fríggjadagur 20. september 2002síða 13

HB eigur teir bestu í 5. deild Hóast teir alt seinna umfarið vóru ellivu ímóti tíggju, so megnaði NSÍ, sum hevur vunnið deild- ina seinastu fimm árini, ikki at halda tørn um leiðsluna, teir høvdu fingið í 1. hálvleiki 5. DEILD Jóannes Hansen Sunnudagin var besta liðið hjá HB í Runavík og syrgdi fyri, at møguleikin hjá NSÍ at vinna fyrsta meistara- heitið gjørdist nógv minni, enn hann hevur verið síðani eina ferð í summar. Longu leygardagin vóru teir í HB í Eysturoynni og varskógvaðu um, at teir ikki eru at spæla við í ár. Tá var tað 5. deildarliðið, sum í Gøtu vann finaluna um FM heitið. Úrslitið ímóti NSÍ var 4–1. NSÍ hevur annars verið einaráðandi í hesi deildini seinastu árini. Teir hava vunnið allar fin- alurnar frá og við 1997, og fleiri ferðir hava teir ligið á júst HB. Tað var eisini nógv, sum bendi á, at tað aftur hesa ferð skuldi eydnast hjá NSÍ. Dygst undan steðgin- um royndi Símun Daniel- sen seg við skoti ímóti mál- inum. Petur Amon Dalbø, sum í síni tíð var góður á besta GÍ liðnum, vardi á strikuni. Hann var kortini ikki málverji, og tá hann brúkti hendurnar, so hevði Niklas á Líðarenda einki annað val, enn at senda hann av vøllinum. NSÍ fekk brotsspark, og tað sendi Símun Danielsen framvið Erlingi Eysturoy, og so var hálvleikur. Tí tóktist leiðin til sætta FM heitið á rað og harvið møguleikin at vinna ferða- steypið til ognar at liggja víðopin hjá NSÍ. Men so- leiðis skuldi tað ikki ganga. Hóast teir vóru færri á vøllinum, so megnaðu teir í HB at hava bóltin mesta partin av seinna umfarin- um, og teir skoraðu fýra mál. Tað fyrsta skoraði vinstri vongverjin Marni Morten- sen. Royndin var úr 27 metrum, og bólturin sat heilt uppi undir handaru samankomingini. Tað minti mest av øllum um málini, sum Paul Breitner skoraði fyri Vesturtýskaland eitt nú í HM endaspælinum í 1974 og um tey, sum hollendsku spælararnir skoraðu í HM endaspælinum í 1978! Og tað er ikki lygn. Tíggju minuttir undan leikloki prikaði Gunnar í Liða bóltin í málið eftir horna úr høgru, sum bleiv snittað víðari. So royndi NSÍ at fara fram á vøllin, men orkan var einki serlig, og manningin man hava verið betri í fleiri av undan- farnu finalunum – í hvussu so er hevur hon verið yngri, um teir somu spælararnir hava verið við í fleiri ár! NSÍ hevði onga tyngd í álopinum. Í staðin var tað Kári Nielsen hjá HB, sum slapp einsamallur avstað og setti framvið málverjanum, og í síðstu løtu var tað Jó- hannes Ejdesgaard, sum fór sjálvur í høgru og setti framvið NSÍ málverjanum. Merkisvert var tað, at tríggir, sum í ár hava verið ella eru venjarar í 1. deild vóru á vøllinum – Mathias Davidsen og Trygve Mort- ensen hjá NSÍ og Kári Niel- sen hjá HB. Hóast fótbóltsaldurin er farin at tyngja, so høvdu teir í HB orku til at fegnast um sigurin. Haldgrím Gregersen handaði steypið, sum hann sjálvur gav 5. deild at kappast um í 2000, eftir at NSÍ í 1999 hevði vunnið steypið til ognar, sum Haldgrím í 1985 gaav at kappast um. Og FSF bossurin, Dánial Andrea- sen, var komin ígjøgnum holið úr Leirvík og til Gøtu við gullkrónunum til HB spælararnar og