týsdagur 24. september 2002síða 9

16 Nr. 182 - 24. september 2002 Strandferðslan av Eystaru bryggju Við nýggju Norrønu á Eystaru bryggju í Havn, verður ikki pláss fyri Farmaleið- um hjá Strandferðsl- uni. Væntandi noyð- ast farmaleiðir at flyta niðan á Hjalla. Hetta er sera óheppið, sigur Heini á Borg, farmaflutningsleiðari hjá Strandferðsluni UMSKIPAN Orð: Heri á Rógvi Myndir: Álvur Haraldsen Komandi ár byrjar nýggja Norrøna at sigla. Hetta fer at merkjast og síggjast. Ongastaðni meira enn hjá Tórshavnar havn. Nýggja Norrøna kann taka fleiri enn áttahundrað bilar. Sostatt mugu tey klóku høvdini hjá Tórs- havnar havn til at finna útav, hvussu verður við øll- um teimum mongu bilun- um, sum skulu framvið Eystaru bryggju, áðrenn teir verða lovaðir umborð nýggjastu útgávuna av Norrønu. Millum fylgjurnar er, at bygningurin, har Farma- leiðir halda til, verður rivin niður. Tað er saman bygn- ingur, sum Farstøðin eisini húsast í, men hesin parturin av bygninginum verður verandi órørdur. Tað merkir so, at tann parturin av bygninginum, sum verður nýttur til transithøll verður mestsum óbroyttur og fer at verða nýttur stórt sæð sum nú. 1300 m2 Økið, sum Farmaleiðir hava á Eystaru bryggju, er 1.300 fermetrar til støddar. Heini á Borg, farmaflutningsleið- ari hjá Strandferðsluni, kallar ætlaða stigið fyri sera óheppið fyri teir. Strandferðslan og Farma- leiðir hava virkað á Eystaru bryggju í nógv ár, men nú sær tað altso út til, at tann tíðin er farin. Strandferðslan er upp- søgd til hálvan desember, tá teir skulu vera úti úr bygn- inginum. Farmaleiðir, ið nýta teir 1.300 fermetrar- nar, er partur av Strand- ferðsluni, men hevur ser- skildan roknskap fyri seg. Farmaleiðir taka sær av flutningi innanoyggja hjá Starndferðsluni. Sambært Heina á Borg so javnvigar roknskapurin hjá felagnum í løtuni, og teir eru ikki í beinleiðis kapping við nakran. Heini á Borg sigur, at teir hava gjørt íløgur fyri einar tvær milliónir í bygningin hjá Farmaleiðum. Leigu- málið við Tórshavnar havn er tó fyri fleiri ár fram. Heini á Borg roknar í hes- um sambandi við, at teir fáa eitt ávíst endurgjald útgold- ið frá Tórshavnar havn. Á Hjalla Í staðin fyri hølini við Far- støðini hevur Strandferðsl- an fingið innivist í gamla pakkhúsinum hjá Eimskip. Talan er tó um eitt munandi minni øki. 460 fermetrar verða tøkir hjá Farmaleið- um at nýta, men hetta verð- ur bert í eitt avmarkað tíð- arskeið. —Vit hava fingið at vita, at vit kunnu bert nýta tey hølini til endan av 2003, og eftir hetta hava vit onga- staðni at vera á Eystaru bryggju. Eisini noyðast vit at gera íløgur í hesi høli, og vit hava ongar pengar sett av til endamálið, sigur Heini á Borg. Hin partin av bygningi- num skal Smyril Line nýta. Eftir 2003 er mest sannlíkt, sambært havnafútanum, at Smyril fer at nýta allan tann bygningin, t.e. eisini tann partin, ið Farmaleiðir hava fingið ávíst sum er. Eftir 2003 er tað væl hugsandi, at Farmaleiðir fara at halda til á Sandvík- arhjalla í Havn. Økið verð- ur sum nú nýtt til ídnaðar- økið, og Tórshavnar býráð hevur samtykt at gera fleiri og umfatandi útstykkingar til ídnaðin. —Tað ber til hjá okkum at broyta mynstrið, soleiðis at vit kunnu halda til á Hjalla, sigur Heini á Borg. Hann vísir á, at teir flestu eindirnar hjá teimum eru mobilar, soleiðis at tað kann ber til at virka á Hjalla, men hann vildi nú heldur hildið til á Eystaru bryggju. Sjálvur heldur hann eisini ikki, at allar súðir eru syftar