týsdagur 24. september 2002síða 11

Nr. 182 - 24. september 2002 21 Enn eina ferð gjørdi KÍ bonkurin um seg, tá tað stóð á ímóti GÍ, sum orduliga fór niður við nakkanum, tá teir mistu ein mann KÍ–GÍ Jóannes Hansen Tað var ein av teimum góðu fótbóltsdøgunum í Klaks- vík sunnudagin. Heima- áskoðararnir fingu fult fyri atgongugjaldið. Veðrið var fagurt, og heimaliðið vann stórsigur. Tá trúgvu KÍ viðhaldsfólkini fóru at húsum, mundu tey iðra seg um, at skráin ikki er løgd soleiðis, at teirra lið eigur ein dyst eftir ímóti HB. Men fyribils eru tað silvur- merkini, sum tað snýr seg um. Sum so mangan áður á heimavølli, so legði KÍ fyri sum eitt ódnarveður. Jóan Petur Olsen var neyðloysn í GÍ verjuni, sum kom undir stórt trýst fyrstu løtuna. Bjarte Vettelstad var enn eina ferð í KÍ álopinum. Heðin á Lakjuni gjørdi nógv um seg, og Allan Mørkøre var fremstur á miðvøllinum, har hann hevði leysan leiklut og ferðaðist úr borði og í borð. Tá KÍ legði seg á odda, átti Allan Mørkøre fríspæl- ingina inn um verjuna. Heðin á Lakjuni gjørdist leysur og sendi framvið Mortani Joensen, sum aftur hesa ferð vardi GÍ málið. Eftir leiðslumálið megn- aði KÍ ikki at varðveita trýstið. Spælið javnaðist út. Góði GÍ miðvøllurin fekk tak á. Tað varð ongantíð ófantaligt, men tað vóru nógir nærdystir, og upp- løgdu málmøguleikarnir vóru ikki so nógvir. Tá GÍ javnaði, høvdu teir góða løtu verið væl við. Innleggið kom úr vinstru, og Súni Fríði Johannesen var blankur, tá hann sendi upp undir nettakið. Klaksvíkingar svaraðu aftur undan steðginum, og umframt dygdirnar hjá KÍ, so má málið skrivast á kiks kontoina í GÍ verjuspæl- inum. Allan Mørkøre tveitta eitt av teimum heilt longu innkøstunum úr vinstru, og Hjalgrím Elttør var púra leysur, tá hann við handara stólpan fekk loyvi at heilflukta dygst innan- fyri handaru stólparótina. Breiður bonkur Meðan gøtumenn vóru noyddir at taka til neyð- loysn – Jóan Petur Olsen hevur vant millum lítið og einki í ár – tá Poul Ennigarð ikki kundi vera í mið- verjuni, so sótu fleiri væl kvalifiseraðir KÍ spælarar á beinkinum og trippaðu eftir at sleppa upp í part. Tveir teirra komu á vøllin, og báðir áttu lut í málunum, sum bóru trivaliga heima- sigurin við sær. Spælið hevði gingið javnt á, tá KÍ tíðliga í 2. hálvleiki økti um leiðsluna til 3–1. Harley Bertholdsen hevði avloyst Bjarte Vettelstad. KÍ umskipaði, soleiðis at Hjalgrím Elttør fór í álopið, og Harley kom inn á miðvøllin. Eftir diagonal- sending úr vinstru tamdi Harley í høgru bóltin fram um seg, og so fluktaði hann við vinstra beini. Bólturin tók í ein verjuspælara og sigldi í kassan. KÍ sigurin tóktist í eyg- sjón, og vánirnar styrktust uppaftur meiri, tá GÍ lið- formaðurin, Sámal Joen- sen, sá reytt. Eftir fríspark til KÍ, sum Bartal Eliasen og Heðin á Lakjuni vóru partar av, komu Allan Mørkøre og Sámal Joensen upp at tottast, og dómarin vísti gøtumanninum, sum kendi dómin heilt