silvurkrón- unum til NSÍ menninar. Teir í NSÍ fóru til Eldu- víkar at fáa sær ein bita leygarkvøldið. Tað hava teir gjørt undanfarnu árini, tá teir hava vunnið, og teir høvdu bílagt sær pláss aftur hesa ferð, sjálvt um mann- ingarliga støðan mundi leggja upp til, at teir ikki vóru so sannførdir um, at tað skuldi eydnast. Høvuðsrøðarin undan- farnu árini var ikki við. Tórbjørn Jacobsen var við fíggjarnevndini á veg til Isle of Man. Teir vóru undir dystinum staddir í lufthavn- ini í Manchester. Ábyrgdar- maðurin hjá NSÍ, Sigmund Johannesen, mundi kanska kenna seg eitt sindur órógv- aðan í sínum starvi. Einar tjúgu ferðir undir dystinum vóru telefonboð úr Man- chester. Tað var ikki Sir Alex, sum var í hinum end- anum, men Tórbjørn Jacob- sen, sum fregnaðist. Í Elduvík tóku teir í NSÍ saman um. Eitt var taktikk- ur og orka. Men vit skilja á lagnum, at tað vóru heilt onnur viðurskifti, sum teir vístu á, tá orsøkin til tapið skuldi finnast. Ein av spæl- arunum hevur undanfarin ár altíð brúkt fyrrapartin finaludagin at fiska íl í, og tá hevur gingið væl. Hann var ikki og fiskaði síl leyg- armorgunin og niðurstøðan var, at hetta mátti vera orsøkin til, at tað ikki eydnaðist í ár. Gomlu HBarunum verð- ur ynskt tillukku við FM heitinum. 5. deild hjá HB, sum um vikuskiftið vann deildina. Standandi f.v. Birgir Hansen, Hans Waag, Jónfinn Simonsen, Tummas Óli Mortensen, Johannes Ejdesgaard, Petur Amon Dalbø, Gunnar í Liða, Kári Nielsen og Regin Nolsøe. Húkandi f.v. Marni Mortensen, Birgir Enghamar, Erling Eysturoy, Ingi Kirke, Bjarki Ellefsen, Árni Arge og Eirikur Rasmussen. Á myndini vantar Leif Olsen Mynd: www.hb.fo Í mikudagsblaðnum, har vit viðgjørdu venj- araspurngin í fleiri før- oyskum feløgum, stóð millum annað at lesa: »Piotr Krakowski, sum í summar fekk Odd- bjørn Joensen at hjálpa sær við venjingini, verður ikki venjari hjá B36 næsta ár«. Vit skulu hervið koma við eini umber- ing til B36 fyri háttin, sum hetta var frambor- ið uppá. Talan var her um eina meting hjá greinaskrivaranum, og byggir hetta ikki á út- talilsi frá hvørki B36 ella Piotr Krakowski. Kristian á Neystabø, formaður í B36 sigur, at enn er einki avklárað viðvíkjandi venjara- spurninginum fyri komandi ár. – Sáttmálin hjá Piotr Krakowski við felagið rennur út í ár, men enn hava vit ikki gjørt av, hvørt hesin sáttmálin verður longdur, ella um talan verður um annan venjara, sigur Kristian á Neysabø í stuttari viðmerking. -jm Rætting Nr. 180 • fríggjadagur • 20. september 2002 • 76. árgangur • www.sosialurin.fo 25 24 Nr. 180 - 20. september 2002 UTTAN ÚR HEIMI Krevjað Norðurkorea revsað Nógvir japanar eru í øðini, nú norðurkore- ansku myndugleikar- nir hava váttað, at ellivu japanar vórðu burturfluttir til Norð- urkorea í sjeyti- og áttatiárunum. NORðURKOREA- JAPAN Árni Joensen: – Norðurkorea má revsast. Stjórnin má seta hørð revsi- tiltøk í verk ímóti landin- um, segði talsmaðurin hjá einum tvørpolitiskum jap- anskum tingbólki í gjár eftir ta óhuganligu avdúk- ingina av lagnuni hjá teim- um ellivu horvnu japanun- um. Tað var týsdagin, at norð- urkoreanski leiðarin, Kim Jung-il, greiddi japanska