enn. —Vit mugu royna at tingast við myndugleikar- nar, sigur Heini á Borg. Umskipast Jónsvein Lamhauge, havn- arfúti hjá Tórshavnar havn, sigur, at alt hetta við at ríva bygningin niður og flyta Strandferðsluna er partur av einari umskipanarætlan, sum skal setast í verk fyri betri at kunna hýsa øllum – eisini nýggju Norrønu og nýggja Smyrli. —Vit høvdu sera fegin viljað hýst teimum, um vit høvdu plássið, sigur Jón- svein Lamhauge, tá spurt verður, um viðferðin móti Strandferðsluni og Farma- leiðum kann tykjast órætt- vís. —Vit verða noyddir at raðfesta, og vit meta, at Farmaleiðir kunnu klára seg við at halda til aðra- staðni, sigur Jónsvein Lam- hauge. Málið hevur, sambært Jónsveini, verið fyri í havn- anevndini hjá Tórshavnar býráð, og har er semja um at fremja ætlaðu umskipan- inar. Eftir ætlan verður alt øk- ið vestanfyri verandi pakk- hús hjá Eimskip og Skipa- felagnum bert nýtt til ferða- fólk í framtíðini. Tað var í 1991, at bygn- ingurin, sum nú hýsir Farmaleiðum og Farstøðini, byrjaði at hýsa sínum nú- verandi endamálið. Sum sagt verður ein stórur part- ur rivin niður fyri at skapa meira pláss. Í framtíðini koma bussarnir og fólk, ið skulu setast av við farstøð- ina, at steðga eystanfyri bygningin – heldur enn vestanfyri sum nú. Hetta ger, at munandi meira pláss verður fyri bilum til skip- ini. 250 pláss verða eftir ætlan á bryggjuni til bilar. Hetta eru eini hundrað fleiri enn í dag, men fram- vegis eini sekshundrað færri enn Norrøna kann taka umborð. Á myndunum á síðuni sæst, hvussu ætl- aða umskipan verða framd í verki. Í framtíðini verður eisini eitt pláss í bygninginum til farm. Talan verður um 250 fermetrar, sum Farmaleiðir fáa møguleikan at leiga, sigur Jónsvein Lamhauge. Økta plássið til bilarnar, ið skulu við skipunum, gev- ur eisini størri rúm til av- greiðslu (check-in), soleið- is at gongur skjótari, tá skipini skulu lastast við bil- um. Spurdur, um hetta nú er nóg mikið av plássi, svarar Jónsvein Lamhauge, at tað er ringt at siga, hvat er nóg mikið. Økið við Farstøðina á Eystaru bryggju, sum tað sær út í dag. Í framtíðini skal alt økið við støðini, sum sæst á myndini, nýtast til bilarøðini til nýggju Norrønu og nýggja Smyril. Soleiðis fer økið á Eystaru bryggju at síggja út í framtíðini eftir umskipanina. Leggi til merkis, at innkoyringin verður sum nú, men ferðafólk og onnur, ið skulu við ella eftir fólki í bussunum skulu parkera eystanfyri bygningin, ístaðin fyri vestanfyri sum nú. Alt økið vestanfyri verður nýtt til bilrøðirnar til Smyril og Norrønu. At ein bygningur verður rivin niður gevur eisini munandi meira pláss til avgreiðslu av bilunum, sum skulu við skipunum. Tekning: Tórshavnar havn C M Y K 16 Nr. 182 • týsdagur • 23. september 2002 • 76. árgangur • www.sosialurin.fo Lesið eisini: Skytte á veg til HB síða 24 Kurt gevst í Klaksvík Sambært KÍ for- mannin, so syrgir bæði felagið og býur- in um, at Kurt Mørk- øre – í øllum góðum við KÍ – hevur gjørt av at flyta aftur til Noregs at búgva KÍ VENJARIN Jákup Mørk og Jóannes Hansen Klaksvíkin og felagið syrgja. Hann helt sjálvur, at tað var kanska at taka í so rívan til at siga soleiðis, men tað var ikki at fara skeivur av. KÍ formaðurin, Gestur Hovgaard og KÍ harmast um, at tað nú er greitt, at Kurt Mørkøre flyt- ir aftur til Noregs at búgva. – Og øll, sum eg havi tos- að við, og sum eru áhugað í fótbólti, harmast um, at Kurt nú hevur tikið avgerð- ina at flyta. Tað er heldur ikki so undarligt, tí