum á stovninum fara til lønir. – Vit hava framt nógvar sparingar og hava harum- framt havt ein inntøku- vøkstur seinastu árini, sigur Bergur í Garði og vísir á, at tað eru ikki meira enn nak- rir fáir mánaðir síðan at postgjøldini hækkaðu, so tað ber illa til at hækka tey eina ferð afturat. Hann sig- ur, at skal Postverkið spara átta milliónir krónur næsta ár, so slepst ikki undan uppsagnum. – Nú eg síggi tølini í fíggjarlógaruppskotinum er tað mín skylda sum leiðari á stovninum at fara at fyri- reika sparingar. Eg havi eingi boð fingið um, at politiski myndugleikin hev- ur nakrar aðrar yvirordnað- ar ætlanir við stovninum, og tí noyðist eg nú at seta meg niður at finna út av, hvar eg kann spara átta milliónir krónur, sigur Bergur í Garði. Kom óvart á Bjarni Djurholm, lands- stýrismaður í vinnumálum, sum eisini varir av Post- verkinum, er skelkaður av, at ikki eitt oyra er sett á fíggjarlógina til Postverkið. – Eg hevði boðað frá, at Postverkið hevði tørv á átta milliónum krónum úr Landskassanum næsta ár, og hevði eisini biðið um at fáa pengarnar á játtanina til vinnumál. Men ikki fyrr enn fíggjarlógaruppskotið var farið til prentingar, fekk eg at vita, at játtanin var strikað, sigur Bjarni Djur- holm. Hann leggur afturat, at ábyrgdin av at játtanin til Postverkið er strikað, tí liggur hjá landsstýrismann- inum í fíggjarmálum. Bjarni Djurholm vísir á, at hann í eina tíð hevur ar- beitt við at umskipa Post- verkið til alment partafelag. Í hesum sambandi skulu fleiri broytingar gerast á stovninum, og eisini skulu lógarbroytingar til. Bjarni Djurholm sigur, at verða hesar broytingar framdar, so ber til at spara tær átta milliónir krónurnar, sum Postverkið fer at hava í undirskoti næsta ár. Men enn væntar nakað í, áðrenn Postverkið kann umskipast til alment partafelag, og landsstýrismaðurin hevur heldur ikki fingið vissu fyri, at politisk undirtøka er fyri at umskipa Postverkið. Tí vil Bjarni Djurholm hava pengar á fíggjarlógina fyri næsta ár til stovnin. – Tað er beinleiðis ímóti mínum vilja, at játtanin til Postverkið er burtur. Tí havi eg boðað Karsten Han- sen frá, at eg vil hava vissu fyri, at eg fái politiska undirtøku í Tjóðveldis- flokkinum fyri at umskipa Postverkið til alment parta- felag. Fái eg ikki tað, so skal Karsten Hansen seta tær átta milliónirnar aftur á játtanina til Postverkið, sig- ur ein avgjørdur Bjarni Djurholm. Hann leggur aft- urat, at í løtuni verður ar- beitt í Vinnumálaráðnum við lógarbroytingum fyri Postverkið, og fær hann politiska undirtøku í sam- gonguni fyri at umskipa Postverkið, so metir hann tað bera til at umskipa stovnin, og harvið spara tær átta milliónirnar, longu næsta ár. – Hetta er eitt óheppið signal at senda út, at lands- stýrismaðurin í fíggjarmál- um bara strikar játtanina til Postverkið av fíggjarlógar- uppskotinum, sigur Bjarni Djurholm, og leggur aftur- at: – Tað er Karsten Hansen, sum hevur strikað pengarn- ar, og tí verður tað eisini hansara uppgáva at fáa teir aftur á fíggjarlógina, kann Tjóðveldisflokkurin ikki taka undir við at umskipa Postverkið, sigur Bjarni Djurholm. Keyptur ella seldur Stjórin á Postverkinum, Bergur í Garði, hevur sum nevnt ikki fingið nøkur boð um, hvørjar politisku fram- tíðarætlaninar eru fyri Post- verkið. Tí fer hann nú undir at fyrireika seg til at skula spara átta milliónir krónur næsta ár. Hann ætlar sær at gera eitt upplegg til, hvar pengarnir kunnu sparast. – Tað er mín skylda, tá eg nú síggi tølini í fíggjarlóg- aruppskotinum, at taka tey í álvara. Tí fari eg nú at fyri- reika sparingar á stovnin- um. Tað er greitt, at tá eingir pengar eru, so mugu vit at nýta neyðbremsuna. Vit hava longu framt tær innanhýsis sparingar, sum vit kunnu, og tá 80 prosent av okkara útreiðslum fara til lønir, er ikki trupult at ímynda sær, at sparingin fer at merkja nógvar uppsagn- ir, sigur Bergur í Garði, stjóri á Postverkinum. Skal roknistykkið hjá Strandferðsluni ganga upp, skulu ferðaseðlakostnaðirni r hækka við tilsamans seks milliónum krón- um næsta ár. Í meðal verður tað 15 prosent dýrari at ferðast við strandfaraskipunum, meðan Bygdaleiðir sleppa við smærri hækkingum í ferða- seðlakostnaðinum. – Sleppa vit ikki at hækka ferðaseðla- prísirnar, so mugu vit hava seks milliónir