hósdagur 10. oktober 2002síða 6

10 Nr. 194 - 10. oktober 2002 Nr. 194 - 10. oktober 2002 11 Silly Boys, Absurdy Fair og nýggi bólkurin, Atlas, fara at spæla til dans í Mentanarhúsinum í Fuglafirði, 25. og 26. oktober DANSITILTAK Vilmund Jacobsen Fuglafjarða Hornorkestur skal hava nýggj ljóðføri. Í hesum sambandi hevur ork- estrið skipað fyri ymiskum tiltøkum, sum skulu vera við til at fíggja ljóðførini. Tað er rættiliga kostnað- armikið at gera eitt horn- orkestur út – alt eftir, hvussu nógvir tónleikararn- ir eru. Í Fuglafirði rokna tey við, at hornorkestrið skal hava nýggj ljóðføri fyri einar 250.000-300.000 krónur. Er hinvegin talan um eitt av teimum stóru hornorkestrunum, sigst, at ljóðførini kunnu kosta hálva milj. krónur, og tað er nógvur peningur. Aftur í seksti- og sjeytiárini Seinastu árini hevur verið alt meira vanligt at leita uppaftur gomlu tónleika- bólkarnar og fáa hesar at spæla til dans. Hetta eru vælumtókt tiltøk, sum savna nógv fólk og kunnu geva væl av peningi til teirra, sum skipa fyri. Jónsvein Poulsen, sum er formaður fyri Fuglafjarða Hornorkestri, sigur, at teimum hevur eydnast at savna gomlu bólkarnar í Fuglafirði, Silly Boys og Absurdy Fair umframt bólkin, Atlas, at spæla til dans hesi bæði kvøldini, 25. og 26. oktober. – Tað hevur verið trupult at savnað bólkarnar, tí einir tveir teirra, sum hava spælt við, er í Danmark. Nógvir ymiskir dagar hava tí verið á lofti, og ofta er tiltakið flutt. Tað hevur ikki ligið fyri hjá øllum í senn, og tá ið tað lá fyri, var Mentanar- húsið upptikið. Nú er so endaliga av- gjørt, at stóra dansitiltakið verður 25. og 26. oktober. Jónsvein sigur, at somu bólkar fara at spæla bæði kvøldini, men møguliga verður raðfylgjan ymisk, nær bólkarnir spæla. – Vit eru spentir til hetta stóra tiltak og vóna, at nógv fara at nýta høvi at koma til Fuglafjarðar at dansa, sigur Jónsvein. Eldri og yngri Dansurin í Mentanarhúsin- um er ætlaður bæði teimum eldru, tilkomnu og teimum yngru. – Hetta verður í fyrsta lagi góður dansitónleikur frá seksti-og sjeytiárunum, og flestum, bæði eldri og yngri, dámar henda tónleik- in, sigur Jónsvein, sum sjálvur er við í bólkinum, Atlas. Spurdur, hvaðani hesin bólkurin stavar, sigur Jón- svein, at hetta eru tónleik- arar, sum hava spælt við øðrum bólkum áður. Sjálvur hevur Jónsvein spælt við Silly Boys. Aðrir tónleikarar í Atlas eru Mourits Mohr, Njál R. Petersen og Eyðun Larsen. Í bólkinum er eisini ein ungur og evnaríkur tón- leikari. Tað er sonur Jón- svein, 14 ára gamli, Jan Rúni Poulsen, ið eitt nú hevur spælt saman við Brandi Enni. – Atlas hevur spælt til eini 2-3 tiltøk, síðan bólk- urin byrjaði, og ætlanin er at halda fram, um onkur vil hava okkum at spæla, sigur Jónsvein Poulsen. Næsta tiltakið, sum Fuglafjarða Hornorkestur skipar fyri, verður jóla- konsertin, sum verður um- leið hálvan desember. Møguliga verður hendan konsertin fyriskipað saman við Fuglafjarða Sangkóri. Júst, nær hon verður og hvar, er ikki endaliga av- gjørt enn. Stórt dansitiltak í Mentanarhúsinum Bjarti Thomsen, sum í fleiri ár hevur starv- ast á Fiskirannsókn- arstovuni, hevur fingið til uppgávu at kanna tilfar og gera