órímu- ligan, reyða kortið. KÍ yvirtakið øktist, tað komu tvey mál afturat, og í báðum førunum vóru ungu KÍ spælararnir partar av støðuni. Í tí fyrra førinum spældi Símun Joensen, sum hevði avloyst Jan Joensen, Heðin á Lakjuni leysan til skot, men Mortan Joensen hálvbjargaði. Bólturin støkk til Allan Mørkøre í høgru, sum legði flatt inn- fyri, og Hjalgrím Elttør var á rætta staðnum. Í seinna førinum var tað tryggi vongverjin í høgru hjá KÍ, Atli Danielsen, sum legði innfyri, og Símun Joensen stútaði av brots- sparksblettinum og niður í málhornið. Dysturin í tølum KÍ-GÍ 5-1 (2-1) 1-0: Heðin á Lakjuni 2 1-1: Súni Fríði Johannesen 24 2-1: Hjalgrím Elttør 34 3-1: Harley Bertholdsen 64 4-1: Hjalgrím Elttør 67 5-1: Símun Joensen 90 Dómari: Páll Augustinus- sen KÍ: Meinhardt Joensen – Atli Danielsen, Ove Ny- sted, Alexander Djordjevic, Rúni Elttør – Jan Joensen, Allan Mørkøre, Allan Joensen, Hjalgrím Elttør – Bjarte Vettelstad, Heðin á Lakjuni GÍ: Mortan Joensen – Bar- tal Eliasen, Jóan Petur Olsen, Leivur Hansen – Súni Olsen, Sámal Joensen, Magni Jarnskor, Zdizlaw Janik, Bárður á Lakjuni – Súni Fríði Johannesen, Krzystof Popczynski KÍ-GÍ 5-1 (2-1): Tað er ferð í klaksvíkingum Allan Mørkøre og KÍ hava sett fulla ferð á móti silvurmerkjunum, og um vikuskiftið gjørdist tað til stórsigur á gøtumonnum 21 20 Nr. 182 - 24. september 2002 Hóast teir í ein lítlan tíma vóru undir- mannaðir, so vóru toftamenn greitt omaná ímóti gest- unum úr Vági, sum tóktust leingjast eftir kappingarendanum B68–VB Jóannes Hansen Eftir oyðimarkargongd í seks dystum upp í slag uttan sigur gjørdi B68 ein orduligan vørr á heimavølli í fyrstu royndini, eftir at venjaraskiftið hevði verið. B68 kom skjótt á odda, tá Øssur Hansen við frágera góðum høgrabeinsskoti úr sekstan metrum og eitt lítið sindur til høgru smekkaði upp í nettakið. Uppspælið byrjaði við innkasti á miðj- uni í vinstru. Vágbingar ansaðu illa, Jann Ingi Peter- sen spældi Fróða Benja- minsen, sum við góðari sending spældi Øssur Han- sen, sum kom við nógvari ferð, púra leysan. Harvið vóru lunnar lagd- ir undir heimasigurin. Vág- bingar vóru sera verju- kendir frá fyrsta bríksli. Teir vóru illa mannaðir, og teir dyrgdu eftir javnleik- inum. Hvussu dysturin hevði myndast, um royndin hjá Marek heilt tíðliga úr 24 metrum hevði farið í málið í staðin fyri at taka stólparótina, ber ikki til at siga, men fyritreytirnar at fáa stig høvdu sjálvandi verið nógv betri. VB var vandamikið í onkrum snarálopi, og B68 málverjin var onkra ferðina eyka aftasti maður. Jón Pauli Olsen hevði góða roynd úr vinstru, og Slo- bodan Madzar royndi úr spískum í høgru, men Michal Kokoszanek vardi væl fyri í hesum førunum, og tá vágbingar onkra ferðina í 2. hálvleiki komu ígjøgnum. VB tók ikki av Stóri maðurin á heima- liðnum var veteranurin og fyrrverandi landsliðsmað- urin, Øssur Hansen. Hesa ferð var hann á miðvøll- inum saman við Fróða Benjaminsen og Jann