forsætisráðharranum, Jun- ichiro Koizumi, frá, at tað var Norðurkorea, sum hevði burturflutt teir ellivu japanarnar. Hann bað samstundis japanska stjórn- arleiðaran og japanska fólkið um umbering og lov- aði, at slíkt skal ongantíð henda aftur. Kim Jung-il upplýsti samstundis, at fýra av teimum rændu japanun- um eru framvegis á lívi. Men japanar eru ikki nøgdir við umberingina. Flestu japanar krevja, at norðurkoreanska stjórnin skal koma við einari ná- greiniligari frágreiðing um tað, sum hendi, og avvar- andi hjá teimum sjey, sum eru deyð í Norðurkorea, krevja allar smálutir lagdar fram. Stríðið um tey ellivu horvnu hevur leingi sett dám á viðurskiftini millum Japan og Norðurkorea. Tokyo hevur í fleiri ár kravt, at Norðurkorea skuldu viðganga, at landið hevði rænt og burturflutt tey ellivu fólkini, og at myndugleikarnir í Pyongy- ang skuldu upplýsa, hvat var vorðið av teimum. Treytaleys umbering hevur eisini verið eitt krav úr Tokyo. Darvar friðartil- gongdini Men nú norðurkoreanar loksins hava viðgingið burturflytingarnar og biðið um umbering, hevur tað elvt til slíka vreiði í Japan, at tað er ein spurningur, um hetta fer at bøta um við- urskiftini millum londini. Stjórnarkeldur í Tokyo søgdu í gjár við blaðið Japan Times, at tann óhugnaliga norðurkore- anska váttanin fer uttan iva at darva arbeiðinum at bøta um viðurskiftini millum londini bæði. Koizumi for- sætisráðharri hevur sagt, at stjórnin er ikki nøgd við tað, sum er komið fram, og at stjórnin fer at krevja, at norðurkoreanar revsa teir seku. Tað hevur Kim Jung- il givið tilsøgn um. Stjórnin í Tokyo vil eisini hava eina nágreiniliga frágreiðing um, hví norðurkoreansku myndugleikarnir rændu og burturfluttu tey ellivu fólkini. Japanska stjórnin hevur eisini gjørt greitt, at hon fer at leggja trýst á norður- koreansku stjórnina, so teir fýra japanarnir, sum fram- vegis eru á lívi, sleppa aftur til Japan sum skjótast. Amerikanarar sleppa undan rættarsókn í Haag Nú hava níggju lond lovað, at tey fara ikki at senda amerikansk- ar ríkisborgarar til nýskipaða revsirættin í Haag. USA OG REVSI- RÆTTURIN Árni Joensen: Mikudagin skrivaðu USA og Usbekistan undir ein sáttmála, sum sigur, at us- bekisku myndugleikarnir fara ikki at senda amerik- anskar ríkisborgarar til rættarsókn í altjóða revsi- rættinum í Haag. Týsdagin skrivaðu USA og Mauritania undir ein tilsvarandi sáttmála, og mánadagin fekk USA eisini ein slíkan sáttmála við Dominikanska Lýðveldið. Sostatt hava níggju lond nú skrivað undir uppá, at tey fara ikki at lata altjóða revsirættinum amerikansk- ar ríkisborgarar. Hini lond- ini, sum hava gjørt tílíkar sáttmálar við USA, eru Ísrael, Eystur Timor, Mar- shalloyggjarnar, Palau, Rumenia og Tadjikistan. Av teimum níggju lond- unum eru tað bara Tadjik- istan, Rumenia og Mar- shalloyggjarnar, sum hava staðfest sáttmálan um al- tjóða revsirættin. Dominik- anska Lýðveldið og Usbe- kistan hava skrivað undir sáttmálan, men hava ikki staðfest hann. USA vil ikki viðurkenna revsirættin, tí landið ber ótta fyri, at amerikanskir hermenn kunnu verða drignir fyri rættin av polit- iskum orsøkum. Seinastu