Kurt hevur gjørt eitt megnararb- eiði, síðani hann kom higar. Hann hevur givið spælar- unum trúgv uppá, at tað ber til, og hann hevur megnað at skrúvað eitt gott og breitt lið saman, staðfestir KÍ for- maðurin, sum samstundis ynskir Kurt Mørkøre alt tað besta í Noregi. Nær verður tað greitt, hvør skal venja KÍ komandi ár? – Vit hava bíðað eftir Kurt, og nú hevur hann tik- ið støðu. Vit eru longu farn- ir undir arbeiðið at fáa nýggjan venjara. Eg vóni, at tað arbeiðið verður liðugt um einar tvær vikur. Nýggi venjarin skal helst vera við til at fyrireika nýggja kapp- ingarárið, so tað leypur eingin tíð av. Eru tit í tíðarneyð? – Tað haldi eg ikki. Vit hava ta fatan, at fleiri eru áhugaðir í at koma henda vegin, og vit ætla at gera so skjótt av, sum tað ber til, sigur KÍ formaðurin. Torført Í síðstu viku skrivaðu vit, at Kurt skuldi gera upp við seg sjálvan, um hann fór at halda fram ella ikki. Eftir stórsigurin ímóti GÍ boðaði Kurt Mørkøre frá avgerð- ini, sum hann hevði tikið, og hon var, at hann eftir eitt ára venjaraarbeiði í barn- dómsfelagnum fer at flyta aftur til Noregs. - Tað sigur seg sjálvt, at talan var um eina torføra avgerð. Ikki minst nú tað hevur gingist so væl hjá okkum í seinastuni. Men nú er avgerðin tikin, og tá teir báðir seinastu landskapp- ingardystirnir eru farnir aftur um bak, fari eg aftur til Noregs, segði Kurt Mørkøre, tá vit mánamorg- unin hittu hann á máli. Tung hugburðs- broyting Stigatalvan sigur sína greiðu søgu um, at tað hev- ur gingist væl hjá KÍ sein- astu nógvu umførini. Eftir eina sera soltna byrjan, har liðið millum annað ikki megnaði at koma víðari úr bólkaspælinum steypa- kappingini, og har fýra teir fyrstu dystirnir í lands- kappingini bert góvu trý stig, hevur tað bara gingið ein veg. Somikið væl hevur gingist, at KÍ ikki hevur tapt á føroyskari grund síð- ani í fjórða umfarinum í landskappingini. Sum vera man, so er Kurt fegin um, at tað hevur eydnast at vent tungu gongdini, sum felagið hevur verið í seinastu árini. - Sum tú sigur, so var byrjanin alt annað enn góð, men sjálvur haldi eg, at fyrstu dystirnir vórðu brúktir til at fáa leivdirnar frá vánaligu árunum burtur. Spælararnir skuldu fáa rætta hugburðin, og tað tek- ur tíð at fáa sovorðið upp á pláss. Tað skuldi bara vera so, at tað tók nakrar dystir, áðrenn hetta varð rættað, men síðani hevur tað gingið sera væl, og tað eri eg fegin um. Men tá tit nú bara eru tvey stig frá oddasessinum, eru tað so ikki ein ella tveir dystir, sum tú nú kanst peika á og siga, at har og har mistu vit gullmerkini? - Nei, soleiðis haldi eg ikki, at tú kanst venda tí. Sjálvandi eru tað dystir, har vit iðra okkum um, at tað ikki gekk betri, men hin- vegin hava vit eisini havt hepnið við okkum onkra aðru ferð, so alt í alt hevur tað helst gingið nøkun- lunda upp, heldur venjarin. Heldur fram Sum sagt, so fer Kurt til Noregs, nú kappingin end- ar, men áðrenn vit sleppa honum heilt, verður spurn- ingurin sjálvandi settur, hvørt royndirnar í ár hjá KÍ hava givið honum mót uppá at halda fram sum venjari. - Heilt avgjørt. Nú er hetta so nýtt, so eg havi als ikki havt samband við nakran yvir í Noreg, men eg ætli mær so at vita, um eg ikki kann fáa onkran møguleika har yvir eisini, sigur Kurt Mørkøre at enda. - Sjálvur haldi eg, at fyrstu dystirnir vóru brúktir til at fáa leivdirnar frá ringu árunum burtur, sigur Kurt millum annað um kappingarárið, har KÍ í løtuni er tvey stig frá oddaliðnum 17