Inga Petersen. Tað bar tyngd við sær í uppspæli, og Øssur var meiri málsøkin, enn hann hevur verið fyrr í ár, tá hann hevur verið á vinstra veingi. Álops- hóttanin gjørdist ikki minni av, at Predrag Zivkovic í miðverjuni hjá VB var meiri enn hálvskaddur, og harvið var uppgávan hjá Jacobsen tvíburðunum eyka stór. VB fekk møguleikan at koma afturíaftur, tá B68 fimm minuttir undan steðg- inum misti Fríðin Ziskason, sum sá gult fyri aðru ferð. Men tað kiksaði fullkomu- liga hjá vágbingunum, sum eftir steðgin vóru sera lítið mobilir, gjørdu eina rúgvu av mistøkum og spiltu seg burtur, tá teir fýra ferðir vóru í góðum støðum at gera mál. Manningin, tunni bonkurin og avrikið í síni heild bendi á, at VB hetta vikuskiftið hevði priori- terað næstbesta liðið fram- um besta liðið, og at fleiri av teimum, sum vóru á Svangaskarði, mest av øllum trongdu til vetrarfrí. Annað lag Øssur Hansen økti til 2–0 upp á brotsspark, tá seinna umfarið var seks minuttir gamalt. Fróði Benjaminsen kom við ferð í brotsteigin við bóltinum, ein verju- spælari royndi at takla, Fróði fór um koll, og dóm- arin metti, at talan var um brotsspark. Tað vóru vág- bingar als ikki samdir við honum í. Tá Øssur seks minuttir seinni økti til 3–0, var VB verjan fullkomuliga burtur. Fróði Benjaminsen vann bóltin á miðjuni, og Jann Ingi Petersen sendi púra leysa Øssur Hansen avstað. John Heri Dam staðfesti størsta B68 sigurin í ár. Eftir innlegg úr høgru frá Marlon Jorge drønstútaði hann úr tíggju metrum dygst inn við handara stólpanum. – Vit sýndu nógv betri hugburð, enn vit hava gjørt nógvu tær seinastu ferð- irnar. Avrikið vísti, at broyt- ingarnar, sum vit høvdu gjørt í spælskipan, mann- ing og liðsamanseting riggaðu væl, og vit fluttu liðið nógv skjótari fram á vøllin, enn vit hava gjørt fyrr í ár, tá talan altíð hevur verið um nógvar verju- kendar bindingar, staðfesti dagsins maður Øssur Han- sen, sum gjørdi hattrikk, eftir dystarenda. Hvussu taklaðu tit støð- una, tá tit høvdu mist ein mann? – Síðstu fimm minutt- irnar undan steðginum lótu vit sum einki. Í steðginum gjørdu vit av at flyta Jann Inga, Fróða og meg nærri saman, men annars hildu vit fram, sum vit høvdu gjørt, burtursæð frá at John Heri Dam kom inn í vinstru. Og hvussu verður tær næstu ferðirnar? – Eftir at vit hava mist so nógv, mugu vit arbeiða fyri at fáa sum frægast burturúr. NSÍ í Runavík verður torfør avbjóðing, men vit gleða okkum, sigur Øssur Han- sen. Dysturin í tølum B68-VB 4-0 (1-0) 1-0: Øssur Hansen 13 2-0: Øssur Hansen br. 51 3-0: Øssur Hansen 57 4-0: John Heri Dam 67 Dómari: Birgir Sondum B68: Michal Kokoszanek – Hans Fróði Hansen, Oleif Joensen, Messias Perreira – Marlon Jorge, Jann Ingi Petersen, Fríðin Ziskason, Fróði Benjaminsen, Øssur Hansen – Anders Nygaard, Øssur Jacobsen VB: Bjarni Johansen – Slobodan Madzar, Eyðun Jacobsen, Predrag Zivko- vic, Magni Jacobsen – Mortan úr Hørg, Dan Djurhuus, Palli