krónur úr Landskass- anum, sigur Reidar Nónfjall, stjóri á Strandferðsluni FÍGGJARLÓG Jón Brian Hvidtfeldt Tað verður í framtíðini dýr- ari at ferðast við skipunum hjá Strandferðsluni. Í fíggj- arlógaruppskotinum fyri 2003 er roknað við seks milliónum krónum í meir- inntøkum av príshækking- um á Bygda- og Oyggja- leiðum. Reidar Nónfjall, stjóri á Strandfaraskipum Lands- ins, sigur, at neyðugt er at hækka ferðaseðlakostnað- irnar, skal roknistykkið ganga upp. – Sleppa vit ikki at hækka ferðaseðlakostnað- in, so mugu vit fáa peng- arnar á fíggjarlógini í stað- in fyri, sigur Reidar Nón- fjall. Játtanin til Strandferðsl- una í fíggjarlógaruppskot- inum fyri næsta ár er 74,6 milliónir krónur, og tað er tað sama sum í ár, um út- reiðslan til nýggjar stabilis- atotar til Smyril, sum er mett at kosta umleið fýra milliónir, verður drigin frá. Strandferðslan hevur gjørt sína fíggjarætlan fyri næsta ár eftir teimum fortreytum, sum eru galdandi í løtuni, tvs. at Skálafjarðaleiðin, siglingin hjá Sam um Leir- víksfjørð og siglingin hjá Smyrli á Vág eru við í roknistykkinum. Eisini hevur Strandferðslan lagt upp fyri, at eingin sigling verður um Vestmannasund og at inntøkurnar frá flog- leiðini helst fara at minka næsta ár. Í seinastuni hevur verið frammi, at Skálafjarðasigl- ingin møguliga skal niður- leggjast, men Bjarni Djur- holm, landsstýrismaður í vinnumálum, hevur í hes- um sambandi ført fram, at peningurin skal nýtast til vegagerð á vestara armi á Skálafjørðinum í staðin, og tí fær Strandferðslan sum so ongan ágóða av, um sigl- ingin, sum kostar umleið seks milliónir um árið, verður niðurløgd. Neyðugt við dýrari ferðaseðlum Reidar Nónfjall sigur, at neyðugt er at hækka ferða- seðlakostnaðin, skal Strandferðslan megna at halda seg á nøkunlunda somu játtan næsta ár, sam- mett við í ár. – Strandferðslan er í tí støðu, at vit sleppa ikki at røra tænastustøðið. Vit sleppa ikki at spara ella skerja túratalið á nøkrum leiðum, tí at politikararnir halda fast um, at støðið skal vera óbroytt. Síðan 1997 eru lønarútreiðslurnar hjá Strandferðsluni, sum í høv- uðsheitum stava frá lønar- vøkstri í samfelagnum, økt- ar við 10 milliónum, og síð- an 1998 eru útreiðslurnar til olju øktar við átta milli- ónum. Men samtíðis hava vit ikki hækkað ferðaseðla- prísin seinastu 10 árini. Hetta gongur ikki longur, og nú sleppa vit ikki undan at gera okkurt, sigur stjórin á Strandferðsluni. Reidar Nónfjall vísir á, at Strandferðslan, tá hædd verður tikin fyri lønar- hækkingum og útreiðsluni til stabilisatorar til Smyril, megnar at halda útreiðsl- urnar á sama støði næsta ár, sleppur Strandferðslan at hækka ferðaseðlaprísirnar við tilsamans seks millión- um krónum. Strandferðslan hevur gjørt eitt uppskot um, hvar og hvussu nógv ferðaseðla- kostnaðurin skal hækka. Hóast Reidar Nónfjall ikki hevur stórvegis hug at út- greina hetta uppskot, so kann hann siga so mikið, at tað í meðal verður 15 pros- ent dýrari at ferðast við skipunum hjá Strandferðsl- uni. Ferðaseðlaprísurin hækkar, bæði fyri ferðafólk og bilar, men tó mest fyri bilar, sigur stjórin á Strand- ferðsluni. Eisini ætlar Strandferðslan, at ferða- seðlarnir við Bygdaleiðum skulu gerast dýrari, men tó ikki so nógv. Lagt verður upp til, at hægri ferðaseðla- prísir við bussunum skulu geva tilsamans 500.000 krónur í kassan hjá Strand- ferðsluni. Politisk semja Bjarni Djurholm, lands- stýrismaður í samferðslu- málum, sigur, at hann hevur givið Strandferðsluni loyvi til at hækka ferðaseðla- prísirnar. Bjarni Djurholm sigur, at hann á landsstýris- fundi hevur boðað frá hes- um, og at hann ikki hevur fingið ábendingar um, at undirtøka ikki er í sam- gonguni fyri at loyva Strandferðsluni at hækka ferðaseðlaprísirnar. – Strandferðslan hevur í fleiri ár ikki hækkað sínar prísir, meðan útreiðslurnar hjá stovninum samtíðis eru hækkaðar nógv. Tí meti eg tað vera rætt at loyva Strandferðsluni at hækka ferðaseðlaprísirnar, sigur Bjarni Djurholm. Postverkið skal spara átta milliónir 15 prosent dýrari at nýta Strandferðsluna Bergur í Garði, stjóri á Postverkinum, fer nú at fyrireika seg til at skula spara átta milliónir krónur. Henda upphædd er nevniliga strikað í fíggjarlógaruppskotinum fyri næsta ár Mynd: Jens Kr. Vang C M Y K 5 4