metingar um møgu- leikarnar at veiða prikkafisk í føroyskum sjógvi FISKIVINNA Vilmund Jacobsen Í síðstu viku gjørdi nóta- skipið, Christian í Grótin- um, eina roynd at veiða prikkafisk undir Føroyum. Nøgdirnar, sum nótaskipið fekk, vóru smáar, men Bjarti Thomsen, sum var við fyri Fiskirannsóknar- stovuna, sigur, at henda fyrsta royndin staðfestir, at prikkafiskur er allastaðni í føroyskum sjógvi. Reiðaríið hjá Christiani í Grótinum bar allan kostn- aðin av royndini. Teir fóru út týskvøldið í síðstu viku og vóru inni aftur sunnu- dagin á døgurða. Bjarti Thomsen, sum hevur drúgvar royndir á Fiskirannsóknarstovuni, var við hendan túrin. Í sein- astuni hevur hann verið utt- anlands og lisið, men stovnurin hevur heitt á hann um at kanna ymiskt tilfar í samband við veiðina eftir prikkafiski og gera meting- ar um møguleikarnar at veiða hetta fiskaslag í før- oyskum sjógvi. Trolið riggaði væl Bjarti sigur, at eitt flótitrol varð riggað til hesa fyrstu royndina, og tað vísti seg, at trolið riggaði væl. – Hetta var eitt svart- kjaftatrol, sum partvís var sett saman við einum lodnutroli, soleiðis at meskarnir har afturi í pos- anum vóru niður í 20 mm. til støddar. Christian í Grótinum hevði sjey tóg tilsamans á túrinum, og tá ið mest var av prikkafiski uppi svart- kjaftinum, var talan um 2,5 % av veiðini. – Men hetta vóru stutt tóg, og í hesum førinum vóru 12 tons av svartkjafti í trolinum, sigur hann. Umborð á Christiani í Grótinum høvdu teir ymiskar upplýsingar um prikkafisk, og tí valdu teir at gera royndir suður ímóti markinum og vestur móti markinum til Íslands. – Vit hava eisini útvegað okkum nakað vitan um fiskin, og tí royndu vit eis- ini í Hetlandsrennuni. Fekst allastaðni Bjarti vísir á, at hetta var tann fyrsta føroyska roynd- in eftir prikkafiski, og hóast nøgdirnar vóru smáar hesa- ferð, er staðfest, at prikka- fiskur er allastaðni í før- oyskum sjógvi. Eini 4-5 ymisk sløg eru av hesum fiski. Mest van- liga støddin liggur millum 11 og 13 cm., men tað eina slagið verður einar 18 cm. til støddar. – Prikkafiskur var í flestu tógum, vit høvdu á túrin- um, sigur Bjarti Thomsen. Hann vísir á, at nótaskip- ini hava víst áhuga at gera royndir eftir prikkafiski, og væntast kann, at ein ella tvær royndir aftrat verða gjørdar nakað skjótt. Tað er Fiskimálastýrið, sum skal geva loyvi til hes- ar royndir, og tað verður vanliga gjørt í samráð við Fiskirannsóknarstovuna. Stovnurin hevur nú heitt á Bjarta Thomsen, sum áður hevur fingist nógv við eitt nú búrfisk, um at útvega tilfar um prikkafisk- in. Higartil í ár siga russar seg hava fiskað stívliga 7000 tons av prikkafiski undir Føroyum. Prikkafiskur er allastaðni í føroyskum sjógvi 25. og 26. oktober verður Mentanarhúsið í Fuglafirði aftur karmur um stórt dansitiltak, tá ið farið verður aftur í seksti-og sjeytiárini Henda fyrsta royndin eftir prikkafiski gav ikki nógv, men hon staðfesti, at hesin fiskur er allastaðni í føroyskum sjógvi 4-5 sløg av prikkafiski eru at fáa í føroyskum sjógvi. Vanliga støddin er 11-13 cm., men tann størsti verður 18 cm. langur Rasmus Rasmussen, sum millum annað er kendur frá bólkunum Diatribes, Happy?, Makrel