Augustin- ussen, Marek Vierzbicki, Nenad Zivanovic – Jón Pauli Olsen Vágamenn fingu lætt spæl í seinasta heimadystinum, og Sumba skal taka sær um reiggj, um hóttandi niður- flytingin ikki skal gerast veruleiki 2. DEILD Jákup Mørk Tað var spæl til eitt mál, tá FS Vágar um viku- skiftið leikti seinasta heimadystinum á árin- um. Uppflytingina hava teir sum kunnugt langt síðani rokkið, og móti illa sperdu sumbingun- um staðfestu teir enn einaferð, at teir hava so nógv tað besta liðið í 2. deild. Skal takast saman um dystin í stuttum, so var talan um einvegis ferðslu úr enda í annan. Kanska skaptu vága- menninir ikki so øgiliga nógvar upplagdar møgu- leikar, men teir trýstu alla tíðina og lógu alla tíðina framvið, og fimm ferðir eydnaðist teimum eisini at finna vegin fram til meskarnar í sumbiar-málinum. Í endanum vóru sumbingar bert hend- inga gestir, og at teir valla høvdu nakran veruligan málmøguleika í samfullar 90 sigur eisini nakað um, hvussu einstáttað framførslan í Vágunum var. Sum nevnt, so var talan kanska ikki um teir heilt nógvu opnu mál- møguleikarnar, men hin- vegin var hóttanin har alla tíðina, og eftir at hava trýst eina løtu, fekk heimaliðið hol á. Talan var um fríspark úr høgru, sum Jens Erik Rasmussen sendi inn- fyri, og við nærmaru stong fekk Bjarni Prior sett høvdið á. Nakað seinni var aftur galið í sumbiar-verjuni við deyðbóltsstøðu. Hornaspark varð sent høgt innyvir málið, og við aftaru stogn stóð Sjúður Ellefsen púra leysur, og hann var ískaldur, tá hann fyrst tamdi við bringuni, áðrenn hann smekkaði upp undir nettakið. Við tvey-mála leiðsl- uni í rygginum, var dysturin í roynd og veru avgjørdur, og tað, sum eftir var, ráddi um at hjá vágamonnunum at fáa krónutalið fyri mál- partabrøvini so høgt sum gjørligt. Tað gjørdist talan um trý mál afturat. Fyrst var tað Ruslan Screlea sum stóð púra leysur, eftir at Vilva og Jack Johansen høvdu leikt seg ígjøg- num. Nakað seinni end- aði ein langur bóltur inn um verjuna við, at Jack Johansen gjørdist leysur við málverjanum, og at enda var tað Kim Poul- sen, sum átti seinasta fótin eftir hornaspark og klumpspæl. Stendur nógv á Soleiðis er alt nú klárt hjá vágamonnum, áðr- enn teir í seinasta um- farinum fara til Fugla- fjarðar eftir heiðurs- krónum og steypi, men hinvegin stendur heilt nógv á hjá sumbingum. Komandi vikuskifti skulu teir spæla móti NSÍ, og tann dysturin verður í øllum førum avgerandi fyri, hvat lið skal spæla um upp- og niðurflyting móti tvey’aranum í triðju deild, og um illa vil til, kann taparin av dyst- inum enda niðast í deild- ini. Dysturin í tølum FS Vágar-Sumba 5-0 (2-0) 1-0: Bjarni Prior 2-0: Sjúrður Ellefsen 3-0: Ruslan Screlea 4-0: Sonni Johansen 5-0: Kim Poulsen FS Vágar-Sumba 5-0 (2-0): Eingin mótstøða B68-VB 4-0 (1-0): B68 í nýggjari útgávu vann stórt Øssur Hansen gjørdi reint hat-trick, tá B68 – við 10 monnum stóran part av dystinum – vann stórsigur á VB C M Y K 20