mánaðarnar hava amerik- anskir diplomatar roynt at fáa onnur lond at binda seg til ikki at lata rættinum am- erikanskar ríkisborgarar, og hetta hevur møtt harðari mótstøðu nógvastaðni, ser- liga í Evropa. Norskir oljupengar til vápn Loyva kjarnorkueftirliti Hávur við Mallorca Nansen í Moskva Ein frágreiðing, sum norska fíggjarmálaráðið hevur latið gera, stað- festir, at norski olju- grunnurin kann halda fram at seta pengar í fyri- tøklur, sum gera ymisk vápn so sum bumbur og minur. Fleiri hava funnist at, at oljugrunnurin hevur sett pengar í dótturfeløg hjá fyritøkuni Singapore Technologies, sum gera landminur. Tey atfinning- arsomu halda tað vera heilt burturvið, at al- mennir norskir pengar verða nýttir til vápnaídn- að, samstundis sum tað almenna Noreg roynir at virka fyri friði ymsa- staðni kring heimin. Frágreiðingin hjá fíggj- armálaráðnum í Oslo staðfestir, at tað er ikki í stríð við altjóða fólka- rættin, at oljugrunnurin ger íløgur í feløg, sum gera vápn, og Per-Kristi- an Foss, fíggjarmála- ráðharri skal nú gera av, um grunnurin skal sleppa at halda fram við íløgum av hesum slagnum. Norðurkoreansku mynd- ugleikarnir eru nú til reiðar at lata fremmandar eftirlitsmenn kanna landsins kjarnorkuútbún- að. Tað segði japanski for- sætisráðharrin, Junichiro Koizumi, í gjár. Koizumi hitti fyrr í vikuni norður- koreanska leiðaran, Kim Jung-il. Sambært forsætisráð- harranum er Norðurkorea sinnað at lata menn hjá altjóða kjarnorkustovnin- um IAEA kanna landsins kjarnorkuútbúnað og tær verkætlanir, sum mynd- ugleikarnir hava. Summi vilja vera við, at Norður- korea roynir at fáa sær kjarnorkuvápn, men hes- um hava norðurkoreanar víst aftur. Spanskir fiskimenn, sum royna við tætt við frí- tíðaroynna Mallorca, siga, at har er nógvur hávur at síggja. Ein av fiskimonnun- um, Rafael Mas, sigur, at hávurin heldur serliga til norðan fyri oynna, og teir hava ongantíð sæð so nógvan háv har fyrr. Bara ta seinastu vikuna hava fiskimenninir fingið tíggju hávar. Hávarnir eru meiri enn fýra metrar til longdar og viga góð 600 pund. Fiski- frøðingarnir siga, at háv- arnir eru av einum slagi, sum er vanligt í Miðjarð- arhavinum, men at hetta hávaslagi vanliga heldur til á djúpum vatni. Háv- urin er ikki vandamikil fyri fólk, siga fiskifrøð- ingarnir. Mikudagin varð ein standmynd av tí kenda norska pólgranskaranum Fridtjof Nansen avdúkað í Moskva. Russiska sjónvarpið TVS sigur, at tað er ikki sum pólgranskari, at russ- ar hava valt at heiðra Nansen, men heldur fyri tað arbeiðið, sum hann gjørdi fyri svøltandi fólk í Ukraina og flóttafólk í Armenia. Fridtjof Nansen fekk friðarheiðursløn Nobels fyri arbeiðið, sum hann gjørdi í 1920-árunum fyri táverandi heimsfelags- skapin. Tann nýggja standmyndin er tí hósk- andi sett uttan fyri skriv- stovuna hjá Reyða Krossi í Moskva. Samstundis sum viðurskiftini millum Norðurkorea og Japan eru spent, eru viðurskiftini millum Norður- og Suðurkorea batnað munandi. Her eru suðurkoreanskir hermenn farnir undir at beina fyri minum á markinum millum londini. Eisini er avgjørt at knýta jarnbreytar- og vegasamband tvørtur um markið C M Y K 24