og Flux, gevur í dag eina solo-fløgu út. Á hesi fløguni vísir tónleikarin, sum annars er kendur fyri harðan og skitnan rokktónleik, eina heilt aðra síðu av sínum tónleiki TÓNLEIKUR Ingrid Bjarnastein Sjálvur kallar Rasmus tónleikin á fløguni fyri melodiskan, myrkan rokk. Tónleikurin er ikki harður og ráur, sum tónleikurin bólkarnir, Rasmus hevur verið við í, spæla. – Grundirnar til, at eg eri farin í gongd við eina slíka verkætlan eru nógvar. Tá ein spælir við í einum orkestri, noyðist ein semj- ast um, hvat bólkurin vil spæla, og tá fær ein ikki allan sín egna tónleik fram, sigur 22 ára gamlir Rasmus Rasmussen, sum í dag gevur sína fyrstu solo-fløgu út. Rasmus heldur, at hetta er ein góður máti at vísa aðrar síður av tónleika- dygdum sínum fram, og harvið eisini vísa tað slagið av tónleiki, sum hann ikki spælir í bólkunum fram. Egin løg 11 løg eru á fløguni, sum kallast Implosive. Rasmus hevur sjálvur skrivað øll løgini, og hann spælir eisini tónleikin á øllum løgunum. Harafturat hevur Rani Christiansen hjálpt honum við trummusláttri í trimum løgum, og Belinda í Ha- raldsstovu og Rasmus syngja duett í einum lagi. – Eg eri væl nøgdur við fløguna nú. Tað hevur tikið mær umleið hálvt annað ár at gera hana. Sjálvur haldi eg ikki, at hon líkist nøkr- um øðrum tónleiki, so um hon ger, so er tað ikki við vilja. Rasmus Rasmussen spælir sjálvur gittar. Hann hevur spælt gittar síðani hann var eini 10 ára gamal. – Henda verkætlanin byrjaði við, at eg gav Kristian Blak eitt demo band við bara gittartónleiki, men so hvørt, sum eg havi arbeitt víðari, so hava onnur ljóðføri sníkt seg upp í. Millum annað er hetta fyrsta ferðin eg havi spælt bass, keyboard og per- cussion, greiðir Rasmus frá. Tutl gevur fløguna hjá Rasmusi út. Hon er nummar 93 í røðini av rokkfløgum, og fegnast felagið yvir tað stóru fram- gongd, sum hevur verið innan rokktónleik í Føroy- um tey seinastu árini. Ísland Implosive skal eftir ætlan eisini marknaðarførast í Íslandi. Tá Makrel var við í tónleikakapping yviri í Íslandi fyrr í ár, gjørdist bólkurin nummar trý, og Rasmus var kosin til besta gittarleikara í allari kapp- ingini. Og tað er júst hetta, sum Tutl og Rasmus ætla at brúka. Longu mánadagin verður fløgan í Íslandi. Rasmus yrkir bara á enskum. – Eg haldi, at tað riggar best hjá mær at yrkja á enskum, men hóast tað, so hevur tað ikki so stóran týdning. Hevði eg dugað betri, at yrkt á føroyskum, so hevði eg gjørt tað, men tað fellur mær lættari at yrkja á enskum, eftir sum eg næstan bara lurti eftir enskum tónleiki. Fløguhúsan hava Niels Arge Galán og Uni Árting gjørt. Rasmus er væl nøgdur við fløguhúsan sum sær ógvuliga snøggur út. – Teir hava gjørt nógvar føroyskar fløguhúsar, og eg haldi, at teir eru tveir av teimum í Føroyum, sum duga best at gera fløgu- húsar, heldur Rasmus. Fløgan kemur út í sølu- búðirnar í dag. Stuðlað útgávuni hava Mentanar- grunnur Landsins, Menta- málaráðið og Fjølrit. Rasmus Rasmussen: Harður rokktónleikari vísir eina spildurnýggja síðu Rasmus Rasmussen, sum er kendur frá nógvum ymiskum tónleikabólkum í Føroyum, gevur í dag sína fyrstu solo- fløgu út Mynd: Jens Kr. Vang C M Y K 11 10